Morgunblaðið - 16.10.1998, Page 16

16 FÖSTUDAGUR 16. OKTÓBER 1998
MORGUNBLAÐIÐ
AKUREYRI
Atvinnuþróunarfélag Eyjafjarðar b.s. formlega stofnað
Atvinnuþróun og atvinnuupp-
bygging undir eina stjórn
Morgunblaðið/Kristján
MÁLIN rædd á stofnfundi Atvinnuþróunarfélags Eyjafjarðar b.s. í
gær. F.v. Bjarni Kristjánsson, sveitarstjóri Eyjafjarðarsveitar, Ár-
mann Búason, oddviti Skriðuhrepps, Helgi Steinsson, oddviti Öxna-
dalshrepps, Oddur Gunnarsson, oddviti Glæsibæjarhrepps og Jóhann-
es Hermannsson, oddviti Arnarneshrepps.
ATVINNUPRÓUNARFÉLAG
Eyjafjarðar b.s. var formlega stofn-
að á Akureyri í gær og stóðu 13
sveitarfélög að stofnun félagsins. A
fyrsta fundi nýkjörinnar stjórnar
var Sigurður J. Sigurðsson, forseti
bæjarstjórnar Akureyrar, kjörinn
formaður félagsins. Atvinnuþróun-
arfélaginu er ætlað að vera sam-
starfsvettvangur sveitarfélaganna í
Eyjafirði í atvinnumálum en mark-
miðið með stofnun félagsins er að
sameina undir eina stjórn þá mála-
flokka er lúta að atvinnuuppbygg-
ingu og atvinnuþróun á Eyjafjarð-
arsvæðinu.
Atvinnuþróunarfélagið mun taka
yfir hlutverk Iðnþróunarfélags
Eyjafjarðar og Ferðamálamiðstöðv-
ar Eyjafjarðar Akureyri. Auk þess
mun félagið leitast við að taka að
sér aðra starfsemi er lýtur að at-
vinnumálum á grundvelli þjónustu-
samninga svo sem þá starfsemi sem
sveitarfélögin hafa haft á sinni
könnu og starfsemi Byggðastofnun-
ar á Akureyri.
Einkennst af varnarbaráttu
Á stofnfundinum kom fram í máli
Sigurðar J. Sigurðssonar, að hlut-
verk sveitarfélaga á sviði atvinnu-
mála séu ekki skýrt mörkuð. „Bar-
átta margra þeirra hefur einkennst
af vamarbaráttu til að tryggja
þegnum atvinnu og hafa sveitar-
stjómir í mörgum tilvikum bmgðið
til þeirra ráða að ráðstafa með bein-
um hætti eða með ábyrgðum veru-
legum fjármunum úr sveitarsjóðum
til slíkrar varnarbaráttu. Hugmynd-
ir að stofnun atvinnuþróunarfélaga
vom hins vegar þær að glíma við
verkefnið frá sjónarhóli nýsköpunar
og sóknar.“
Sigurður sagði að viðræður hafi
farið fram við stjómarformann og
forstjóra Byggðastofnunar um að-
komu þeirrar stofnunar að málinu.
Hann sagði margt óunnið og benti í
því á sambandi á að leggja þurfi nið-
ur byggðasamlag um ferðamál og
skipa málum Iðnþróunarfélagsins í
annan farveg. „Taka verður upp við-
ræður við Byggðastofnun um þjón-
ustusamninga og Akureyrarbæ um
það sama. Allt þetta snýr að núver-
andi starfsmönnum þessara stofn-
ana og fyrirtækja og mikilvægt að
geta eytt sem íyrst óvissu þeirra um
sína framtíð. Þetta snýr líka að
sveitarfélögunum hvað varðar út-
gjöld þeirra og því mikilvægt að
vinna hratt að úrlausn þeirra mála.“
Þrír frá Akureyri í stjórn
Alls eru þrettán sveitarfélög
stofnendur Átvinnuþróunarfélags
Eyjafjarðar, Akureyrarbær, Eyja-
fjarðarsveit, Hriseyjarheppur,
Hálshreppur, Öxnadalshreppur,
Dalvíkurbyggð, Grýtubakkahrepp-
ur, Glæsibæjarhreppur, Grímseyj-
arhreppur, Olafsfjarðarbær, Sval-
barðsstrandarhreppur, Arnames-
hreppur og Skriðuhreppur.
Ákureyri er langstærsta sveitar-
félagið innan Atvinnuþróunarfé-
lagsins og miðað við rekstrarfram-
lag til félagsins pr. íbúa, er hlutur
Akureyrarbæjar rám 72%, Dalvík-
urbyggðar 10%, Ólafsfjarðar rúm
5% og Eyjafjarðarsveitar 4,5%.
Auk Sigurðar J. sitja í stjóm At-
vinnuþróunarfélagsins fyrir hönd
Akureyrarbæjar, þeir Hallgrímur
Ingólfsson og Hákon Hákonarson
en varamaður þeirra er Valur
Knútsson. Fulltráar hinna sveitarfé-
laganna era Rögnvaldur Skíði Frið-
bjömsson, bæjarstjóri Dalvíkur-
byggðar, sem jafnframt var kjörinn
varaformaður félagsins og Bjarni
Kristjánsson, sveitarstjóri Éyja-
fjarðarsveitar. Eitt fyrsta verkefni
nýrrar stjómar er að ráða fram-
kvæmdastjóra og gert ráð fyrir því
að staðan verði auglýst á næstunni.
Tónlistarskólinn
Kennarar
krefjast
kjarabóta
KENNARAR við Tónlistarskól-
ann á Akureyri hafa sent bæjar-
yfirvöldum erindi þar sem þess
er krafist að þeir fái samsvar-
andi kjarabætur og kennarar í
grunnskólum bæjarins fengu
samkvæmt samkomulagi sem
gengið var frá í sumar. Kennar-
arnir vekja einnig athygli á
starfsaðstöðu tónlistarkennara í
grunnskólum bæjarins í bréfi
sínu til bæjaryfirvalda.
Bæjarráð ræddi erindi kenn-
ara við tónlistarskólann á fundi
sínum í gær og vísaði því til um-
fjöllunar í kjarasamninganefnd.
Anægja
með smíði
varðskips
innanlands
BÆJARRÁÐ Akureyrar sam-
þykkti á fundi sínum í gær bók-
un þar sem lýst er ánægju rneð
þá ákvörðun ríkisstjómai' ís-
lands að smíði nýs varðskips
fyrir Landhelgisgæsluna skuli
eingöngu boðin út hér á landi.
„Bæjarráð fagnar því tækifæri
sem íslenskum skipasmíðaiðnaði
er gefið með þessum hætti til að
styrkja sig í sessi á ný,“ segir í
bókun bæjarráðs Akureyrar.
Framkvæmdastjóri Slippstöðvarinnar fagnar ákvörðun um smíði varðskips hér á landi
Skapar um 400 ársverk og hefur
áhrif á tækniþróun í greininni
Morgunblaðið/Kristján
FRAMKVÆMDASTJÓRI Slippstöðvarinnar telur afar mikilvægt að
hafa öflugan skipasmíðaiðnað hér á landi. Hér eru starfsmenn hans að
vinna við stýri á skipi í dráttarbrautinni.
Útibú dönsku
menningar-
stofnunarinnar
BÆJARRÁÐ Akureyrar samþykkti
í gær að gefa vilyrði fyrir því að
Akureyrarbær styðji í allt að fjögur
ár tilraun að starfsemi skrifstofu á
vegum dönsku menningarstofnunar-
innar, Det Danske Kulturinstitut á
Akureyri með þvi að leggja henni til
20 til 30 fermetra húsnæði. Var
fræðslumálastjóra bæjarins og
deildarstjóra umhverfisdeildar falið
að halda áfram viðræðum við full-
tráa dönsku menningarstofnunar-
innar. Forstöðumaður stofnunarinn-
ar var á ferð á Akureyri 1 sumar þar
sem þessi mál voru rædd, en megin-
markmið stofnunarinnar er að koma
danskri menningu á framfæri og
hefur hún nokkurt fjármagn til þess
verkefnis. Utibú dönsku menningar-
stofnunarinnar á Akureyri mun auk
íslands sinna Færeyjum og Græn-
landi.
INGI Bjömsson, framkvæmda-
stjóri Slippstöðvarinnar, fagnar
þeirri ákvörðun að smíði nýs varð-
skips verður boðin út hér á landi,
segir þetta góða og merkilega
ákvörðun sem tekin hafi verið með
hagsmuni skipaiðnaðarins í landinu
í huga.
Unnið verður að undirbúningi
verkefnisins á næsta ári en skipið
smíðað árin 2000 og 2001. „Þetta er
gríðarstórt verkefni og því er ekki
ráðlegt fyrir eina skipasmíðastöð
að vinna við það, innlend fyrirtæki
í skipaiðnaði verða að koma sér
saman um tilhögun við þetta verk-
efni og sú vinna er að fara í gang,“
sagði Ingi. Akvörðun um að smíði
varðskipsins fari fram hér á landi
hefur í för með sér, að sögn fram-
kvæmdastjóra Slippstöðvarinnar,
að iðnaðurinn sér nú í fyrsta sinn í
langan tíma fram á langtímaverk-
efni sem þýðir að hægt verður að
gera áætlanir 1-2 ár fram í tímann.
Síðustu ár hefur öll starfsemi
skipasmíðastöðva verið skamm-
tímaviðgerðarverkefni.
Hefur áhrif á tækniþróun
og nýsköpun
„Þetta skapar aukinn stöðugleika
fyrir fyrirtækin og jafnar út sveifl-
urnar. Stór hópur starfsmanna
þessara fyrirtækja mun hafa
stöðuga atvinnu á þeim tíma sem
unnið verður við smíðina. Glíma við
verkefni af þessari stærðargráðu
hefur líka mikil áhrif á tækniþróun
og nýsköpun í greininni sem miklu
máli skiptir og þá má líka nefna að
íslenskar stöðvar fá tækifæri að
nýju til að fást við nýsmíði en all-
langt er síðan stór skip voru smíðuð
hér á landi síðast.“
Ingi segir að þjóðhagsleg áhrif í
kjölfar smíðinnar innanlands séu
jákvæð, en niðurstaða útreikninga
sýni að smíðin og þau margfeldisá-
hrif sem af henni leiði í hagkerfinu
skapi um 400 ársverk. Þá megi
gera ráð fyrir að skatttekjur ríkis
og sveitarfélaga muni nema nálægt
500 milljónum króna. „I raun má
því innlent tilboð í smíðina vera um
500 milljónum króna hærra en út-
lent án þess að borgi sig að fara
með smíðina úr landi,“ segir Ingi.
Mikilvægt sé að samningar um
smíðina séu þess eðlis að allir sem
taki þátt komist klakklaust frá
henni, þeir megi ekki vera svo stíf-
ir að fyrirtækin verði á horriminni
á eftir.
Aðrar þjóðir hirtu
öll verkefnin
Síðustu ár hafa verið skipaiðnaði
hagstæð, eða frá árinu 1995 þegar
aftur fór að rofa til eftir hnignunar-
tímabil áratuginn þar á undan.
Erfiðleikar í iðnaðinum fóru að
gera vert við sig árið 1986, en fram
að þeim tíma höfðu um 1000 manns
atvinnu í þessum iðnaði. Ymsir
samverkandi þættir, bæði innan-
lands og utan urðu til þess að halla
fór undan fæti. Mikil verðbólga og
þensla hér á landi veikti sam-
keppnisstöðu íslensku stöðvanna
en á sama tíma vora útlendum
skipasmíðastöðvum veittir gríðar-
legir ríkisstyrkir, m.a. í Noregi, en
slíkir styrkir voru aldrei teknir upp
á Islandi. „Þetta varð til þess að
nánast öll verkefni fóru úr landi og
mikið hnignunartímabil tók við
hér, innlend markaðshlutdeild fór
úr um 80% árið 1983 niður í að vera
innan við 10% árið 1992. Það leiddi
svo til þess að flestar skipamíða-
stöðvar hér lentu í gjaldþroti eða
nauðasamningum," segir Ingi.
Hann telur að með þeirri ákörðun
sem nú liggur fyrir um að smíða
varðskipið hér á landi sé ríkið að
legga sitt af mörkum til að efla iðn-
aðinn. „Það er afar mikilvægt að
hafa öflugan skipasmíðaiðnað hér á
landi, við höfum áður horft upp á
hvernig ástandið er þegar aðrar
þjóðir hirða af okkur öll verkefni.“

Blaðbera
vantar í eftirtalin hverfi: Lyngholt/Stórholt,
Gerðahverfi, Oddeyrargötu/Brekkugötu,
Ása byggð/J örf a byggð.
Blaðburður verður að hefjast um leið og blaðið kemur
í bæinn.
Góður göngutúr sem borgar sig.
Morgunblaðið
Kaupvangsstræti 1, Akureyri
Sími 461-1600
Morgunblaðið leggur áherslu á að færa lesendum sínum vandaðar og áreiðanlegar fréttir og upplýs-
ingar. Morgunblaðið er eina dagblaðið á íslandi sem er í upplagseftirliti og eru seld að meðaltali
rúmlega 53.000 eintök á dag. Höfuðstöðvar Morgunblaðsins eru í Kringlunni 1 í Reykjavík
þar sem eru hátt í 300 starfsmenn. Á Akureyri er starfrækt skrifstofa í Kaupvangsstræti 1.
Morgunblaðið kom fyrst út 2. nóvember 1913.
Árvakur hf. er útgefandi Morgunblaðsins.