Morgunblaðið - 03.12.1999, Qupperneq 40
40 FÖSTUDAGUR 3. DESEMBER 1999
LISTIR
MORGUNBLAÐIÐ
Hlj óms veit á sýiiingii
TOJVHST
Háskðlabíó
SINFÓNÍUTÓNLEIKAR
Leifur Þórarinsson: Haustspil.
Poulenc: Konsert f. 2 píanó. Mus-
sorgsky: Myndir á sýningu. Anna
Guðný Guðmundsdóttir, Helga
Bryndís Magnúsdóttir, píanó; Sin-
fóníuhljómsveit Isiands u. stj.
Zuohuang Chen. Fimmtudaginn 2.
desember kl. 20.
LEIFUR Þórarinsson samdi
hljómsveitarverk sitt Haustspil
1983, og virðist snemma hafa
gælt við þá hugmynd að prjóna úr
því sinfóníu, sem og varð, áður en
hann lézt í fyrra. Upphafsverkið
stendur þó áfram undir eigin
nafni og var sem slíkt síðast flutt
af Sinfóníuhljómsveit Islands
1988. Þetta er þétt samtvinnað og
afar litríkt nútímaverk, borið uppi
bæði af hnitmiðuðum raðtækni-
vinnubrögðum Leifs frá fyrri ár-
um og vaxandi tilfinningu hans
fyrir hinu ljóðræna frá þeim síð-
ari, ásamt fjölbreyttu stílvali og
„ívitnunum", eins og hann kallaði,
í minningar um eldri músík; aug-
ljósast í Vorblót Stravinskys, sem
raunar bregður víðar fyrir í öðr-
um verkum Leifs líkt og erki-
týpiskri „flashback“-glætu aftan
úr fortíð.
Beiting Leifs á kunnugu tón-
máli í bland við afstrakt sýndi
þroskaðan skilning hans á nauð-
syn andstæðna og spennunar
milli hins þekkta og óþekkta, sem
maður saknar svo oft hjá yngri
framsæknum tónskáldum, er ná
fyrir vikið hvorki að halda athygli
né að fá hið bezta út úr eigin hug-
myndum. í vönduðum og blæ-
brigðaríkum leik hljómsveitarinn-
ar læddist sá grunur að manni, að
hér sé eitt fremsta verk síðari
áratuga í íslenzkum módernisma.
Það var ekki aðeins vegna þess
hvað þeim svipaði saman í útliti
að Francis Poulenc (d. 1963) var
kallaður „Fernandel tónlistar-
heimsins", því í kvikmyndahlut-
verki sínu sem klerkurinn lunkni
Don Camillo gerðist franski gam-
anleikarinn ljóslifandi eftirmynd
af sjálfslýsingu Poulencs, munkur
með götustrákseðli. Sagt er að
Poulenc hafi verið eini meðlimur
sexmenningahópsins svokallaða
(Les Six) sem hélt tryggð við
upphaflega stefnu frá 1920 um
hispurslausan hreinleika í and-
stöðu við impressjónisma fyrri
kynslóðar og að ganga þess í milli
hæfilega fram af fólki með fyndni,
frekju og furðulegum uppátækj-
um. Það er ekki undarlegt að
Poulenc eigi vaxandi fylgi að
fagna á seinni árum, því ef eitt-
hvað er sjaldfundið í verkum
hans, er það leiðinleiki. Þau rista
ekki alltaf djúpt, en flest eiga þau
sér fleti sem í krafti hrífandi
músíseringar, hugmyndaauðgi og
einskærrar lífsgleði ætla greini-
lega að endast hlustendum von úr
viti.
Konsertinn fyrir tvö píanó og
hljómsveit er frá 1932. Hann er
meðal mest fluttra hljómsveitar-
verka Poulencs, enda skortir
hvorki fjör né líðandi lýrík í þessu
tápmikla verki, sem liggur við að
mætti kalla dívertimentó. Lítið
fer fyrir úrvinnslu stefja, en bull-
andi andagift og kerskni meira en
bætir það upp með sannkallaðri
eldflugnahríð skondinna hug-
mynda. Hinn dreymandi milli-
þáttur náði nærri kosmísku svifi í
fisléttu hniti píanóanna og hljóm-
sveitarinnar um himinhvolfin.
Fínalinn átti stundum til að jaðra
við hið banala, aðallega fyrir þá
sök að ýmisskonar lánsfengur úr
djassi og dægurlögum sem voru
ný og fersk á tilurðartíma hafa
síðan orðið útjöskun skemmtiið-
naðar að bráð. Hvað sem því líður
léku þær Anna Guðný og Helga
Bryndís glimrandi vel, þó að þær
hefðu kannski mátt láta hendur
standa ívið meir og karlmennsku-
legar fram úr ermum í lokaþætti.
Hjómsveitin hélt góðu jafnvægi
við slaghörpurnar undir glöggri
stjórn Zuohuang Chens með
snörpum og samtaka leik.
Myndir á sýningu, „prógramm-
svíta“ Modests Mussorgskys fyrir
píanó við málverk vinar hans
Victors Hartmanns, hefur reynzt
meðal langþolnustu viðfangsefna
á sinfóníutónleikaskrám allt frá
því er Maurice Ravel orkestraði
verkið 1923 að beiðni Serges
Koussevitzkys. Og eflaust lítil
furða að eitt innblásnasta verk
frumlegasta tónskálds rússneskr-
ar þjóðernisrómantíkur, í hljóm-
sveitarútfærslu kannski snjallasta
orkestra 20. aldar, skuli enn
halda sínu, ef flutningur á annað
borð stendur undir verulegum
kröfum höfundanna til hljóm-
sveitar og stjórnanda.
Það er óhætt að segja, að Sin-
fóníuhljómsveitin reyndist vand-
anum vaxin. Tignarlegur lúðra-
blásturinn í
upphafsprómenöðunni hét þegar
góðu um framhaldið, og átti hann
undir lokin eftir að færast upp í
einhvern magnaðasta pjáturleik
sem maður hefur heyrt um langa
hríð. Meðal eftinninnilegi’a þátta
af mörgum mætti nefna dulúðug-
an sikileyjardansinn í Gamla
kastalanum og dillandi barna-
skvaldrið í Tuilerie-garðinum, þó
að Uxakerran næst á eftir hefði
mátt vera hægari og þyngslalegri.
Hljómsveitin beinlínis spriklaði af
gáska í Kjúklingadansinum, og
látúnsdeildirnar blésu hlustend-
um stórbrotinn óhug í kvið í
Katakombunum. Rússagrýlan
eina og sanna lifnaði heldur betur
við í gandreið Böbu Jögu, og
sjaldan hefur maður heyrt aðra
eins gullbryddaða viðhöfn í tónum
og í Kænugarðshliðinu. I þessum
upphafna lokaþætti sýndi hljóm-
sveitin alla þá breiðtjaldsreisn
sem sinfónískur ritháttur hefur
upp á að bjóða, svo að þröngar
fellingar Háskólabíós glenntust út
í svimandi gímald.
Hér var vel að verki staðið.
Ríkarður Ö. Pálsson
0G VINDHELD
IVIEÐ ÚTÖNDUN
FRA REGAT1A
10.400
Teygjustroff á ermum
Þessi Regatta-útivistarjakki meg rjf|áS
nýtist þér allt árið. Ytrabyrðið með lausum
flísjakka innan í er ákjósanleg vetrarflík.
Flísjakkinn er líka góður einn og sér. Ytrabyrðið er
góður regn- og vindjakki. AÐEINS 10.400 KRÓNUR.
Litir: Beige/grátt, blátt/svart, rautt/svart og Ijósblátt/svart.
SOLUAÐILAR:
Reykjavík, Húsasmiðjan um allt land, Akrasport Akranesi, Kaupf. Borgfirðinga, Skipaþjónustan Ólafsvík,
Hafnarbúðin Isafirði, Vísir Blönduósi, Skagfirðingabúð Sauðárkróki, KEA Hrísalundi Akureyri, KÞ Esar Húsavík, Kaupf. Héraðsbúa Egilstöðum, S.U.N.
Búðin Neskaupstað, Kaupf. Austur-Skaftfellinga Höfn, Skóbúð Selfoss - Sportbær, Skeljungsbúðin Keflavík.
REGN-
Hetta m/skyggni í kraga
Flísjakki (renndur innan í)
Stillanleg teygja,
neðst og í mittið
Renndir vasar
með stormflipa
Sterkur rennilás og
stormflipar yfir
ÚTIVISTARVERSLUN FAXAFENI 12, SÍMI 533 1550
OPIÐ VIRKA DAGA FRÁ 9-18, LAUGARD. 6/12 ER OPIÐ 10-18
ÚTÖNDUN
Tveir
kórar í
Arbæjar-
kirkju
REYKJALUNDARKÓRINN og
Karlakórinn Stefnir verða með
sameiginlega aðventutónleika í Ar-
bæjarkirkju á sunnudag kl. 15.
Reykjalundarkórinn syngur m.a.
nokkur jólalög, negrasálm og af-
rískt lag úr kvikmyndinni Amistad.
Karlakórinn Stefnir mun einnig
flytja nokkur jólalög og önnur
verk eru m.a. Ave Maria eftir
Gluck og Sofið rósir, íslenskt lag
eftir Steingrím Birgisson.
Kórarnir munu koma fram sitt í
hvoru lagi, en einnig munu þeir
syngja sameiginlega tvö lög í lok-
in: Þakkarbæn og Ó, helga nótt.
Undirleik annast Hjördís Elín
Lárusdóttir og Sigurður Marteins-
son. Stjórnandi kóranna er Lárus
Sveinsson.
Kórarnir verða einnig með sam-
eiginlega aðventutónleika á
Reykjalundi miðvikudaginn, 15.
desember kl. 20:30.
Jólavaka Karlakórsins Stefnis
verður sunnudaginn 12. desember
kl. 20 í Hlégarði í samvinnu við
Barnakór Varmárskóla.
----♦ ♦ ♦
Karlakórar
í Njarðvík-
urkirkju
KARLAKÓR Keflavíkur og Karla-
kórinn Lóuþrælar halda tónleika í
Ytri-Njarðvíkurkirkju á morgun,
laugardag, kl. 17. Einnig kemur
fram sönghópurinn Sandlóur.
Efnisskrá tónleikanna saman-
stendur af íslenskum og erlendum
lögum, m.a. hefðbundnum karla-
kóralögum, óperukórum og dæg-
urlögum.
Kórarnir syngja hvor í sínu lagi
og einnig saman.
Stjórnandi Lóuþræla er Ólöf
Pálsdóttir. Stjórnandi Karlakórs
Keflavíkur er Vilberg Viggósson.
Undirleik annast Agota Joó á pía-
nó, Ásgeir Gunnarsson á harmon-
iku, Þorvaldur Pálsson á harmon-
iku og Þorvarður Guðmundsson á
gítar.
Einsöng syngja Harpa Þorvalds-
dóttir og Steinn Erlingsson barít-
on. Tvísöng syngja Arnar og Eyj-
ólfur Gunnarssynir.
-----♦ ♦ ♦
Aðventutón-
leikar Borgar-
kórsins
AÐVENTUTÓNLEIKAR Borgar-
kórsins verða í Fríkirkjunni í
Reykjavík á sunnudag kl. 17. Á
efnisskránni eru lög af nýútkom-
inni geislaplötu kórsins auk hefð-
bundinna jóla- og aðventusöngva.
Einsöngvarar á tónleikunum verða
Anna Margrét Kaldalóns og Helga
Magnúsdóttir og píanóleikari Ólaf-
ur Vignir Albertsson. Stjórnandi
Borgarkórsins er Sigvaldi Snær
Kaldalóns.
Aðgangseyrir að tónleikunum er
500 krónur.
-----♦ ♦♦
Syngjandi jól
í Hafnarborg
SYNGJANDI jól verða haldin í
þriðja sinn í Hafnarborg, menning-
ar- og listastofnun Hafnarfjarðar,
á morgun, laugardag. Þar koma
fram 22 kórar og sönghópar með
um 80 kórfélaga. Söngurinn hefst
kl. 13 og lýkur kl. 20.20.
Tónleikarnir eru í samvinnu við
Skólaskrifstofu Hafnarfjarðar.