Morgunblaðið - 21.04.1999, Blaðsíða 26

26 MIÐVIKUDAGUR 21. APRÍL 1999
MORGUNBLAÐIÐ
ERLENT
Reuters
Miklir eldar á Flórída
MIKILL reykur vegna elda sem
geisað hafa um Flórída í Banda-
ríkjunum sl. daga gerði það að
verkum að hálfgert myrkur
hvfldi yfír Everglade-fenjasvæð-
inu, vestur af Fort Lauderdale.
Rúmlega 52.000 hektarar lands
hafa orðið eldinum að bráð og
var stórum hluta 1-75 hraðbraut-
arinnar milli austur- og vestur-
strandarinnar lokað vegna slæms
skyggnis af völdum reyksins.
Eidurinn hefur ekki valdið al-
varlegu eignartjóni, en talið er
að hann komi til með að slokkna
af sjálfu sér er hann hefur náð að
þekja um 60.000 hektara.
Vegna staðhátta hefur ekki
verið hægt að slökkva eldinn af
jörðu niðri og því hafa þyrlur
verið notaðar í verkið.
Engir fleiri eldar eru sagðir
hafa komið upp á þessu svæði en
í norðurhluta Flórída bárust
fregnir af eldum sem enn héldu
áfram að geisa og höfðu náð um
400 hektara svæði í gær, skammt
frá Tallahassee.
I gær hafði eldur í suðurhluta
Flórída náð að fara yfir Mi-
amiskurðinn, sem liggur frá
Okeechobeevatni að Miami og
var slökkviliðsstarf þar í fullum
gangi til að koma í veg fyrir að
eldurinn næði verndarsvæði
indíána, i um fímmtán km íjar-
lægð frá eldinum.
I St. Lucie-sýslu á milli Orlando
og Miami geisuðu eldar í síðustu
viku með þeim afleiðingum að 51
hús eyðilagðist og 25 urðu fyrir
verulegum skemmdum.
Eingöngu Indónesar sagðir geta stöðvað blóðbaðið á A-Tímor
Varað við upplausn
vegna átaka trúarhópa
Canberra, Sydney, Jakarta. Reuters.
JOHN Howard, for-
sætisráðherra Astralíu,
sagði í gær að einungis
Indónesar gætu stöðv-
að blóðbaðið á Austur-
Tímor og að Astralar
gætu einungis gefið
þeim góð ráð og hvatt
áfram í rétta átt.
Howard mun eiga fund
með B.J. Habibie, for-
seta Indónesíu, á eyj-
unni Bali í næstu viku
þar sem ræða á um
ástandið í Indónesíu.
Einn af þingmönnum
múhameðstrúarmanna
á indónesíska þinginu
varaði í gær við því að
hætta væri á upplausn í
Indónesíu yrði áætlun stjórnvalda
um að veita héruðum landsins meiri
sjálfsstjórn hrint í framkvæmd.
„Eg vil leggja áherslu á að ekki er
hægt að vænta alltof mikils árang-
urs af einum fundi,“ sagði Howard
um Indónesíuheimsókn sína í sam-
tali við ástralska útvarpsstöð í gær.
„Menn hafa rætt út og suður um
hvað sé eða sé ekki hægt að gera,
staðreyndin er hins vegar sú að
blóðbaðið verður aðeins stöðvað af
indónesísku ríkisstjórninni og
Indónesíuher.“
Á laugardag lést á
þriðja tug manna í
átökum þegar stuðn-
ingsmenn indónesískra
jrfirráða á A-Tímor
gengu berserksgang í
Dili, höfuðborg A-
Tímor, eftir að leiðtogi
herskárra indónesískra
stuðningsmanna hvatti
til þess á útifundi að
ráðist yrði til atlögu
gegn stuðningsmönn-
um sjálfstæðis A-
Tímor.
Indónesíuher hefur-
mistekist að stilla tO
friðar í stigvaxandi
átökum stríðandi fylk-
inga á A-Tímor og
fréttaskýrendur sögðu í gær að
ástandið væri tO marks um að herinn
teldi sig skyldugan til að halda A-
Tímor undir yfirráðum stjómvalda í
Jakai-ta, jafnvel þótt það gæti þýtt
að skipta yrði svæðinu upp.
Því er m.a. haldið fram að herinn
vilji ógjarnan láta stuðningsmenn
yfirráða Indónesíu sigla sinn sjó,
enda þótt fastlega sé gert ráð fyrir
því að í þjóðaratkvæðagreiðslu í júlí
muni meirihluti íbúa A-Tímor kjósa
að taka skref í sjálfstæðisátt. Segja
sumir fréttaskýrenda jafnvel að of-
beldisherferð, sem sveitir herskárra
stuðningsmanna indónesískra yfir-
ráða hafa staðið fyiir, séu runnar
undan rifjum Indónesíuhers.
Hætta á að Indónesía
liðist í sundur
Chozin Chumaidy, einn leiðtoga
Sameinaða framfaraflokksins, sem
er einn flokka múhameðstrúar-
manna í Indónesíu, sagði í gær að
hætta væri á að landið liðaðist upp í
frumeindir sínar yrði áætlunum
stjórnvalda um meiri sjálfsstjórn
héraða hrint í framkvæmd. Ottast
hann að lagafrumvai'p í þessa veru,
sem bíður afgreiðslu á þjóðþinginu,
verði til að auka enn frekar deilur
milh trúarhópa sem mikið hefur bor-
ið á að undanfórnu.
Flestir Oiúar Indónesíu eru mú-
hameðstrúar en fjöldi kristinna
manna er einnig í Indónesíu.
Chumaidy benti á að trúarskipting
væri svæðisbundin og að því væru
auknar líkur á því að á tilteknum
svæðum, þar sem einn trúarhópur
er fjölmennari en aðrir, gætu menn
gripið til þess ráðs að banna aðra
trúarhópa til að styrkja yfirráð sín.
Jafnframt gæti slík skipting leitt til
upplausnar, og þess að tilteknir
landshlutar segðu skilið við
Indónesíu.
John
Howard
Óvíst hvort Kongressflokkurinn getur myndað nýja ríkisstjórn á Indlandi
Kongress segist
hafa tryggt sér
nægt þingfylgi
Nýju Dehlí. Reuters.
TALSMENN Kongressflokksins á
Indlandi sögðust í gær loks hafa
tryggt sér nægt fylgi á indverska
þinginu til að geta myndað nýja
ríkisstjóm í landinu en fulltníar
ríkisstjómar Atals Beharis Vajpa-
yees forsætisráðherra, sem féll um
helgina í atkvæðagreiðslu í þing-
inu, lýstu óðara efasemdum um að
þessar staðhæfingar stæðust.
Arjun Singh, talsmaður Kon-
gressflokksins, sem lýtur stjórn
Soniu Gandhi, sagði að flokkurinn
hefði nú sýnt fram á að hann nyti
stuðnings allra þeiira flokka, sem
tóku þátt í því að fella stjórn Va-
jpayees um helgina. „Við höfum nú
í höndunum stuðningsyfirlýsingar
allra flokkanna sem fylktu liði með
okkur þegar vantrauststillagan var
tekin fyrir,“ sagði Singh, en síðustu
þrjá dagana hefur Kongress átt í
stífum samningaumleitunum fyrir
luktum dyrum við aðra flokka.
Við Idtum
verkin tala
FRAMS0KNARFL0KKURINN
Vertu með á miðjunni
„Þann dag sem at-
kvæðagreiðsla fer
fram um stuðning við
Kongress, mun flokk-
urinn geta sýnt fram á
að hann nýtur meiri-
hlutastuðnings," sagði
Singh og vísaði þar til
atkvæðagreiðslu sem
sjötta ríkisstjóm Ind-
lands frá því árið 1996
myndi þurfa að gang-
ast undir í þinginu.
Enn var þó ekki
ljóst hvort Kongress
myndar minnihluta-
stjóm, sem varin er
falli af öllum þeim
vinstriflokkum og
svæðisbundnu flokkum, sem tóku
höndum saman með flokknum til
að fella stjórn Vajpayees, eða hvort
mynduð yrði samsteypustjórn með
aðild þeirra allra.
Tveir litlir vinstri-
flokkar sögðust á
mánudag ekki geta
stutt stjóm undir for-
ystu Kongressflokks-
ins og reyndi Bharati-
ya Janta, flokkur Va-
jpayees, í gær áfram
að varpa fram efa-
semdum um að Kon-
gress nyti raunveru-
lega nægs stuðnings til
að geta myndað stjóm.
Ætla fulltrúar Bharati-
ya Janta, og annarra
flokka sem aðild áttu
að stjórn Vajpayees, að
hitta forseta landsins í
dag í því augnamiði að
sýna honum fram á að stjómin njóti
enn meirihlutastuðnings á ind-
verska þinginu, en stjórnin féll með
aðeins eins atkvæðis mun í at-
kvæðagreiðslunni á sunnudag.
Sonia
Gandhi
Örvænting Blair
yfir deilum Brown
og Mandelson
London. Morgunblaðið.
TONY Blair var þegar 1996 að verða
gráhærður á stöðugum deilum milli
Gordon Brown og Peter Mandelson,
líkti þeim við grískan harmleik og
bað þá lengstra orða að leggja þær
af því þær stórsköðuðu kosningabar-
áttu Verkamannaflokksins.
Úrdráttur úr nýrri ævisögu Mand-
elson, var nýverið birtur í dagblað-
inu Independent. I sögu Mand-
elsons, sem varð að segja af sér ráð-
herraembætti í fyrra, þegar upp
komst að hann hafði þegið lán til
húsnæðiskaupa af Geoffrey Robin-
son, sem sætti rannsókn á vegum
ráðuneytis hans, er birt bréf, sem
Blair skrifaði Mandelson, þegar sá
síðarnefndi bauðst til þess að segja
af sér sem kosningastjóri Verka-
mannaflokksins eftir harðar deilur
hans við Brown. I bókinni segir, að
ekki sé við fjármálaráðherrann sjálf-
an að sakast um að lán Mandelson
komst í hámæli, en það rakið til ein-
hverra stuðningsmanna hans sem
hafi vitað hversu grunnt var á því
góða milli þeirra tveggja.
í bréfinu til Mandelson segir Bla-
ir, að þeir hafi þá skyldu að tryggja
Verkamannaflokknum kosningasig-
ur og það sé ósanngjarnt gagnvart
því fólki, sem vænti slíks sigurs, að
honum sé stefnt í hættu af fjallhá-
um öldum, sem rísi af ómerkilegu
persónulegu karpi. Spyr hann svo
hvort Mandelson geti gert sér í
hugarlund hversu erfitt það sé fyrir
hann að horfa upp á tvo nánustu
samstarfsmenn sína í áratug og
menn, sem hvor á sinn hátt séu gáf-
uðustu menn sinnar kynslóðar, geta
ekki slíðrað sverðin og gengið til
kosningabaráttunnar með honum.
Hann neitar að kenna Brown um og
minnir á að sjaldan veldur einn, þá
tveir deila. Þá er sagt, að Blair hafí
hvað eftir annað sagt; Hvers vegna í
ósköpunum geta tveir af mínum
bestu mönnum ekki lynt hvor við
annan?
Arnett segir
upp störfum
hjá CNN
New York. The Daily Telegraph.
EINN þekktasti fréttamaður sjón-
varpsstöðvarinnar CNN, Pulitzer-
verðlaunahafinn Peter Arnett, hef-
ur sagt upp störfum. Ástæðuna
segir hann vera að óskum hans um
að fjalla um átökin í Kosovo hafi ít-
rekað verið hafnað af stjórn fyrir-
tækisins.
Arnett gat sér gott orð í heimi
fjölmiðla fyrir umfjöllun sína frá
styrjöldunum við Persaflóa og í Ví-
etnam og er sagður hafa aukið vin-
sældir CNN með fréttaflutningi
sínum frá Bagdad, höfuðborg
Iraks.
í viðtali við The New York Times
sagðist Amett þrátt fyrir uppsögn-
ina ekki hafa horn í síðu fyrirtækis-
ins. „Ég hef unnið [hjá CNN] í 18
ár. Mér þykir orðið mjög vænt um
fyrirtækið."
Arnett sagðist ekki hafa fengið
skýringar á því hvers vegna hann
hafi ekki fengið að fjalla um átökin í
Kosovo.
Arnett er sagður hafa komist í
ónáð hjá yfirmönnum og öðrum
starfsmönnum CNN er hann átti
hlut að vinnslu fréttaþáttar í júní á
síðasta ári þar sem sagt var frá því
að bandaríski herinn hefði notað
taugagas í Víetnamstríðinu gegn
bandarískum liðhlaupum. Frá
bandaríska varnamálaráðuneytinu
bárust hörð viðbrögð við þessum
fréttaflutningi sem ekki var sagður
hafa við rök að styðjast.
Þess var krafist af fréttastofu
CNN að fréttin yrði dregin til baka
og að beðist yrði afsökunar á mis-
tökunum. I kjölfarið sögðu þeir sem
stóðu að þáttinum upp störfum og
bauðst Tom Johnson, forstjóri
CNN til að gera slíkt hið sama.
Uppsögn hans var hins vegar hafn-
að af Time Warner, móðurfyrirtæki
sjónvarpsstöðvarinnar.
Arnett reyndi að halda sig utan
umtalsins um þessi mistök og sagð-
ist aðeins lítillega hafa komið við
sögu við gerð þáttarins. Fyrir vikið
hélt hann starfi sínu, mörgum sam-
starfsmönnum til mikillar gremju,
að sögn bandarískra fjölmiðla.