Morgunblaðið - 13.07.1999, Side 37

MORGUNBLAÐIÐ
HESTAR
ÞRIÐJUDAGUR 13. JÚLÍ 1999 37 *-
MorgunblaðiðA'aldimar Knstinsson
ATLI Guðmundsson og Ormur fengu 7,60 fyrir skeið í úrslitum og
yfir 9 fyrir bæði tölt og brokk, tölur sem sjaldan ef nokkurn tímann
hafa sést fimmgangi.
Ormur og Atli unnu létt í fímmgangi
„Alltaf með hjartslátt í
keppni um toppsætið“
„Maður fær alltaf hjartslátt í
keppni um toppsætin og svo var
einnig nú þótt mörgum hafí virst
sigurinn fyrirhafnarlítill að þessu
sinni,“ sagði nýbakaður íslands-
meistari í fimmgangi, Atli Guð-
mundsson, en hann keppti á yfir-
burðahestinum Ormi frá Dallandi.
„Eg steftidi vissulega á fyrsta
sætið því hesturinn býður svo
sannarlega upp á það. Aðalvand-
inn var að fara skammlaust í gegn-
um forkeppnina því það eru gerð-
ar miklar kröfúr til þessa hests og
það má ekkert klikka. Ég hef ekki
gert mikið að því að leggja Orm á
skeið og má nefna að fyrir síðustu
keppni hafði ég tölu á skiptunum
sem ég hafði tekið hann til kost-
anna. Núna skilaði hann skeiðinu
prýðilega; að vísu klikkaði fyrsti
spretturinn í úrslitunum. Það var
eins og hann áttaði sig ekki á því
hvað hann ætti að gera og stytti
sig á fyrstu metrunum en svo var
þetta í lagi hina tvo sprettina. 011
hin atriðin voru í góðu lagi, að
mínu mati,“ segir Atli.
Aðspurður sagði Atli það aldrei
hafa komið til tals að fara með
Orm á heimsmeistaramótið en
telja má víst að Sigurður Sæ-
mundsson landsliðseinvaldur
myndi þiggja liðsinni þeirra með
þökkum stæði það til boða. „Ég á
ekki Orm og ræð litlu um það
hvort gefinn verður kostur á hon-
um á mótið. Ef ég hinsvegar réði
því færi ég hvergi með hann,“ seg-
ir Atli og má ætla að hugurinn
stefni á landsmótið í Reykjavík á
næsta ári þar sem Ormur er vænt-
anlega sigurkandídat númer eitt í
A-flokki gæðinga.
Atli var með sigrinum að vinna
sinn þriðja íslandsmeistaratitil í
fimmgangi og sömuleiðis í fimi-
keppninni.
Ásgeir Svan og Farsæll með gott veganesti á HM
Fimm sigrar í röð
í fjórgangi
ÁSGEIR Svan og Farsæll frá Arn-
arhóli fara með gott veganesti á
heimsmeistaramótið í Þýskalandi.
Nú unnu þeir það fágæta afrek að
sigra í fjórgangi á íslandsmóti
fimmta skiptið í röð, árangur sem
seint verður leikinn eftir.
Aðal spennan í fjórgangi snerist
um það hvort þeim félögum tækist
að sigra enn einu sinni. Asgeir mætti
með Farsæl örlítið breyttan í for-
keppnina; hann var reistari og meira
svif og fjöðrun í töltinu. Aðal þessa
hests hefur verið yfirburða brokk og
stökk og fetið sömuleiðis mjög gott.
Þótt hesturinn hafi verið mjög góð-
ur, og aldrei spurning hvar sigurinn
lenti, má setja spurningarmerki við
þessa nýju stillingu hestsins. Sjálf-
sagt sýnist sitt hverjum en þessi háa
hálsstilling kemur niður á gæðum
fetsins og jafnvel brokkinu líka. Gera
má ráð fyrir að á næstu vikum verði
farið yfir þessa hluti og væntanlega
fær Asgeir Svan góðar ráðleggingar
frá félögum sínum í landsliðinu.
Ef ekkert óvænt kemur upp á má
telja sigurlíkur þeirra félaga Asgeirs
og Farsæls verulega miklar í fjór-
gangi á heimsmeistaramótinu.
Æsispennandi töltkeppni á íslandsmóti á Gaddstaðaflötum
Egill og Blæja með óvænt- '•
an sigur á síðustu stundu
Töltúrslit íslandsmóts-
ins sviku ekki, Spennan
var mögnuð 1 keppni
bestu töltara landsins
og lífgaði upp á frekar
dapran mótsbrag þar
sem veður og vellir
voru með versta móti.
Valdimar Kristinsson
fylgdist með gangi
mótsins í þrjá blauta
daga þar sem á þriðja
hundrað knapar öttu
saman fákum sínum.
Töltúrslit íslandsmótanna eru óum-
deilanlega hápunktur þeirra og síð-
ast á dagskrá hvers móts eru úrslit
hinna bestu. Spennan var kynngi-
mögnuð þegar röðin kom að öðru
sætinu í verðlaunaafhendingu. Ljóst
var að Islandsmeistarinn Hans Kjer-
úlf, með Laufa frá Kollaleiru sem
kominn var í þriðja sætið, myndi
ekki verja titilinn. Eftir voru Sigur-
björn Bárðarson með hinn marg-
reynda Odd frá Blönduósi, sem
tvisvar hefur fært honum titilinn, og
Egill Þórarinsson með Blæju frá
Hólum. Sigurbjörn hefði verið vel að
titlinum kominn en Egill bara enn
betur og sú varð raunin. Ný nöfn
skyldu á töltbikarinn eftirsótta en
litlu munaði á þeim félögum. Egill
hlaut 8,33 en Sigurbjörn 8,32 svo
tæpara gat það vart orðið.
Stutt leið á toppinn
Egill og Blæja hafa verið að sækja
sig í töltinu frá því þau komu fyrst
fram á síðasta ári þótt ekki hafi þau
komið oft fram í keppni, alls fjórum
sinnum fyrir mótið nú. Það skemmti-
lega við sigurinn nú er hversu
óvæntur hann var því þótt vitað væri
að þau væru sterk þá komust þau
aldrei inn í umræðuna um hugsan-
legan sigurvegara á mótinu nú.
Erfitt hjá Hans og Laufa
Eftir góða frammistöðu Laufa frá
Kollaleiru og Hans F. Kjerúlfs á
fjórðungsmótinu á Stekkhólma fyrir
viku hafa sjálfsagt margir reiknað
með sigri þeirra félaga en Laufi var
nú nokkuð frá sínu besta. Utkoman
Morgunblaðið/Valdimar Kristinsson
Sigurstundin
URSLITIN ljés eftir magnþrungin augnablik. Bros og léttir færist
yfir andlit Egils en Sigurbjörn drúpir höfði; enn einu sinni í öðru
sæti í tölti á Islandsméti.
ÖLLUM á évart kom nýr snillingur fram í töltkeppni meistaraflokks,
Hringur frá Húsey sem Björgvin Daði Sverrisson keppti á. Hestur-
inn var taminn í vetur og sýnir strax á fyrsta ári athygli verða takta
og verður spennandi að fylgjast með honum í framtíðinni.
nú er kannski gott dæmi um það
hversu erfitt getur reynst að halda
hrossum í toppformi í langan tíma.
Þá koma þeir félagar um langan veg
rétt fyrir mótið og hefur ferðaþreyt-
an ekki bætt um. þá má ætla að
Hans hafi gert mistök í að skrá þá í
fjórganginn þar sem það virtist
nokkuð ljóst að þeir ættu aldrei
möguleika á sigri. Svona eftir á að
hyggja hefði líklega verið skynsam-
legast að fara aðeins í töltið og
freista þess að verja titilinn.
Eftir hægatöltið voru Hans og
Laufi með 8,70 en Sigurbjöm og
Oddur með 8,67 og virtist staðan því
ekki góð fyrir þá síðamefndu. Egill
og Blæja vom hinsvegar með 8,10
svo allt virtist stefna í sigur Hans og
Laufa. í hraðabreytingunum fær
Sigurbjöm hinsvegar 8,57 meðan
Hans er með aðeins 7,47 og nú virtist
Sigurbjörn með pálmann í höndun-
um því Egill var með 8,43. Virtist nú
allt stefna í að Sigurbjörn ynni sinn
þriðja titil í greininni með Oddi en
Egill afgreiddi málið á yfirferðinni,
hlaut 8,67 meðan Sigurbjöm hlaut
aðeins 7,37 - en naumt var það. Ur-
slitin vom eins spennandi og hægt
var að hugsa sér, hnífjöfn keppni þar
sem óvæntur sigurvegari sprettur
fram á sjónarsviðið í síðasta atriði
keppninnar, eitthvað sem áhorfend-
um kunna vel að meta.
En það vom fleiri keppendur í úr-
slitum og er þar fyrst að nefna
Björgvin Daða Sverrisson, ungan og
lítt þekktan knapa úr Eyjafirði, með ^
ungan og efnilegan hest, Hring frá
Húsey, sem fróðlegt verður að sjá á
næstu ámm. Þá var Vignir Siggeirs-
son með Ofsa frá Viðborðsseli og að
síðustu Birgitta Magnúsdóttir með
Óðin frá Köldukinn, öll með prýði-
lega sýningu.
Utlir bilar * Stórir bilar * Ódýrlr bilar • Dýrlr bllar

Verð frá 40.000.- tif 4.000.000
Lánamögufeigar tif afft að 5 ára
Tökum notaða bíla upp í notaða
mmy^iwo