Morgunblaðið - 16.10.1998, Page 4
4 FÖSTUDAGUR 16. OKTÓBER 1998
MORGUNBLAÐIÐ
FRÉTTIR
*
Utför forsetafrúarinnar
gerð frá Hallgrímskirkju
ÚTFÖR;Guðrúnar Katrínar Þor-
bergsdóttur forsetafrúar verður
gerð frá Hallgrímskirkju miðviku-
daginn 21. október. Herra Ólafur
Ragnar Grímsson, forseti íslands,
kemur til landsins á morgun
ásamt dætrum sínum og forseta-
ritara.
Tilkynning þessa efnis kom frá
skrifstofu forseta íslands í gær.
Þar segir:
„Kista Guðrúnar Katrínar Þor-
bergsdóttur mun koma til íslands
laugardaginn 17. október og mun
forseti Islands, Ólafur Ragnar
Grímsson, og dæturnar Dalla og
Tinna ásamt forsetaritara fylgja
kistunni frá Seattle til íslands.
Flugfélagið Cargolux bauð for-
setanum og fjölskyldu hans að
flytja kistuna til Islands en flugfé-
lagið flýgur reglulega milli Seattle
og Evrópu.
Lagt verður af stað frá Seattle
síðdegis á fóstudag og komið til
Keflavíkur um hádegisbil á laug-
ardag.
A flugvellinum munu handhafar
forsetavalds, ríkisstjórn og biskup
Islands ásamt nánustu fjölskyldu
Guðrúnar Katrínar taka á móti
kistunni.
Frá flugvellinum verður ekið að
Bessastaðakirkju þar sem kistan
mun standa þar til útfór fer fram.
í Bessastaðakirkju verður stutt
athöfn ætluð nánustu fjölskyldu
Guðrúnar Katrínar en síðan verð-
ur kirkjan lokuð þar til kistan
verður flutt í Hallgrímskirkju. Út-
forin mun fara þar fram miðviku-
daginn 21. október.
Opnuð verður minningarbók
Guðrúnar Katrínar Þorbergsdótt-
ur og mun hún liggja frammi í há-
tíðarsal Bessastaða kl. 15-18 á
laugardag og kl. 13-18 á sunnu-
dag, mánudag og þriðjudag. Þeir
sem vilja skrá nafn sitt í bókina
eru velkomnir til Bessastaða á
þessum tímum.“
Margir hafa sent samúðarskeyti
FORSETA Islands, Olafí Ragnari Grímssyni, og
fjölskyldu hefur borist fjöldi samúðarkveðja frá
einstaklingum, fjölskyldum, samtökum og byggð-
arlögum á Islandi. Auk þess hefur forsetanum
borist fjöldi samúðarkveðja frá útlöndum. Meðal
þeiira eru kveðjur frá þjóðhöfðingjum allra Norð-
urlandanna og forseta Bandai-íkjanna.
Margrét Danadrottning segii- í skeyti sínu að hún
og Henrik prins sendi forseta íslands innilegar sam-
úðarkveðjur í hans miklu sorg vegna fi-áfalls Guð-
rúnar Katrínar. Dauði hennar hafi snert þau mikið.
Karl Gústaf Svíakonungur og Silvía drottning
segjast hafa frétt af hinu sorglega andláti Guðrún-
ar Katrínar á ferðalagi í New York. Þau senda for-
seta íslands samúðarkveðjur í hans miklu sorg.
í skeyti frá Haraldi Noregskonungi og Sonju
drottningu er lýst djúpri samúð og hluttekningu
vegna sorglegs fráfalls Guðrúnar Katrínar Þor-
bergsdóttur.
Martti Ahtisaari, forseti Finnlands og kona hans,
Eeva Ahtisaari, segja í skeyti til forseta Islands að
hugur þeirra sé hjá honum á þessari sorgarstundu.
Þau munu varðveita kærar minningar um Guðrúnu
Katrínu.
í skeyti Anfmns Kallsbergs, lögmanns Færeyja,
er lýst djúpri samúð með forseta íslands og ís-
lensku þjóðinni vegna fráfalls Guðiúnar Katrínar.
Forseti íslands hafí misst félaga sem hafí veitt
honum mikilvægan stuðning í starfi og íslenska
þjóðin hafí misst forystukonu.
Glæsileiki og hlýja
í skeyti frá Bill Clinton, forseta Bandaríkjanna,
segir að hann og Hillary hafi verið djúpt snortin að
heyra af andláti Guðrúnar Katrínar. Hann segist
hafa á þeirra síðasta fundi í fyrra tekið eftir glæsi-
leik hennar og hlýju. Hennar sé ekki aðeins saknað
af íslensku þjóðinni heldur einnig af vinum íslands
í Bandaríkjunum.
Aðrir þjóðhöfðingjar sem sent hafa skeyti eru Ji-
ang Zemin, forseti Kína, Jacques Chirac, forseti
Frakklands, Oscar Luigi Scalfaro, forseti Italíu,
Flavo Cotti, forseti Sviss, Juan Carlos Spánarkon-
ungur, Mary McAIeese, forseti Irlands, og Lennart
Meri, forseti Eistlands.
Einnig hafa borist samúðarkveðjm- frá Paavo
Lipponen, forsætisráðheiTa Finnlands, Kjell
Magne Bondevik, forsætisráðherra Noregs, Finn-
boga Isakson, lögþingsformanni Færeyja, Hannela
Pokka, landshöfðingja Lapplands, Javier Solana,
framkvæmdastjóra Atlantshafsbandalagsins,
Jacques Santer, forseta Evrópusambandsins,
Emma Bonino, framkvæmdastjóra Evrópusam-
bandsins, og Susana A. Thompson, borgarstjóra
Winnipeg.
Forsetafrúarinnar minnst
í borgarstjórn
Við upphaf borgarstjómarfundar í gær minntist
Guðrún Agústsdóttir, forseti borgarstjómar, for-
setafrúarinnar, Guðrúnar Katrínar Þorbergsdótt-
ur. Forseti borgarstjómar sendi forseta íslands og
fjölskyldu hans samúðarkveðjur fyrir hönd borgar-
stjómar.
Guðrún Agústsdóttir sagði meðal annars: „Þann
stutta tíma sem Guðrún Katrín Þorbergsdóttir var
forsetafrú sinnti hún því hlutverki sínu af mikilli
reisn og myndarskap og var landi sínu og þjóð
hvarvetna til sóma. Borgarstjóm Reykjavíkur
minnist hennar jafnframt sem virts sveitarstjóm-
armanns, en hún átti sæti í bæjarstjóm Seltjarnar-
ness frá árinu 1978 til 1994. Þá vann hún að fjöl-
mörgum sameiginlegum verkefnum höfuðborgar-
svæðisins, m.a. með setu í stjórn Samtaka sveitar-
félaga á höfuðborgarsvæðinu ýmist sem aðal- eða
varamaður frá 1986 til 1993.
Borgarstjóm Reykjavíkur minnist Guðrúnar
Katrínar Þorbergsdóttur. Hún var forsetafrú, hún
var sveitarstjómarmaður og hún var óvenju glæsi-
legur einstaklingur sem við sjáum nú á bak.“
Borgarfulltrúar risu síðan úr sætum í virðingar-
skyni við minningu Guðrúnar Katrínar.
Borgarfulltrúajr Sjálfstæðisflokksins
Öfugþróun að færa
miðborgarstj órn
inn í borgarkerfið
BORGARFULLTRÚAR Sjálfstæð-
isflokksins gagnrýndu á borgar-
stjórnarfundi í gær tillögur um mið-
borgarstjórn sem samþykktar voru
í borgarráði 6. október síðastliðinn.
Inga Jóna Þórðardóttir taldi borg-
arstjóra lítilsvirða stjóm Þróunar-
félags Reykjavíkur með því að taka
tillögur um miðborgarstjórn til um-
fjöllunar og afgreiðslu í borgarráði
og borgarstjóm áður en félaginu
hefði gefíst ráðrúm til að leggja
fram umsögn sína um málið.
Inga Jóna Þórðardóttir taldi líka
ámælisvert að borgarstjóri skyldi
boða til fundar um málefni miðborg-
arinnar í ráðhúsinu síðastliðinn
laugardag á sama tíma og borgar-
fulltrúar voru bundnir á aðalfundi
Samtaka sveitarfélaga á höfuðborg-
arsvæðinu. Sagði hún það ágætt að
það sjónarmið borgarstjóra kæmi
fram að borgarfulltrúar ættu ekki
að ræða um málið á slíkum fundi.
Borgarfulltrúinn taldi það öfugþró-
un að færa miðborgarstjóm inní
borgarkerfíð eins og tillagan gerir
ráð fyrir. Sagði hún mun vænlegra
að fá fram nýjar hugmyndir frá
þeim sem störfiiðu í miðborginni og
hagsmunaaðilum, slíkar hugmyndii-
myndu ekki kvikna í borgarkerfínu
sjálfu. Guðlaugur Þór Þórðarson
tók undir gagnrýnina og sagði
nauðsynlegt að efla traust atvinnu-
rekenda í miðborginni og sagði ým-
islegt hafa verið gert á vettvangi
Þróunarfélagsins.
Áhugi og bjartsýni
ríkir um miðborgina
Helgi Hjörvar, borgarfulltrúi
Reykjavíkurlistans, kvaðst ekki átta
sig á hvar borgarfulltrúar sjálfstæð-
ismanna hefðu verið því margt hefði
gerst varðandi uppbyggingu og
fjárfestingu í miðborginni. Nefndi
hann dæmi um nýbyggingar fyrir
ýmsan rekstur, m.a. á Laugavegi
53, á homi Klapparstígs og Lauga-
vegar, við Vegamótastíg, og áform
Armannsfells við Austurstræti.
Ingibjörg Sólrún Gísladóttir
borgarstjóri sagði mikinn áhuga og
bjartsýni ríkja um miðborgina um
þessar mundir og grípa ætti þann
áhuga henni til eflingar. Vitnaði hún
í bókun sína frá borgarráðsfundin-
um þar sem málið var til umræðu
og sagði að Þróunarfélagið hefði
haft málið lengi til umfjöllunar.
Ekki væri verið að draga úr áhuga
og áhrifum samstarfsaðila borgar-
innar í Þróunarfélaginu heldur að
gefa þeim hlutdeild í framkvæmda-
valdi borgarinnar svo að frumkvæði
þeirra fengi betur notið sín.
Guðrún Ágústsdóttir sagði Þró-
unarfélagið vera áfram samráðs-
vettvang en þar á bæ hefði verið
rætt nokkuð um breytta starfsemi
félagsins og spuming hvort það út-
víkkaði verkefni sín þannig að þau
tækju til borgarinnar allrar eða
jafnvel alls höfuðborgarsvæðisins.
Við atkvæðagreiðslu um málið
þar sem tillögur um miðborgar-
stjóm vom samþykktar lögðu borg-
arfulltrúar Sjálfstæðisflokksins
fram bókun þar sem segir að tillaga
um að framkvæmdastjóri miðborg-
arinnar verði embættismaður gangi
þvert á þá þróun sem verið hafí í ná-
grannalöndum þar sem miðborgar-
stjómir væm samstarfsvettvangur
borgaryfirvalda og þeirra sem
hagsmuna hefðu að gæta í miðborg-
inni.
Með tillögunni væri dregið úr
áhrifum og frumkvæði hagsmuna-
aðila í miðborginni en þjappað sam-
an valdinu í ráðhúsinu og ráðinn
þangað enn einn embættismaður-
inn.
-----------------
Hálkuslys
við Hval-
fjarðargöng
JEPPI valt af völdum hálku sem
myndaðist á veginum við Hvalfjarð-
argöngin að norðanverðu um kvöld-
matarleytið í gærkvöldi. Að sögn
lögreglunnar í Borgarnesi sakaði
ökumanninn ekki. Jeppinn var
óökufær eftir óhappið.
Annað umferðai’óhapp vegna
hálku varð ekki langt frá þar sem
bíll rann til í hálkunni og valt út af
veginum. Ökumaður sendiferðabíls
með aftanívagn stansaði til að huga
að ökumanninum, en þá lenti flutn-
ingabíll aftan á honum. Talsverðar
skemmdir urðu á bílunum en engan
sakaði.
Að sögn lögreglunnar í Borgar-
nesi naut hún aðstoðar lögreglunn-
ar á Akranesi á vettvangi.
Reykjavíkurhöfn skoðar
stjórnunarkerfí fyrir skip
Flóðljós á Laug-
ardalsvelli hafa
skemmt mið
REYKJAVÍ KURHÖFN hefur til at-
hugunar að koma upp stjórnunar-
kerfi fyrir skip sem líkja má við
stjómkerfi fyrir flugumferð. Jón
Ingólfsson, yfirhafnsögumaður,
kveðst hafa heyrt nefnt að flóðljósin
á Laugardalsvelli hafi skemmt mið
olíuskipa sem leggjast við akkeri á
ytri höfninni.
Jón segir að japanska túnfiskveiði-
skipið sem strandaði í Skerjafirði sl.
þriðjudag hafi ekki verið komið inn í
merkjakerfi Reykjavíkurhafnar og
það hafi því vart verið ástæða
strandsins.
Jón segir komið hafi fyrir að flóð-
ljósin á Laugardalsvelli hafi skemmt
mið hjá skipstjómendum olíuskipa
sem leggjast við baujur á ytri höfhinni.
„Við eram að hætta að taka olíu-
skipin í legu þarna því nú er verið að
byggja Eyjagarð fyrir þau. Þá verð-
ur þetta vandamál úr sögunni," segir
Jón.
„Við höfum verið að skoða stjórn-
unarkerfi fyrir skip sem líkist mest
flugumferðarturni. Skip tilkynnir
sig á ákveðnum stað og fylgst er
með því á ratsjá og gefin leiðsögn
til að koma því til hafnar,“ segir
Jón.
Hann skoðaði slíkan búnað í
Þýskalandi sl. sumar og einnig hafa
erlendir aðilar komið til landsins til
að kynna hann. „Þetta er allt í deigl-
unni en Ijóst er að kerfi af þessu tagi
kostar nokkrar milljónir króna,“ seg-
ir Jón.