Morgunblaðið - 29.11.1998, Side 55

MORGUNBLAÐIÐ
SUNNUDAGUR 29. NÓVEMBER 1998 55
FÓLK í FRÉTTUM
SANDRA Bonnaire í Tímaþjófinum, sem byggð er
á sögu Steinunnar Sigurðardóttur.
CHRIS Rock og Jackie Chan í „Rush Hour“, sem sýnd verður
í þremur kvikmyndahúsum í Reykjavík.
ráða hann í slík hlutverk en hann er
svo heillandi persónuleiki og hlýleg-
ur að áhorfandinn trúir því að hann
fari á heimsenda að leita ástarinnar
sinnar."
Tímaþjófur og prins
Tímaþjófurinn eftir Steinunni
Sigurðardóttur mun eflaust vekja
athygli bíógesta um jólin. Hún heit-
ir „Voleur de vie“ á frönsku en „Sto-
len Life“ upp á ensku og er með
tveimur af fremstu leikkonum
Prakka í aðalhlutverkum, Emmanu-
elle Béart og Sandrine Bonnaire.
Leikstjóri er Yves Angelo. Myndin
verður frumsýnd 11. desember og
munu leikkonan Béart og leikstjór-
inn Angelo vera viðstödd frumsýn-
inguna. Síðast sáum við Béart á
móti Tom Cruise í „Mission:
Impossible“ og þar áður í myndinni
Kalið hjarta. Bonnaire var í spennu-
mynd Claude Chabrol, sem á ensku
hét „A Judgement in Stone“ og Há-
skólabíó sýndi fyrir nokkru.
Bonnaire lýsir persónu sinni í Tíma-
þjófinum á þessa leið: „Hún er mjög
skynsöm kona en leggur þó líf sitt í
rúst gegn vilja sínum vegna þess að
hún er sjúk og sjúk-
dómurinn leiðir til
dauða.“
Eitt af megin-
verkefnum Dr-
eamWorks fyrirtæk-
isins í eigu Steven
Spielbergs o.fl. er að
gera teiknimyndir
sem jafnast á við það
besta sem Disney-
fyrirtækið sendir frá
sér á hverju ári og
heitir fyrsta teikni-
mynd fyrirtækisins
Prinsinn af Egypta-
landi eða „The Pr-
ince of Egypt“ en
hún verður ein af
jólamyndum Há-
skólabíós. Hún verð-
ur sýnd með ís-
lensku tali. Myndin
segir söguna af
Móses og hvemig
hann leiddi þjóð sína út úr Egypta-
landi. Vandmeðfarið efni nú, þegar í
tísku er að mótmæla innihaldi bíó-
mynda en höfúð teiknimyndadeildar
DreamWorks, Jeffrey Katzenberg,
gætti þess vandlega að myndin
móðgaði engan. Eitt vandamálið sem
vafðist fyrir höfundum myndarinnar
var að búa guð til; málamiðlunin var
sú að láta Val Kilmer tala fyrir hann
í bandarísku talsetningunni. Það tek-
ur Móses fjórar mínútur að leiða
þjóð sína í gegnum Rauðahafið í
myndinni en teiknararnir voru leng-
ur að því, alls fóru 318.000 vinnu-
stundir í þetta flóknasta atriði mynd-
arinnar.
Disneyteiknimyndin þetta árið er
„Mulan“ en sýningar á henni eru
þegar hafnar í Sambíóunum. Hún
byggir á kínverskri þjóðsögu og er
sýnd með íslensku tali. Þá verður
Samningamaðurinn eða „The
Negotiator“ með Samuel L. Jackson
og Kevin Spacey í jólamánuðinum í
Sambíóunum og ein önnur jólamynd
heitir „I’ll be Home for Christmas“
og segir frá unglingspilti sem lendir
í miklum vandræðum með að koma
sér heim klæddur jólasveinabúningi.
Galdrafár
Nokkuð hefur borið á myndum
undanfarin misseri sem dufla við hið
yfirnáttúrulega og er jólamynd
Sambíóanna, „Practical Magic“, ein
af þeim. Hún er með Söndru Bullock
og Nicole Kidman en þær leika syst-
ur sem eiga í karlavandræðum
vegna yfirnáttúrulegra hæfileika
sinna; þær eru rammgöldróttar.
Myndin er byggð á skáldsögu eftir
Alice Hoffman og er sögð ekki síður
fjalla um ofureðlilega samkeppni og
átök á milli tveggja systra en
galdrafár. Þetta er fyrsta mynd
Nicole eftir að hún lék fyrir Stanley
Kubrick í „Eyes Wide Shut“ og hún
segir að munurinn á því að vinna við
þessar tvær myndir hafi verið
„nokkuð yfirþyi-mandi“. Griffin
Dunne er leikstjóri og hafði sér til
ráðgjafar nokkra miðla og konur
sem sögðust búa yfir nornahæfileik-
um. Eitthvað urðu þær óánægðar
með kjör sín og „ein þeirra lagði
bölvun á myndina sem kom fram
fyrsta tökudaginn", er haft eftir
Bullock. „Við megum ekki tala um
hana en hlutirnir fóru að ganga á
afturfótunum og við kenndum henni
um.“
Þá munu Sambíóin sýna mynd
sem vakti talsverða athygli í Banda-
ríkjunum um síðustu jól og heitir
„The Ice Storm“ og er með m.a.
Sigourney Weaver og Kevin Kline í
aðalhlutverkum. Regnboginn hefur
á áætlun að sýna nýjustu myndina
með Matt Damon, „Rounders", um
jólin og í Laugarásbíói verður einnig
sýnd framhaldsmyndin „The Odd
Couple II“, sem er síðbúið framhald
geysilega góðrar gamanmyndar
með Walter Matthau og Jack
Lemmon.
Svokallaðar nýársmyndir verða
nokkrar. Sambíóin bjóða uppá nýj-
ustu mynd Will Smith, „Enemy of
the State“, en Gene Hackman leikur
á móti honum undir leikstjórn Tony
Scotts. Framleiðandi er Jerry
Bruckheimer og Jon Voight kemur
einnig fram í myndinni, sem Jerry
vill líkja við njósnamyndir á borð við
„Three Days of the Condor" og
„The Conversation". Regnboginn
mun jafnvel frumsýna nýjustu mynd
Sharon Stone, „Mighty“, um ára-
mótin og Háskólabíó nýju myndina
um Elísabetu drottningu, þessa með
skrítnu hárgreiðslurnar.