Morgunblaðið - 21.09.1999, Síða 26

26 ÞRIÐJUDAGUR 21. SEPTEMBER 1999
MORGUNBLAÐIÐ
ÚR VERINU
Mukesh M. Patel, forseti Verslunarráðs Gujurat
Sjávarútvegurinn hefur
sóknarfæri á Indlandi
Á RÁÐSTEFNU um viðskiptatæki-
færi á Indlandi sem Útflutningsráð
hélt í gær kom fram að íslenskur
sjávarútvegur gæti átt mörg sóknar-
færi þar í landi, bæði hvað varðar
veiðar, sölu sjávarafurða og útflutn-
ing á tækjum og fiskveiðibúnaði.
Ráðstefnan var haldin í tilefni af
komu viðskiptasendinefndar frá Gu-
jurat, sem er eitt helsta iðnaðar- og
fískveiðihérað Indlands í norðvestur
hluta landsins.
Getum lært mikið
af Islendingum
Mukesh M. Patel, forseti Verslun-
aiTáðs Gujurat, segir að þrátt fyrir
mikinn mun á löndunum tveimur
gætu þau bæði hagnast á auknum
viðskiptum. ,Áður en við héldum í
þessa för var ég spurður af hverju
fulltrúar frá þjóð sem er um millj-
arður íbúa séu að gera sér för til
lands þar sem íbúafjöldinn er álíka
mikill og í lítilli indverskri borg. Fólk
vai’ hissa á þessu, en þegar ég út-
skýrði fyrir því hversu framarlega
Islendingar væru í fiskveiðum, há-
tækni og raforkuframleiðslu skildi
það að þetta væri land sem vert væri
að heimsækja."
Patel segir að Gujurat sé helsta
fískveiðihérað Indlands. „Við veiðum
allar helstu nytjategundir sem fyrir-
fínnast undan strandlengjunni.
Einnig er fiskeldi stundað í töluverð-
um mæli. En samt er það svo að ind-
verskur sjávarútvegur er vanþróað-
ur. Við þurfum að auka framleiðni í
greininni og við teljum að ef við fáum
íslensk fyrirtæki til að fjárfesta með
beinum eða óbeinum hætti í ind-
verskum sjávarátvegi geti kunnátta
þeirra fyrirtækja nýst okkur.“
Litlar hömlur á
fjárfestingxim
Á undanförnum árum hafa Ind-
versk stjórnvöld gengið langt í að
opna markaði sína og fjarlægt þær
hömlur sem voru á erlendri fjárfest-
ingu. í Indlandi mega erlend fyrir-
tæki eiga meirihluta í sjávarátvegs-
fyrirtækjum ólíkt því sem tíðkast
hér á landi. Ef um er að ræða fyrir-
tæki sem flytja sína vöru eingöngu
út mega útlendingar eiga allt hluta-
fé. Patel segir að þessi frjálslynda
stefna stjórnvalda í fjárfestingum
hljóti að gera Indland fýsilegan kost
fyrir erlenda fjárfesta. „Stjórnvöld
hafa reynt að laða til sín erlenda
fjárfesta með þessari stefnu. Og það
hefur gengið vel því að fyrirtæki sem
hafa hafíð rekstur hér hafa haft góða
sögu að segja af viðskiptum sínum
við okkur.“
Patel heldur að íslensk fyrirtæki
eigi sóknarmögulejka á Indlandi á
tveimur sviðum. „Eg held að mögu-
leikarnh' felist fyrst og fremst í því
að fyrirtæki komi til landsins og
hefji bæði veiðar, vinnslu og sölu.
Einnig tel ég að íslensk fyrirtæki
sem framleiða búnað fyrir sjávarát-
veginn gætu séð hag sinn í því að
framleiða vörur sínar á Indlandi og
flytja þær síðan út til annarra Asíu-
landa.“
Mikii uppbygging
í sjávarútvegi
Stjórnvöld í Gujurat leggja mikla
áherslu á að bæta skilyrði fyrir sjáv-
arátveginn í héraðinu. „Gujurat er
mesta iðnaðarhérað Indlands og
stjómvöld þar leggja mikla áherslu á
að halda þeh'ri stöðu. Komið hefur
verið á koppinn verkefni sem hefur
fengið nafnið Vision 2010 og það
snýst um að bæta alla þá ytri þætti
sem koma að iðnaði. Það á að leggja
29 milljarða Bandaríkjadala í að
bæta samgöngur, koma upp nýrri
hafnaraðstöðu og svo framvegis. 70%
af þessum framkvæmdum munu fara
til fyrirtækja í einkageiranum. Þetta
veitir fyrirtækjum, innlendum jafn
sem erlendum tækifæri á að koma til
héraðsins og fjárfesta. Og þessar
miklu framkvæmdir sýna einnig
hversu mikinn hug við höfum á því
að búa til sem hagstæðustu aðstæð-
ur fyrir fyrirtæki sem vilja fjárfesta
hjá okkur,“ sagði Mukesh M. Patel,
forseti Verslunarráðs Gujurat.
Ein íslensk verksmiðja
í Gujurat
Þrátt fyrir hinn gríðarlega stóra
markað sem er á Indlandi og hag-
stæða fjárfestingastefnu stjórn-
valda hefur aðeins eitt íslenskt fyr-
irtæki hafið rekstur á Indlandi, en
það er Sæplast sem hóf rekstur
verskmiðju í Gujurat fyrir ári. Á
ráðstefnunni sagði Elías Gunnars-
son, verkefnisstjóri Sæplasts, frá
reynslu sinni af viðskiptum við Ind-
verja. Taldi hann þeim margt til
tekna og hrósaði þeim fyrir að vera
góðir verkmenn. Hins vegar taldi
hann að ótryggt stjórnmálaástand
og þunglamaleg stjórnsýsla hefði
neikvæð áhrif á viðskiptaumhverfið
þar í landi.
Morgunblaðið/Ásdís Ásgeirsdóttir
Mukesh M. Patel, forseti Verslunarráðs Gujurat, er ánægður með
heimsóknina til Islands.
Uppgangur í Chile
ALLS veiddust 3,54 milljónir
tonna af fiski í Chile fyrstu sjö
mánuði ársins og er um að ræða
37,6% meiri veiði en á sama tíma
í fyrra.
616.914 tonn veiddust af makr-
íl og er það 51,2% samdráttur.
1,45 milljónir tonna veiddust af
ansjósu eða 273,3% meira en í
fyrra.
LEIKUR ARSINS VERÐUR SUNNUDAGINN 26. SEPT. KL. 15
AKRANESKAUPSTAÐUR
FORSALA MIÐA
HJÁ OLÍS, AKRANESI
OG Á SKRIFSTOFU ÍA.

VIÐ HVETJUM STUÐNINGSMENN OKKAR UM ALLT LAND TIL AÐ VERA MEÐ
í UNDIRBÚNINGI OG GERA HLUT OKKAR SEM STÆRSTAN Á LEIKDAG.
UPPWITUNll Við hitum upp fyrir leikinn ájaðarsbökkum laugardaginn
25. sept. kl. 17 - 19 fyrir hina yngri og kl. 21 - 02 fyrir hina eldri. Þar koma
fram: Halli Melló, Þorsteinn Gíslason, Gunnar Sturla
Hervarsson & Einar Harðarson, Tíbrá, Abbabbabb
• og fleiri. -Grín og glens. Við höldum áfram
Æm upphitun á leikdag í Veislusalnum, Sóltúni 3
i (Akógeshúsinu) í Reykjavík frá kl. 10:30 og fram
k 1 að leik. Sætaferðir ffá Akranesi á leikdag kl. 9:30
J og 13:00 (Skútunni) og frá Reykjavík kl. 17:00.
Fargjald 800 kr. fram og til baka. Sjáumst!
LATUM I OKKUR
HEYRA Á VELLINUM
-STYÐJUM ÍA
BUNAÐARBANKI
ÍSLANDS HF
AKRANESI
KNATTSPYRNUFÉLAG lA
HaraJdur Böðvarsson hf.