Morgunblaðið - 09.10.1999, Blaðsíða 24

24 LAUGARDAGUR 9. OKTÓBER 1999
MORGUNBLAÐIÐ
VIÐSKIPTI
Aukin umsvif hjá Sparisjóói Hafnarfjarðar þegar hluti starfseminnar flyst í Kringluna
Sóknartækifæri
í Reykjavík
Morgunblaðið/Ami Sæberg
Forsvarsmenn Sparisjóðs Hafnarfjarðar í nýjum húsakynnum í
Kringlunni. Jónas Reynisson, sparisjóðsstjóri og forstöðumaður eigna-
stýringarsviðs, Þór Gunnarsson, sparisjóðsstjóri og Magnús Ægir
Magnússon, forstöðumaður Fyrirtækja og fjárfesta.
UM ÞESSAR mundir standa yfir
flutningar á hluta Fyrirtækjasviðs
Sparisjóðs Hafnarfjai’ðar, Fyrir-
tæki og fjárfestar, í Kringluna.
Einnig hefur verið stofnað eigna-
stýringarsvið innan SPH, með að-
setur í Kringlunni. Að sögn for-
svarsmanna SPH eru frekari
stækkunarmöguleikar í Hafnarfirði
takmarkaðir og því var ákveðið að
leita sóknartækifæra í Reykjavík.
Að sögn Þórs Gunnarssonar, sem
er sparisjóðsstjóri SPH ásamt
Jónasi Reynissyni, hafa verið gerð-
ar skoðanakannanir sem sýna að
umtalsverður fjöldi Hafnfirðinga,
Garðbæinga og þeirra sem búa í
Bessastaðahreppi, vinni annars
staðar en í þessum bæjarfélögum
og þá aðallega í Reykjavík. „Með
flutningi til Reykjavíkur er SPH að
nálgast þetta fólk jafnframt því sem
markaðssvæði og stækkunarmögu-
leikar aukast til muna,“ segir Þór.
Afgreiðslustaðir SPH verða nú
fjórir, tveir í Hafnarfirði, einn í
Garðabæ og ný þjónusta í Kringl-
unni. Jónas Reynisson tekur undir
með Þór og segir markaðshlutdeild
SPH á svæðinu sem nær yfir Hafn-
arfjörð, Garðabæ og Bessastaða-
hrepp á bilinu 45-50%. „Til þess að
geta fjölgað viðskiptavinum þurfum
við að fara út fyrir þetta svæði og
nálgast meðal annars þá sem sækja
vinnu fyrir utan umrætt svæði.“
Breytingar á eignum og markaðs-
hlutdeild SPH hafa verið miklar frá
1997. Hlutabréfaeign SPH tvöfald-
aðist á milli áranna 1997 og 1998 og
hlutdeild SPH á Verðbréfaþingi ís-
lands mai-gfaldaðist. „Til að fylgja
þessari þróun vel eftir, var tekin
ákvörðun um að víkka starfsemina
enn frekar út,“ segir Jónas. „Skipu-
lagi Sparisjóðsins hefur nú verið
breytt og nú stendur íyrir dyrum að
hefja þjónustu á fjórum sviðum alls, í
stað tveggja áður. Fyrir voru ein-
staklings- og fyrirtækjasvið og nú
koma til sögunnar annars vegar sér-
stök rekstrareining á sviði einstak-
lingsþjónustu sem kynnt verðm- á
næstu dögum, og hins vegar eigna-
stýringarsvið þar sem veitt er fjár-
vörsluþjónusta fyrir einstaklinga og
stofnanafjárfesta." Jónas verður for-
stöðumaður eignastýringarsviðsins
fyrst um sinn og mun gegna starfi
sparisjóðsstjóra samhliða.
Breyttar áherslur fjárfesta
„Til að fylgja eftir þeim árangri
sem náðst hefur í aukningu útlána
og á verðbréfasviði, var ákvörðun
tekin um að flytja hluta starfsem-
innar í norðurtum Kringlunnar,"
segir Jónas. „Þarna er um að ræða
eignastýringarsviðið og fyrirtækja-
svið SPH, sem nú nefnist Fyrirtæki
og fjárfestar. Starfsemi fyrirtækja-
sviðsins flytur þó ekki alfarið í Kr-
ingluna heldur verður fyrirtækja-
þjónusta einnig tiltæk á Strandgöt-
unni eins og hingað til,“ segir Jónas.
Að hans sögn verður ennfremur
kynnt sérstök rekstrareining á sviði
einstaklingsþjónustu á næstu dög-
um og afgreiðslustaður opnaður í
Kringlunni í því sambandi.
Jónas segir þarfir viðskipta-
manna og áherslur fjárfesta hafa
breyst talsvert á síðustu fimm ár-
um. ,Áður var sparifé fyrst og
fremst geymt á hefðbundnum inn-
lánsreikningum í bönkum. Nú hefur
áherslan færst yfir á alls konar
verðbréf, bæði innlend og erlend
skuldabréf og hlutabréf. Innlendir
fjárfestar hafa í auknum mæli fjár-
fest í úrvali verðbréfa. Til að mæta
þessum kröfum ákváðum við hjá
SPH að stofna viðskiptastofu innan
Fyrirtækjasviðs okkar á sínum
tíma, í árslok 1997,“ segir Jónas.
Viðskiptastofan verður burðarás
starfsemi fyrirtækjasviðsins í Kr-
inglunni ásamt sérfræðingum á
sviði fyrirtækjarekstrar. Markhóp-
ur Fyrirtækja og fjárfesta eru
eignasterkir einstaklingar, fyrir-
tæki og stofnanafjárfestar og for-
stöðumaður sviðsins er Magnús
Ægir Magnússon.
Að sögn Jónasar hafa tekjur fjár-
málafyrirtækja lækkað hlutfallslega
undanfarin ár. „I ljósi þessarar þró-
unar var ákveðið að SPH þyrfti að
auka umsvif sín til að vega upp á
móti þessari lækkun tekna. Þessi
ákvörðun var tekin fyrir um tveimur
árum. Við höfum fjölgað viðskipta-
vinum á öllu höfuðborgarsvæðinu og
fengið góðar undirtektir hjá fyrir-
tækjum sem hefur gert okkur kleift
að stækka SPH,“ segir Jónas.
Eins getur Jónas þess að SPH
hafi undanfarin tvö ár markvisst
verið að byggja upp sambönd við
erlenda banka og erlend verðbréfa-
fyrirtæki sem opni SPH leið að
kaupum og sölu á erlendum verð-
bréfum, ásamt aðgangi að miklu
magni rannsóknarefnis. Ailt sé
þetta gert til að styrkja SPH í auk-
inni samkeppni á fjármálamarkaði.
Stórbank-
ar í Japan
sameinast
Tékýó. Reutcrs.
TVEIR í röð helztu banka í
Japan, Asahi og Tokai, hafa
ákveðið að sameinast og þar
með verður komið á fót þriðja
stærsta banka landsins, en
4.000 manns munu missa at-
vinnuna.
Heildarfjármunir hins sam-
einaða banka, sem er kallaður
Tokai-Asahi til bráðabirgða,
munu nema 550 milljörðum
dollara. Nýi bankinn skiptist
jafnt milli stofnendanna og
stefnt er að því að hann verði
„risastór svæðisbanki“.
Sameiginlegt eignarhaldsfé-
lag verður stofnað fyrir október
á næsta ári og starfseminni
skipt milli þriggja svæðisbanka
og eins alþjóðlegs banka íyrir
október 2001.
Útibú lögð niður
Við samninginn sparast 514
milljónir dollara og 70 innan-
landsútibú og 10 útibú í skatt-
vinjum verða sameinuð.
Yfírmaður Asahi-banka,
Tatsuro Ito verður formaður
bankaráðs, en yfirmaður Tokai-
banka, Hideo Ogasawara, verð-
ur æðsti stjórnandi.
Tokai starfar aðallega í
Chubu fylki í Mið-Japan, en
Asahi á Kanto-svæðinu, sem
nær yfir Tókýó.
Samruninn er enn eitt dæmi
um útbreidda samþjöppun í
fjármálaiðnaði Japana á sama
tíma og umframgeta, lítil arð-
semi og óinnheimtanlegar
skuldir standa japönskum
bönkum fyrir þrifum.
Hækkandi gengi bréfa HB í kjölfar
kaupa Burdaráss á 16% hlut í félaginu
Engar viðræður um
sameiningu í gangi
Birgir Isleifur Gunnarsson seðlabankastjóri á aðalfundi
Sambands íslenskra sparisjóða
Gagnsæ viðskipti á hluta-
bréfamarkaði nauðsynleg
GENGI bréfa í Haraldi Böðvars-
syni hf. hækkaði um 13,5% strax í
kjölfar þess að tilkynnt var í fyrra-
dag að Burðarás hf. hefði keypt
16% hlut í félaginu. Er hlutur
Burðaráss í HB nú 27%. Fimm við-
skipti voru með bréf í HB á Verð-
bréfaþingi Islands í gær fyrir sam-
tals 4,7 milljónir króna og lækkað
gengi bréfanna þá um 2,5% frá deg-
inum áður. Framkvæmdastjóri
Burðaráss segir að engar viðræður
séu í gangi um samruna eða sam-
starf þeirra sjávarútvegsfyrirtækja
sem félagið á ráðandi hlut í.
Eins og fram kom í tilkynningu
sem Burðarás sendi Verðbréfa-
þingi Islands vegna kaupanna á
bréfunum í HB hefur félagið á
nokkrum árum fjárfest töluvert í
sjávarútvegsfyrirtækjum hér á
landi. Kaup bréfanna í HB séu lið-
ur í þeiri'i stefnu Burðaráss að
fjárfesta í traustum íslenskum
sjávarútvegsfyrirtækjum og vera
virkur þátttakandi í þeirri þróun
og uppstokkun sem framundan sé
á þessu sviði. I fréttabréfum fjár-
málafyrirtækja í gær komu fram
vangaveltur um hvort væntanlegur
væri samruni eða samstarf ein-
hverra þeirra félaga sem Burðarás
hf. á orðið ráðandi hlut í, en það
eru UA, Síldarvinnslan og Harald-
ur Böðvarsson. Friðrik Jóhanns-
son, framkvæmdastjóri Burðaráss,
segir hins vegar ekkert slíkt vera í
gangi hvað varðar þessi félög.
„Allar stærstu fjárfestingar okk-
ar á þessu ári eru í sjávarútvegi og
það er einfaldlega staðreynd að við
teljum það mjög áhugavert sem er
að gerast í þessum geira og eining-
arnar eiga eftir að verða stærri. Ef
kvótadreifingin t.d. í þorski er skoð-
uð þá kemur í ljós að þau fyrirtæki
sem eru áberandi hæst í þorskkvóta
eru með rúmlega 5%, en þama
mega mörkin liggja í 10%, og varð-
andi aðrar tegundir bjóða lögin víð-
ast upp á meiri samþjöppun og það
er það sem mun gerast. Það er al-
veg öruggt að jafnvel stærri fyrir-
tækin geta náð ennþá meiri hag-
ræðingu í rekstrinum með því að
stækka.
Annað í þessu sambandi er að ef
til dæmis fyrirtæki sem eru stór í
botnfiskveiðum renna saman, þá
næst fram aukin stærðarhag-
kvæmni, en ef hins vegar fyrirtæki
er í bolfiskveiðum og annað í upp-
sjávarveiðum þá næst kannski ekki
stærðarhagkvæmni heldur frekar
áhættudreifing. Það eru þessi at-
riði sem menn velta fyrir sér í
þessum geira í dag, en hvað okkur
varðar er ekkert í gangi. Það er
staðreynd að HB er eitt af mikil-
vægari fyrirtækjunum í greininni
og í þessu framtíðarmynstri, og
okkur finnst það einfaldlega eitt og
sér áhugaverð fjárfesting," sagði
Friðrik.
Ekki tilbúnir
að láta öll bréfin
Ólafur B. Ólafsson, einn seljenda
bréfanna í HB til Burðaráss, sagði í
samtali við Morgunblaðið að
Burðarás hf. hefði átt frumkvæðið
og falast eftir bréfunum í HB.
„Þeir komu með gott boð í þessu
bréfi Eimskipafélagsmenn en það
eru ýmsir aðrir fjárfestingarkostir
til og þá ágætt tækifæri til að
dreifa þessu eitthvað. Jafnframt
teljum við HB vera góðan kost
þannig að við vorum ekki tilbúnir
að láta þetta allt saman og það eru
nú 9% sem fjölskyldan á,“ sagði
Ólafur.
BIRGIR ísleifur Gunnarsson seðla-
bankastjóri telur ástæðu til þess að
brýna fyrir lánastofnunum að
hægja mjög á útlánum og gæta að
öryggi útlána, bæði til fyrirtækja og
einstaklinga. Eins að viðskipti á
hlutabréfamarkaði séu gagnsæ
þannig að tryggt sé að fjárfestar
hafi allir aðgang að sömu upplýsing-
um sem áhrif geta haft á mat á
eignum þeirra eða á fjárfestingará-
form. Þetta kom fram í ræðu seðla-
bankastjóra á aðalfundi Sambands
íslenskra sparisjóða í gær.
„Undanfarin misseri hefur eigin-
fjárhlutfall sparisjóðanna lækkað
hratt. Eg tel því ástæðu til þess að
brýna alvarlega fyrir sparisjóðum
og raunar lánastofnunum í heild að
hægja mjög á útlánum, og gæta
fyllstu varkámi í útlánastarfsemi
sinni. Mjög mikilvægt er að gefa
gaum að öryggi útlána, hvort heldur
er til fyrirtækja eða einstaklinga.
Að því kemur að dregur úr umsvif-
um í efnahagslífi og þrengja tekur
að atvinnufyrirtækjum og heimil-
um. Um leið mun þrengja að inn-
heimtu útistandandi lána. Verði
ekki gengið fram með fullri gát nú
er líklegt að sparisjóðimir og aðrar
lánastofnanir eigi eftir að finna fyrir
útlánatapi á komandi misserum og
þar með rýrari afkomu en ella. Þeg-
ar þrengja tekur að er nauðsynlegt
að búa við trausta eiginfjárstöðu og
því brýni ég það jafnframt fyrir
sparisjóðunum og öðrum lánastofn-
unum að hyggja vel að eiginfjár-
stöðu sinni og tryggja að hún verði
nægilega traust til þess að gera
þeim kleift að takast á við erfiðari
tíma án þess að fjárhagslegri stöðu
þeirra verði stefnt í voða.“
Birgir Isleifur gerði öra þróun
innlends fjármagnsmarkaðar á und-
anfomum árum að umtalsefni í ræðu
sinni. „Þetta er ykkur að sjálfsögðu
kunnugt, enda hafa sparisjóðimir
verið virkii- þátttakendur í þessari
þróun. Nýjar stofnanir hafa komið
til, nýir fjárfestingarkostir, og síðast
en ekki síst hefur innlendur hluta-
bréfamarkaður þróast mjög hratt.
Um þessi viðskipti hefur verið sköp-
uð umgjörð sem í öllum aðalatriðum
er byggð á lögum og reglum Evr-
ópusambandsins. I þessu umhverfi
er afar mikilvægt að í einu og öllu sé
farið að gildandi reglum, að viðskipti
séu gagnsæ þannig að tryggt sé að
fjárfestar hafi allir aðgang að sömu
upplýsingum sem áhrif geta haft á
mat á eignum þeirra eða á fjárfest-
ingaráform. Til þess að tryggja að
allir sem starfa á innlendum markaði
fari að þeim reglum sem um við-
skipti á honum gilda er nauðsynlegt
að eftirlitsstofnanir sem við höfum
komið á fót búi við löggjöf sem gerir
þeim kleift að sinna hlutverki sínu.“
Taka verður hart
á innherjaviðskiptum
„Um leið verða þeir sem starfa á
markaði, fjárfestar og aðrir, að axla
ábyrgð sem því fylgir. Annars er
hætt við að það uppbyggingarstarf
sem hér hefur farið fram hafi verið
unnið fyrir gýg og að hér þróist við-
skiptahættir og umhverfi sem
hrinda faglegum fjárfestum frá sér,
innlendum sem erlendum. Þetta er
ekki síst umhugsunarefni þegar yfir
stendur einkavæðing verðmætra
eigna ríkisins. Gagnsæi verður að
ríkja og fjárfestar að hlíta þeim
reglum sem gilda um viðskipti á
hlutabréfamarkaði."
„Um leið og gagnsæi er nauðsyn-
legt sem og að allir hafi aðgang að
sömu upplýsingum sem varðað geta
mat á verðbréfum verður að leggja
áherslu á að hart sé tekið á því þegar
fjárfestir nýtir sér upplýsingar sem
ekki eru opinberar til þess að ákveða
að kaupa eða selja verðbréf. I þessu
samhengi minni ég á að í þeim lönd-
um þar sem fjármálamarkaðir eru
virkastir eru leikreglur skýrari en
annars staðar og gera jafnframt
meiri kröfur til háttsemi þátttak-
enda á markaði. Þar er líka hvað
harðast tekið á brotum gegn þessum
reglum. Eg mæli þessi orð hér á
þessum vettvangi vegna þess að
sparisjóðimir og fyrirtæki þeirra
hafa verið aðilar að umfangsmiklum
viðskiptum á hlutabréfamarkaði og
hefur verið gagnrýnt hvernig að
þeim hefur verið staðið. Almanna-
samtök eins og spaiisjóðimir eiga
mikið undir því að halda trausti og
virðingu almennings og því ber þeim
að ganga á undan með góðu fordæmi
þegar um er að ræða að virða eðli-
legar og sjálfsagðar leikreglur fjár-
magnsmarkaðarins," sagði Birgir ís-
leifur Gunnarsson í ræðu á aðalfundi
Sambands íslenskra sparisjóða.
Hverfisgata
18 seld
JÓHANN J. Ólafsson forstjóri hefur
selt húseign sína við Hverfisgötu 18.
Kaupandi er Ingibjörg S. PálmadótL
ir, dóttir Pálma Jónssonar stofnanda
Hagkaups. Kaupverð fékkst ekki
uppgefið en Jóhann sagði í samtali við
Morgunblaðið að hann hefði fengið
gott verð fyrir húsið og það væri
ástæðan fyrir sölunni. Leigusamning-
ar fylgja með fasteigninni.