Morgunblaðið - 03.12.1999, Blaðsíða 16

16 FÖSTUDAGUR 3. DESEMBER 1999
AKUREYRI
MORGUNBLAÐIÐ
KEA og Rúmfatalagerinn kaupa húsnæði Skinnaiðnaðar
Verslunarmiðstöð byggð
upp Gleáreyrum á næsta ári
Morgunblaðið/Kristján
Húsnæði Skinnaiðnaðar á Gleráreyrum, sem KEA og Rúmfatalagerinn
hafa nú keypt. Hugmyndin er að kaupa upp og rífa húsin austan við
aðalverksmiðjuhúsið en reisa 3-4.000 fermetra nýbyggingu og tengja
hana verksmiðjuhúsinu.
SKINNAIÐNAÐUR hf. á Akur-
eyri hefur selt einkahlutafélaginu
Lagerinn ehf., sem er í eigu Kaup-
félags Eyfirðinga og Rúmfatala-
gersins, hluta húseigna sinna á
Gleráreyrum. Um er ræða tæplega
4.000 fermetra verksmiðjuhús og
svokallaða dúkaverksmiðju, tæp-
lega 1.500 fermetra eign sem teng-
ist verksmiðjuhúsinu. Formlega
var gengið frá kaupunum á mið-
vikudag en kaupverð fékkst ekki
uppgefið. Nýir eigendur fá hús-
eignirnar afhentar 31. mars á
næsta ári.
KEA og Rúmfatalagerinn hyggj-
ast byggja upp tæplega 8.000 fer-
metra verslunarmiðstöð á Gler-
áreyrum á næsta ári, þar sem
Nettó verslun KEA og verslun
Rúmfatalagersins verða til húsa,
svo og allt að 20 sérverslanir. Hug-
myndir eru uppi um að rífa dúka-
verksmiðjuna og fleiri húseignir á
samliggjandi lóð en reisa 3-A.000
fermetra húsnæði og tengja það
verksmiðjuhúsinu. Heildarkostnað-
ur við þessar framkvæmdir er
áætlaður 500-600 milljónir króna.
Gífurleg eftirspurn eftir
verslunarplássi
Jákup Jacubsen, aðaleigandi
Rúmfatalagersins, sagði að hönn-
unarvinna vegna verslunarmið-
stöðvarinnar væri í fullum gangi.
Hann vonast til að framkvæmdir
geti hafist ekki seinna en næsta
vor og að þeim verði lokið 1. nóv-
ember á næsta ári. Jákup sagði
þetta mjög spennandi dæmi og að
gífurleg eftirspurn væri meðal
verslunareigenda um að komast
inn í verslunarmiðstöðina og mun
meiri en hann hafði gert ráð fyrir.
„Það hafa milli 60 og 70 fyrirtæki,
bæði innlend og erlend, óskað eftir
því að komast þarna inn og fjöl-
mörg þeirra eru ekki með starf-
semi á Akureyri í dag. Miðað við
eftirspumina væri hægt að leigja
að minnsta kosti 20.000 fermetra.
Vandamálið er því að verslunar-
miðstöðin verði of lítil og það hefði
skipt miklu máli hefði hún getað
verið 3.000 fermetrum stærri."
Jákup sagði að þessi fram-
kvæmd væri mjög jákvæð fyrir
bæjarfélagið og að þarna yrðu til
150-200 störf. Varðandi þá um-
ræðu að undanförnu að verslunar-
miðstöð á Gleráreyrum myndi
eyðileggja núverandi miðbæ, sagði
Jákup það alls ekki rétt. „Þetta
mun verða til þess að auka enn
frekar umferð inn í bæinn og ef
einhverjir eru að eyðileggja mið-
bæinn, eru það þeir aðilar sjálfir
sem þar starfa. Ef menn ekki
standa sig nógu vel koma upp
vandamál, annars ekki. Þá munu
verslanir Nettó og Rúmfatalagers-
ins færast enn nær miðbænum við
þessa breytingu."
Flutningur Skinnaiðnaðar
kostar um 100 milljónir
Skinnaiðnaður hefur tekið um
4.000 fermetra húsnæði Foldu á
Gleráreyrum á leigu af Lands-
bankanum og flytur með starfsemi
sína þangað á næstu mánuðum.
Bjarni Jónasson, framkvæmda-
stjóri Skinnaiðnaðar, sagði að því
stefnt að sem minnst rask yrði á
starfseminni meðan flutningur
stæði yfir. Hann sagði að með sölu
á húseignum félagsins væri verið
að losa um fjármagn en kostnaður
við flutninginn er áætlaður um 100
milljónir króna. Þá hefur bæjarráð
Akureyrar samþykkt ósk frá Sk-
innaiðnaði varðandi kaup Fram-
kvæmdasjóðs Akureyrarbæjar á
45 milljóna króna skuldabréfi til
fimm ára með breytirétti í hlutafé
fyrirtækisins. Óskin er fram komin
vegna flutnings í annað húsnæði og
hagræðingar í tengslum við það.
Bjarni sagði að ágætis hreyfing
væri á þeim mörkuðum sem fram-
leiðsla Skinnaiðnaðar hefur verið
seld á og útlitið fyrir sölu á mokka-
skinnum betra en verið hefur und-
anfarin misseri. Hjá fyrirtækinu
starfa nú um rúmlega 80 manns.
Samkomulag við eigendur fasteigna á Gleráreyrum í höfn
KEA og Rúmfatalagernum úthlutað
lóð undir verslunarmiðstöð
KRISTJÁN Þór Júlíusson, bæjar-
stjóri á Akureyri, lagði fram á
fundi bæjarráðs í gær drög að
samkomulagi milli Rúmfatalagers-
ins ehf. og Kaupfélags Eyfirðinga
annars vegar, yfirlýsingu eigenda
fasteigna á Dalsbraut 1 á Gler-
áreyrum um hlutdeild í óskiptri lóð
og samkomulag við sömu aðila
vegna skipulagsframkvæmda við
Dalsbraut. Bæjarráð samþykkti
að heimila bæjarstjóra að undirrita
fyrirliggjandi samninga til þess að
nauðsynlegir eignaskiptasamning-
ar geti farið fram á lóðinni á Dals-
braut 1, svo unnt sé að úthluta fé-
lagi Rúmfatalagersins og Kaupfé-
lags Eyfirðinga lóð á austurhluta
Dalsbrautar 1 í samræmi við óskir
þeirra. Þar ætla félögin að byggja
upp um 8.000 fermetra verslunar-
miðstöð, eins og komið hefur fram.
Alls eru eigendur fasteigna á Gler-
áreyrum um 30 talsins og þar sem
lóðinni hafði ekki verið skipt upp,
þurfti að gera samkomulag við þá
alla. Kristján Þór sagði að því
stefnt að taka þessa samninga til
afgreiðslu á fundi bæjarstjórnar
nk. þriðjudag.
Ekki verið að búa til
nýjan miðbæ
Nokkur umræða hefur verið um
það undanfama daga að bygging
verslunarmiðstöðvar á Gleráreyr-
Akureyrarbær
Félagssvið
Ritari
Við Félagssvið Akureyrarbæjar er laus 50% staða ritara
sem sér um ýmis störf fyrir deildir á Félagssviði Akureyr-
arbæjar á Glerárglötu 26. Vinnutími er frá 12.00—16.00.
Umsækjandi skal hafa skrifstofumenntun og/eða starfs-
reynslu á þessu sviði. Launakjör eru samkvæmt kjarasamn-
ingum Launanefndar sveitarfélaga við Starfsmannafélag
Akureyrarbæjar.
Upplýsingar um starfið og launakjör veitir Karl Guð-
mundsson sviðsstjóri í síma 460 1488. Jafnframt liggja
frammi upplýsingar í Upplýsingaanddyrir Akureyrarbæjar,
Geislagötu 9.
Umsóknarfrestur er til og með 10. desember nk. og skulu
umsóknir berast til Upplýsingaanddyri Akureyrarbæjar,
Geislagötu 9, á eyðublöðum sem þar fást.
Félagssvið Akureyrarbæjar.
um, þar sem Nettó, Rúmfatalager-
inn og um 20 sérverslanir verða til
húsa, komi til með að skemma nú-
verandi miðbæ. „Við erum aðeins
með einn miðbæ á Akureyri og
þannig verður það áfram. Getgátur
í einhverja aðra átt eru úr lausu
lofti gripnar, enda hefur aldrei
staðið til af hálfu bæjarstjórnar
Akureyrar að fara að búa til nýjan
miðbæ. Menn verða líka að skoða
það hvar verslanir KEA og Rúm-
fatalagersins eru staðsettar í dag,“
sagði Kristján Þór.
Hann sagðist sáttur við þá niður-
stöðu sem nú liggur fyrir, enda hafi
verið unnið að því í bæjarkerfinu í
rúmt ár að greiða úr lóðarmálum
þessara fyrirtækja. „Það er alltaf
gott þegar hægt er að komast að
niðurstöðu sem vonandi skilar
mönnum fram á veginn."
Frumvarp að fjárhagsáætlun bæjar-
sjóðs Akureyrar fyrir árið 2000
Skatttekjurnar nema
um 2.457 milljónum
SKATTTEKJUR bæjarsjóðs
Akureyrar árið 2000 eru áætlaðar
2.457 milljónir króna að því er fram
kemur í frumvarpi að fjárhags-
áæltun sem rætt var á fundi bæjar-
ráðs í gær, en því var vísað til fyrri
umræðu á fundi bæjarstjórnar sem
verður eftir helgi.
Samkvæmt frumvarpinu nema
almenn rekstrargjöld bæjarins á
næsta ári um 3.797 milljónum
króna en tekjur málaflokka eru
áætlaðar um 1.775 milljónir króna
þannig að reksturinn mun kosta
um 2000 milljónir króna. Um 387
milljónir króna eru til ráðstöfunar
til gjaldfærðs stofnkostnaðar og
eignabreytinga.
Á fundi bæjarráðs var í tengsl-
um við fjárhagsáætlun fjallað um
gjaldskrárbreytingar en bæjar-
stjóri lagði til að frá og með næstu
áramótum hækki gjaldskrá leik-
skóla um 7%, um sömu upphæð á
Amtsbókasafni og 10% hækkun
verði á gjaldskrá sundlauganna.
Loks lagði hann til að breytingar
verði á gjaldskrá Tónlistarskólans
á Akureyri 1. september á næsta
ári, en hún á að skila 20% tekju-
auka frá næsta hausti. í vinnslu er
þjónustugjaldskrá hjá bygginga-
eftirliti og skipulagsdeild auk þess
sem unnið er að gerð gjaldskrár
fyrir urðað sorp frá atvinnurekstri.
Bæjarráð vísaði tillögum bæjar-
stjóra til afgreiðslu bæjarstjórnar.
Lagt var til að gjalddagar fast-
eignagjalda á næsta ári verði alls
átta líkt og undanfarin ár, 1. dagur
hvers mánaðar frá febrúar til sept-
ember. Þá var lagt til að sorphrein-
sigjald af íbúðarhúsnæði verði
3.500 krónur á hverja íbúð, frá-
veitugjald verði 0,18% af álagning-
arstofni, vatnsgjald 0,13% af álagn-
ingarstofni og fasteignaskattur
0,36% af álagningarstofni sam-
kvæmt a-lið og 1,65% samkvæmt
b-lið.
Amtsbökasafnið
á Akureyri
Jólaföndur
JÓLAFÖNDUR verður á Amts-
bókasafninu á Akureyri á morgun,
laugardag, og sjá tvær fjórtán ára
stúlkur, Hekla og Sandra, um það
sem og framvegis á laugardögum í
desember.
Snjókarladagur verður á safninu
á morgun, lesin verður saga um
snjókarl, föndraðir verða snjókarl-
ar til að hengja í rúður. Næsta
laugardag, 11. desember, verður
dagur íslenskra jólasveina og þá
verða lesnar og úrskýrðar vísur um
þessa skrýtnu karla auk þess sem
sýndur verður leikþáttur um jóla-
sveina og farið í jólasveinaleik. Síð-
asta laugardag íyiir jól, 18. desem-
ber, verður lesin jólasaga við
kertaljós, föndraðir jólaenglar og
hlustað verður á jólalög. Boðið
verður upp á piparkökur og
mandarínur.
Föndrið hefst alla laugardagana
kl. 10.30 og lýkur klukkustund síðar.
---------------
t /n /»• • • /
Lii og fjor í
göngugötu
ÞAÐ verður líf og fjör í göngugöt-
unni í Hafnarstræti um helgina.
Gera má ráð fýrir að sögutjaldið
sem þar er iði af lífi en þangað
munu streyma börn úr leikskólum
bæjarins sem og þau sem eru hjá
dagmæðrum.
Um miðjan dag, eða kl. 15.30,
verður fjöllistahópur, með trúðum,
eldgleypum og fieira skrýtnu fólki
á ferðinni, Hjálpræðisherinn syng-
ur létt jólalög og jólasveinar verða
á feiii. Kolrassa og Ketilríður
verða með leikþátt í tjaldinu í
göngugötunni og hefst hnn kl.
16.30. Barna- og unglingakór Gler-
árkirkju syngur nokkur lög kl. 17
og hálftíma síðar leika börn úr tón-
listarskólanum á blokkflautur í
Krónunni.
---------------
Alþjóðadagur
fatlaðra
Hátíðarhöld í
Húsi aldraðra
ÞROSKAHJÁLP á Norðurlandi
eystra, Sjálfsbjörg-Akureyri og
samstarfsnefnd um ferlimál fatl-
aðra á Akureyri halda sameigin-
lega upp á alþjóðadag fatlaðra með
samkomu sem fram fer í Húsi aldr-
aðra í kvöld, föstudagskvöldið 3.
desember, og hefst hún kl. 20.
I tilefni dagsins veitir ferlinefnd
viðurkenningar fyrir aðgengi fyrir
alla. Leikið verður á hljóðfæri og
þá verða kaffiveitingar.
-----+++-------
Akureyrarkirkja
Hádegis-
túnleikar
BJÖRN Steinar Sólbergsson org-
anisti Akureyrarkirkju heldur há-
degistónleika í kirkjunni á morgun,
laugardaginn 4. desember kl. 12.
A efnisskrá tónleikanna verður
aðventu- og jólatónlist eftir Johann
Sebastian Bach og Louis Claude
d’Aquin. Lesari á tónleikunum
verður sr. Svavar Alfreð Jónsson.
Aðgangur er ókeypis og allir vel-
komnir. Eftir tónleikana verður
léttur hádegisverður í Safnaðar-
heimilinu.
------♦-♦-♦----
Kirkjustarf
LAUFÁSPRESTAKALL: Kyrrð-
ar- og bænastund í Svalbarðs-
kirkju sunnudagskvöldið 5. desem-
ber kl. 21. Guðsþjónusta í Greni-
víkurkirkju kl. 14 á sunnudag, 5.
desember.
MÖÐRUVALLAPRESTAKALL:
Aðventukvöld í Glæsibæjarkirkju á
sunnudagskvöld, 5. desember, kl.
20.30.