Morgunblaðið - 16.12.1998, Qupperneq 21

MORGUNBLAÐIÐ
MIÐVIKUDAGUR 16. DESEMBER 1998 21
Frjáls viðbótarlífeyrissparnaður
Frá og meö næstu áramótum veröur launþegum heimilt aö draga allt að 2% viðbótariðgjald frá
skattskyldum tekjum vegna lífeyrissparnaðar til vörslu á séreignarreikningi launþega. Launþegar
geta falið vinnuveitendum sínum að annast frádrátt iðgjaldsins af útborguðum launum og kemur
iðgjaldið þá strax til lækkunar skattskyldum tekjum.
Til þess að hvetja landsmenn enn frekar til þátttöku í umræddum viðbótarlífeyrissparnaði er stjórnar-
frumvarp til umfjöllunar á Alþingi sem gerir ráð fyrir að launþegar fái greitt 10% mótframlag frá ríkinu
til viðbótar sínum sparnaði. Búist er við að frumvarpið verði afgreitt sem lög fyrir áramót. Sá sem
sparar til dæmis 30.000 kr. á ári fær því samkvæmt frumvarpinu 3.000 kr. til viðbótar í framlag, sem
kemur til lækkunar á tryggingargjaldi launagreiðanda.
Þeir sem taka þátt í viðbótarlífeyrissparnaði ákveða sjálfir hvar sparnaðurinn er varðveittur, en
viðurkenndir vörsluaðilar eru lífeyrissjóðir, bankar, sparisjóðir, verðbréfafyrirtæki og líftryggingafélög.
Launagreiðandi leggur iðgjaldið inn hjá þeim aðila sem launþeginn tilgreinir, launþega að kostnaðarlausu.
Um viðbótarlífeyrissparnað gilda ákveðnar reglur og eru launþegar hvattir til að kynna sér þær.
Starfsmenn ríkisins eru hvattir til að vera með frá upphafi. Fram til 18. desember geta starfsmenn
tilkynnt til sinnar stofnunar aö þeir óski eftir að viðbótarlífeyrisiðgjald verði dregið af launum þeirra
frá og með janúar nk. Fyrir 15. janúar 1999 þarf síðan að tilgreina þann aðila sem á að varðveita og
ávaxta sparnaðinn. Þannig fá menn tíma fram yfir áramót til að kynna sér þá sparnaðarkosti sem í
boði eru, en geta notið skattalegs hagræðis af sparnaðinum frá byrjun. Annars er síðasti
tilkynningardagur til launagreiðenda 15. hvers mánaðar.
Nánari upplýsingar eru veittar milli kl. 8.30 og 16.00 á virkum dögum í síma 560 9200, fram til
18. desember. Einnig verða upplýsingar á vefsíðu fjármálaráðuneytisins: www.stjr.is/fjr
Fj ármálar áöuney tiö
Til launadeildar eða starfsmannahalds
Ég undirrituð/undirritaður óska eftir að 2% viðbótarlífeyrisgjald veröi dregið mánaðarlega af launum
mínum frá og með janúar 1999. Fyrir 15. janúar 1999 er ætlun mín að ganga frá samningi við viðurkenndan
vörsluaðila og tilkynna launagreiðanda hver hann er. Gangi það ekki eftir mun afdregið viðbótariðgjald
verða endurgreitt. Eftir að sparnaðurinn er hafinn þarf að segja honum upp með minnst 6 mánaða fyrirvara.
Dagsetning:_______________________________Kennitala:_________________________________________
N afn:_______________________________________________________________________________________
Vj S/VQQ A