Morgunblaðið - 07.08.1998, Blaðsíða 22

22 FÖSTUDAGUR 7. ÁGÚST 1998
MORGUNBLAÐIÐ
LISTIR
Óður til
fjörunnar
SÝNING á nýjum höggmyndum
Kristínar Guðjónsdóttur mynd-
listarmanns verður opnuð í Gerð-
arsafni í Kópavogi á morgun,
laugardaginn 8. ágúst. Yfirskrift
hennar er Frá steinum til steina
(íslenskir steinar í nýju ljósi) og
eru verkin unnin úr íslensku
fjörugrjóti og ryðfríu stáli. Petta
er önnur einkasýning Kristínar
hér á landi, sú fyrri var
haldin í Stöðlakoti fyrir
tveimur árum, en hún
hefur verið búsett í
Bandaríkjunum sl. 7 ár
þaðan sem hún lauk
prófi frá glerlistadeild
og skúlptúrdeild Cali-
fornia College of Arts
and Crafts árið 1995.
„Ætli það sé ekki
heimþráin sem brýst út
í formum verka minna
sem ég sæki í fjörur Is-
lands,“ segir Kristín.
Kuðungur, bátalag og
sorfnir fjörusteinar,
sporöskjur og hring-
form, - sömu formin
koma endurtekið fyrir
og einfaldleikinn er alls-
ráðandi. Titlarnir binda
verkin enn nánar við ís-
lensku sjávarsíðuna.
Nöfn eins og Steinnaðra,
Steinnökkvi og Kjölur. „Ég hef
lengi haldið mig við sömu formin
vegna þess að ég er þeirrar skoð-
unar að þau búi hvert um sig yfir
óendanlegum möguleikum sem ég
vil halda áfram að rannsaka," seg-
ir Kristín. Og töfrar formanna eru
slíkir að þungir steinar virðast
stundum svífa eins og fis.
í námi lærði hún að meðhöndla
ýmis efni eins og gler, leir og
málm, en Kristín segist alls ekki
líta á sig sem glerlistamann eða
leirlistamann. Pvert á móti hafi
hún kosið að hagnýta sér aðferðir
ýmissa list- og listiðnaðargreina í
nálgun sinni við skúlptúrinn.
„Með því að grípa til fjörugrjóts-
ins nú í stað glersins sem ég hef
lengi verið að vinna með hef ég
sýnt og sannað fyrir sjálfri mér að
ég get hagnýtt mér öll hugsanleg
efni sem umhverfið býður mér
upp á til listsköpunar hveiju
sinni,“ segir Kristín. „Og þó að ég
hafi nú kosið að nota íslenska
fjörugrótið og málminn þá er ekki
þar með sagt að ég hafi snúið baki
við glerinu.“ Þannig segir Kristín
hugmyndina að nýju steinverkun-
um sínum hafa kviknað þegar hún
heimsótti Sjóminjasafnið í Hafn-
arfirði og rakst þar á gamla akk-
erissteina. „Ég byggi verk mín í
raun á landinu mínu, menningu
þess og fortíð.“
Kristín hefur haldið sýningar í
Morgunblaðið/Ásdís
MYNDLISTARMAÐURINN Kristín Guð-
jónsddttir og skúlptúr úr íslenskum
fjörusteinum.
Kalifomíu, Idaho og Washington-
fylki og hlotið margvislegar viður-
kenningar og styrid Hún hefur
haldið áfram að bæta við sig tækni-
þekkingu að námi loknu og dvaldi
t.d. sem gistilistamaður við
Pilchuck-glerlistaskólann og við
málmsmíðadeild Kohler-verk-
smiðjunnar í Wisconsin. Á næsta
ári verður Kristín vera hálft ár við
endurvinnslustöðina NORCAL í
San Francisco þar sem hún hyggst
einbeita sér að notkun endurunn-
ins efnis við gerð verka sinna. Seg-
ist hún lengi hafa notað endurunn-
ið gler og jafnvel málm í verk sín
og það er greinilegt að slík nálgun
heillar hana. „Það sem ég er m.a.
að sækjast eftir er að sýna hráleika
efnisins í samhengi við fínleika for-
manna og kalla þannig íram sterk-
ar andstöður og spennu innan
verksins."
Sýningu Kristínar verður einnig
hægt að skoða á vefnum og net-
fangið er: www.art.net/istina. Sýn-
ingin í Gerðarsafni stendur yfir til
30. ágúst.
Listin og veruleikinn
MALVERKASYNING fimm Usta-
manna frá Slésvík-Holtsetalandi
verður opnuð í Hafnarborg, menn-
ingar- og listastofnun Hafnarfjarð-
ar, á morgun, laugardaginn 8.
ágúst, kl. 14. Á síðasta ári ferðaðist
öldungaráð landsþings Slésvíkur-
Holtsetalands hingað til íslands og í
sýningarskrá segir forseti lands-
þingsins, Heinz-Wemer Arens, að
sýningin nú sé eins og þakklætis-
vottur þeirra fyrir ánægjulega
heimsókn en Heinz-Wemer verður
viðstaddur opnunina.
Listamennirnir fimm, þau Ilse
Ament, Brigitta Borchert, Mich-
ael Arp, Johannes Duwe og Peter
Nagel eru öll þekkt á heimaslóð-
um sínum og hafa hlotið margs
konar viðurkenningar fyrir list
sína. Sýningarstjóri er Pétrún
Pétursdóttir.
„Verk þeirra listamanna sem
valdir hafa verið til sýningarinnar
tengjast öll þýska raunsæismál-
verkinu,“ segir Pétrún. „Þetta eru
hlutbundin málverk sem beina
jafnvel sjónum okkar að því sjálf-
sagða í umhverfinu og opna okkur
nýja sýn á veruleikann."
Um verk sín segir Ilse Ament í
sýningarskrá að viðfangsefni henn-
ar, sem er að mála vinnustofur
ásamt verkum annarra listamanna,
gefi henni möguleika á að sameina
hlutbundna og abstrakt málaralist.
„...ég mála það sem ég sjálf á ekki
en myndi gjaman vilja eiga.“
Michael Arp málar myndir af
ákaflega venjubundnum og hvers-
dagslegum mófífum, hlutum sem
við höfum vanist svo mjög að sjá
TINA með keilu eftir Peter Nagel. Eggtempera á striga, 98x94 cm, 1992.
að þeir renna nánast saman við
umhverfið. „Með viðbótum og úr-
fellingum breyti ég hlutum og um-
skapa þá í uppfundin, tilbúin
myndrými, þannig að þeir öðlast
nýja merkingu í stað hinnar upp-
runalegu," er haft eftir Michael.
Brigitta Borchert segist hafa
vanist því að synda á móti
straumnum allt frá námsárum sín-
Vatnslita-
myndir í
Sverrissal
MYNDLISTARKONAN Ásta
Árnadóttir opnar á morgun,
laugardaginn 8. ágúst, sýningu á
vatnslitamyndum í Sverrissal
Hafnarborgar.
Ásta hefur áður haldið nokkr-
ar einkasýningar, bæði hér
heima og erlendis. Hún er fædd
árið 1922 og stundaði nám við
Myndlista- og handíðaskóla ís-
VATNSLITAMYND frá sýn-
ingu Ástu Árnadóttur í Sverris-
sal Hafnarborgar.
lands og í „Baðstofunni" í Kefla-
vík hjá Eiríki Smith.
Sýningin er opin alla daga
nema þriðjudaga frá kl. 12-18 og
stendur til 24. ágúst.
um í Berlín á sjöunda áratugnum,
þegar tachisminn naut mikillar
hylli en hún ein sýndi viðleitni til
klassískra tæknibragða við vinnu.
„Auk vinnu minnar í náttúrunni,
innanhúss, við landslag og sér í
lagi við gerð mannamynda, hefi ég
teiknað og málað fólk aftur og aft-
ur, í vinnustofu minni, á ferð og á
sýningum, - fólk sem er á hreyf-
ingu í rými eða að skoða list og
verður þannig sjálft hluti upplif-
unarinnar í rýminu.“
Johannes Duwe segir málverkið
möguleika sinn til að tjá það sem
hann skynjar og koma því á fram-
færi við samfélagið. „Ég mála
vegna þess að ég lifi og get aðeins
lifað með því að mála.“
„Myndir mínar fjalla um fólk
okkar tíma,“ segir Peter Nagel
sem einnig fæst við gerð fígúra-
tífra mynda. „Vera má, að í þeim
birtist viss efahyggja sem undir-
stöðuviðhorf, sem lýsir spennu og
mótsögnum í lífi okkar í æpandi
litum, en gagnrýni og nautn þurfa
alls ekki að útiloka hvor aðra.“
Sýningin stendur til 24. ágúst
og er opin alla daga nema þriðju-
daga frá kl. 12-18.
Fyrstu tón-
leikarnir
Sópransöngkonan Berglind Björg-
úlfsdóttir heldur sína fyrstu tón-
leika hér á landi í Listasafni Sigur-
jóns sunnudaginn 9. ágúst kl. 17..
Undirleikari hennar er Steinunn
Bima Ragnarsdóttir píanóleikari
og munu þær flytja íslensk og
ítölsk ástarljóð og aríur. Á efnis-
skrá eru meðal annars verk eftir
Pál ísólfsson, Eyþór Stefánsson,
Leif Þórarinsson, Vivaldi, Mozart
og Puccini.
Berglind Björgúlfsdóttir hóf
söngnám hjá Snæbjörgu Snæbjam-
ardóttur í Tónlistarskóla Garðabæj-
ar. Hún lauk BA-prófi í söng frá
Mills College í Kalifomíu og sótti
síðan einkatíma hjá Blanche The-
bom í San Francisco. Hún hefur
starfað með Berkeley-óperunni og
stofnaði söngdúett ásamt Joyce Liu
og hafa þær komið fram víða á tón-
leikum í San Francisco og nágrenni.
Steinunn Birna Ragnarsdóttirr
lauk meistaragráðu frá New Eng-
land Conservatory of Music í
Boston árið 1987, undir handleiðslu
Leonards Shures. Hún hefur komið
fram á fjölmörgum tónleikum hér á
landi og erlendis og hlotið viður-
kenningar fyrir leik sinn. Steinunn
Bima er listrænn stjómandi Tón-
listarhátíðar í Reykholtskirkju.
Barokk með Bach-
sveitinni í Skálholti
BACHSVEITIN, tmdir stjóm hol-
lenska fiðluleikarans Jaaps
Schröders fiðluleikara, leikur á
Sumartónleikum í Skálholti um
helgina. Þetta er fimmta og síðasta
tónleikahelgi sumarsins, en í sumar
hafa erlendir og innlendir listamenn
komið fram og nokkur verk verið
frumflutt eins og venja er til á
Sumartónleikum.
Tónleikahelgin hefst á morgun,
laugardag, kl. 14 með erindi Kára
Bjamasonar, handritasérfræðings
um rannsóknir Collegium Musicum
á íslenskum söngarfi og kl. 15 kem-
ur Bachsveitin fram og leikur verk
eftir T. Ame, C. Hacquart, J.H.
Roman og Telemann. A síðdegis-
tónleikum á morgun kl. 17 flytur
Bachsveitin síðan ítölsk barokkverk
eftir Scarlatti, Vivaldi, Albinoni og
Locatelli. Á sunnudaginn verður
ítalska dagskráin endurtekin á tón-
leikum kl. 15 og kl. 17 verður messa
í Skálholtskirkju með þátttöku tón-
listarmannanna, en tónlistarflutn-
ingur hefst í kirkjunni kl. 16.40 með
flutningi á verkum eftir Th. Arne og
J.H. Roman. í messunni verður
m.a. sungið stólversið Sálmur úr
fomu íslensku handriti í útsetningu
Snorra Sigfúsar Birgissonar. Flytj-
endur em Margrét Bóasdóttir,
sópran og Nora Komblueh, selló-
leikari.
Sænska barokkið
Jaap Schröder er tónleikagestum
Sumartónleika að góðu kunnur, því
hann er tíður gestur í Skálholti og
kemur nú þar fram í sjötta sinn.
Hann er einn helsti frumkvöðull
þess að flytja tónlist 17. til 19. aldar
á þann hátt sem tíðkaðist á hverj-
um tíma á hljóðfæri þess tíma.
Hann stofnaði Quartetto Ester-
házy, sem var fyrsti kvartettinn til
að leika á uppranaleg hljóðfæri og
stofnaði einnig Smithson Quartett
sem leikið hefur víða um heim og
hljóðritað verk eftir Haydn, Mozart
og Beethoven. Jaap sagði í spjalli
að á laugardagstónleikunum með
Bachsveitinni yrðu leikin verk eftir
tónskáld ólíkra þjóðerna og meðal
þeirra væri Sinfónía fyrir strengi
eftir sænska tónskáldið Johan
Heimlich Roman, sem fæddur var í
Stokkhólmi árið 1694 og varð eitt
helsta tónskáld Svía 18. aldar.
Mestan sinn feril vann hann hjá
sænsku konungshirðinni uns hann
var leystur frá störfum vegna
heyrnar- og heilsuleysis fimmtugur
að aldri. Á námsárum sínum í
Englandi var hann, rúmlega tvítug-
ur, konsertmeistari í hljómsveit
undir stjórn Hándels og nam hjá
öðram tónskáldum jafnframt. Jaap
segir hann hafa verið frábæran
fiðluleikara og bera margar tón-
smíðar hans einkenni skandinav-
ísks alþýðustíls.
Bachsveitin leikur sem endranær
á barokkhljóðfæri, sem tíðkuðust
fyrir 250 áram. Þetta er þrettánda
starfsár sveitarinnar, en stofnun
hennar er viðamesta verkefni sem
ráðist hefur verið í á Sumartónleik-
um. Bachsveitin hefur verið braut-
ryðjandi hér á landi í flutningi
barokktónlistar á þann hátt er tíðk-
aðist á barokktímanum. Fyrsti
geisladiskur sveitarinnar kom út ár-
ið 1993 og í fyrra hélt sveitin til
Frakklands í tónleikaferð. Einleik-
arar Bachsveitarinnar um helgina
era Jaap Schröder og Rut Ingólfs-
dóttir fiðluleikarar og Sigurður
Halldórsson sellóleikari.
Sumartónleik-
ar í Isafjarð-
arkirkju
HJÓNIN Inga Rós Ingólfsdótt-
ir sellóleikari og Hörður Áskels-
son orgelleikari halda tónleika í
ísafjarðarkirkju sunnudags-
kvöldið 9. ágúst kl. 20.30. á veg-
um Tónlistarfélags ísafjarðar.
Á efnisskránni verða flutt
verk eftir íslensk og erlend tón-
skáld.
Inga Rós stundaði sellónám í
Reykjavík og Diisseldorf og
lauk prófi frá Tónlistarháskól-
anum þar árið 1981. Inga Rós
hefur verið fastráðin við Sinfón-
íuhljómsveit Islands frá árinu
1982 en hefur einnig verið virk í
flutningi kammertónlistar.
Hörður Áskelsson stundaði
tónlistarnám á Akureyri og í
Reykjavík og framhaldsnám í
Diisseldorf, en þaðan lauk hann
organista- og kantorsprófi árið
1981. Ári síðar var hann ráðin
organisti og kantor við Hall-
grímskirkju. Hörður hefur kom-
ið fram á tónleikum jafnt sem
organisti og stjórnandi bæði
innan lands sem utan.
Síðustu sumartónleikar Tón-
listarfélagsins í kirkjunni verða
12. ágúst og þar kemur fram
Kammersveit Kaupmannahafn-