Morgunblaðið - 02.12.1999, Blaðsíða 84

84 FIMMTUDAGUR 2. DESEMBER 1999
MORGUNBLAÐIÐ
FÓLK í FRÉTTUM
Frá A til O
Hljómsveitin 8-villt leikur fímmtudags- og föstudagskvöld á Kaffí Reykjavík.
■ ÁLAFOSS FÖT BEZT Á fímmtudagskvöld
heldur Kombóið tónleika kl. 22. Kombóið eru
Ellen Kristjánsdóttir, Birgir Baldursson, Eð-
varð Lárusson og Þórður Högnason. Um
helgina verður Diskótek Skugga-Baldurs.
■ ARSEL Á laugardagskvöld verður dansleik-
ur fyrir fatlaða frá kl. 20-23. Hljómsveitin
Geirfuglarnir leikur fyrir dansi. Aðgangseyrir
er 500 kr. Allir 13 ára og eldri velkomnir.
■ ÁSGARÐUR v/Glæsibæ Á fímmtudag-
skvöld er bingó kl. 19.15. Á laugardagskvöld
verður harmonikuball kl. 22. Félagar úr
Harmonikufélagi Reykjavíkur leika fyrir
dansi ásamt gestaspilurum úr Félagi harmon-
ikuunnenda á Suðurnesjum. Á sunnudag-
skvöld er dansleikur frá kl. 20. Caprí-tríó leik-
ur.
■ BROADWAY Á föstudagskvöld verður
söngdagskráin Sungið á himnum en þessi sýn-
ing er flutt í minningu látinna listamanna.
Flytjendur eru Karlakórinn Fóstbræður,
Pálmi Gunnarsson, Guðbergur Auðunsson,
Guðrún Árný Karlsdóttir og Kristján Gísla-
son. Hljómsveitin Sixties leikur fyrir dansi. Á
laugardagskvöld er síðan Bee Gees-sýningin
þar sem fímm strákar flytja þekktustu lög
Gibb-bræðra. Strákarnir heita Kristinn Jóns-
son, Davíð Olgeirsson, Kristján Gíslason,
Kristbjörn Helgason og Svavar Knútur Karls-
son. Hljómsveit Rúnars Júh'ussonar leikur
fyrir dansi í aðalsal og Lúdó sextett og Stefán
leika fyrir dansi í Ásbyrgi.
■ CAFÉ AMSTERDAM Hljómsveitin Bylting
frá Akureyri leikur íostudags- og laugardags-
kvöld.
■ CAFÉ ROMANCE Breski píanóleikarinn
Joseph O’Brian leikur öll kvöld. Hann leikur
einnig fyrir matargesti Café Óperu.
■ CATÁLÍNA , Hamraborg Á föstudags- og
laugardagskvöld leika Bara tveir fyrir dansi.
■ EINAR BEN Á fimmtudagskvöld leikur
Kvartett Þóru Grétu djass frá kl. 22. Kvart-
ettinn skipa: Þóra Gréta, Óskar Einarsson,
Páll Pálsson og Ásgeir Óskarsson.
■ FJÖRUKRAIN Píanóleikarinn Jón Möller
spilar á píanó ljúfa tóna fyrir matargesti.
Fjörugarðurinn: Víkingasveitin syngur fyrir
matargesti. Dansleikur föstudags- og laugar-
dagskvöld.
■ GAUKUR Á STÖNG Á fímmtudags- og
fóstudagskvöld leikur hljómsveitin Skítamór-
all og á laugardagskvöld tekur Buttercup við.
Á sunnudagskvöld verður dónakallinn Bjarni
Tryggva og á mánudagskvöld ætla Geir Ólafs
& Furstarnir að leika. Á þriðjudagskvöld verð-
ur útgáfuteiti hjá hljómsveitinni Frogs en
hana skipar m.a. gamli Gauksvinurinn Gunnar
Bjarni. Á miðvikudagskvöld verða Jólatón-
leikar Kiss haldnir. Snyrtilegur glysklæðnað-
ur æskilegur. _
■ GRAND HÓTEL v/Sigtún Tónlistarmaður-
inn Gunnar Páli leikur iyrir matargesti frá kl.
9-23 fimmtudags-, fóstudags- og laugardags-
kvöld. Á efnisskránni eru gömul og hugljúf lög.
■ GRINDAVÍK Hljómsveitin Buttercup verð-
ur með dansleik fóstudagskvöld en hljómsveit-
in hefur nýverið gefið út geisladiskinn Allt á
útsölu.
■ GULLÖLDIN Hljómsveitin Sælusveitin
leikur föstudags- og laugardagskvöld. Boltinn
á breiðtjaldi, stór á 350 kr.
■ HÓTEL SAGA Á föstudags- og laugardags-
kvöld verða jólahlaðborð og skemmtiatriði í
Súlnasal. Örn Árnason, Egill Ólafsson, Signý
Sæmundsdóttir og Bergþór Pálsson koma
fram. Dansleikur með hljómsveitinni Saga
Klass frá kl. 23.30. Miðaverð 1.000 kr.
■ IN GÓLFSKAFFI, Ölfusi Hljómsveitin Land
og synir leikur laugardagskvöld og kynnir
breiðskífu sína Herbergi 313.
■ KAFFI REYKJAVIK Á fimmtudags- og
fóstudagskvöld leikur hljómsveitin 8-villt. Á
miðvikudagskvöld leikur síðan hljómveitin
Hálft í hvoru.
■ KRINGLUKRÁIN Á föstudags- og laugar-
dagskvöld leikur hljómsveitin Taktík og á
sunnudagskvöld leika þeir Ómar Driðriksson
og Halldór Halldórsson.
■ LEIKHÚSKJALLARINN Á iostudags- og
laugardagskvöld þeytir Leroy Johnsson skíf-
um.
■ LIONSSALURINN Auðbrekku 25, Kópa-
vogi Á fimmtudagskvöld heldur áhugahópur
um línudans dansæfingu kl. 21. Elsa sér um
tónlistina. Allir velkomnir.
■ LUNDINN, Vestmannaeyjum Á fóstudags-
og laugardagskvöld leikur hljómsveitin Fiðr-
ingurinn.
■ NAUSTIÐ er opið alla daga frá kl. 18 íyrir
matargesti. Boðið er upp á jólahlaðborð í
hádeginu og á kvöldin. Reykjavíkurstofa er
opin frá kl. 18. Söngkonan og píanóleikarinn
Liz Gammon fí’á Englandi leikur föstudags-
og laugardagskvöld.
■ NAUSTKRÁIN Á föstudags- og laugardags-
kvöld jeikur hljómsveitin Vírus frá kl. 23-3.
■ NJÁLSSTOFA Á föstudags- og laugardags-
kvöld Ieikur Njáll úr Vikingband. Ókeypis að-
gangur.
■ NÆTURGALINN Hilmar Sverrisson og
Anna Vilhjálms leika og syngja fóstudags- og
laugardagskvöld. Á sunnudagskvöld er síðan
kántríkvöld með Viðari Jónssyni.
■ ODD-VITINN, Akureyri Á fóstudagskvöld
leikur hljómsveitin 2 heimar og á laugardags-
kvöld leikur hljómsveit Geirmundar Valtýs-
sonar.
■ PÉTURS-PÖBB Á fóstudags- og laugar-
dagskvöld leikur tónlistarmaðurinn Rúnar
Þór. Opið til kl. 3. Boltinn á breiðtjaldi, stór
350 kr. Matur til kl. 21.30 öll kvöld.
■ PUNKTURINN, Laugavegi 73. Hljómsveit-
in Hersveitin leikur föstudags- og laugardags-
kvöld.
■ RÁIN, Keflavík Hljómsveitin Hafrót leikur
fóstudags- og laugardagskvöld.
■ SJALLINN, Akureyri Hljómsveitin Papar
leikur laugardagskvöld.
■ SKOTHÚSIÐ, Keflavík Á fóstudagskvöld
leikur hljómsveitin Papar.
■ SKUGGABARINN Á föstudags- og laugar-
dagskvöld verður húsið opnað kl. 23.30 vegna
jólahlaðborðs á Borginni. Eftir miðnætti kost-
ar 500 kr. inn og það er 22 ára aldurstakmark.
Plötusnúðar eru Nökkvi og Áki.
■ VITINN, Sandgerði Á föstudags- og laugar-
dagskvöld verður jólahlaðborð. Mjöll og Skúli
spila fyrir dansi til kl. 3.
■ WUNDERBAR Á fímmtudagskvöld leika
Pétur Jesús og Matti Regge. Á föstudags- og
laugardagskvöld leikur Dj. Le Chef, á þriðju-
dagskvöld Ieikur dúettinn Gullið í ruslinu og á
miðvikudagskvöld Ieika þeir Ingvar V. og
Gunni Skímó.
I sama hryn
og hljómi
TONLIST
Geisladiskur
BMX
BMX, geislaplata Ensími. Ensími
eru Hrafn Thoroddsen, Jón Örn
Arnarson, Kjartan Róbertsson og
Franz Gunnarsson. Að auki koma
fram á plötunni Friðþjófur Sigurðs-
son og Þórður Högnason. Öll lög og
textar eru eftir Ensími. Dennis gef-
ur út en Skífan dreifir.
ÁR ER síðan Ensími gaf út frum-
raun sína, Kafbátamúsík. Með þeirri
plötu vakti hljómsveitin athygli fyrir
kraftmikið rokk, vandað, og hefur
síðan notið nokkurra vinsælda. Önn-
ur geislaplata sveitarinnar kom út
£yrir skemmstu og hefur hún hlotið
nafnið BMX. Ensími er sem fyrr
mikil gítarhljómsveit, tregafullar,
jafnvel þunglyndislegar laglínur og
rafmagnsgítarar Franz og Hrafns
eru aðal tónlistarinnar, sem er að
grunni bandarísk, poppað grugg í
anda Foo Fighters undir áhrifum frá
sveitum á borð við Sonic Youth, og
Smashing Pumpkins og bresku neð-
anjarðarrokki. Þetta hanastél
heppnast að miklu leyti vel líkt og á
fyrri plötu sveitarinnar, margir góð-
ir sprettir eru á geisladisknum. T.d. í
Hreinum viðbjóði og Tungubrögðum
þar sem gítararnir og oft hrein rokk-
keyrsla fá að njóta sín, sem og í
tregafyllri lögum plötunnar t.a.m.
Heimsk um ból og Böstuðum í tollin-
um, sem sennilega er besta lag plöt-
unnar, með mjög svo breskum áhrif-
um.
Textar eru ágætir, allir á íslensku
og falla vel að lágt stemmdri tónlist-
inni þótt á nokkrum stöðum mætti
huga betur að málfræði. Hljóðfæra-
leikur er ágætur, einkum eiga gítar-
leikarar sveitarinnar hrós skilið,
skila sínu vel og af krafti og er sam-
spil þeirra afar gott, trommuleikur
hins vegar er einhæfur og þungur
rokkhrynurinn er oft fullþungur fyr-
ir rólegri lögin. Sveitin er einum
meðlimi færri í þetta sinnið, enginn
hljómborðsleikari fylgir sveitinni nú,
en spillir ekki. Smekklegar hljóm-
borðsforritanir og gítarsúpa bæta
fyrir þetta og hljómar heildin ekki
síður en á síðustu plötu.
Það sem á hinn bóginn að mati
undirritaðs truflar eyrað er of
margt, útsetningar hafa lítið þróast
frá Kafbátamúsík, á þeirii plötu
mátti skrifa flatneskju í útsetningum
á ungan aldur sveitarinnar en lítið
hefur breyst og því miður er lítið af
nýjum hugmyndum. Bæði í laga-
smíðar og útsetningar vantar líf,
kannski er ástæðan sú að erfitt er að
bera geislaplötu uppi með tveimur
rafmagnsgíturum, hryntvíeykið
leggur lítið til málanna og ef til vill er
ár of stuttur tími til að semja efni á
heila geislaplötu. A.m.k. kemur ekk-
ert á óvart á BMX og þótt bestu lög-
in hljómi vel þá kafna þau í ein-
hljóma graut, sífellt sama hryn og
hljómi. Fleira má tína til, t.d. ei-u
áhrif á stundum vandræðalega
sterk, t.a.m. Sonic Youth-leg byrjun
á laginu Böstaður í tollinum og lagið
Heimsk um ból sem gæti i upphafi
sem best verið b-hlið frá bresku
poppsveitinni Depeche Mode, það
lag verður og afar þreytandi við end-
urtekna hlustun því grípandi milli-
kafli í því er mikið ofnotaður. Einnig
mætti Hrafn, söngvari sveitarinnar
nýta rödd sína á fleiri vegu en hann
hefur hingað til gert sem hann ef-
laust getur.
Ef BMX væri byijendaverk mætti
líkt og með Kafbátamúsík skrifa
vankanta á aldur hljómsveitarinnar
og að enn ætti eftir að sh'pa hana. En
svo er ekki í þetta sinnið, BMX er
önnur plata sveitarinnar og hefðu
meðlimir hennar átt að leggja sig í
líma við að vanda til verksins og
sanna sig sem ein fremsta rokk-
hljómsveit landsins. Engin skömm
er að því að taka tvö eða þrjú ár í að
gera geislaplötu ef vel á að vera,
einkum ef tónlistin er ekki atvinna
tónlistarmannanna líkt og yfirleitt er
hjá íslenskum rokkhljómsveitum.
Þetta hefði Ensími að öllum líkind-
um átt að gera og hefði afraksturinn
kannski orðið betri fyrir vikið.
Gísli Árnason
Jassvika Múlans
Djass frá
Eistlandi
ANNAÐ kvöld, föstudagskvöldið 3.
desember, verður djasskvöld á Múl-
anum í tengslum við Djassvikuna,en
Múlinn hefur aðsetur sitt í Sölvasal
Sólons íslandusai'. Erlendir gestir
frá Eistlandi munu spila; söngkonan
Margot Kiis, básúnuleikarinn Kaldo
Kiis og píanóleikarinn Jan Alavera.
Einnig leika með þeim tveir íslend-
ingar, þeir Stefán Ingólfsson á bassa
og Benedikt Brynleifsson á tromm-
ur. Efnisskrá tónleikanna er með
öllu ókunn en þeim mun foi"vitnilegri
fyi-ir vikið.
Tónleikarnir hefjast kl. 21.
Ekkert „wesen“
BJÖRN Thoroddsen gítarleikari
mun standa fyrir djasstónleikum á
Múlanum á laugardagskvöld undir
nafninu Ekkert „wesen“, en þar mun
hann flytja tónlist eftir Wes Mont-
gomery.
Gítarleikarinn Wes Montgomery
er þekktur bandarískur gítarleikari
sem braut blað í djassgítarsögunni
kringum miðja öldina. Ásamt Birni
leika Gunnar Hrafnsson á bassa og
Pétur Grétarsson á trommur. Tón-
leikarnir hefjast kl. 21.
Raggi Bjarna
á Múlanum
SÍÐASTA djasskvöldið í Djassviku
Múlans er á sunnudagskvöld, 5. des-
ember. Þá mun Ragnar Bjarnason,
eða Raggi Bjarna eins og flestir
þekkja hann, þenja djassraddbönd-
in.
Raggi Bjarna er kannski ekki
þekktastur fyrir að syngja djass en
þó hefur hann brugðið fyrir sig
djassfætinum endrum og eins.
Ásamt Ragga spila Ástvaldur
Traustason píanóleikari, Gunnar
Hrafnsson bassaleikari og Pétur
Grétarsson trommuleikari. Tónleik-
arnirhefjast kl. 21.
Glœsilegtúrval
af dömu~ og fierrasloppum.
Jólasendingin komin.
6ullbrá
SENDUM I POSTKRÖFU
Nóatúni 17 - Sími 562 4217