Morgunblaðið - 25.06.1999, Page 18

18 FÖSTUDAGUR 25. JÚNÍ 1999
MORGUNBLAÐIÐ
LANDIÐ
Biðröð við
Brydebúð
Vík, Mýrdal - Undanfarin tvö ár
hafa staðið yfír endurbætur á
elsta húsi Víkurkauptúns, sem
hlotið hefur nafnið Brydebúð eft-
ir Bryde kaupmanni í Vest-
mannaeyjum.
Upphaflega var húsið byggt
sem verslunarhús í Vestmanna-
eyjum 1831 af Godthaab-verslun.
Bryde kaupmaður í Eyjum festi
síðar kaup á húsinu. Hann lét
rífa það niður og endurbyggja í
Vík 1895 og hóf þar verslunar-
rekstur fyrstur manna. Þegar
sonur Bryde hætti verslunar-
rekstri í Vík 1914 keypti Þor-
steinn Þorsteinsson verslunar-
húsin, en hann var áður verslun-
arstjóri hjá Bryde. Þorsteinn rak
verslunina til ársins 1926 en þá
var Kaupfélag Skaftfellinga
stofnað og tók það við verslunar-
rekstrinum í húsinu og rak þar
verslun allt til ársins 1980. Þá
var Prjónastofan Katla og síðan
prjónastofan Gæði rekin í húsinu
til ársins 1992.
Síðustu ár hefur húsið staðið
autt og ónotað þar til áhuga-
mannafélag um varðveislu húss-
ins tók að sér að lagfæra það og
koma því í upprunalegt horf.
Húsið hefur verið endurbyggt að
utan og hefur Karl Runólfsson
byggingameistari séð um það
starf af alkunnri smekkvísi. Þá
hefur verið lokið við að endur-
gera um 1/3 innanhúss. Sá hluti
var tekinn í notkun núna 17. júní
og verður rekin þar upplýsinga-
þjónusta fyrir ferðamenn í sum-
ar.
f tilefni af opnuninni kom
fjöldi Mýrdælinga saman og var
haldin mikil grillveisla við húsið.
Svo skemmtilega vildi til að
Morgunblaðið/Reynir
VIBEKA Arendrup, afkomandi
Bryde.
hér á landi var stödd dönsk kona,
Vibeke Arendrup, en Bryde var
langafi hennar. Hún hafði komið
til landsins til þess að fræðast um
starfsemi og heimaslóðir Bryde
og meðal annars haft samband
við Þórð Tómasson, safnvörð í
Skógum, sem gat frætt hana
margvíslega um starfsemi
langafa hennar og einnig það að
einmitt þennan dag væri verið að
taka í notkun að nýju hluta
Brydebúðar. Hún var því kær-
kominn og skemmtilegur gestur
við opnunina.
Breiðbandið til
Rey kj anesbæj ar
Morgunblaðið/Björn Blöndal
STARFSMENN Nesafls við lagningu ljósleiðara
í Heiðahverfi í Reykjanesbæ.
Keflavík - Nýlega
hófust íramkvæmd-
ir við lagningu ljós-
leiðara í Reykjanes-
bæ í tengslum við
breiðbandið. í
íyrsta áfanga, sem
ráðgert er að ljúki á
næsta ári, verða
ljósleiðarar lagðir í
Holta-, Garða- og
Eyjabyggð sem eru
um 25% af íbúðar-
byggðinni í bænum,
að sögn Atla Þor-
steinssonar, eftir-
litsmanns með framkvæmdunum.
Ath sagði að reikna mætti með
fyrstu tengingum í haust en nokkur
óvissa væri í þeim málum þar sem
skortur væri á mönnurri til verksins.
Verktakafyrirtækið Nesafl, sem
er í eigu Islenskra aðalvertaka, sér
um þennan fyrsta áfanga en reikna
má með að það taki þrjú tO fjögur
ár að breiðbandsvæða allan bæinn.
Að sögn Atla starfa 9 menn 6 daga
vikunnar við þennan fyrsta áfanga
og sagði hann að stefnt væri að því
að vinna eins lengi og hægt væri.
Það færi þó að sjálfsögðu eftir veðri
og vindum.
Sr. Þorgrímur
Daníelsson sett-
ur í embætti
Húsavík - Séra Þorgrímur Daníels-
son, nýkjörinn sóknarprestur að
Grenjaðarstað, var settur inn í emb-
ættið af séra Ingimar Ingimarssyni
prófasti um síðustu helgi við virðulega
athöfti í fullsetinni kirkju sóknarbama
úr Grenjaðarstaðar-, Einarsstaða-,
Nes- og Þverársóknum.
Níu prestar voru við athöfnina, þar
af fjórir sem þjónað höfðu prestakall-
inu áður, og þjónuðu þeir flestir við at-
höfnina. Séra Þorgrímur predikaði en
auk hans þjónuðu fyrir altari séra Sig-
urður Guðmundsson vígslubiskup og
séra Ingimar Ingimarsson prófastur.
Að lokinni athöfn var viðstöddum
boðið til kirkjukaffis í safnaðarheimil-
inu.
Morgunblaðið/Silli
PRESTARNIR Kristján Valur Ingólfsson, Jón Ármann Gíslason, Þorgrímur Daníelsson, Sighvatur Karlsson, Sig-
urður Guðmundsson, Ömólfur J. Ólafsson, Ingimar Ingimarsson, Þórir Jökull Þorsteinsson og Pétur Þórarinsson.
Kaupfélag
Héraðsbúa
90 ára
Egilsstöðum - Kaupfélag Héraðs-
búa er 90 ára á þessu ári. Félagið
var stofnað 19. apríl 1909 á
Skeggjastöðum í Fellum. Starf-
semi félagsins hefur vaxið í gegn-
um árin og hefur KHB staðið af
sér þær þrengingar sem steðjað
hafa að svo mörgum kaupfélög-
um á landsbyggðinni í gegnum
árin.
Félagið rekur mjög víðtæka
starfsemi en aðalstarfsemin er
verslunar- og þjónusturekstur.
KHB rekur verslanir og starfsemi
á fimm stöðum á Austurlandi,
Egilsstöðum, Seyðisfirði, Reyðar-
firði, Eskifirði og Borgarfirði
eystri. Hagnaður félagsins var 22
milljónir á síðasta ári. I tilefni af-
mælisins bauð KHB viðskiptavin-
um sínum í grillveislu og
skemmtiatriði fyrir utan Vöruhús
á Egilsstöðum, en trúðar mættu á
svæðið og hljómsveitin Land og
synir tók lagið fyrir gesti. Margir
komu og brögðuðu á grillveiting-
um í tilefni afmælisins.
um kristnitökuna og áhrif hennar í
héraði. Ræðumenn verða þeir Jón
Torfason sagnfræðingur frá Torfalæk
á Asum, séra Guðmundur Þorsteins-
son frá Steinnesi í Þingi og séra Agúst
Sigurðsson prestur á Prestbakka. Um
söng á þessari hátíð sjá kirkjukórar
úr Húnavatns- og Strandasýslum.
Morgunblaðið/Jón Sigurðsson
HÁTÍÐARMESSA Kristnitökuhátíðar verður haldin í Blönduóskirkju
þar sem biskupinn yfir fslandi mun prédika.
Kristnitökuhátíð
í Húnavatnspró-
fastsdæmi
Blönduósi - Kristnitökuhátíð í Húna-
vatnsprófastsdæmi verður haldin
sunnudaginn 4. júlí. Hátíðin hefst kl
11 á minningarstund við Gullstein
skammt norðan við Stóru-Giljá. Há-
tíðarmessa verður í Blönduóskirkju kl
13:30 og að lokinni messu verður
kirkjukafíl og hátíðardagskrá í
íþróttahúsinu á Blönduósi
Eins og fyrr greinir hefst hátíðin
við Gullstein en þar er minnismerki
um fyrstu kristniboðana þá Þorvald
víðíorla og Friðrik biskup. Sigurður
Guðmundsson fyrrverandi vígslubisk-
up flytur ávarp. Böm úr Húnavatns-
sýslum syngja nokkur lög og söng-
flokkur flytur verk efti Hjálmar H.
Ragnarsson. Biskup Islands herra
Karl Sigurbjömsson predikar í
Blönduóskirkju eftir hádegið og
prestar Húnavatnsprófastsdæmis
munu þjóna fyrir altari. Söngfólk úr
kirkjukórum prófastsdæmisins ann-
ast söng undir stjórn organistanna.
Að messu lokinni verður kirkjukaffí
og hátíðardagskrá í íþróttahúsinu á
Blönduósi. Þar verða flutt stutt erindi
Morgunblaðið/Anna Ingólfsdóttir
GRILLMEISTARAR Kaupfélags Héraðsbúa höfðu ekki undan að snúa
lærissneiðum handa fjölda viðskiptavina félagsins.
ET ■ æps? 2L 1 fTÍ ■Br-
lip
ll)§ll j
ll ll l
Morgunblaðið/Atli
KRISTJÁN Yngvason, formaður skólanefndar, tekur fyrstu skóflustunguna.
Skóflustungan að
nýju hóteli og
heimavistarhúsi
Laxamýri - Nýlega var tekin fyrsta
skóflustungan að nýbyggingu að
nafni „Tröllasteinn" á Laugum í
Reykjadal í þágu hótels og heima-
vistar á staðnum.
Um er að ræða tveggja hæða
hús með 28 tveggja manna her-
bergjum með baði, sem verður nýtt
sem hótel á sumrin, en heimavist á
veturna.
Við sama tækifæri tóku Fosshót-
el ehf. formlega við rekstri Hótels
Lauga sem skólinn hefur rekið
fram að þessu. Fosshótel er jafn-
framt stærsti hluthafinn í því félagi
sem stofnað var til byggingar
Tröllasteins og rekstrar hússins.
Aðrir hluthafar eru Reykdæla-
hreppur, Byggðastofnun og Bún-
aðarsamband S-Þingeyinga.
Auk þessa hefur einstaklingum
og öðrum sveitarfélögum verið
boðin þátttaka og hafa þegar
nokkrir þegið boðið.
Áætlað er að byggingu hússins
ljúki um næstu áramót. Á undan-
förnum árum hefur mikið verið
framkvæmt á Laugum og á næsta
ári er ætlunin að laga heimavistar-
aðstöðu í Fjalli, útbúa 15 tveggja
manna herbergi með baði og mun
það kosta um 35 millj. króna.