Morgunblaðið - 30.04.1998, Blaðsíða 13

MORGUNBLAÐIÐ
FIMMTUDAGUR 30. APRÍL 1998 13
FRETTIR
Fuglaverndarfélag Islands
motmælir miðlunarloni
Brot á reglum
um friðlýsingu
Þjórsárvera
AÐALFUNDUR Fuglavemdarfé-
lags íslands, sem haldinn var í Nor-
í’æna húsinu nýlega, mótmælir harð-
lega áformum Landsvirkjunar um
gerð 62 ferkílómetra miðlunarlóns í
friðlandinu í Þjórsárverum, enda
muni slíkt lón valda óbætanlegum
spjöllum á þessu einstæða og heims-
þekkta friðlandi, að því er segir í
ályktun fundarins. Þá telur félagið
að myndun Norðlingaöldulóns sé
brot á reglum um friðlýsingu Þjórs-
árvera og brot á Ramsar-sáttmálan-
um. Fundurinn ítrekar ennfremur
ályktanir aðalfundar frá 1995 um há-
lendisvirkjanir.
Jafnframt vekur fundurinn athygli
á því að Landsvirkjun hyggst reisa
140 MW virkjun við Vatnsfell, en
forsenda svo stórrar virkjunar þar
er einmitt fyrmefnt miðlunarlón,
svonefnd Norðlingaöldumiðlun.
Fuglavemdarfélagið mótmælir
virkjun við Vatnsfell, sem gerir ráð
fyrir að sökkva hluta Þjórsárvera.
Þó er bent á að Vatnsfellsvirkjun án
Norðlingaöldumiðlunar sé með þeim
vistvænni sem kostur sé á hér á
landi og því geri félagið ekki athuga-
semdir við allt að 100 MW virkjun
þar, að uppfylltum ákveðnum skil-
yrðum sem félagið hefur þegar gert
Skipulagsstofnun og Landsvirkjun
grein fyrir.
Norðlingaöldulón yrði þriðja
stærsta stöðuvatn landsins
í greinargerð með ályktuninni
segir: „Þjórsárver eru friðlýst og á
skrá Ramsar-sáttmálans um alþjóð-
lega mikilvæg votlendissvæði. Þar er
langstærsta heiðagæsabyggð í heimi
og sérstætt gróðurfar og landslag.
Það lón sem nú er á áætlun Lands-
virkjunar er að mestum hluta innan
friðlandsins. Áætluð stærð þess er
62 km2 og þar af era 17 km2 algróið
land, um 15% af varplandi heiða-
gæsanna. Auk þess verpa þarna fjöl-
margir aðrir fuglar eins og
himbrimi, hávella, sendlingur, óðins-
hani og snjótittlingur. Norðlinga-
öldulón mun algjörlega eyða Ey-
vafeni, Þúfuveri að mestu og stór-
skaða Tjamarver og Oddkelsver."
Þá er bent á að hið fyrirhugaða
Norðlingaöldulón yrði þriðja stærsta
stöðuvatn landsins. Fyi-ir utan beina
eyðileggingu af völdum lónsins yrði
rof við bakka þess og hætta á áfoki
úr lónstæðinu snemma vors og á
haustin. Einnig myndu breytingar á
grannvatnsstöðu skapa mikla hættu
í þeim hlutum veranna sem eftir
yrðu, sífrerinn gæti horfíð vegna
varmamiðlunareiginleika vatnsins og
aukins grunnvatnsþrýstings. Því
gæti verið hætta á að verin hreinlega
blási upp. Ennfremur er vakin at-
hygli á því að nú þegar hafi talsvert
verið gengið á verin og friðlandið
austan Þjórsár með Kvíslaveitum en
við gerð Kvíslaveitna og tilurð
Kvíslavatns og Dratthalavatns hafi
verið tekið fyrir um 20% af rennsli
Þjórsár um verin og rúmir 7 km2 al-
gróins lands settir undir vatn.
Fuglavemdarfélagið beinir því að
endingu til Náttúravemdar ríkisins
að snúa vörn í sókn og kanna hvort
mögulegt sé að stækka núverandi
friðland, t.d. með því að friðlýsa Ey-
vafen, Kjálkaver og Gljúfurleit,
hrikaleg gljúfur Þjórsár sunnan
Þjórsárvera. Þá er áréttuð sú skoðun
Fuglaverndarfélagsins að myndun
Norðlingaöldulóns sé brot á friðlýs-
ingu Þjórsárvera, brot á Ramsar-
sáttmálanum og því algerlega óvið-
unandi.
Málþing Samtaka um þjóðareign
Siðblindan, Landsbankinn
og sameignir þjóðarinnar
UM 270 manns sóttu málþing sem
Samtök um þjóðareign héldu undir yf-
irskriftinni Siðblindan, Landsbankinn
og sameignir þjóðarinnar um helgina.
Frummælendur voru Jóhanna Sig-
urðardóttir alþingismaður, Illugi Jök-
ulsson rithöfundur og Bárður Hall-
dórsson, varaformaður Samtaka um
þjóðareign.
Bárður sagði í samtali við Morgun-
blaðið að um 260-270 manns hefðu
sótt málþingið en málshefjendur
hefðu bæði fjallað um Landsbanka-
málið og önnur hneykslismál sem
komið hafa upp undanfarið og einnig
um kvótann og „þjóðareignimar og
þjóðargjafimar", eins og Bárður tók
til orða.
Ársfundur Áfengis- og tóbaksverslunar ríkisins
ÁTVR skilar 2,4 millj-
örðum kr. í ríkissjóð
ÁRSFUNDUR Áfengis- og tóbaks-
verslunar rfldsins var haldinn á
þriðjudag. í skýrslu og áritun stjómar
og forstjóra á ársreikning fyrir árið
1997 kemur fram að rekstur ÁTVR
hafi gengið samkvæmt áætlun á ár-
inu. Vörusala hafi verið 3,6% umfram
áætlun og vörunotkun 1% umfram
áætlun. Hagnaður ársins nam 2.624
milljónum króna. Samkvæmt fjárlög-
um átti ÁTVR að skila rfldssjóði 2.305
m.kr. en vegna aukinna tekna af sölu
tóbaks urðu skilin 2.427 m.kr.
Heildarsala áfengis nam 5.724_m.kr.
án vsk. en tóbaks 3.957 m.kr. Áfengi
seldist í 9.457.498 lítrum, þar af var
bjórsala 7.317.164 lítrar. Heildarsala
vindlinga nam rúmum 363 milljónum
styklga og sala á vindlum var 11,6
milijónir stykkja.
Á árinu fengu 460 manns greidd
laun hjá ÁTVR. UmfangsmiMl nám-
skeið voru haldin fyrir starfsmenn og
voru þau vel sótt. Lögð var áhersla á
að auka hæfni í samskiptum við við-
skiptavini, fæmi í notkun tölva, þekk-
ingu á vörufræðum og réttum við-
brögðum til að bæta öryggi starfs-
manna og fyrirtækis.
Tvær nýjar vínbúðir opnaðar
Tvær nýjar verslanir tóku til starfa
á árinu, á Patreksfirði í apríl og við
Dalveg í Kópavogi í maí. Báðar versl-
animar kaupa þjónustu af fyrirtækj-
Þrír útsölustjórar Áfengis- og tóbaksverslunar ríkisins
Morgunblaðið/Kristinn
HÖSKULDUR Jónsson, forstjóri ÁTVR, fær aðstoð fúndarmanna á árs-
fundi ÁTVR á þriðjudag við að hafa uppi á símanúmeri sem hann vantaði.
um sem fyrir voru á staðnum. Þjón-
ustusamningur var í október gerður
við fyrirtæki á Siglufirði vegna vín-
búðarinnar þar. Sú breyting var gerð
á starfsemi Heiðrúnar, að verslunin
tók að sér smásöludreifingu tóbaks,
sem verið hafði á vegum birgðastöðv-
ar tóbaks. Fer nú öll dreifing tóbaks
til smásöluverslana um vínbúðir
ÁTVR. Ný deild sérpöntunai-þjónustu
tók til starfa í Heiðrúnu í júní og bætt-
ust á árinu um 950 sölutegundir við
vöruúrval verslunarinnar.
Verslanir ÁTVR eru 26, þar af 8 á
Reykjavíkursvæðinu. ÁTVR rekur nú
11 verslanir skv. samningi við önnur
fyrirtæki.
Rúm tvöföldun á risnu
og ferðakostnaði
I skýringum með ársreikningi
kemur fram að símakostnaður
hækkaði milli áranna 1996 úr tæp-
lega 5,5 m.kr. í rúmar 7,5 m.kr.
Ferðakostnaður hækkaði úr 1.350
þús. í rúmar 3 milljónir króna.
Kostnaður við rekstur tölvukerfa fór
úr 11,1 m.kr. í 25,2 m.kr. Risna og
gjafir hækkuðu úr 2 milljónum króna
í tæplega 4,6 m.kr.
Stjórn ÁTVR tekur pólitískar
ákvarðanir í áfengismálum
ÞRlR útsölustjórar ÁTVR sendu í
fyrradag frá sér ályktun þar sem þeir
segja að stjóm fyrirtækisins hafi tek-
ið pólitískar ákvarðanir í áfengis- og
tóbaksmálum. Vísað er til þess að
með ársreikningi ÁTVR íyrii- síðasta
ár fylgi formáli stjómar fyiirtækisins
þar sem stjórnin lýsi vonbrigðum
með að ekki hafi verið stigið það ski-ef
að afnema einkarétt ÁTVR á inn-
flutningi á tóbaki.
„Yfirlýsing þessi er, í ljósi góðrar
afkomu þessa þáttar í starfi fyrir-
tækisins, furðuleg en er þó í sam-
ræmi við fyrri yfirlýsingar stjómar-
innar,“ segir í bréfinu. Stjórnin hafi
frá upphafi lýst því yfir að hún
stefndi að því að afnema einkarétt
ÁTVR á innflutningi á áfengi og tó-
baki. „Það er rétt að rifja upp í
þessu sambandi að helstu rökin fyrir
skipan stjórnarinnar voru þau að
stjórnin ætti að styrkja faglega
stjórnun fyrirtækisins og gera
stjórn þess, þ.e. fyrirtækisins, fjar-
læga hinu pólitíska valdi,“ segir enn-
fremur.
Síðan segir að stjórnin hafi ekki
starfað í samræmi við yfirlýstan til-
gang heldur hafi hún tekið pólitískar
ákvarðanir í áfengis- og tóbaksmál-
um. „Nú viljum við benda eigendum
þessa fyrirtækis, þ.e. íslenskum
skattgreiðendum, á vinnubrögð
stjórnarinnar sem virðist ekki að
þessu leyti gæta hagsmuna fyrir-
tækisins," segir í bréfinu sem er
undirritað af Þorgeiri Baldurssyni,
útsölustjóra í Holtagörðum, Ottó
Hreinssyni, útsölustjóra Heiðrúnar,
og Eyjólfi Eysteinssyni, útsölu-
stjóra í Keflavík.
Eyjólfur sagði í samtali við Morg-
unblaðið í gær að yfirlýsingin væri
m.a. send í framhaldi af nýlegri álykt-
un trúnaðarmanna starfsfólks ÁTVR
um að mótmæla ákvörðun fjármála-
ráðherra um að setja reglugerð sem
banni ÁTVR innflutning á áfengi til
sölu í verslununum og vmveitinga-
stöðum. Einnig kæmi hún í framhaldi
af fundi fulltrúa útsölustjóra með
stjóm ÁTVR í nóvember á síðasta
ári. Þar hefðu útsölustjórar mótmælt
áformum og yfirlýsingum stjómar-
manna um breytingar á málefnum
fyrirtækisins enda teldu starfsmenn
að það væri Alþingis að marka stefii-
una í áfengis- og tóbaksmálum þjóð-
arinnar en ekki stjómar ÁTVR.
SPLENDISSIMA
Skin Revolution - Bylting til húðarinnnar frá MARBERT
Við 25 ára aldur hægir verulega á starfsemi collagen í húðinni, en við
það missir hún teygjanleikann og húðin verður slöpp.
En MARBERT hefur nú komið með byltingu í þessum efnum með
nýju meðferðarprógrammi Skin Revolution - Ambúlum,
kremi og Lifting Baimi.
Ambúlurnar notast sem meðferð, annan hvem mánuð. Þessi
kraftmikla meðferð fær húðina til að blómstra á aðeins 14 dögum.
24 tíma Skin Revolution Cream inniheldur ASC III, MAP Complex
og antiaging effect. Árangur í baráttunni við ótímabærar línur og
slappleika húðarinnar er sjáanlegur á örskömmum tíma.
Með daglegri notkun á Skin Revolution Cream verður húðin
stinnari, iínur hverfa og húðin
endurheimtir æskuljómann á ný.
24 tíma Lifting Balm inniheldur
ASC III. MAP Comples og
Glycine Soya sem er
sérstaklega öflugt Lifting
effect. Með daglegri
meðferð á notkun á Skin
Revolution Lifting Balm
verður húðín fallegri strax,
árangur sem endist dag eftir dag.
Velkomin á kynningu í dag, fimmtudag.
10% kynningarafsláttur.
GaUeryj
Hafnargötu 25, sími 421 1442, Keflavík