Morgunblaðið - 14.08.1999, Blaðsíða 22

22 LAUGARDAGUR 14. ÁGÚST 1999
MORGUNBLAÐIÐ
UR VERINU
Morgunblaðið/Jim Smart
AFLANUM landað úr Vigra RE á Grandagarði við Reykjavíkurhöfn.
Vigri RE slær aflamet
VIGRI RE landaði í vikunni
stærsta frystifarmi sem íslensk-
ur togari hefur landað þegar
skipið kom að landi með 870
tonn af kolmunna.
Vigri fékk aflann suðaustur af
Þórsbankanum og veiðiferðin
tók 24 daga. Sigurbjörn Krist-
jánsson skipstjóri var að vonum
hinn ánægðasti með túrinn.
„Þetta var mjög fínt. Það var
mikið að gera allan túrinn en
ég er með góða áhöfn þannig
að þetta blessaðist allt.“
Veiðin var jöfn og stöðug all-
an tímann. Skipið var að fá 60-
70 tonn af koimunna á sólar-
hring og er það sá afli sem þarf
til að fá sem mest afköst út úr
frystingunni.
„Aflinn má helst ekki fara
undir 60 tonn. Þá getum við
ekki lengur keyrt vélarnar
áfram á fullum afköstum en
það gerðist ekki í þessum túr,“
segir Sigurbjörn.
Þrátt fyrir mikinn afla fæst
ekki mikið fyrir aflann. Sigur-
björn segir að útgerðin sé að
vinna ákveðið frumkvöðlastarf
í þessum veiðum og það taki
tíma að vinna upp markaði.
„Það gæti verið ágætis framtíð
í að veiða kolmunna til fryst-
ingar. Það er ekki spurning en
þetta tekur allt tíma.“
O p i ð :
Laugardag
k I - 10 - 16
Fiskvinnslufyrirtæki stofnað á Þingeyri
Burðarás meðal
stærstu eigenda
EIGNARHALDSFELAGIÐ
Burðarás er meðal stærstu eiganda
í fiskvinnslufyrirtæki sem verður
stofnað á Þingeyri í dag. Stofnun
fyrirtækisins hefur verið í burðar-
liðnum undanfarnar vikur og var
smiðshöggið rekið á hana í gær þeg-
ar Byggðastofnun samþykkti ein-
róma fyrirhugaða tilhögun.
Auk Burðaráss verða útgerðar-
fyrirtækið Vísir hf. í Grindavík,
Tryggingamiðstöðin og Byggða-
stofnun stærstu eigendur nýja fyr-
irtækisins. Að sögn Egils Jónsson-
ar, stjómarformanns Byggðastofn-
unar, munu vestfirskir einstakling-
ar einnig koma að stofnun félagsins.
2.000 þorskígildistonn
Stofnhlutafé verður um 400 millj-
ónir og kvótinn um 2.000
þorskígildistonn. Isafjarðarbær
leggur til 387 tonna byggðakvóta
sem Byggðastofnun úthlutaði til
bæjarins á dögunum. Vísir leggur
fram 1.000 tonn af eigin aflaheimild-
um og að sögn Egils er stefnt að því
að fyrirtækið kaupi 600 tonn af
þorskkvóta. Miðað við þau kaup
sem hafa farið fram á varanlegum
aflaheimildum í þorski kostar sú
fjárfesting tæpan hálfan milljarð.
Fyrirtækið ekki í útgerð
Þrátt fyrir að stefnt sé að því að
fyrirtækið ráði yfir 2.000
þorskígildistonnum fjárfestir það
ekki í skipakosti, að sögn Egils.
„Það er einn galdurinn í þessu að
við þurfum ekki að fjárfesta í skipi.
Persía
Stök teppi
■ * ■ °9 mottur
S u ð u r I a n d s b r a u t 46 við Faxafen ■ Sími: 568 6999
Vísir leggur til skip og kvóti fyrir-
tækisins verður skráður á þau.“
Vísir gerir út fimm skip og eru þau
öll skráð í Grindavík.
Athygli vekur að helstu eigendur
fyrirtækisins eru fjársterkir aðilar
sem eru ekki af Vestfjörðum. Egill
segir að sú staðreynd gangi ekki
gegn markmiðum Byggðastofnunar
um uppbyggingu á landsbyggðinni.
„Það að fara í samstarf með þessum
fyrirtækjum var besti kosturinn í
stöðunni og kannski sá eini sem til-
tækur var til þess að ná fram þess-
um mikilvæga árangri. Með þessum
aðgerðum erum við að virkja
mannauðinn á landsbyggðinni. I
þetta fyrirtæki kemur fjármagn frá
sterkum aðilum sem grundvallast af
þeim tækifærum sem búa á Vest-
fjörðum. Það að stofna fyrirtækið
með þessum hætti losar menn und-
an þeirri ánauð að róa sífellt í
skuldafeni og það virkjar þá þekk-
ingu á vinnslu sem býr á staðnum."
Fjárfesting í arðsemisskyni
Ymsar spurningar vakna upp við
þessa fjárfestingu Byggðastofnun-
ar. Ein er hvort hún sé að fara út
fyrir verksvið sitt. „Það fjármagn
sem Byggðastofnun kemur með inn
í fyrirtækið er tekið úr afskriftar-
sjóði stofnunarinnar og samkvæmt
lögum hennar er gerð arðsemis-
krafa á sjóðinn. Við teljum að þessi
fjárfesting sé arðvæn og það opnar
leið fyrir innkomu okkar í fyrirtæk-
ið.“
Stjóm fyrirtækisins verður kos-
inn á stofnfundinum í dag og að
sögn Egils verður gert samkomulag
um hverjir skipa stjómina. Ekki er
búið að loka hluthafahópnum og
geta þeir sem mæta á fundinn gerst
stofnfélagar.
-------------------
Starfsfólk
Sæunnar Axels
Lýsir stuðn-
ingi við
fyrirtækið
FJÖRUTÍU og þrír starfsmenn
Sæunnar Axels ehf. í Ólafsfirði,
hafa sent frá sér yfirlýsingu, þar
sem lýst er undran á starfsháttum
Byggðastofnunar við úthlutun á
byggðakvóta. Jafnframt er lýst full-
um stuðningi við aðgerðir Sæunnar
Axels ehf. Yfirlýsingin fer hér á eft-
ir:
„Starfsfólk Sæunnar Axels ehf.
lýsir undran sinni á starfsháttum
Byggðarstofnunai- við úthlutun svo-
kallaðs byggðakvóta. Ólafsfjörður
er byggðarlag sem byggir svo til
eingöngu á veiðum og vinnslu sjáv-
arafla en vinnsla hér hefur byggst
að miklu leyti á erlendu hráefni sem
ekki er lengur hægt að stóla á.
Landvinnsla í Ólafsfirði og atvinnu-
öryggi okkar er nú í bráðri hættu
vegna afar slælegrar og ósann-
gjarnrar fiskveiðistjómunar þar
sem hagsmunir okkar era hundsað-
ir.
Um leið og við lýsum fullum
skilningi og stuðningi við aðgerðir
Sæunnar Áxels ehf. krefjumst við
leiðréttingar á reglum við kvótaút-
hlutun sem tryggi meiri kvóta til
landvinnslu og um leið þann ský-
lausa rétt okkar að búa hér og hafa
atvinnu. Umfjöllun þá sem átt hefur
sér stað í kjölfar þessara uppsagna
teljum við löngu tímabæra en furð-
um okkur á framkomu stjórnvalda
og margra þingmanna sem láta eins
og þeim komi þessi mál ekkert við.
Með von um skjóta úrlausn.
Starfsfólk Sæunnai' Axels ehf.“