Morgunblaðið - 16.03.1999, Qupperneq 11

MORGUNBLAÐIÐ
ÞRIÐJUDAGUR 16. MARZ 1999 11
FRÉTTIR
gæslunni, Sigurgeir A. Jónsson rfkistollstjóri, Haraldur Johannessen
ríkislögreglustjóri og lögreglustjórinn í Reykjavík, Böðvar Bragason.
Samningur lögreglu og tollgæsiu um
samstarf í baráttu gegn fíkniefnum
Ætlað að afstýra
fíkniefnabrotum
Mörg hús rýmd vegna snjóflóðahættu
Hefur heilmikið
rask í för með sér
LÖGREGLUYFIRVÖLD á íslandi
og tollyfirvöld hafa gert með sér
starfssamning í baráttunni gegn
fíkniefnum. Markmið samningsins
er að koma í veg fyrir fíkniefnabrot
í landinu og stuðla að markmiði rík-
isstjórnarinnar um fíkniefnalaust
þjóðfélag.
Markmið samningsaðila er m.a.
að styrkja og efla samstarf lögreglu
og tollgæslu, skapa möguleika á
betri árangri í baráttunni gegn
ólöglegum innflutningi fíkniefna og
stuðla að aukinni menntun lögreglu-
manna og tollvarða.
Haraldur Johannessen ríkislög-
reglustjóri og Sigurgeir A. Jónsson
ríkistollstjóri undirrituðu samning-
inn í gær.
Tryggð verði besta þjálfun
fíkniefnaleitarhunda
Við sama tækifæri var einnig
undirritaður samningur um sam-
vinnu varðandi fíkniefnaleitarhunda
lögi'eglunnar og tollgæslunnar, sem
felur m.a. í sér að tryggð verði
besta þjálfun hundanna og að lög-
reglan og tollgæslan i öllum um-
dæmum landsins eigi þess kost að
fá aðstoð sérþjálfaðra fíkniefna-
hunda þegar það reynist nauðsyn-
legt vegna einstakra verkefna.
Samningamir voru kynntir undir
kjörorðinu „Tökum höndum saman
gegn fíkniefnum", en síðan í nóvem-
ber á síðasta ári hefur vinnuhópur á
vegum ríkislögreglustjóra og ríkis-
tollstjóra unnið að gerð tillagna að
samstarfi lögreglu og tollgæslu.
Með samningunum er leitast við að
skapa traustan grundvöll fyrir ár-
angursríku samstarfi og samráði
lögreglu með því að koma á fót sam-
starfsnefndum, þar sem ákveðnum
fulltrúum lögreglu og tollgæslu er
falið að annast og bera ábyrgð á
samstarfi hlutaðeigandi embætta.
Ríkislögreglustjóri og ríkistoll-
stjóri hvetja almenning ennfremur
til að leggja málinu lið þar sem mik-
ilvægt er að allir taki höndum sam-
an og berjist gegn þeim skaðvaldi
sem fíkniefnin eru. Til að auðvelda
almenningi þetta hafa ríkislögreglu-
stjóri og ríkistollstjóri tekið upp
sameiginlegt símanúmer til mót-
töku á upplýsingum frá almenningi.
Um er að ræða gjaldfría símanúm-
erið 800 5005 og verður með því
hægt að leggja inn skilaboð eða
upplýsingar.
Fíkniefnamarkaðurinn fái
ekki að vera óáreittur
Haraldur Johannessen ríkislög-
reglustjóri sagði að með samning-
unum væri verið að koma í veg fyrir
að fíkniefnamarkaðurinn á Islandi
fengi að vera óáreittur.
„Við erum að reyna að ráðast
gegn fíkniefnamarkaðnum með
samstilltum vinnubrögðum lögi'eglu
og tolls,“ sagði Haraldur.
Hann sagðist vonast til þess að
samningarnir yrðu til þess að lög-
reglan og tollgæslan i landinu gætu,
með sameiginlegum starfskröftum,
stýidngu á fjármagni, mannahaldi
og fleira, leitt til þess að hið opin-
bera gæti, betur en verið hefði,
komið í veg fyi'ir ólöglegan innflutn-
ing á fíkniefnum, neyslu þeirra og
sölu í landinu.
„ÞAÐ er heilmikið rask að flytja
fimm manna fjölskyldu út í hvert
sinn sem rýma þarf húsin hér við
Dísarland vegna snjóflóðahættu,"
segir Viðar E. Axelsson, íbúi í Dís-
arlandi í Bolungai-vík. Viðar og
fjölskylda hans leituðu til ættingja
seint á föstudagskvöld eftir að lög-
reglan tilkynnti þeim að rýma
þyrfti hús við Dísarland og Traðar-
land.
Viðar og fjölskylda rýmdu húsið
síðast fyrir þremur vikum, og voru
þá fjóra daga í burtu. Fyrir tveim-
ur árum féll snjóflóð í gegnum stof-
una hjá þeim og þá munaði litlu að
illa færi. Eiginkona hans var nýfar-
in út úr húsinu með börnin þegar
flóðið féll og segir hann að þá hafi
ekki verið búið að gefa út tilskipun
um rýmingu.
Viðar segist ekki vera ánægður
með hvemig staðið var að rýming-
unni: „Það var rætt um það fyrr í
vetur að rýma húsin tímanlega,
ekki seinna en fyrir kvöldmat, en á
föstudag var hringt í okkur kl.
23:15 og þá voru börnin farin að
sofa og við hjónin að koma okkur í
rámið. Það segir sig sjálft að ef
þessir lögreglumenn hefðu komið
tíu mínútum seinna hefðum við
verið farin að sofa og sennilega sof-
ið í húsinu alla nóttina," segir Við-
ar.
Fegin að vera komin
aftur heim
Viðar og fjölskylda hans voru
fegin að vera komin aftur heim í
gær enda fylgja því óþægindi að
sögn Viðars að vita ekki hvenær
þau gætu snúið heim aftur. Við-
búnaði vegna snjóflóðahættu var
hætt um miðjan dag á sunnudag og
gátu þá þær fjölskyldur sem rýmt
höfðu hús sín, snúið til síns heima,
alls um 30 manns.
„Það er heilmikið rask að fara út
af heimili sínu í snatri og vita ekki
hvenær þú getur snúið til baka,
fyrir utan það að leggjast upp á
aðra, þótt ættingjar okkar taki
okkur ávallt vel og allir reyni að
gera gott úr þessu. Að sjálfsögðu
tekur þetta á börnin og alla hina
líka,“ segir Viðar og bætir við að
þótt fjölskyldan vilji gjarnan flytja
þá sé ekki hlaupið að því að selja
húsið.
Hættuástandi
vegna snjó-
flóðahættu
afiétt
VÍÐAST hvar er enginn viðbúnað-
ur lengur vegna snjóflóðahættu og
hefur ekki verið síðan síðdegis á
sunnudag. A Isafírði var hættu-
ástandi aflétt um fimmleytið á
sunnudag og var stillt veður þar í
gær, að sögn lögreglu.
Hættuástandi hafði verið lýst yf-
ir í Seljalandshlíð og í hesthúsa-
byggð í Hnífsdal. í Seljalandshlíð
var eitt íbúðai'hús rýmt þar sem
búa tveir íbúar, auk tveggja fyrir-
tækja sem standa í hlíðinni og
starfsemi er í.
A Siglufirði hefur enginn viðbún-
aður heldur verið síðan síðdegis á
sunnudag, að sögn lögreglu, en þar
hafði verið 1. stigs viðbúnaður.
Vakt á Veðurstofu Islands fylgdist
með svæðinu, ástandi og veðri, en
engin hús voru rýmd og engin
svæði voru lýst hættusvæði.
Hættuástandi á Seyðisfirði var
að sögn lögreglu aflétt á laugardag
og fengu íbúar fai'fuglaheimilisins
Haföldunnar að snúa til síns heima.
I Bolungarvík var hættuástandi
aflétt síðdegis á sunnudag og fengu
þeir 30 íbúar sem yfirgefið höfðu
hús sín að snúa þangað aftur.

Traustur, alvöru, upphækkanlegur, 4x4 jeppi á ÓTRÚLEGU verði • Hátt og lágt drif
Byggður á grind • Kraftmikil og hljóðlát vél • Einstaklega góður í endursölu

ALLIR SUZUKI BÍUR ERU MEÐ:
• vökvastýri • 2 loftpúða •
• aflniikiar véiar • samlæsingar •
• rafmagn í rúðum og speglum •
• styrktarbita I hurðum •
• samlitaða stuðara •
Sjálfskipting kostar 150.000 KR.
$ SUZUKI

SUZUKIBILAR HF
Skeifunni 17. Sími 568 51 00.
www.suzukibilar.is