Morgunblaðið - 28.11.1998, Side 61

MORGUNBLAÐIÐ
LAUGARDAGUR 28. NÓVEMBER 1998 6
AÐSENDAR GREINAR
Til lítils er brú án vega
Á DÖGUNUM var nýr vegrn- og
brú formlega opnuð fyrir mynni
Gilsfjarðar. Eins og fram hefur
komið er þetta mestur vegur í sjó,
sem gerður hefur verið hér á landi,
þótt brúin sé ekki mjög löng. Því
hefur verið brotið blað í vegagerð á
íslandi. Fyrst og fremst er brúin
samgöngubót fvrir Vestfirðinga, en
jafnframt samgöngubót fyi-ir alla
aðra landsmenn, sem þangað eiga
erindi. Frá því, að hugmyndinni um
vegagerð af þessu tagi í Gilsfírði var
fyrst hreyft, hefur hún átt skilningi
að mæta hjá forystumönnum og al-
menningi. Auðvitað tók það
nokkum tíma að stilla saman
strengi þeirra, sem um áttu að véla,
og rannsóknir og hönnun kröfðust
síns tíma. En verkið tók stuttan
tíma eftir að hafið var og er nú hin
mesta prýði. Það sjá allir, sem um
fjörðinn fara.
Sumarið 1997 var lokið við að
fylla í veginn þannig að akfært varð
um fjörðinn. Þá héldu heimamenn
nokkurt hóf í Bjarkarlundi. Halldór
Blöndal samgönguráðherra flutti
þar stutt ávarp. Var eftir því tekið,
að hann fjallaði lítið um næstu verk-
efni á svæðinu í smáatriðum, en tók
hins vegar skýrt fram, að það væri
til lítils að leggja í svo stóra fram-
kvæmd, ef ekki fylgdu henni vega-
bætur í sama stíl. Var gerður góður
rómur að máli ráðherrans.
Vegur um Bröttu-
brekku, segir Sigur-
björn Sveinsson, er
lykill að góðum notum
af Gilsfjarðarbrú.
Staðreyndin er sú, að samgöngu-
leiðir, sem til brúarinnar liggja að
sunnan og frá henni til vesturs, eru
gamlir vegir og úr sér gengnir og
hin verstu torleiði.
Tenging við Vestfírði
Fyrir liggur að bæta vegi bæði til
sunnanverðra Vestfjarða og í Djúp-
ið. Sums staðar á leið í Flókalund
eru góðir vegkaflar en inn á milli
gamlir og ónýtir vegir, krókóttir og
niðurgrafnir. Þessa vegi er að finna
m.a. á fjallvegum, t.d. á Klettshálsi,
og er þá að vonum ei'fitt og raunar
útilokað að halda þeim opnum nema
í allra snjóléttustu vetrurn. Teng-
ingin við Djúpið hefur ekki verið
ákveðin, en til greina koma tveir
möguleikar. Annar er úr Geiradal í
Austur-Barðastrandarsýslu í Arn-
kötludal í Strandasýslu, en hinn úr
Þorskafirði um Þorgeirsdal á nýja
veginn um Steingrímsfjarðarheiði.
Sá fyrri hefur þann kost að tengja
saman tvær jaðarbyggðir á Vest-
fjörðum. Vegurinn um Þorgeirsdal
styttir leiðina hins vegar enn frekar
til norðanverðra Vestfjarða. Er
hann að því leyti áhugaverðari kost-
ur. Þótti Vegagerð ríkisins þessi
leið fýsilegri á sínum tíma en nýi
vegurinn um Steingrímsfjarðar-
heiði. Akvörðunin um vegagerð á
Steingrímsfjarðarheiði var af póli-
tískum toga, enda höfðu þingmenn
nokkrar málsbætur, þegar litið var
til hagsmuna allra Vestfirðinga að
þessu leyti.
Best fer á þvi að reyna að ná sem
víðtækastri samstöðu um þessa
vegagerð. Hafa Samtök sveitarfé-
laga á Vestfjörðum þegar ályktað
með vegagerð um Arnkötludal.
Mun það vafalítið vega þungt, þegar
ákvarðanir verða teknar.
Á meðan þeirra er beðið verður
að sinna lágmarksviðhaldi á Þorska-
fjarðarheiði, sem nú er eini kostur
þeirra, sem vestur fara og ætla að
nota Gilsfjarðarbrú. Vegna við-
haldsleysis er sá vegur hræðilegur
yfirferðar og tæplega reiðfær, hvað
þá bflfær.
Brattabrekka
Brattabrekka er helsti farartálm-
inn milli Gilsfjarðar og Borgai-fjarð-
ar. Þetta er fjallvegur, sem liggur í
um það bil 400 m hæð. Hann er 14
km langur og þar af eru um 7 km í
yfir 200 metrum. Vegarstæðið er
gamalt en smávægilegar bætur hafa
verið gerðar á vegi og brúm í ár-
anna rás. Tilgangur þeirra hefur
fyrst og fremst verið sá að draga úr
öxulþungatakmörkunum og laga
verstu slysagildrur. Lítið hefur ver-
ið hægt að gera til að draga úr snjó-
þyngd og lengja tímann sem vegur-
inn er opinn, þar sem meira þarf þá
að koma til en smáaurar.
I skýrslu Vegagerðar ríkisins um
Bröttubrekku frá 1979, bls. 2, segir:
„Núverandi vegur á þessu svæði er
lítils virði. Vegferillinn samanstend-
ur af bröttum brekkum, blindhæð-
um og kröppum beygjum, enda hef-
ur vegurinn lengi verið talinn
hættulegur. Ekki á það
síst við er hausta tek-
ur, þegar svellbólstrar
taka að myndast. Á
tveggja kflómetra
svæði sunnan við Mið-
dalsgil er hætta á snjó-
flóðum og aurskrið-
um.“
Nú standa fyrir dyr-
um endurbætur á þess-
um vegi til að gagnast
þeirri umferð, sem um
hann á að fara í fram-
tíðinni. Lagðar hafa
verið til hliðar umtals-
verðar fjárhæðir á
langtímaáætlun í vega-
málum. Horfið hefur
verið frá hugmyndum um jarðgöng
og eru nauðsynlegar endurbætur
taldar kosta um 300 milljónir króna.
Gallinn er einungis sá, að ekki er
gert ráð fyrir, að veg-
urinn taki á sig þessa
framtíðarmynd fyrr en
eftir miðjan næsta ára-
tug.
Það liggur í augum^
uppi, að vegurinn um
Bröttubrekku er lykill
að góðum notum af
Gilsfjarðarbrú og lykill
að greiðum samgöng-
um allra Dalamanna og
Vestfirðinga suður á
bóginn - og til baka.
Það er eðlileg krafa,
að þessi áform verði
endurskoðuð og að
vegabótum á Bröttu-
brekku verði lokið árið
2000. Til þess hníga margvísleg rök«.
og verður vikið að þeim síðar.
Höfundur er læknir.
ITALSKAR HAGÆÐAFUSAR
FRÁ CASALGRANDE PADANA
---■ Opnum
á laugardag
glæsilegustu
flísaverslun
landsins
Jólagjöf
handa yngstu
þegnunum
Allt smáfólk sem
kemur í fylgd
fullorðinna fær
jólagjöf frá
GÓLFEFNABÚÐINNI
DUKAR - 8AÐINNRE ÍTINGAR
OG 8LÖNDUNARTÆKI
GOLFEFNABUÐIN
■ traust undirstaða fjölskyldunnar
BORGARTÚNI 33 - SÍMI 561-7800 - FAX 561-7803
Sigurbjöm
Sveinsson