Morgunblaðið - 17.09.1998, Page 30

30 FIMMTUDAGUR 17. SEPTEMBER 1998
MORGUNBLAÐIÐ
LISTIR
HVERNIG byi-jaði þetta samstarf
ykkar?
Harry: „Við kynntumst í Tón-
listarakademíunni í tengslum við
stúdentafélagið og félagslífið. Það
var ekki fyrr en eftir að við höfðum
lokið náminu að Olafur kom til mín
með sínar hugmyndir um verkefni
fyrir hljómsveit og sagði mér frá
upptökum sem hann hafði gert á
íslandi. Við stofnuðum hljómsveit-
ina með það sérstaklega fyrir aug-
um að fara út í upptökur því Olafur
hafði í sínu farteski útbúnaðinn
sem þarf til að gera vandaðar upp-
tökur fyrir geisladiska. Það var
líka mjög góð beita til að ná til okk-
ar góðum ungum tónlistarmönn-
um.“
Ólafur: „Ég sótti stíft að fá að
vinna með Harry því hann er mjög
hæfileikaríkur hljómlistarmaður.
Tónlistarakademían tekur ekki inn
nema tvo hljómsveitarstjóra á ári,
samkeppnin er gríðarleg og bara
að komast þar inn er afrek útaf
fyrir sig og hann bætti um betur,
vann nokkrar samkeppnir á náms-
ferlinum og stjómaði meðal annars
Lundúnasinfóníunni sem fulltrúi
Royal Academy."
Náið samstarf
Hvaða kostir fylgja svona sam-
starfi?
Harry: „Það er óvenju ánægju-
legt fyrir mig sem hljómsveitar-
stjóra að geta unnið svona náið
með píanóleikaranum, venjulega
mæta þeir bara á nokkrar æfingar
og spila síðan meira eða minna eft-
ir sínu nefi á tónleikunum, en sam-
starf okkar Ólafs gekk mun lengra
en það, og gátum við virkilega
skipst á hugmyndum og fínpússað
okkar túlkun á tónverkunum. Það
gilti reyndar um alla hljómsveitina
því við gerðum upptökur á æfíng-
um og gátum síðan unnið út frá
þeim og með þessu móti var það
ekki ýkja stórt skref fyrir okkur að
fara í hljóðver og taka upp fyrir
geisladisk.
Það er líka frekar sjaldgæft fyr-
ir hljómsveitarstjóra að fá að taka
svona mikinn þátt í hljóðvinnsl-
unni, og það er ómetanlegt að fá að
fylgja sinni listrænu hugsun eftir
alla leið. Með stafrænni tækni gát-
um við skeytt saman bestu tökum-
ar og valið úr þá kafla sem hentuðu
okkar tónlistarstefnu best.“
Hafið þið haldið marga tónleika?
Ólafur: „Þónokkra á Lundúna-
svæðinu. Við byrjuðum á því að
halda nokkra tónleika og fengum
fljótlega útfrá því styrk til að drífa
í geisladisksupptöku. Núna erum
við búnir með fyrstu upptökumar
og stöndum í viðræðum við útgáfur
hér í London sem hafa áhuga á að
ráða okkur í upptökur. Það er mik-
il samkeppni um athygli hér í
London, stærstu hljómsveitirnar
fylla ekki sína sali á tónleikum og
það hefði verið mjög erfitt fyrir
okkur að keppa á þeim markaði, en
okkur fannst að með geislaplötunni
væri mun auðveldara að koma okk-
ur á framfæri. Þetta er bara fyrsta
skrefið og markmið okkar með út-
gáfu þessa disks er að sýna fram á
hvað við emm færir um.“
Hvaðan kom styrkurinn sem þið
hlutuð fyrir útgáfunni?
Harry: „Það var einkaaðili sem
Harry Curtis og Ólafur Elíasson.
Morgunblaðið/Dagur Gunnarsson
„Erum ekki að tapa
okkur í væntingum“
/
Olafur Elíasson og Harry Curtis eru framtaks-
samir ungir tónlistarmenn sem reka sinfóníu-
hljómsveitina London Chamber Group sem gef-
ur nú út sinn fyrsta geisladisk. Þeir hafa báðir
stundað nám í Konunglegu Tónlistarakademí-
unni í Lundúnum, Olafur lauk einleikaraprófi í
píanóleik og Harry Curtis er með próf í hljóm-
sveitarstjórn. Dagur Gunnarsson ræddi við þá
um útgáfustarfsemina og hljómsveitina.
heyrði til okkar á tónleikum og
hjálpaði okkur fjárhagslega gegn
því skilyrði að hann fengi að njóta
nafnleyndar."
Mozart og Schubert
Hvaða verk era á disknum?
Ólafur: „Það era tveir píanó-
konsertar eftir Mozart; annar er í
F-dúr og er númer 11 (K413) og
hinn sem er númer 12 (K414) er í
A-dúr og svo er sinfónía númer 5
eftir Schubert."
Hvers vegna völduð þið Mozart?
Harry: „Það er mjög gaman að
vinna með tónlist Mozarts, þar er
eitthvað fyrir alla, allir finna ein-
hverja tengingu eða túlkun sem
snertir þá. Um leið er mjög erfitt
að vinna með tónlistina hans, hann
er eins og falleg kona sem maður
reynir af veikum mætti að daðra
aðeins við, það er eitthvað sem allir
halda að þeir geti, en þegar á hólm-
inn er komið er það mjög erfítt og
auðvelt að glutra niður. Við nálguð-
umst þessa konserta af mikilli al-
vöru, æfðum þá miskunnarlaust og
ég held að við höfum náð heiðarleg-
um tökum á þeim. Samvinna okkar
Ólafs hefur verið mjög góð og náin
og eitt af því sem ég hef lært af
honum er að sjá hlutina í víðara
samhengi, breskar hljómsveitir
vilja t.d. gjarnan æfa sem minnst,
rétt til að geta komist í gegnum
prógrammið kinnroðalaust og fara
snemma heim, en Ólafur hvatti
okkur til að fara aðra leið og sýndi
okkur fram á að með miskunnar-
lausum æfingum og undirbúnings-
vinnu getur maður náð svo góðum
tökum á verkunum að þau verða
nánast sjálfsagður hluti af rnanni."
Leynast einhverjar framtíðar
stórstjömur í hljómsveitinni?
Ólafur: „Við veljum í hljómsveit-
ina afburðanemendur sem hafa út-
skrifast úr þremur bestu skólunum
hér í London, þetta eru tónlistar-
menn sem eiga án efa flestir eftir
að ná langt, en okkar vinna gengur
miklu frekar út á auðmýkt gagn-
vart tónlistinni og henni verður
ekki náð með einstaklingsdýrkun."
Harry: „Fólk kemur ekki til með
að kaupa diskinn okkar út á fræg
nöfn (kannski af þeirri einföldu
ástæðu að við erum ekki ennþá orð-
in fræg, hvort sem það verður
nokkum tíma), við vonum að það sé
tónlistin sem selji okkur. Ég hug-
leiddi þann möguleika að fá ein-
hvem frægan einleikara til liðs við
okkur, en valdi frekar að nota unga
listamenn sem hafa engu að tapa
og eru ekki hræddir við að prófa
sig áfram og taka áhættur. Ég
ákvað líka að fara þá leið til að geta
betur stjóraað þeirri tilfinningu og
þeim hljómi sem ég vildi koma til
skila, ég vildi forðast fræga einleik-
ara sem nota hljómsveitina einung-
is sem undirleik og hlustuðu ekki á
ungan hvolp eins og mig.“
Ölafur: „Það er nánast ómögu-
legt að setja í orð þau hughrif sem
tónlist skapar og mjög erfitt að
lýsa „áferð“ eða gæðum tónlistar,
ekki síst þegar maður lýsir eigin
verkum, en eitt af því sem ég vona
að skili sér á diskinum er ákveðinn
ferskleiki, sem við vonum að komi
fram í leik hljómsveitarinnar en
hún hefur það fram yfir margar.
aðrar hljómsveitir að vera aðallega
skipuð ungu tónlistarfólki.“
Atvinnuhljómsveit
Hvert er næsta skref?
Ólafur: „Þessi geislaplata er
okkar allra fyrsta stóra verkefni,
við erum rétt að taka fyrstu skref-
in, en við vonumst til að þessi
hljómsveit geti á nokkrum árum
vaxið upp í alvöru atvinnuhljóm-
sveit, þ.e. að við getum borgað
mannsæmandi laun og haft nóg af
verkefnum. Við erum engu að síð-
ur með báða fætur á jörðinni og við
vitum vel hvað markaðurinn er erf-
iður, við ímyndum okkur að helstu
möguleikar okkar liggi í að vinna
sem stúdíóhljómsveit. Við erum
byrjaðir að vinna í þessum málum
og það er nú þegar einn aðili sem
vill hefja viðræður um að taka upp
tónlist frá klassíska tímabilinu;
Mozart eða Haydn. Við erum að
sjálfsögðu mjög spenntir að sjá
hvað kemur út úr þeim viðræðum,
án þess þó að við séum neitt að
tapa okkur í væntingum, það er
alls ekkert víst að það komi neitt
út úr þessu, en þetta er það sem
við viljum gera. Við Harry höfum
mikla ástriðu fyrir klassíska tíma-
bilinu, sérstaklega Mozart og við
munum ekki hafa áhuga á að taka
að okkur verkefni sem falla ekki í
kramið hjá okkur.“
Halda ótrauðir áfram
Eruð þið ánægðir með árangur-
inn?
Ilarry: „Já, já, en þar sem þetta
er okkar fyrsti diskur gerum við
okkur fulla grein fyrir að það er
langt í fullkomnunina. Við höldum
þess vegna ótrauð áfram og erum
núna að undirbúa annan Mozart-
konsert fyrir næsta disk og erum
almennt að leggja drögin að þessu,
við liggjum yfir nótunum á píanó-
konsert númer 23 eftir Mozart og
erum að kíkja á nokkrar sinfóníur
eftir Mozart og einnig er líklegt að
við tökum upp nokkra hljómborðs-
konserta eftir Bach, sennilega
næsta haust.“
Verður disknum dreift víða?
Ólafur: „Diskurinn fer í sölu í
Tower Records og vonandi víðar
hér í Englandi, síðan verður hann
einnig seldur hjá Skref útgáfunni á
Islandi. Ég vona auðvitað að ís-
lendingar sýni mér þann stuðning,
við þetta hálf-íslenska verkefni, að
kaupa diskinn og styðja við bakið á
hljómsveitinni en ágóðinn af sölu
hans mun renna til frekari verk-
efna hennar."
Eruð þið með einhverjar áætlan-
ir um að halda tónleika á Islandi?
Ólafur: „Nei, því miður, það er
of dýrt fyrir okkur að hugsa út í
slíkt ævintýr, eða veistu um ein-
hvem sem á pening?“
faber-Lastell
Kynni ng á
myndi i starvörum
Fii rmTnnmttundlaigg klL II 4~ 17
ILaiiiygærdlagi teli.. t ©- 14
i uer gsuort; r rnyna: s sxai Kona
a staðnum og sýmr notkun
þurr-pas.tel s, kola, graphi c- b: ýanta
nta ásamt nýrra pastel - bl ýanta og v
i og rut inHiQ, i
^ðsmáið 7-r
Selló- og orgelleikur
á Norðurlandi
INGA Rós Ingólfsdóttir selló-
leikari og Hörður Áskelsson
orgelleikari halda tvenna tón-
leika í kirkjunum á Siglufirði
og Ólafsfirði um næstu helgi. Á
Siglufirði laugardaginn 19.
september og á Ólafsfirði
sunnudaginn 20. september.
Báða dagana kl. 17.
Á efnisskránni eru verk eftir
Bach, Vivaldi, Saint-Saens,
Rheinberger, Pál Isólfsson og
Áskel Jónsson. Tónleikarnir eru
þáttur í samstarfsverkefni
F.Í.T. og skipuleggjenda tón-
leika á landsbyggðinni.
Inga Rós Ingólfsdóttir er
meðlimur í Sinfóníuhljómsveit
Islands en hefur jafnframt ver-
ið virk sem einleikari og kamm-
ertónlistarmaður, einkum með
Kammersveit Reykjavíkur.
Hörður Áskelsson er org-
anisti Hallgri'mskirkju í Reykja-
vík og er virkur bæði sem ein-
leikari og kórstjóri. Hörður
nýtur nú starfslauna lista-
manna.