Morgunblaðið - 30.04.1998, Blaðsíða 55

MORGUNBLAÐIÐ
FIMMTUDAGUR 30. APRÍL 1998 55
FRÉTTIR
Áhersla á
að verja
ósýkt svæði
„HALDIÐ verði óbreyttri stefnu
með áherslu á að verja ósýkt
svæði fram til sumars þegar
heilsa og ástand hrossa er hvað
best og mótstaða gegn sjúkdóm-
um þá mest. Varnarlínum verði
aflétt á tímabilinu 15. júní til 1.
júlí. Engar hömlur verði á starf-
semi ferðaþjónustu á hestum inn-
an varnarsvæða meðan reglna um
sóttvarnir er gætt. Útflutningur
af ósýktum svæðum verði leyfður
og í fullu samráði við erlend heil-
brigðisyfirvöld á meðan varnarlín-
um er haldið uppi. Sérstök
áhersla verði lögð á að bera þenn-
an sjúkdóm saman við þá sjúk-
dóma sem útflutt hross fá fljót-
lega eftir að þau koma í ný heim-
kynni,“ segir í fréttatilkynningu
frá hrossaræktarsamtökum Ey-
firðinga og Þingeyinga til aðgerða
vegna óþekkts sjúkdóms í hross-
um í byrjun árs 1998.
Jafnframt segir:
„Fundurinn leggur áherslu á að
samstaða náist með sem flestum
um þær ákvarðanir sem teknar
verða. Að þær taki tillit til hags-
muna sem flestra og séu í anda
þeirra laga sem yfírdýralæknis-
embættið starfar eftir.
Ekki er hægt að búa við skipt-
ingu landsins í varnarsvæði nema
í takmarkaðan tíma. Því beri að
afnema varnarlínur með tilliti til
dýraverndunarsjónarmiða, þeirr-
ar reynslu sem þegar hefur feng-
ist af afleiðingum sjúkdómsins og
vegna viðskiptahagsmuna.
Nú er komið í ljós að hrossafárið
leggst þyngra á hross sem búa við
lakari fóðrun eða njóta eingöngu
beitar og einnig virðast þau hross
sem tóku veikina í blíðviðri síðustu
vikna hafa komist léttar frá henni
en þau sem veiktust í kuldakastinu
sem gekk þar á undan.
Þó að varnarlínur hafi haldið
fremur illa til þessa á Suður- og
Vesturlandi er í allt of mörgum
tilvikum hægt að kenna um óvar-
kárni með eðlilegum smitleiðum
en ekki fugli eða vindinum. Því er
ekki öll von úti um að fárið lognist
út af á einum til tveimur mánuð-
um og stór hluti landsins sleppi.
Leggja ber áherslu á að minnka
efnahagslegan skaða sem allra
mest og engin ástæða er til að
hamla starfsemi ferðaþjónustunn-
ar nú í vor enda er hún staðbundin
við hesthús á vorin.
A sama hátt er alveg nauðsyn-
legt að láta reyna á útflutning af
ósýktum svæðum í samræmi við
reglur t.d. ESB á meðan við höld-
um uppi vörnum. Ef orsök sjúk-
dómsins verður enn ófundin þeg-
ar varnarlínum verður aflétt eru
líkur til þess að erfitt verði að fá
samþykkt erlendra heilbrigðisyf-
ii'valda til útflutnings og verst af
1. maí-kaffi
í Garðabæ
BÆJARBÚUM er boðið í 1. maí-
kaffi í kosningamiðstöð Garða-
bæjarlistans á hátíðisdegi verka-
lýðsins frá kl. 16-18 í Hagkaups-
húsinu, Garðatorgi.
Þar mun Sigurður Björgvins-
son, efsti maður á J-lista, flytja
ávarp og einnig verða tónlistarat-
riði.
Kosningamiðstöð Garðabæjar-
listans í Hagkaupshúsinu er opin
frá kl. 17-20 virka daga.
Opinn fundur á vegum utanríkisráðuneytisins
^E^álNl^AURENlfagnar 40 ára glæsilegum starfsferli í ár.
Af því tilefni hefur hann hannað nýjan ilm og nýja liti í sérstökum
afmælispakkningum sem hann kallar „In Love Again"
Við höldum upp á afmælið í dag fimmtudag og laugardaginn 2. maí
með kynningu á þessum frábæru nýjungum.
Vertu velkomin
}ýE^\INl^URENT
<Sngrtivönœaslunm
SANDRA
Smáratorgi 1
R
öllu er að fá á okkur innflutnings-
bann frá ESB eða BNA. Þarna
reynir mjög á frumkvæði og styrk
embættis yfirdýralæknis.
Það er greinilega mikil brota-
löm að ekki skuli vera búið að
rannsaka nákvæmlega hvaða
sjúkdóma hross taka þegar þau
eru flutt út og hvað veldur þeim
sjúkdómum. Niðurstaða slíkra
rannsókna gæti verið lausnin á
orsökum þessa hrossafárs.
Stöðugar ábendingar frá fyrsta
degi virðast lítið hafa skilað sér
og eftirlit með síðasta útflutningi
frá 22. feb. sl. væri skref í áttina.
Sérstök athygli er vakin á
dugnaði fjölmiðla við að elta uppi
álit einstaklinga sem einungis
hafa lýst persónulegum skoðunum
sínum en ekki áliti félagasamtaka
eða stjórna, t.d. framkvæmda-
stjórnar landsmóts hestamanna
eða samtaka hrossaræktenda á
Norður- og Austurlandi. Þá hefur
áróður þeirra, sem fengið hafa yf-
ir sig sóttina, dunið á landsmönn-
um í tíma og ótíma. Þessi samkór
eymdarinnar hefur þau ráð ein að
breiða sóttina út á sem skemmst-
um tíma. Fregnir fjölmiðla um að
hrossaræktendur og hestamenn
séu í uppreisnarhug gagnvart
ákvörðunum löglegra yfírvalda
eru stórlega ýktar og borgaraleg
skylda allra sem verða vitni að
lögbrotum er sú að kæra slíka
háttsemi til lögreglu. Skorað er á
fjölmiðla að hætta þessari
æsifréttamennsku og gefa þeim
sjónarmiðum rúm sem leggja
áherslu á ábyrgð og skynsemi.
Hrossaræktendur í Eyjafirði og
Þingeyjarsýslum telja sig eiga
skoðanabræður í öllum samtökum
hrossaræktenda frá Holtavörðu-
heiði austur og suður um landið
að Skeiðarársandi. Er ekki verð-
ugt verkefni ábyrgra fjölmiðla að
kanna hvort það er rétt ályktun?"
FULLTRÚAR gefenda og Samvinnuháskólans: Geir Magnússon forstjóri Olíufélagsins, Jónas Guðmundsson
rektor, Krislján J. Eysteinsson formaður Skólanefndar, Ólafur B. Thors forstjóri Sjóvár-Almennra, Ásgeir
Jóhannesson og Lilja Ólafsdóttir f Fjárhagsráði Samvinnuháskólans, Sigfús Sumarliðason sparisjóðssljóri
Sparisjóðs Mýrasýslu og Magnús Haraldsson stjórnarformaður Kaupfélags Suðurnesja. Á myndina vantar
fulltrúa Búnaðarbanka Islands og Osta- og smjörsölunnar og Haraldar Böðvarssonar. \
Samvinnu-
háskólinn á
Bifröst fær
tækjagjöf
SAMVINNUHÁSKÓLINN á
Bifröst hefur fengið tvo tölvu-
skjávarpa og nokkur aukatæki
að gjöf frá sjö fyrirtækjum.
Forráðamenn fyrirtækjanna
afhentu tækin við athöfn fyrir
skömmu. Þessi nýju tæki koma
að góðum notum við kennslu í
Samvinnuháskólanum. Þau
bæta einnig verulega ráð-
stefnuaðstöðu á Bifröst. Tækin
verða til sýnis í opnu húsi í
Samvinnuháskólanum 2. maí
n.k .
Á þessu ári eru tíu ár síðan
fyrstu nemendur á háskóla-
stigi voru teknir inn í skólann
á Bifröst. Þá eru áttatíu ár lið-
in síðan forveri Samvinnuhá-
skólans, Samvinnuskólinn í
Reykjavík, var stofnaður.
Yfirlýsing
MORGUNBLAÐINU hefur
borist eftirfarandi yfírlýsing frá
Ingimar Sigurðssyni og Guðlaugi
Birni Ásgeirssyni, fyrrum stjórn-
armönnum Félags löggiltra bif-
reiðasala:
„Á fundi Félags löggiltra bif-
reiðasala 26. febrúar 1998 var
ákveðið að leggja félagið niður í
þeirri mynd sem það hefur starf-
að sl. 4 ár og hefur verið ákveðið
að félagar í FLB gangi til sam-
starf við Bílgreinasambands ís-
lands þar sem stofnaður verður
sérgi-einahópur bílasala innan
BGS. Telur stjórn FLB hagsmun-
um neytenda betur borgið með
inngöngu félagsmanna FLB í
BGS þar sem fyrir er rekin mjög
öflug hagsmunagæsla bílgreinar-
innar.
Allir löggiltir bifreiðasalar
þurfa að hafa starfsleyfi frá við-
skiptaráðuneytinu. Til að fá það
leyfi þurfa bifreiðasalar að hafa
próf bifreiðasala, starfsábyrgðar-
tryggingu frá tryggingafélagi eða
banka, ekki vera gjaldþrota,
hreint sakavottorð og umboðs-
söluleyfí. Útgáfa og eftirlit starfs-
leyfa er nú í höndum iðnaðar- og
viðskiptaráðuneytis í samráði við
lögregluna. Þykir okkur mjög
miður að útgáfa og eftirlit með
starfsleyfum hefur brugðist hjá
hinu opinbera með þeim hætti að
bílasala var veitt starfsleyfi út á
afrit gagna en ekki frumrit. Við.
hörmum ef neytendur sem áttu
viðskipti við viðkomandi bílasala
verði fyrir fjárhagslegu tjóni og
teljum við það afar mikilvægt að
neytandinn geti treyst fullkom-
lega útgefnum starfsskýrslum
okkar við kaup eða sölu á notuð-
um bílum.
Ennfremur teljum við það afar
mikilvægt að bifreiðasalinn og
fyrirtæki hans verði nafngreint
svo áframhaldandi eðileg viðskipti
geti átt sér stað á bílasölum
landsins þar sem sá tími er að
fara í hönd að mest sala er á not-
uðum og nýjum bílum.“
Frjáls för fólks
innan EES
HALDINN verður opinn fundur
um frjálsa för fólks innan Evr-
ópska efnahagssvæðisins, EES, á
vegum utanríkisráðuneytisins, fé-
lagsmálaráðuneytisins, heilbrigð-
is- og tryggingamálaráðuneytisins
og menntamálaráðuneytisins,
fimmtudaginn 30. apríl 1998 á
Hótel Loftleiðum, þingsal 1, kl.
13.00.
Sigríður Snævarr sendiherra
setur fundinn. Frummælendur
vera sjö: Diego Mellado Pascua,
fulltrúi framkvæmdastjórnar
Evrópubandalagsins, fjallar um
forsögu ESB-reglna um frjálsa
för fólks, inntak EES-reglna um
þetta og mál sem Evrópudóm-
stóllinn hefur fjallað um þar að
lútandi; Gissur Pétursson, for-
stjóri Vinnumálastofnunar, fjallar
um skipulag vinnumála á Islandi
og EES; Gunnar E. Sigurðsson,
deildarstjóri Vinnumálastofnun-
ar, fjallar um EURES-samstarf-
ið; Hildur Sverrisdóttir, deildar-
stjóri alþjóðadeildar Trygginga-
stofnunar ríkisins, fjallar um
EES-reglur um almannatrygg-
ingar; Hörður Lárusson, deildar-
stjóri í menntamálaráðuneytinu,
fjallar um reglur innan EES um
gagnkvæma viðurkenningu próf-
skírteina og vottorða; Martin
Eyjólfsson, sendiráðsritari í utan-
ríkisþjónustunni, fjallar um
Schengen-samstarfið og Davíð
Þór Björgvinsson, prófessor við
lagadeild Háskóla íslands, fjallar
um upptöku EES-reglna um
frjálsa för launþega í íslenska
löggjöf.
Þá verða pallborðsumræður,
sem Björn Friðfinnsson, ráðu-
neytisstjóri og ráðgjafi ríkis-
stjórnarinnar í EES-málum,
stjórnar.
í lokin gerir María Erla Mar-
elsdóttir, sendiráðsritari í utan-
ríkisþjónustunni, grein fyrir
helstu niðurstöðum fundarins.
Fundarstjóri verður Ólafur Sig-
urðssön, sendiráðunautur í utan-
ríkisþjónustunni.
Fundurinn er öllum opinn og
aðgangur ókeypis.