Morgunblaðið - 09.10.1999, Blaðsíða 66

66 LAUGARDAGUR 9. OKTÓBER 1999
MORGUNBLAÐIÐ
Dýraglens
H VAD UM SPENNUMYNDIKVÖLD ?
BARA m TVEIR
HVAD EF EIGIN-
KONURNAR VILJA
KOMA MED OG
SJÁ EITTHVAD
ALLT
ANNAD?
NEIOG AFTUR NEI, PETTA ER
OKK^R KVÖLD
Við verðum að fara, Emclía.
Þau segja að hundum leyfist
ekki að vera í dansskólanum.
Sé ég þig aftur,
Kalli?
Einhvern Við hittumst við græna
tfmann, ijósið á bryggju-
Emelfa.. sporðinum hjá Daisy.
BREF
TIL BLAÐSINS
Kringlunni 1 103 Reykjavík • Sími 569 1100 • Símbréf 569 1329
Réttur hins þögla
minnihluta
Frá Oddgeirí Einarssyni:
Á ÍSLANDI er lýðræði. í því felst
að fulltrúar meirihluta þjóðarinnar í
hverju máli ráða því á hverjum tíma
hvaða lög verða sett um efnið.
I 3. mgr. 64. gr. stjórnarskrárinn-
ar segir að menn utan trúfélaga
skuli greiða persónulegt gjald til
Háskóla Islands sem nemur því
gjaldi er aðrir greiða til þess trúfé-
lags sem þeir eru skráðir í.
Fólk getur deilt um hvað það er
að vera ,jafnt fyrir lögum“. Það
ætti þó að gera það í ljósi þeirrar
staðreyndar að fyrir þann sem
skráður er í trúfélag gildir sú laga-
regla að hann greiðir persónulegt
gjald til þess félags, og nýtur hann
því góðs af slíkri gjaldtöku umfram
þá sem ekki eru skráðir í það trúfé-
lag, og um þá sem ekki eru innan
trúfélaga gildir sú regla að þeir
greiða samsvarandi gjöld til HÍ
sem er þeim ekki til góða umfram
þá sem standa innan trúfélaga. HÍ
er nefnilega ólíkur trúfélögum að
því leyti að starfsemi hans er þjóð-
félaginu í heild bæði gagnlegur og
nauðsynlegur þegar til lengri tíma
er litið.
Eg tel fullljóst að núverandi fyr-
irkomulag samræmist ekki góðu
siðferði og réttlæti. En getur verið
að 3. mgr. 64. gr. stjskr. samræmist
heldur ekki öðrum settum lögum?
Það vill til að einmitt næsta ákvæði
stjskr., 1. mgr. 65. gr., mælii' fyrir
um að allir skuli vera ,jafnir fyrir
lögum“ án tillits til kynferðis, trúar-
bragða, skoðana o.fl.
Ef við þrjóskumst við og segjum
að núverandi gjaldtaka sé jafnrétti
sem brjóti ekki í bága við 1. mgr.
65. gr., þá gætum við eins fallist á
að sett yrðu lög sem gerðu konum
að greiða ákveðna upphæð til HÍ,
en körlum samsvarandi upphæð til
„styrktarsjóðs karla“, án þess að
telja þau brjóta gegn 65. gr., sem
ætlað er að tryggja jafnrétti.
Ekki er þetta þó allt óréttlætið.
Peningai- sem renna til HÍ eru not-
aðir í öllum deildum hans. Ein af
deildum skólans er guðfræðideild.
Það er niðurlægjandi fyrir þá sem
borga til Háskólans, m.a. vegna
þess að þeir vilja ekki tilheyra ríkis-
trúfélaginu, að vita til þess að pen-
ingum þeirra sé að hluta til varið í
að útskrifa prestsefni fyrir einmitt
það trúfélag. Þetta væri þó illskárra
ef rekin væri trúarbragðafræði við
HI, sbr. stjórnmálafræði en ekki
t.d. Sjálfstæðisflokksfræði.
I 64. greininni segir að breyta
megi fyrirkomulaginu með lögum,
þannig að ekki þurfi stjórnarskrár-
breytingu tO. Hvort sem menn vilja
gera það í þágu lagasamræmis eða
siðferðis, þá er nauðsynlegt að gera
það.
Lýðveldi er gott, svo lengi sem
meirihlutinn hugi að rétti minni-
hlutans.
ODDGEIR EINARSSON,
laganemi, Hraunbæ 54, Reykjavik.
E1 Grillo
- til upprifjunar fyrir alþingismenn
Frá Einari Vilhjálmssyni:
AÐ MORGNI 10. maí 1940 kom
vopnaður togari í þjónustu breska
flotans að bryggju á Seyðisfirði.
Skipherrann í þúningi sjóliðsfor-
ingja, vopnaður skammbyssu og í
fylgd tveggja einkennisklæddra
breskra landhermanna, sem vopn-
aðir voru rifflum með áfestum
byssustingjum, gengu til fundar við
bæjarfógetann á skrifstofu hans.
Tjáði skipherrann bæjarfógeta að
erindið væri að hernema Seyðis-
fjörð og varð fátt um varnir.
Bretar höfðu þá þegar ákveðið að
gera Seyðisfjörð að herskipahöfn og
hófust handa um dýptarmælingar
við bryggjumar og annan undirbún-
ing þess. I byrjun var olíuþörf her-
skipanna þjónað með tankskipum
sem fóru þegar losun lauk og önnur
lestuð komu í staðinn. En 1943 kom
tólf þúsund tonna tankskip, „EL
GRILLO“ og lagðist á Kringlunni
miðfjarðar, fór ekki aftur en tók við
olíu sem ílutt var frá Hvalfirði með
„Coolpepper".
Hinn 16. febrúar 1944 kl. 11 f.h.,
komu þrjár Heinkel HE 111-H
sprengjuflugvélar, vörpuðu þremur
sprengjum og sökktu E1 Grillo. Þá
um nóttina hafði Coolpepper losað
fullfermi af olíu í E1 Grillo og var
um kl. 11 út af Fáskrúðsfirði á leið
til Hvalfjarðar. Taldi Reidar Kolsö
skipstjóri að njósn hefði borist
Þjóðverjunum um ferðir Coolpepp-
er og ætlunin hefði verið að sökkva
báðum skipunum en tímaáætlun
Þjóðveijanna ekki staðist.
Strax fór að bera á olíumengun
frá E1 Grillo, sem olli miklu tjóni á
lifandi og dauðu. Ekki virtust ís-
lensk stjórnvöld þá hafa haft burði
til þess að koma fram ábyrgð á
hendur eigendum skips og farms,
tryggingafélagi þess, eða konung-
lega breska herveldinu, sem hafði
með ofbeldi hernumið Seyðisfjörð í
þágu konunglega breska flotans.
En nú eftir 55 ár rofar til í þessu
vandræðamáli Seyðfirðinga. Hinn
illskeytti utanríkisráðherra landsins
er þingmaður þeirra og notar sjálf-
sagt vald sitt innan NATO og víðar
til þess að rétta hlut kjósenda sinna
og lætur umhverfissóðana hreinsa
óþverrann eftir sig, þótt seint sé.
Seyðfirðingar eiga kröfu á því, að
skipið ásamt farmi verði fjarlægt úr
firðinum tafarlaust.
Islenskir skattgreiðendur eiga
ekki að borga þennan herkostnað
gegn Þjóðverjum. Hvar sem er í
heiminum, nema hér, eru mengun-
arvaldar látnir hreinsa upp eftir sig.
Minnisstæð mál af þessu tagi eru
frá Bretlandseyjum og Alaska.
Heimspressan hefur verið mjög
virk í þvi að halda málum af þessum
toga vakandi, þar þarf að vekja mól-
ið upp.
EINAR VILHJÁLMSSON,
Seyðisfirði.
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.