Morgunblaðið - 28.11.1998, Blaðsíða 72
72 LAUGARDAGUR 28. NÓVEMBER 1998
MORGUNBLAÐIÐ
BRÉF
TIL BLAÐSINS
[öic&yeJOM aftúœ'a eyeA \
\oN/NN/- 06 NÖ'/MEP r/LF/NN-'l
x/NClj/ )
Hundalíf
Ljóska
Ferdinand
Ég þoli þetta ekki...
Kringlan 1 103 Reykjavík • Sínii 569 1100 • Símbréf 569 1329
Byggðaröskun
eða „fjárfest-
ingakapphlaup “
Frá Jóni Árnasyni:
ÞEGAR þetta er ski-ifað stendur
yfír landsfundur Framsóknar-
flokksins. Eins og fram kom á bak-
síðu Morgunblaðsins hinn 18. nóv-
ember eru framsóknarmenn að
ræða leiðir til þess að styrkja
landsbyggðina með því að grípa til
ráða er auka framboð fiskjar til
landvinnslunnar.
Framsóknarmenn eru ekki einir
um að hafa áhyggjur af minna
framboði hráefnis til landvinnslu
og fiskmarkaða innanlands. Flestir
þeir sem búa í sjávarplássum deila
þessum áhyggjum með framsókn-
armönnum hvar í flokki sem þeir
standa. Skortur á góðu hráefni til
saltfiskvinnslunnar er ekki bara
vandamál vinnslunnar. Erlendir
markaðir fyrir gæðaafurðir eru í
uppnámi.
Það að auðvelda aflamarksskip-
um aðgang að aflaheimildum til
hagsbóta íyrir landsbyggðina,
markaðina og þar með þjóðina alla,
ætti því að falla í góðan jarðveg hjá
öllum. Þorsteinn Pálsson sjávarút-
vegsráðherra sér þó ástæðu til
þess að gera sitt til að koma í veg
fyrir að framsókarmenn leiti leiða
til að styrkja byggðir landsins.
Þorsteinn leyfir sér að segja að
aflaheimildirnar séu best komnar
hjá þeim er eiga þær nú. Einnig
heldur ráðheirann því fram að þeir
sem eiga heimildirnar, stundi veið-
arnar með sem hagkvæmustum
hætti. Eg vil benda á að strand-
veiðiflotinn hefur árum saman leigt
til sín stóran hluta þeirra aflaheim-
ilda sem hann hefur nýtt. Þrátt
fyrir okurverð á heimildunum hef-
ur tekist að reka fjölmörg skip og
báta með einhverjum tekjuafgangi.
Þeir sem til þekkja eru því alls
ekki sammála Þorsteini Pálssyni
sem gefur í skyn að hagkvæmast
sé að taka allan aflann með frysti-
togurum, því það er ekkert annað
en það sem hann er að segja í ræðu
sinni á Fiskiþingi og fram kemur í
Morgunblaðinu 20. nóvember.
Það má ekki hrófla við kvótaeig-
endunum og allar viðbótaheimildir
skulu renna í þeirra vasa. Hagur
hinna dreifðu byggða er sjálfsögð
fóm. Hrun saltfiskmarkaðanna er
sjálfsögð fórn. Það að útiloka frá
veiðunum hagkvæmustu veiðiskip-
in og þau sem eru með vistvænustu
veiðarnar er sjálfsögð fóm. En fyr-
ir hvað er þessu öllu fórnað? Spyr
sá sem ekki veit.
JÓN ÁRNASON
frá Patreksfirði.
Olögleg
ríkisinnheimta
Frá Jóni Ái-manni Steinssyni:
FYRIR nokkra leitaði ég eftir leyfi
til að birta kort frá Landmælingum
Islands í bæklingi um Heiðmörk og
nágrenni. Sá sem varð fyrir svör-
um hjá stofnuninni reiknaði út
svimandi hátt verð, um 100 þúsund
krónur. Ég vildi fá þessa verðskrá
með mér úr húsi en var tjáð að hún
væri ekki til í útgefnu formi.
Núna bregður hins vegar svo við
að Landmælingar íslands hafa gef-
ið út prentaða verðskrá fyrir út-
gáfu og birtingu gagna. Samkvæmt
þeirri verðski'á á ég að borga 40
þúsund krónur, sem er ögn skárra
en í fyrra tilvikinu. Kortið er hins
vegar smátt og bæklingurinn líka
og þar sem birtingarleyfisgjaldið
er áþekkt prentkostnaðinum verð-
ur bæklingurinn væntanlega
prentaður án korts.
Þegar ég kynnti mér hins vegar
lög Landmælinga íslands komst
ég að því með hjálp löglærðs vinar
míns að ofangreind gjaldskrá á sér
ekki lagastoð. í lögum Landmæl-
inga frá 1997 er hvergi minnst á
gjaldtöku fyrir birtingu gagna
heldur tilgreint sérstaklega í 9. gr.
að heimilt sé að veita afnotarétt af
öllum upplýsingum að því tilskildu
að uppnina sé getið. Ekki er þar
eitt orð um gjaldtöku. I eldri lög-
um stofnunarinnar, sem féllu úr
gildi 1997, er hins vegar skýrt
kveðið á um gjaldtöku í 12. gr.
Þeim sem vilja skoða þetta nánar
er bent á vefslóð:
http/www.lmi.is/112.HTM. Sam-
kvæmt nýju lögunum er gjaldtak-
an ekki heimil og gjaldskrá sú sem
birt var í Stjórnartíðindum 6. nóv-
ember sl. því marklaust plagg.
í ljósi þess sem fram hefur kom-
ið er öll innheimta birtingarleyfa
hjá Landmælingum Islands sem
átt hefur sér stað eftir gildistöku
nýju laganna 1. júlí 1997 ólögleg og
vil ég hvetja alla þá, sem hafa
greitt birtingargjald til Landmæl-
inga eftir þann dag, að sækja rétt
sinn og fá gjaldið endurgreitt með
dráttan'öxtum.
Það má vel vera að Landmæling-
ar Islands þurfi aukið fjármagn til
að niðurgreiða flutninginn upp á
Akranes, eða til reksturs lúxus-
skrifstofu yfn-manna sinna í
Reykjavík, en þá á líka að afla
tekna á löglegan hátt, ekki með
þjófnaði.
JÓN ÁRMANN STEINSSON,
Vesturbergi 6, Reykjavík.
Ailt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.