Morgunblaðið - 28.11.1998, Blaðsíða 16
16 LAUGARDAGUR 28. NÓVEMBER 1998
MORGUNBLAÐIÐ
FRÉTTIR
Global 360 á íslandi 30. nóvember
U mfangsmesta fjar-
ráðstefna Islendinga
MÁNUDAGINN 30. nóvember
hefst í sal Endurmenntunarstofn-
unar Háskóla Islands umfangs-
mesta fjarráðstefna sem Islending-
um hefur gefíst kostur á að taka
þátt í. Ráðstefnan nefnist Global
360 og munu 25 aðildarlönd taka
þátt í henni, en Islendingar verða
einu Norðurlandabúarnir, sem taka
þátt. Ráðstefnan stendur frá mánu-
degi til miðvikudags, en miðpunkt-
ur hennar er ráðstefna um upplýs-
ingatækni, sem nefnist IST ‘98 og
verður haldin í Vín á sama tíma.
Ráðstefnan er eins konar opnun á
5. rammaáætlun Evrópusambands-
ins um nýtingu upplýsingatækni og
mun Martin Bangemann, fram-
kvæmdastjórnarmaður Evrópu-
sambandsins, flytja opnunarávarp.
Allt í beinni útsendingn
Þátttaka Islendinga í Global 360
er samvinnuverkefni Landssíma
íslands hf., Rannsóknarráðs ís-
lands og Háskóla Islands. Sæ-
mundur Þorsteinsson, forstöðu-
maður rannsóknardeildar Lands-
símans, segir _að nokkur áhætta
fylgi þátttöku Islendinga í Global
360. „Við erum að keyra yfir fjar-
skiptanetið ákveðinn atburð, sem
gæti hugsanlega mistekist vegna
hins mikla fjölda aðila sem eru
tengdir, því dagskráin er öll í
beinni útsendingu,“ segir Sæ-
mundur. „Menn munu gæta þess
mjög vel að það komi ekki kaflar
þar sem ekkert er að gerast og þar
höfum við samsvörun við sjónvarp-
ið og því verður skotið inn
skemmtiefni eða auglýsingum svo
ráðstefnuþátttakendur víða um
heim missi ekki athyglina.“
íslenskir þátttakendur geta
komið með fyrirspurnir til fyrirles-
ara úr sal Endurmenntunarstofn-
unar og það fer fram með þeim
hætti að tölvuumsjónarmaður úr
sal skráir fyrirspurnarbeiðnir frá
Islandi og síðan er það á valdi ráð-
stefnuhaldara að leyfa hana eður
ei, eftir því hvernig stendur á þar
ytra.
Kröfur nútímamanna
til upplýsingatækni
Vænst er þátttöku jafnt almenn-
ings sem háskólastúdenta í ráð-
stefnunni því hún fjallar um efni
sem varðar upplýsingasamfélagið
og er, að mati Ebbu Þóru Hvann-
berg hjá_ Kerfisverkfræðistofnun
Háskóla Islands, mjög áhugaverð
íyrir notendur, þ.e. hinn almenna
borgara, til að fræðast um hvers
konar upplýsingatækni þeir geta
átt von á í framtíðinni. Hún segir
að krafa hins almenna borgara til
upplýsingatækninnar sé sú að hún
sé áreiðanleg, aðgengileg og hag-
kvæm og á það sé lögð mikil
áhersla í þeirri rannsóknaráætlun,
sem unnið er að á vegum IST.
„Þetta gefur nemendum í öllum
deildum Háskólans kost á því að
koma hingað og hlýða á fyrirlesara
í fremstu röð og einnig að spyrja
þá spurninga, sem þeir hefðu ann-
ars ekki getað,“ segir Ebba. „Fyrir
nemendur í t.d. tölvunarfræði eru
þeir að sjá rannsóknarviðfangsefni,
sem hvetur þá til að taka þátt í
rannsóknarverkefnum og það er
eitt af áherslusviðum Háskólans,
auk þess að efla tengsl við almenn-
ing.“
Bruni við Lindargötu
HJÓN á sjötugsaldri voru flutt á
slysadeild Sjúkrahúss Reykja-
víkur með væg einkenni reyk-
eitranar eftir bruna í mannlausri
íbúð á annarri hæð íbúðarhúss
við Lindargötu um klukkan 1 að-
faranótt föstudags. Tveir kettir
drápust í brunanum. Ibúi í hús-
inu, sem er fjórbýli, varð brun-
ans var og tilkynnti hann til
slökkviliðsins í Reykjavík.
Sextán manna slökkvilið réð
niðurlögum eldsins. Mest hafði
brannið við fataskáp í svefnher-
bergi í íbúðinni og fór töluverð
vinna í að reyklosa íbúðina.
Eldsupptök era enn ókunn, en
málið er í rannsókn hjá rann-
sóknardeild lögreglunnar í
Reykjavík.
Taktu þátt í léttum leik á mbl.is og þú getur unnið miða á
myndina, eða 6 mánaða áskriít af Netinu hjá Símanum-Internet.
Fyrstu 100 sem senda inn rétt svör fá boðsmiða fyrir tvo á forsýningu myndarinnat
Á næstunni verður spennumyndin Sögusagnir (Urban Legend) frumsýnd.
Hún gerist í Pendelton-háskólanum þegar hann hefur verið valinn „öruggasti háskólinn".
www.mbl.is
Morgunblaðið/Golli
VÆNST er þátttöku almennings í stærstu fjarráðstefnu, sem íslending-
um hefur gefist kostur á að taka þátt í, á mánudagsmorgun kl. 8 í sal
Endurmenntunarstofnunar HI við Dunhaga, þar sem haldinn var kynn-
ingarfundur fyrir fréttamenn. Frá vinstri: Snæbjörn Kristinsson, Rann-
sóknarráði íslands, Ebba Þóra Hvannberg, Kerfisverkfræðistofnun HI,
Sæmundur Þorsteinsson, forstöðumaður rannsóknardeildar Landssím-
ans, og Ólafur Þ. Stephensen, upplýsingafulltrúi Landssi'mans.
Ræða stöðuna við úr-
lausn 2000-vandans
NÝ STEFNA í bókhaldsmálum rík-
isins og staðan í úrlausn 2000-vand-
ans verður efni ráðstefnu á vegum
Ríkiskaupa, Ríkisbókhalds, fjár-
málaráðuneytis og 2000-nefndarinn-
ar næstkomandi þriðjudag. Ráð-
stefnan hefst með ávarpi Geirs H.
Haarde fjármáiaráðheiTa og verða
síðan flutt nokkur erindi.
Ráðstefnan er ætluð forstöðu-
mönnum, forstjórum, yfirmönnum
tölvu-, tækni- og bókhaldsmála hjá
ríkisfyrirtækjum og stofnunum auk
þess sem allir áhugamenn um mál-
efnin eru velkomnir. Gunnar H. Hall
ríkisbókari kynnir nýja stefnu Ríkis-
bókhalds í hugbúnaðarmálum og
Ottó Magnússon, rekstrarstjóri Rík-
iskaupa, fjallar um reynslu Ríkis-
kaupa af innkaupum á upplýsinga-
kerfum.
Þá verða flutt nokkur erindi um
2000-vandann í tölvum og tækjabún-
aði. Spurningunni hvernig miðar í
lausn 2000-vandans svara Guðmund-
ur Guðmundsson, verkefnastjóri
aldamótavæðingar Reiknistofu
bankanna, og Guðmundur B. Inga-
son, verkefnastjóri í upplýsingaþró-
unardeild Flugleiða. Ægir Sævars-
son, markaðsstjóri Ríkiskaupa, segir
frá könnun á 2000-vanda ríkisstofn-
ana og Jóhann Gunnarsson, ritari
2000-nefndai'innar, greinir frá eftir-
rekstri meðal ríkisstofnana.
Tvö síðustu erindin flytja þeir
Theódór Ottósson, forstöðumaður
upplýsingatæknideildar Landssíma
íslands, og Ólafur Aðalsteinsson,
forstöðumaður tækni- og þjónustu-
deildar tölvudeildar Ríkisspítalanna,
og svara þeir spumingunni hver er
staðan?
Ægir Sævarsson segir að þegar
Ríkiskaup könnuðu nýlega í annað
sinn meðal ríkisstofnana hvernig
háttað væri undirbúningi fyrir 2000-
vandann hafi fleiri ríkisstofnanii'
svarað eða 75 á móti 50 þegar málið
var kannað í febrúar. Hann segir ís-
lendinga nokkuð á eftir öðrum þjóð-
um á vissum sviðum og svo virðist
sem vandinn hafi ekki alls staðar
fengið nauðsynlegan forgang.
Óskar Guðmundsson um Morgunblaðið
Sérkennileg umræða
um hlutverk forsetans
„KALT stríð við forseta íslands?“ er
heiti greinar á heimasíðunni Sa-
meining, síðu samfylkingarinnar,
sem Óskar Guðmundsson, ritstjóri
hennai', skrifar. Þar segir m.a. að
Morgunblaðið og fylginautar þess í
Sjálfstæðisflokknum hafi verið í sér-
kennilegri umræðuherferð um hlut-
verk forseta íslands.
Vitnað er til skrifa í forystugrein-
um Morgunblaðsins þar sem segir
að það sé bjargföst skoðun blaðsins
að það væri ekki þjóðarhagsmunum
til framdráttar ef hlutverki forseta
íslands yrði breytt á þann veg að
hann blandaði sér í deilur um dæg-
urmál. Honum hefði borið skylda til
þess að heyja kosningabaráttu sína
fyrir kosningarnar 1996 á þein'i for-
sendu ef skoðun hans væri sú að
umrædd breyting ætti að verða á
embættinu.
Óskar Guðmundsson segir í grein
sinni að þessi staðhæfing Morgun-
blaðsins sé ekki rétt, það hafi oft-
sinnis komið til tals í kosningabar-
áttunni hvert væri hlutverk forset-
ans í breyttum heimi. Hann segir
einnig að í kosningabaráttunni hafi
orðið mikil umræða um málsskots-
rétt forseta Islands. Vitnar greinar-
höfundur til viðtals við Ólaf Ragnar
Grímsson í Tímanum viku fyi'ir
kosningar þar sem segir meðal ann-
ars:
„Núna lifum við á tímum mikilla
breytinga, staða þjóðarinnar í heim-
inum er óvissari en áður, samskipti
okkar við aðra eru með nýjum hætti,
hugmyndir um fullveldi eru að
breytast, tengsl við aðrar þjóðh’ eða
ríkjasambönd eru í deiglunni. Á
dagskrá kunna að koma ýmis mál-
efni sem snerta grundvallarafstöðu
til siðferðis og gildiskerfa, snerta
hugmyndir manna um stöðu ein-
staklings og samfélags. Allt þetta
kann að stuðla að því að þjóðinni
fínnist meira til um þann rétt sinn
að geta sjálf metið hvað gera skuli í
þessum efnum, í stað þess að láta
þær víglínur, sem ráða á Alþingi eða
í sveitastjórnum, alfarið um það að
skipa þessum málum."
Eg vilþakka börnunum mínum, tengdabömum,
bamabörnum og barnabarnabörnum, vinum,
ættingjum og því listafólki sem glöddu mig á
áttrœðisafmœli mínu oggáfu mér ögleymanlegan dag.
Guð blessi ykkur öll.
Þorbjörg Jóhannesdóttir
frá Neðribœ í Flatey, Hlíðarlundi 2-204, Akureyri.