Morgunblaðið - 16.03.1999, Blaðsíða 56

56 ÞRIÐJUDAGUR 16. MARZ 1999
MORGUNBLAÐIÐ
Dýraglens
Diet. VuFS, Incl I
Smáfólk
l'M PRAUJIN6 A FOOTBALL
5TAPIUM FILLEP U)ITH
SltfTV-THOUSANP FAN5..
PARKINö LUA5
A PROBLEM..
Hvað eru þessir hringlaga hlutir?
Mannsandlitin..
Ég er að teikna áhorfendapalla á
fótboltavelli, með sextiuþúsund
aðdáendum...
Ég sé aðeins tíu... Það var erfitt að
leggja bílunum.
BREF
TIL BLAÐSINS
Kringlunni 1 103 Reykjavík • Sími 569 1100 • Símbréf 569 1329
Flytjum
flugvöllinn
Frá Valdímar Kristinssyni:
REYKJAVÍKURFLUGVÖLLUR,
sem er afsprengi stórstyrjaldar, hefur
verið notaður til farþegaflugs í liðlega
hálfa öld og hefur gegnt mikilvægu
hlutverki í samgöngu- og atvinnumál-
um, en hefur jafnframt angrað fólk í
þúsundatali og þjakað fjölmarga, bæði
í Reykjavík og Kópavogi. Auk þess er
hann í margra augum eins og svöðu-
sár í byggðinni, sem sárlega þarf á
landsvæði hans að halda.
Þrátt fyrir þetta eru nú uppi
áform um að endurbyggja flugbraut-
irnar, og búast má við að það festi
flugvöllinn í sessi fram á miðja
næstu öld ef ekki öldina alla.
Ein helstu rökin fyrir þrásetu
flugvallarins eru þau að hann sé svo
þægilega staðsettur fyrir fólk utan af
landi sem á erindi í miðbæinn, þar á
meðal þingmenn á leið í Alþingishús-
ið. Þetta hagræði er af sumum talið
vega þyngra en angur íbúanna. Af
þessum ástæðum hefur nú verið end-
urvakin hugmyndin um að færa flug-
völlinn út í Skerjafjörð. Þá dregur
stórlega úr ónæðinu en þó helst ná-
lægðin við miðbæinn.
Fleira mælir einnig með flutningn-
um. Fá slys hafa orðið við flugvöllinn
þótt stundum hafi litlu munað. En
hættan á stórslysi vofír alltaf yfír,
ekki síst í miðbænum. Þessu má líkja
við ógn af alvarlegu snjóflóði á byggð
sem einhvern tíma gæti fallið. Færi
svo illa yrði flugvellinum varla vært
og er því í'ull ástæða til að flytja hann
sem fyrst öryggisins vegna.
Ein veigamesta ástæðan er þó
ótalin. Borgin breiðir stöðugt úr sér
og lengi hefur verið rætt um nauð-
syn þess að þétta byggðina. Það er
ekki auðvelt í framkvæmd en sýnt
hefur verið fram á að flugvallar-
svæðið býður upp á einstakt tæki-
færi til uppbyggingar. í göngufæri
við miðbæinn væri hægt að reisa yfir
20 þúsund manna byggð sem yrði
eins konar nútímaútgáfa af hverfi í
París. Þarna gæti fjöldi fólks búið í
lengri eða skemmri tíma og áhrifin á
stöðu og ásýnd borgarinnar yrðu
mikil og jákvæð. Nýr lífsmáti bættist
við þá sem fyrir eru. Ekki kæmi
þetta í staðinn fyrir framtíðarupp-
byggingu á Álfsnesi, sem með
Sundabraut verður í álíka fjarlægð
frá miðbænum og Hafnarfjörður, en
mætti gjaman draga úr frekari
þenslu byggðarinnar út á sprungu-
belti og hraunbreiður.
Fáist ekld að flytja flugvöllinn út í
Skerjafjörð er ekki um annan stað
að ræða en Kapelluhraun sunnan
Hafnarfjarðar. Þá munu sumir
segja: Flytjum allt flugið til Kefla-
víkur. En það er ekki hægt. Æfinga-
og kennsluflug, auk margvíslegs
annars flugs smávéla, getur ekki
verið á alþjóðaflugvelli og þá munar
ekki öllu að skapa aðstöðu fyrir inn-
anlandsflugið um leið. Þama er
ódýrara að byggja flugbrautir en úti
í sjó. Mismunurinn á kostnaðinum
ætti að duga til að tvöfalda Reykja-
nesbrautina frá Breiðholti og suður
fyrir Hafnarfjörð.
VALDIMAR KRISTINSSON,
Reynimel 65, Reykjavík.
Um fallskattinn
Frá Birki J. Jónssyni:
ÉG VIL byrja á því að þakka
menntamálaráðherra fyrir skjót svör
við bréfi mínu sem birtist í Morgun-
blaðinu 26. febrúar sl.
Mér þykir leitt að skoðanir
menntamálaráðherra skuli ekki fara
saman við almennar skoðanir fram-
haldsskólanema og að hann skuli
ekki vita um þá almennu andstöðu
sem er við fallskattinum. Það hefði
verið virkilega ánægjulegt að sjá
menntamálaráðherra eða einhvern
fulltrúa hans á þingi félags fram-
haldsskólanema sem haldið var 5.-7.
febrúar sl. Þar hefði hann fundið fyr-
ir mikilli andstöðu gagnvart
fallskattinum af fulltrúum 18,000
ft-amhaldBskólanemenda og finnst
mér mjög ámælisvert af mennta-
málaráðherrra að hafa látið sig eða
sinn fulltrúa vanta á þetta þing.
Ég vil nú skýra írá því hví ég kalla
umrætt endurinnritunargjald fall-
skatt. Ég þekki fjöldann allan af fólki
sem í upphafi framhaldsskólanáms
hefur ekki verið ákveðið í því hvað það
vill læra. Tökum dæmi um námsmann
sem skráir sig á hagfræðibraut í byrj-
un síns námsferils og meðal faga sem
hann valdi sér voru: Verslunairéttur
og rekstrarhagfræði sem gera 6 ein-
ingar og svo var hann í 12 ein. í viðbót.
Eftir önnina sem ekki gekk of vel, fall
í tveimur áðumefndum áfóngum,
ákveður nemandinn að skipta um
braut og fer á tungumálabraut þar
sem ekld þarf að taka verslunarrétt
eða rekstrarhagfræði. Samt sem áður
þarf nemandinn að greiða 3.000 krón-
ur í fallskatt þótt hann þurfi ekki að
fara aftur í umrædda áfanga! Þetta
getur ekki kallast endurinnritunar-
gjald því nemandinn ætlar ekki að
innritast í þessa áfanga aftur.
Það var annað sem menntamála-
ráðhema gat ekki útskýrt en það var
af hverju fal! framhaldsskólanem-
enda hefur ekkert minnkað síðan
fallskatturinn var lagður á? Og ég vil
endurtaka það sem fram kom í síð-
asta bréfi: Það leikur sór enginn að
því að falla! Það er skoðun mín að
skilaboðin með fallskattinum séu
röng, skatturinn lendir oftast á þeim
hópi námsmanna sem hvað verst
stendur fyrir, námslega og félagslega
séð. Þetta er mín skoðun og margra
annarra og það er leitt að mennta-
málaráðherra skuli vera ósammála
framhaldsskólanemendum um þetta
mál og greinilega langt síðan hann
stundaði sitt framhaldsskólanám.
BIRKIR J. JÓNSSON,
forseti nemendafélags
Fjölbrautaskóla N-vestra.
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.