Morgunblaðið - 16.03.1999, Page 26

26 ÞRIÐJUDAGUR 16. MARZ 1999
ERLENT
MORGUNBLAÐIÐ
Þing Kína lýsir yfír stuðningi við efnahagsumbætur
Staða einkafyrir-
tækjanna styrkt
Peking. Reuters.
Clinton-
hjónin verj-
ast orðrómi
um sam-
búðarslit
Washington. Reuters, The Daily Telegraph.
BILL Clinton Bandaríkjaforseti og
kona hans, Hillary, sóttu messu í
Washington á sunnudag og ætla að
koma oftar fram saman opinber-
lega á næstu dögum til að kveða
niður orðróm um að það sé að
slitna upp úr hjónabandi þeirra.
Clinton-hjónin hlýddu á stól-
ræðu prestsins Philips Wogamans,
sem hefur verið andlegur ráðgjafí
forsetans frá því hann játaði að
hafa verið í þingum við Monicu
Lewinsky, fyrrverandi starfsstúlku
í Hvíta húsinu. Presturinn las 13.
kafla Kórintubréfsins, sem oft er
lesinn í brúðkaupum: „Kærleikur-
inn er langlyndur, hann er góðvilj-
aður... Hann breiðir yfír allt, trú-
ir öllu, vonar allt, umber allt.“
Gert er ráð fyrir því að Clinton-
hjónin komi fram saman við ýmis
tækifæri á næstu dögum vegna
frétta í bandarískum fjölmiðlum
um að hjónabandið sé í mikilli
lægð. Vinir Hillary höfðu lekið því í
fjölmiðlana að hún hefði fengið sig
fullsadda á látlausum fréttum um
kvennafar forsetans og væri mjög
óhamingjusöm í hjónabandinu. Olli
það vangaveltum um að hjónin
hygðust jafnvel skilja að borði og
sæng án þess þó að sækja um lög-
skilnað.
Hjónin sáust aldrei saman þegar
þau fóru í skíðaferð með dóttur
sinni til Utah nýlega og flýttu
heimför sinni án trúverðugra skýr-
inga. Forsetafrúin ákvað einnig að
fara ekki með eiginmanni sínum í
opinbera heimsókn til Mið-Amer-
íkuríkja í vikunni sem leið.
„Eg vil ekki vera í herbergi með
honum, hvað þá í sama rúmi,“ á
forsetafrúin að hafa sagt við vini
sína, samkvæmt fjölmiðlunum.
Vinsældir Hillary
minnka
Sagt var að forsetafrúin hefði
ekki farið til Mið-Ameríku vegna
þess að hún væri bakveik. Hún
sýndi þó engin merki um bakveiki
þegar hún fór til New York nýlega
vegna hugsanlegs framboðs henn-
ar til öldungadeildar þingsins á
næsta ári.
Dregið hefur úr líkunum á því að
forsetafrúin verði kosin á þing og
skoðanakannanir benda til þess að
vinsældir hennar meðal almenn-
ings hafi snarminnkað. Fyrir
nokkrum vikum var talið að hún
myndi vinna stórsigur í kosningun-
um en hún er nú með svipað fylgi
og Rudolph Giuliani, líklegur fram-
bjóðandi repúblikana.
SIGUR stjómarflokks Malasíu í
héraðskosningum í Sabah hefur
komið andstæðingum Mahathirs
Mohammads, forsætisráðherra, í
opna skjöldu og þótt styrkja stöðu
hans, en væringar hafa verið í
Malasíu á liðnum mánuðum vegna
efnahagskreppu og brottrekstrar
Anwars Ibrahims, fyrrverandi að-
stoðarforsætis- og fjármálaráðherra
landsins, úr ríkisstjóminni. Anwar
sem hefur verið ákærður fyrir spill-
ingu og samkynhneigð fær ekki að
kalla fyrir rétt vitni sem segja að
sér hafí verið boðin greiðsla fyrir að
ljúga á hann sökum.
I kosningunum í Sabah-ríki á
eynni Boraeó fékk stjómarflokkur-
ÞINGIÐ í Kína lýsti í gær yfir ein-
dregnum stuðningi við efnahagsum-
bætur Zhu Rongjis forsætisráð-
herra og styrkti stöðu einkafyrir-
tækja með mikilvægri breytingu á
stjórnarskránni.
Tæplega 99% þingmannanna
greiddu atkvæði með árlegri
skýrslu forsætisráðherrans á loka;
degi ellefu daga íúndar þingsins. í
skýrslunni kom fram að stjórnin
hyggst hvergi hvika frá umbóta-
stefnu sinni og ætlar meðal annars
að loka ríkisfyrirtækjum, sem rekin
era með tapi, þrátt fyrir vaxandi at-
vinnuleysi og slæm skilyrði vegna
efnahagssamdráttarins í Asíu.
Forsætisráðherrann lofaði einnig
hörðum aðgerðum til að stemma
stigu við glæpum og spillingu en
hvatti kínverska embættismenn til
að taka ekki of hart á óeirðum.
Mikilvægi einka-
fyrirtækja viðurkennt
Þingið samþykkti nokkrar breyt-
ingar á stjómarskránni, m.a. á
þeirri grein hennar sem fjallar um
einkafyrirtæki landsins. Samkvæmt
breytingunni era þau „mikilvægur
þáttur“ í hagkerfinu en ekki aðeins
„viðbót“ eins og það var orðað áður.
inn, Barisan Nasional, 31 af 48 sæt-
um á ríkisþinginu, að vísu minni
meirihluta en hann hafði áður.
Engu að síður er niðurstaðan talin
sigur fyrir flokkinn. Var jafnvel bú-
ist við því að forsætisráðherrann
mundi nota tækifærið og boða til
kosninga í skyndi en Mahathir aftók
með öllu að almennar kosningar
yrðu haldnar fyrr en ráð er fyrir
gert, eða í apríl 2000. Mahathir hef-
ur haldið um stjórnartaumana í
Malasíu í 18 ár.
Dómari bannar vitnaleiðslur
Lögfræðingar Anwars Ibrahims
gera ráð fyrir að dómur verði kveð-
inn upp í máli hans í byrjun aprfl.
Litið hefur verið á einkafyrirtæk-
in með tortiyggni í Kína frá bylt-
ingunni 1949. Með stjómlagabreyt-
ingunni viðurkennir þingið að
einkafyrirtækin gegna mikilvægu
hlutverki í baráttunni gegn atvinnu-
leysi og efnahagssamdrætti.
Kínverskir kaupsýslumenn fögn-
uðu þessari breytingu. „Eftir breyt-
inguna njóta einkafyrii-tækin vernd-
ar og staða þeirra verður skýrari,"
sagði Zhang Jian, stjórnarí'onnaður
og forstjóri einkafyrirtækis í Hun-
an-héraði. „Einkafyrirtækin verða
fær um að setja sér þróunarmark-
mið til langs tíma. Áður var staða
einkafyrirtækjanna óskýr og enginn
gat verið viss um að hagnaður
þeirra yrði verndaður.“
„Einkageirinn er lítill, en er sá
eini sem vex nógu hratt til að gefa
Kínverjum einhverja von um að
hægt verði að útvega fólki, sem sagt
er upp, ný störf,“ sagði Alexandra
Conroy, sérfræðingur í kínverskum
efnahagsmálum hjá ING Barings í
Shanghai.
Þingið samþykkti einnig ný lög
um viðskiptasamninga sem taka við
aragrúa reglugerða sem hafa verið í
gildi. „Þetta kemur meiri reglu á
starfsemi fyrirtækja af öllum toga
Þeim var í gær bannað að leiða tíu
ný vitni fyrir réttinn sem styrkja
málsvörn Anwars í því efni að um
samsæri sé að ræða gegn honum.
Eitt vitnanna er bandarískur bíl-
stjóri sem heldur því fram að emb-
ættismaður í sendiráði Malasíu í
Washington hafi boðið honum
greiðslu fyrir að ljúga kynferðisaf-
broti upp á Anwar Ibrahim. Réttar-
höldin yfir honum hafa staðið frá
því i nóvember. Anwar segist sak-
laus af ákæranum en býst við að
verða dæmdur í fangelsi: „Tvö ár,
fjögur ár, það skiptir ekki máli,“
sagði hann við fréttamenn í gær
fyrir utan hæstaréttinn í Kuala
Lumpur.
og tryggir þeim sanngjamari sam-
keppnisaðstæður," sagði Zhang.
Metfjárlagahalli
Xiang Huaicheng fjáiTnálaráð-
hema lagði einnig fram nýtt fjár-
lagafrumvarp þar sem gert er ráð
fyrir því að útgjöld ríkisins verði
aukin verulega til að tryggja 7%
hagvöxt. Xiang sagði að fjárlaga-
hallinn yrði meiri en nokkru sinni
fyrr, eða um 57%, vegna aukinna
framkvæmda.
188 þingmenn greiddu atkvæði-
gegn fjárlagafrumvarpinu og 153
sátu hjá, alls um 12% af öllum þing-
mönnunum.
Margir þingmenn létu einnig í
ljósi óánægju með árangur yfir-
valda í baráttunni gegn glæpum og
spillingu. Rúmlega 22% þingmann-
anna greiddu atkvæði gegn skýrsl-
um forseta hæstaréttar og aðalrík-
issaksóknara Kína. Árið áður höfðu
45% þingmannanna hafnað skýrslu
saksóknarans og 25% skýrslu for-
seta hæstaréttar.
Þingið hefur aldrei hafnað frum-
vörpum stjórnarinnar en þingmenn
hafa notfært sér leynilegar at-
kvæðagreiðslur til að senda stjórn-
inni og flokknum skýr skilaboð.
Mannskæð-
ur eldsvoði í
Nýju-Delhí
TUTTUGU og átta fórust og
þúsundir fátæklinga í borginni
Nýju-Delhí á Indlandi voru án
heimilis eftir mikinn eldsvoða
um helgina sem brenndi til ösku
meira en eitt þúsund kofa úr
torfi, múrsteinum, viði og öðr-
um tiltækum efnum sem fólkið
hafði byggt. Slökkviliði tókst
loks að slökkva eldinn í gær-
morgun og hefur nú verið fyrir-
skipuð rannsókn á upptökum
hans. Indverska lögreglan leit-
aði enn í rústunum í gær að
fórnarlömbum eldsvoðans en á
sama tíma reyndu eftirlifendur
að grafa eftir heillegum eigum
sínum.
*
Iraki sær-
ist í árás
ÍRAKAR sögðu að einn maður
hefði særst í gær þegar
bandarískar og breskar her-
þotur gerðu árásir á bygging-
ar á flugbannsvæðinu í suður-
hluta íraks. Bandarískar her-
þotur réðust einnig á stöðvar
Irakshers í norðurhlutanum
og Bandaríkjamenn sögðu að
árásirnar hefðu verið gerðar í
„sjálfsvörn" eftir að Irakar
hefðu ógnað þotunum.
Fylgishrun
hjá PASOK
NY skoðanakönnun bendir til
þess að fylgi stjórnarflokksins
í Grikklandi, PASOK, sé nú
minna en nokkra sinni fyrr.
Hartnær helmingur aðspurðra
kvaðst telja að Costas Simitis
forsætisráðherra ætti að hafa
sagt af sér þegar Tyrkir náðu
uppreisnarleiðtoga Kúrda,
Abdullah Ocalan, eftir að hann
hafði notið verndar grískra
sendiráðsmanna í tólf daga.
Skotið á vopn-
aða menn
HERMÖNNUM á indónes-
ísku eyjunni Ambon hefur ver-
ið skipað að skjóta á alla þá
sem neita að láta vopn sín af
hendi. „Herinn hefur tekið þá
stefnu að biðja menn a.m.k.
þrisvar að afhenda vopn sin.
Geri þeir það ekki verður
skotið á þá hvort sem það
verður til að lama eða drepa,“
sagði herforingi á eyjunni.
Átök hafa blossað þar upp
milli kristinna manna og
múslima.
Haider í sókn
FRELSISFLOKKUR Jörgs
Haiders, sem er lengst til
hægri í austurrískum stjórn-
málum, er nú með meira fylgi
en Þjóðarflokkurinn og orðinn
næststærsti flokkur landsins,
samkvæmt skoðanakönnun
sem bh-t var í gær. 26% sögð-
ust styðja Frelsisflokkinn og
23% Þjóðarflokkinn, en Jafn-
aðarmannaflokkurinn er enn
stærstur með 39% fylgi.
Atkvæði
greidd á
A-Tímor í júlí
STJÓRN Indónesíu sagði í
gær að efnt yrði til atkvæða-
greiðslu meðal íbúa Austur-
Tímor um tilboð hennar um að
landsvæðið fái víðtæka sjálf-
stjórn. „Þar sem við efnum til
kosninga 7. júní getur at-
kvæðagreiðslan aðeins verið í
júlí,“ sagði Ali Alatas, utanrík-
isráðherra landsins.
Uppstokkun
í Moskvu?
JEVGENÍ Prímakov, forsæt-
isráðherra Rússlands, ræddi
við Borís Jeltsín forseta á
sjúkrahúsi í gær og rússneskir
fjölmiðlar veltu því fyrir sér
hvort forsetinn hygðist stokka
upp í stjórn sinni. Fréttastof-
an RIA sagði að þeir hefðu
rætt rússnesk stjórnmál,
hugsanlegan fund með Aslan
Maskhadov, forseta Tsjetsjn-
íu, og ýmis alþjóðamál, m.a.
viðræðurnar um frið í Kosovo.
Reuters
Óvæntur kosningasigur
stjórnarflokks Malasíu
Kuala Lumpur. Reuters, Daily Telegraph.