Morgunblaðið - 14.08.1999, Blaðsíða 4

4 LAUGARDAGUR 14. ÁGÚST 1999
MORGUNBLAÐIÐ
FRÉTTIR
Fyrirtæki Islenskrar miðlunar og Stöðvarfjarðarhrepps
svarþjónustu
Islandssíma
Morgunblaðið/Ásdís
ÍSLENSK miðlun og Íslandssími skrifuðu undir samstarfssamning á
Stöðvarfirði í gær. Frá vinstri: Jósef Auðunn Friðriksson, Fritz Már
Jörgensen hjá Tæknivali, Eyþór Arnalds, framkvæmdastjóri Islands-
síma, Halldór Ásgrímsson utanríkisráðherra, Karolína Hróðmarsdóttir,
annar eigenda íslenskrar miðlunar, og Svavar Kristinsson, fram-
kvæmdastjóri Islenskrar miðlunar.
Sinnir
fyrir
NÝTT íyrirtæki á sviði samskipta og
upplýsingatækni hóf starfsemi á
Stöðvarfirði í gær, en með því skap-
ast 13 ný störf í sveitarfélaginu.
Þetta var tilkynnt á blaðamanna-
fundi, sem haldinn var á Stöðvarfirði
í tilefni dagsins. Halldór Ásgrímsson
utanríkisráðherra ræsti fyrirtækið
formlega með fjarfundasamtali við
Árna Sigfússon, framkvæmdastjóra
Tæknivals.
Hið nýja fyrirtæki, sem er í eigu
íslenskrar miðlunar og Stöðvarfjarð-
arhrepps, mun m.a. annast svarþjón-
ustu fyrir Islandssíma, en á blaða-
mannafundinum var einnig kynntur
samstarfssamningur Islenskrar
miðlunar og Islandssíma.
Jósef Auðunn Friðriksson, sveitar-
stjóri á Stöðvarfirði, sagði að íbúarn-
ir, um 300, væru í skýjunum yfir til-
komu nýja fyrirtækisins. „Með til-
komu þessa nýja fyrirtækis er í raun
verið að breyta atvinnuháttum sveit-
arfélagsins, áður voru hér aðeins fisk-
urinn og kaupfélagið," sagði Jósef.
Fyrirtækið er staðsett í einbýlis-
húsi í bænum, sem innréttað hefur
verið sem skrifstofuhúsnæði. Aðal-
heiður Birgisdóttir hefur verið ráðin
framkvæmdastjóri, en hún hefur
hingað til verið búsett í Reykjavík en
á ættir að rekja til Stöðvarfjarðar.
Hún sagði að vel hefði gengið að
ráða í þessi 13 störf og að færri
hefðu komist að en vildu, en fyrir-
tækið hefur starfsemi af fullum
krafti á mánudaginn. Hún sagði
starfsfólkið hafa mjög mismunandi
bakgrunn, sumir kæmu úr frystihús-
inu en aðrir úr bankanum eða kaup-
félaginu.
Tæknival hf. sér um tæknilegu
hliðina, en settur hefur verið upp
fullkominn tölvu- og víðnetsbúnaður
á Stöðvarfirði. Víðnetslausnin sem
Tæknival hannaði byggist m.a. á því
að unnt er að tengja saman tvo eða
fleiri vinnustaði og láta þá starfa
saman óháð fjarlægðum.
Fritz Már Jörgensen hjá Tækni-
vali, sagði að fyrirtækið hefði gert
samning við Islenska miðlun í maí og
kvaðst hann búast við því að sam-
starfið myndi skapa um 100 ný störf
úti á landsbyggðinni á þessu ári.
Fyrirtækið íslensk miðlun, sem
starfar á sviði fjarvinnslu og hefur
aðalstöðvar í Reykjavík, er nú með
útibú á tveimur stöðum á lands-
byggðinni því auk Stöðvarfjarðar er
einnig útibú á Raufarhöfn, þar sem
13 manns vinna. Fyrirhugað er að
koma á fót fleiri útibúum á lands-
byggðinni og hinn 27. ágúst verður
hið þriðja ræst á Suðureyri við Súg-
andafjörð. Svavar Kristinsson, fram-
kvæmdastjóri IslenskTar miðlunar,
sagði að í upphafi væru útibúin smá
en að vonast væri til að þau gætu
stækkað og dafnað. Hann sagði að
mikinn mannauð væri að finna úti á
landsbyggðinni sem og stöðugra
vinnuafl, og ætlunin væri að skapa
þar mikinn fjölda nýrra starfa á sviði
margvíslegrar upplýsingamiðlunar
og færa þannig aukna þekkingu út í
byggðarlögin.
Opnar augu manna
Halldór Ásgrímsson óskaði Aust-
firðingum og Islendingum öllum til
hamingju með áfangann. „Þetta opn-
ar augu manna fyrir því hvað hægt
er að gera á þessu sviði,“ sagði Hall-
dór. „Hingað til hafa menn talað um
að hið opinbera gæti bara haft áhrif
á byggðaþróunina, en þetta sýnir að
það er ekki rétt.“ Halldór sagði að sú
stefna fyrirtækjanna að ætla að
skapa 100 ný störf í samskipta- og
upplýsingageiranum úti á lands-
byggðinni á þessu ári sýndi að ís-
lendingar stæðu frammi fyrir nýjum
heimi og nýrri hugsun og að áfram-
haldandi þróun í tæknimálum væri
miklu mikilvægari en t.d. framtíð
kvótakerfisins. Hann sagði mikil-
vægt að stjórnmálamenn áttuðu sig
á þessu og hversu mikilvægt það
væri að allir stæðu jafnir gagnvart
tækninýjungum. Að lokum vitnaði
Halldór í Bill Gates, einn frægasta
tölvusérfræðing allra tíma: „Besta
leiðin til að hafa áhrif á framtíðina er
að finna hana ugp.“
Samningur Islenskrar miðlunar
og Íslandssíma er gagnkvæmur
starfssamningur, sem felur m.a. í sér
að íslensk miðlun tekur að sér alla
svarþjónustu og rekstur þjónustu-
vers fyrir Íslandssíma, sem mun aft-
ur annast síma- og fjarskiptaþjón-
ustu fyrir Islenska miðlun. Eyþór
Amalds, framkvæmdastjóri Islands-
síma, sagði að samningurinn hefði
ekki verið metinn í krónutölum en að
um víðtækan samning væri að ræða
og að á döfinni væri að fara í enn
frekara samstarf með íslenskri miðl-
un. Hann sagði að ef Íslandssími
hefði tekið þá ákvörðun að sjá sjálfur
um þjónustuverið hefði það þýtt um
30 til 100 ný störf í Reykjavík.
Eyþór sagði þetta vera þriðja
stóra samninginn sem fyrirtækið
hefði gert á þessu ári, en fyrr hafði
það samið við Ericsson og Orkuveitu
Reykjavíkur. Hann kvað samninginn
nú vera í fullkomnum takti við stefnu
fyrirtækisins. „ hlutverk okkar er að
tengja síma, ekki svara í síma, því
flytjum við þann þátt út á land og
látum aðra sjá um hann,“ sagði Ey-
þór. Hann sagði enn fremur að þessi
dagur væri ekki aðeins stór í sögu
Stöðvarfjarðar, heldur atvinnuþró-
unar á íslandi.
Andlát
Meðalgengi í viðskiptum Orca SA með hlutabréf í FBA var 2,8
EÐVARÐ
SIGURGEIRSSON
EÐVARÐ Sigurgeirs-
son, ljósmyndari á
Akureyri, lést á heimili
sínu 12. ágúst síðastlið-
inn á nítugasta og öðru
aldursári.
Hann fæddist á
Akureyri 22. október
árið 1907. Foreldrar
hans voru Júlíana Frið-
rika Tómasdóttir og
Sigurgeir Jónsson, org-
anisti og söngstjóri,
bæði ættuð úr Bárðar-
dal.
Eðvarð vann ungur
við almenna byggingar-
vinnu og múrverk, en lærði síðan
ljósmyndun og rak eigin ljósmynda-
stofu á Akureyri í um fimmtíu ár og
er einn þekktasti ljósmyndari lands-
ins.
Eðvarð var einn af brautryðjend-
um í íslenskri kvikmyndagerð og
liggur eftir hann ómetanlegt safn
kvikmynda. Heimildarkvikmynd um
björgun áhafnar Geysis á Vatnajökli
er líklega þekktust
mynda hans ásamt með
kvikmyndinni Á hrein-
dýraslóðum, en einnig
eru í safni hans merkar
myndir úr flugsögu Is-
lands, heimildir um
ýmsa menningar- og
listviðburði, ásamt
miklum fjölda af ferða-
þáttum um óbyggðir
landsins.
Eðvarð varð snemma
liðtækur íþróttamaður
og keppti í frjálsum
íþróttum og knatt-
spyrnu og var einn af
stofnendum KÁ ásamt því að teikna
merki félagsins, sem enn er notað.
Hann var heiðursfélagi KA, heiðurs-
félagi Félags kvikmyndagerðar-
manna, heiðursfélagi Ferðafélags
Akureyrar og hlaut riddarakross
hinnar íslensku fálkaorðu árið 1989.
Eftirlifandi kona Eðvarðs er
Marta Jónsdóttir og eignuðust þau
saman börnin Egil og Elsu Friðriku.
GÖNGUFERÐ
MALLORCA
Tvær haustferðir uppseldar
Aukaferð 6. sept.-13. sept.
Fararstjóri
Steinunn Harðardóttir
ÚRVAL'ÚTSÝN Sími 585 4000
Fjórir hópar fjárfesta
eiga jafnan hlut í Orca
Morgunblaðið/Arnaldur
FRÁ blaðamannafundi Orca: Eyjólfur Sveinsson, stjórnarformaður, Jón
Ásgeir Jóhannesson, Gestur Jónsson, lögmaður fólagsins, Þorsteinn Már
Baldvinsson og Jón Ólafsson.
JÓN Ólafssou, Þorsteinn Már Bald-
vinsson, Jón Ásgeir Jóhannesson og
Eyjólfur Sveinsson veita forystu
fjórum hópum fjárfesta sem mynda
eignarhaldsfélagið Orca SA í Lúx-
emborg. Auk þess 22,1% hlutafjár í
Fjárfestingarbanka atvinnulífsins,
sem Orca keypti og var í eigu eignar-
haldsfélags sparisjóðanna og Kaup-
þings, Scandinavian Holdings SÁ,
hefur Orca keypt aukinn hlut í FBA
og á þar nú 28% hlut. Meðalgengi
hlutabréfa í viðskiptunum var 2,8, að
sögn Eyjólfs Sveinssonar, stjórnar-
formanns Orca, og kaupverðið var
um 5 milljarðar króna.
Fyrrgreindir fjórir menn boðuðu til
blaðamannafundar í gær þar sem
þeir komu fram sem stofnendur Orca.
Fram að því hafði ekki fengist stað-
fest hverjir hefðu stofnað félagið um
viðskiptin með fyrrgreind hlutabréf.
Aldrei ætlunin
að leynast
Eyjólfur Sveinsson stjórnarfor-
maður sagði að ástæða leyndarinnar
um stofnendur félagsins hefði verið
sú að stjórn Scandinavian Holdings
SA hefði ekki fyrr en í fyrrakvöld
staðfest viðskiptin.
„Vegna mikillar umræðu í þjóðfé-
laginu undanfarna viku vill stjórn
Orca taka fram eftirfarandi: Það hef-
ur aldrei af hálfu kaupenda þessara
hlutabréfa verið ætlunin að halda
leynd yfir því hverjir ættu hlut að
máli. Staðreyndin er einfaldlega sú
að kaupin voru ekki endanlega frá-
gengin fyrr en með samþykkt stjórn-
ar Scandinavian Holdings í gær.
Kaupendur vildu ekki leggja nöfn sín
við viðskipti fyrr en þau væru full-
frágengin,“ segir í yfirlýsingu fjór-
menninganna, sem afhent var á
blaðamannafundinum.
Hver hópur með
fjórðungshlut
Þar kom fram að fjórmenningarnir
skipa stjórn Orca SA og er Eyjólfur
Sveinsson stjórnarformaður. Hver
fjórmenninganna leiðir sinn hóp fjár-
festa, sem að baki þeim stendur, og
fer hver hópur með fjórðungshlut. I
varastjórn Orca sitja Gunnar Þór
Ólafsson, Jóhannes Jónsson, Krist-
ján Vilhelmsson og Sveinn R. Eyj-
ólfsson og eru þeir allir hluthafar.
Spennandi fyrirtæki
Fjórmenningamir voru spurðir
hvers vegna þeir hefðu ákveðið að
festa kaup á hlut í FBA. „Fjárfest-
ingarbanki atvinnulífsins er ákaflega
spennandi fyrirtæki. Við höfum náð
góðri stöðu og teljum að þar sé heil-
mikið starf sem enn sé hægt að
vinna,“ sagði Eyjólfur Sveinsson.
„Menn telja að hér sé um álitlegan
fjárfestingarkost að ræða. Hér er um
raunverulega fjárfestingu að ræða og
markmiðið er einfaldlega að hámarka
hag bankans og allra hluthafanna."
Eyjólfur sagði engin áform um að
Orca myndi sækjast eftir auknum
hlut í FBA við framhald einkavæð-
ingar bankans.
Aðspurður hvort þessir fjórir aðil-
ar hefðu staðið saman að kaupunum
frá upphafi eða hvort breyting hefði
orðið á samsetningu hópsins eftir
undirritun samninga við Scandinavi-
an Holdings sagði Eyjólfur: „Þessi
hópur náði mjög fljótt og vel saman.
Við höfum ákveðið að ræða ekki ná-
kvæmlega atburðarásina."
Jón Ólafsson sagði að upphaf við-
skiptanna mætti rekja til desember-
mánaðar sl. þegar fulltrúi Kaupþings
og Búnaðarbanka íslands hefði komið
á fund sinn og boðið sér að kaupa hlut
í FBA „Ég taldi mig ekki vera í stakk
búinn til þess á þeim tíma en síðan
hafa ýmsir hlutir gerst,“ sagði Jón.
Um það hvers vegna ákveðið hefði
verið að skrá eignarhaldsfélagið Orca
í Lúxemborg sagði Jón Ólafsson að
seljendur hlutafjárins hefðu verið
skráðir í Lúxemborg. „Þá kom það af
sjálfu sér að við skráðum okkar félag
þar líka.“ Um það hvort skattaleg
sjónarmið hefðu ráðið þar mestu
sagði hann að málið hefði ekki verið
skoðað frá þeim sjónarhóli. „Þeir sem
áttu bréfin fyrir voru þar og þess
vegna skráðum við okkur þar líka.“
Hluthafafundur
fljótlega
Eyjólfur Sveinsson sagði að Orca
SA hefði engar hugmyndir um
breytingar á yfirstjórn Fjárfesting-
arbanka atvinnulífsins. „En að sjálf-
sögðu mun þessi hópur eiga aðild að
stjórn fyrirtækisins í samræmi við
eignarhlutdeild sína,“ sagði hann.
Fram kom að á næstunni yrði beðið
um hluthafafund, sem halda ber eftir
1-2 vikur frá því að ósk berst þar að
lútandi.