Morgunblaðið - 21.09.1999, Qupperneq 16

16 ÞRIÐJUDAGUR 21. SEPTEMBER 1999
AKUREYRI
MORGUNBLAÐIÐ
Vinna við 1.000 fermetra stálgrindarhús í Vaglaskógi langt komin
Bylting í
lerkifrærækt
STARFSMENN Skógræktar rík-
isins að Vöglum í Fnjóskadal eru
þessa dagana að klæða 1.000 fer-
metra stálgrindarhús í Vagla-
skógi, sem reist var í sumar.
Verkið er á áætlun og er stefnt að
því að loka húsinu um miðjan
október, þannig að hægt verði að
vinna innanhúss síðar í haust og
vetur. Heildarkostnaður við verk-
ið er um 13,5 milljónir króna en
inni í þeirri tölu er jafnframt allur
búnaður sem til þarf.
Nýja húsið er 72 metra langt og
14 metra breitt og er lofthæð upp
í mæni 8 metrar en vegghæð 4,60
metrar. Jarðvegsframkvæmdir
hófust sl. haust en byrjað var að
slá upp sökklinum seinni partinn í
júní í sumar. Verktaki í grunni
var Jón Asberg Salómonsson en
vélaverkstæðið Grímur sá um að
reisa stálgrindina.
Hægt að fá meira
út úr hverju tré
Að sögn Sigurðar Skúlasonar
skógarvarðar verður lerkifræ-
rækt í nýja húsinu og vegna hinn-
ar miklu lofthæðar á að vera hægt
að fá meira út úr hverju tré. Sig-
urður sagði að með tilkomu húss-
ins yrði mikil bylting í frærækt-
uninni. Því ætti í flestum tilfellum
að vera til lerkifræ en fram til
þessa hefur ekki alltaf verið hægt
að sinna þeirri þörf sem hefur
verið fyrir lerkifræ.
„Eg veit ekki hvort það verður
alltaf til nóg af fræjum á hverju
ári en líkurnar á því eru mun
meiri þegar ræktunin fer fram
innandyra heldur en undir berum
himni. Hér er um að ræða nýjan
lið í fræræktuninni og það er ætl-
ast til þess að Skógræktin sé
brautryðjandi í þeim málum.“
Mikið notað af lerki
Sigurður sagði að lerki væri
mjög mikið notað á Norður- og
Austurlandi og að verkefnin væru
alltaf að verða stærri og stærri.
Hann sagði æskilegt að eiga fræ
handa framleiðendum plantna
sem ætluð eru til nytjaskóga og
landshlutaverkefna en margir
bændur stunda trjárækt með öðr-
um búskap. Sigurður sagðist von-
ast til að áfram fengist fjármagn
til þessara verkefna en að aukn-
ing í fjárveitingum hafí einna
helst verið til svokallaðra lands-
hlutaverkefna.
„Hjá ríkinu hefur verið lögð
áhersla á einkavæðingu í plöntu-
framleiðslu og Skógræktin því
ekki fengið það fjármagn sem til
þarf til eftirlits- og skipulagsað-
gerða.“
Morgunblaðið/Kristján
Stálgrindarhúsið í Vaglaskógi er klætt með innfluttum Policard-plast-
plötum. Á myndinni eru Jón Ásberg Salómonsson húsasmiður t.v. og
þeir Guðni Þorsteinn Arnþórsson og Sigurpáll Jónsson, starfsmenn
Skógræktarinnar, að klæða þakið.
Sigurður Skúlason skógarvörður skoðar köngla á lerkitrjám, sem eiga
eftir að fara í nýja fræhúsið. Fræjum, sem koma úr könglum sem tínd-
ir eru í haust, verður væntanlega sáð næsta vor og plöntur sem út úr
þvi koma verða til útplöntunar vorið 2001.
Sjúkraflutn-
ingamaður bar-
inn á slysadeild
LIÐSMAÐUR Slökkviliðs Akureyr-
ar, sjúki'aflutningamaður, lenti í
átökum við mann á slysadeild Fjórð-
ungssjúkrahússins á Akureyri en
þeim lyktaði með því að hann er frá
vinnu í kjölfar meiðsla.
Atburðurinn varð með þeim hætti
að sjúkrabíll var kallaður til aðfara-
nótt sunnudags til að flytja konu á
slysadeild en hún hafði orðið fyrir
skakkaföllum og þurfti aðhlynningar
við. Sambýlismaður hennar var með
í för, en eitthvað varð hann ósáttur
við vinnubrögð á slysadeildinni og
hafði engar vöflur á heldur barði
sjúkraflutningamanninn hnefahögg í
andlitið. Maðurinn var yfirbugaður
og færður í fangahús lögreglunnar á
Akureyri. Sambýliskonan og sjúkra-
flutningamaðurinn fengu aðstoð á
slysadeildinni.
Morgunblaðið/Kristján
YFIR tvö hundruð börn í leik- og grunnskóla í Eyjafjarðarsveit hófu formlega framkvæmdir við nýjan
íþróttavöll við Hrafnagil en þau sameinuðust um að taka fyrstu skóflustunguna.
Fleiri ferðir
til Akureyrar
Enn eykur íslandsflug þjónustu sína.
Nú höfum við bætt við fjórðu ferðinni
í síðdegisflugi til Akureyrar alla virka daga.
Frá Reykiavík Frá Akure
07:40
11:40
nýtt 15:40
18:40
08:45
12:45
16:45
19:45
ISLANDSFLUG
g&rir fl&lrum fœrt að ftjúga
www.islandsflug.is sími 570 8090
Nýr íþróttavöllur
gerður við Hrafnagil
YFIR tvö hundruð börn í leik- og
grunnskóla í Eyjafjarðarsveit komu
saman á bökkum Eyjafjaröarár,
neðan Hrafnagilsskóla í bh'ðskapar-
veðri í gær. Tilgangurinn var að
hefja formlega framkvæmdir við
gerð nýs iþróttavallar og svo hátíð-
leg var stundin í hugum margra
barnanna að heyra mátti eitt þeirra
nefna að forseti ísland hefði þurft
að vera viðstaddur!
Ármann Ketilsson, þjálfari og
umsjónarmaður frjáls íþróttastarfs
á veg^um Ungmennafélagsins Sam-
herjar, sagði að hafist yrði handa
við gerð íþrdttavallarins nú þegar
og yrði byrjað á undirbyggingu
hans. Lokið yrði við það verkefni í
haust auk þess sem stefnt er að því
að klára einnig að þökuleggja
íþróttavöllinn. Umhverfis knatt-
spyrnuvöll sem þarna verður munu
liggja 6 hlaupabrautir.
Ungmennafélagið Samherjar sér
um framkvæmdir á íþróttasvæðinu,
en áætlaður heildarkostnaður er
um 12 milljónir króna. Inni í þeirri
tölu er heilmikil sjálfboðavinna sem
félagar í Samherjum mun inna af
hendi. Eyjafjarðai sveit mun styrkja
þetta verkefni um 5 milljónir
króna. Ármann sagði verkið hvar-
vetna njóta velvilja og þannig yrðu
félaginu gefnar þökur á völlinn auk
þess sem Qöldi fólks væri tilbúinn
að leggja fram vinnu sína.
Tíu ára bið á enda
„Við höfum beðið eftir þessu í 10
ár,“ sagði Ármann. Hann sagði að
mikill áhugi væri fyrir íþróttaiðk-
un í Eyjafjarðarsveit. Þannig æfa
um 40 til 50 börn frjálsar íþróttir
reglulega hjá Samherjum og svip-
aður hópur sækir knattspyrnuæf-
ingar hjá félaginu. Aðstaðan hefði
hins vegar ekki verið góð og það
kannski dregið úr áhuga ein-
hverra. Bjartari tímar væru hins
vegar framundan, því nýja íþrótta-
svæðið á að vera tilbúið næsta
sumar.
Atak gegn
umferðar-
hraða
ÁTAK gegn umferðai’hraða í íbúða-
hverfum var hafið á þessu hausti. Þá
verða jafnframt að veruleika svoköll-
uð 30 km hverfi, þar sem leyfilegur
hámarkshraði ökutækja er 30 km á
klukkustund. Að margra mati var það
orðið löngu tímabært að hægja á öku-
hraða í íbúðahverfum bæjarins og
fjölmargir foreldrar, sem óttuðust um
öryggi barna sinna, hafa haft sam-
band við bæjaryfirvöld vegna þessa.
Fyrsta 30 km hverfið kemst í gagn-
ið í haust og þessa dagana er unnið að
því að setja upp hraðahindranir á
Suðurbrekkunni. Þá verða settar upp
svokallaðar grænar hindranir næsta
vor, sem m.a. eru færanlegar hindr-
anir í formi blómakera og eru hugsað-
ar til að auðvelda snjómokstur.
I gær voru starfsmenn Akureyrar-
bæjar og Garðverks að vinna við að
setja upp hraðahindrun á horni
Hrafnagilsstrætis og Þórunnarstræt-
is. Á myndinni er Kristján Þorvalds-
son hjá Garðverki að raða steinum í
hraðahindrunina og eru steinarnir
bæði rauðir og hvítir.
---------------
Hvítasunnukirkjan
Yetrarstarfið
að hefjast
VETRARSTARF Hvítasunnukirkj-
unnar á Akureyri er að hefjast um
þessar mundir og verður það að venju
fjölbreytt.
Sunnudagaskóli fjölskyldunnar er
að venju á sunnudögum kl. 11.30, en á
þessum stundum er hópnum skipt
niður í fjóra aldurshópa frá 1 árs til
16 ára og fullorðnir eru saman i aðal-
sal kirkjunnar. Á þessum stundum er
Guðs orð kennt markvisst og fær
hver hópur fræðslu við sitt hæfi. Al-
menn samkoma verður kl. 16.30 á
sunnudögum í vetur, þai- verður flutt
lífleg tónlist, vitnisburðir fluttir og
predikað. Á sunnudagskvöldum hitt-
ast unglingar á aldrinum 12 til 17 ára
í heimahúsum og eiga saman góða
stund.
Á þriðjudögum verða samkomur
fyrir börn frá kl. 17 til 18.45 undir
nafninu Krakkaskrefið, en þar verður
á dagskrá fræðsla, söngur, leikir,
föndur og margt fleira. Krakkaklúbb-
m- fyrir 3 til 7 ára börn er síðdegis á
miðvikudögum með svipaðri dagskrá,
en kl. 20 um kvöldið hittist fólk á aldr-
inum 18-30 ára í heimahúsi.
Konukvöld verða annaðhvert
fimmtudagskvöld og á föstudags-
kvöldum verða gospelkvöld unga
fólksins. Fyrsta laugardag í hverjum
mánuði eru karlamorgnar kl. 10, en
þá hittast karlar í söfnuðinum og fá
sér saman morgunmat, ræða um dag-
inn og veginn og hugleiða.
Bænastundh- eru á laugardags-
kvöldum frá kl. 20 til 21 og kl. 21.15
hittist unga fólkið og gerir eitthvað
saman.
Alla morgna eru bænastundir kl.
6.30.
Skrifstofa kirkjunnar eru opin frá
kl. 11 til 15 virka daga og þar er hægt
að panta viðtalstíma við forstöðu-
mann og unglingaleiðtoga auk þess
sem allar almennar upplýsingar eru
veittar þar.
------♦-♦-♦-----
Sniffað úr
gaskút
LÖGREGLAN á Akureyri handtók
um helgina pilt og stúlku sem ásamt
tveimur öðrum unglingum höfðu
stolið gaskút og voru að sniffa úr hon-
um er að var komið.
Þau voru sem fyrr segir handtekin
á staðnum en tveir komust undan á
flótta. Um var að ræða unglinga á
aldrinum 15 til 18 ára. Að sögn varð-
stjóra lögreglunnar er ekki um ný-
mæli að ræða en hins vegar er athæf-
ið stórhættulegt.