Morgunblaðið - 16.10.1998, Blaðsíða 6

6 FÖSTUDAGUR 16. OKTÓBER 1998 MORGUNBLAÐIÐ
FRÉTTIR
Upplýsingafulltrúi Landsvirkjimar um ummæli utanrfkisráðherra
Stjórnvalda að móta
stefnuna í virkjanamálum
ÞORSTEINN Hilmarsson, upplýs-
ingafulltrúi Landsvirkjunar, ssgir
að það sé stjórnvalda að móta
stefnuna í virkjanamálum og
Landsvirkjunar að fylgja eftir
þeirri stefnu sem mótuð sé, að-
spurður um orð Halldórs Asgríms-
sonar utanríkisráðherra á fundi
með framsóknarmönnum á
miðvikudaginn.
Halldór sagði á fundinum að ekki
kæmi til greina að fóma Þjórsár-
verum eða flytja Jökulsá á Fjöllum
og eyðileggja Dettifoss vegna virkj-
anaframkvæmda. Þá sagði hann að
ef Eyjabakkar verði ekki settir
undir uppistöðulón vegna fyrir-
hugaðrar Fljótsdalsvirkjunar þá
verði sú virkjun ekki reist.
Þorsteinn sagðist aðspurður um
viðhorf Landsvirkjunar til þessara
ummæla ekld hafa verið á fundi ut-
anríkisráðherra og því ekki vita
nákvæmlega í hvaða samhengi
þessi ummæli hefðu fallið. „I sjálfu
sér er þetta spurning um stefn-
umörkun. Það er eðlilegt að stjórn-
völd móti stefnuna. Landsvirkjun
er jú fyrirtæki sem framfylgir
stefnu stjómvalda, þannig að við
höfum ósköp lítið um þessi ummæli
að segja,“ sagði Þorsteinn.
Hann sagði að ekki hefði verið
lögð nein áhersla á rannsóknir á
virkjun Jökulsár á Fjöllum, meðal
annars í ljósi þess einmitt að þar
væri Dettifoss. Virkjunarmöguleik-
ar í Jökulsá á Brú hefðu frekar ver-
ið skoðaðir, en þar væru fyrirætlan-
ir um að að koma upp Kárahnjúka-
virkjun, þar sem virkjunarkostir í
Jökulsá á Fjöllum væru ekki taldir
nærtækir og kannski heldur ekki á
dagskrá í náinni framtíð.
Hvað Norðlingaöldu varðaði lægi
fyrir að þar hefði verið gert ákveðið
samkomulag við Náttúmvernd-
arráð og yfirvöld á sínum tíma um
rannsóknir á Þjórsárvemm og að
kannað verði hvort ásættanlegt sé
að gert sé þama lón sem vatnaði
upp í Þjórsárver. Unnið hefði verið
úr þessum rannsóknum og í undir-
búningi væri skýrsla um mat á um-
hverfisáhrifum þessa valkosts, sem
lögð yrði fram ef svo bæri undir.
Sammála Halldóri
Stefán Guðmundsson, alþingis-
maður og formaður iðnaðamefndar
Alþingis, sagði að iönaðarnefnd
hefði ferðast um öll þessi svæði
undir leiðsögn fulltrúa Landsvirkj-
unar. Þeir hefðu kynnt sér þessi
svæði og virkjunarkosti bæði á
Austur- og Suðurlandi og orðið
talsvert miklu fróðari eftir. Hann
hefði verið á fundinum með utan-
ríkisráðheira á miðvikudag og það
væri eins í þessu og mörgu öðra að
hann væri Halldóri sammála að
flestu leyti.
„Ef við stæðum frammi fyrir því
að taka ákvörðun í þessum efnum
er ég honum sammála um að ég
held að við yrðum að stíga þetta
skref úr því sem komið er,“ sagði
Stefán.
Hjörleifur Guttdrmsson, alþing-
ismaður, sagði að sér fyndist þessi
afstaða utanríkisráðherra vera
slæm tíðindi, einnig vegna þess að
ekki hefði fylgt afstaða hans til þess
að framkvæmdaáform um Fljóts-
dalsvirkjun fari í mat á umhverf-
isáhrifum, en það væri það sem
flestir spyrðu um nú. Ef hann skildi
ummæli ráðherrans rétt, eins og
þau væm höfð eftir í Morgun-
blaðinu, væri hann í raun að leggj-
ast gegn umhverfismati og færa
rök að því að ekki væri hægt að
verða við þeim tilmælum, jafnframt
því að það væri hans eindregin nið-
urstaða að það bæri að fara í virkj-
unina með þeim hætti sem áætlanir
lægju fyrir um.
Málinu drepið á dreif
Hann sagði að það að blanda
Þjórsárveram og Dettifossi inn í
umræðuna væri til þess fallið að
drepa málinu á dreif og væri ekki
innlegg í það mál sem væri verið að
ræða og takast á um. „Eg held að
það sé ekkert næri-i að neinn
kæmist upp með það að fara í þær
framkvæmdir og ég held að það
væri skynsamlegt fyrir ráðamenn,
Halldór sem aðra, að átta sig betur
á hvemig landið liggur í samfélag-
inu nú um þessar mundir varðandi
framkvæmdahugmyndirnar um
Fljótsdalsvirkjun og tengslin við ál-
bræðslu á Reyðarfirði sem er hluti
af þessu máli,“ sagði Hjörleifur.
Hann sagði að það væri grand-
vallaratriði af hans hálfu að lögin
um mat á umhverfisáhrifum virki í
sambandi við þessi framkvæmdaá-
form. „Ég er andvígur þessum
stóriðjuáformum eins og þau hafa
verið kynnt á Austurlandi. Ég tel
að menn eigi að leita annarra leiða
og fara alveg upp á nýtt yfir þessi
mál varðandi nýtingu vatnsaflsins í
ljósi breyttra viðhorfa," sagði Hjör-
leifur ennfremur.
Eyjabakk-
ar og lónið
HALLDÓR Ásgrímsson utan-
ríkisráðherra sagði á fundi með
framsóknarmönnum í fyrradag
að verði Eyjabakkar ekki settir
undir lón vegna fyrirhugaðrar
Fljótsdalsvirkjunar þá verði sú
virkjun ekki reist. A myndunum
er horft til norðurs yfir Eyja-
bakkana og væntanlegt lón-
stæði. Snæfell er á vinstri hönd.
Á neðri myndinni hefur fyrir-
hugað lón verið sett inn á
myndina af Landsvirkjun, en
lónið er um 44 ferkílómetrar,
sem jafngildir hálfu Þingvalla-
vatni.
Krafa Spánar um áframhaldandi
greiðslur í þróunarsjóð
Afstaða ríkis-
stjórnar skýr
HALLDÓR Ásgrímsson utan-
ríkisráðherra leitaði á ríkisstjórn-
arfundi á miðvikudag eftir um-
boði ríkisstjórnarinnar til að fara
út í samningaviðræður sem
tengjast stækkunarferli ESB, og
í samtali við Morgunblaðið sagði
utanríkisráðherra, að afstaða
ríkisstjórnarinnar væri skýr í
þessu máli að því er varðar kröfu
Spánar um áframhaldandi
greiðslur EFTA-ríkjanna í
þróunarsjóð ESB.
„Við teljum að þessum greiðsl-
um sé lokið og við höfum staðið
við okkar samninga. Við erum
hins vegar tilbúnir til viðræðna
við Evrópusambandið um stækk-
unarferlið og hugsanlega þátt-
töku EFTA-ríkjanna í þeim
kostnaði sem af því hlýst. En það
verður þá líka að vera ljóst að það
verði tekið fullt tillit til okkar
aðstæðna og við minnum að
sjálfsögðu á þá staðreynd að við
höfum aldrei fengið fulla fríversl-
un með fisk.
Það er bagalegt á ýmsum svið-
um og þá ekki síst að því er varð-
ar síld, sem býr við mjög þröngan
kost á mörkuðum í Évrópu,"
sagði Halldór.