Morgunblaðið - 10.02.2000, Blaðsíða 14

14 FIMMTUDAGUR 10. FEBRÚAR 2000
MORGUNBLAÐIÐ
HÖFUÐBORGARSVÆÐIÐ
Sveitarfélög á höfuðborgarsvæðinu vilja að mis-
læg gatnamót á Vesturlandsvegi fái forgang
Framkvæmdir í haust
Vesturlandsvegur
SAMSTARFSNEFND sveit-
arfélaganna á höfuðborgar-
svæðinu mun í þessum mán-
uði senda ríkisstjórninni
sameiginlegar tillögur um
forgangsröðun vegafram-
kvæmda á höfuðborgar-
svæðinu og þar verður m.a.
farið fram á það að hafist
verði handa við gerð mis-
lægra gatnamóta á
Vesturlandsvegi, við Víkur-
veg og Reynisvatnsveg í
haust. Þetta kom fram í
samtali Morgunblaðsins við
Stefán Hermannsson borg-
arverkfræðing, en hann
sagði að málið yrði tekið
fyrir á næsta fundi skipu-
lagsnefndar. Þá sagði hann
að borgin ætti í viðræðum
við ríkið um að kaupa eða
leigja Keldnaland.
Fyrsti áfangi í notkun
haustið 2001
Samkvæmt vegaáætlun
átti, á þessu ári, að hefja
framkvæmdir við gerð mis-
lægra gatnamóta á mótum
Vesturlands- og Suður-
landsvegar, en Stefán sagði
brýnna að Ijúka fyrst gerð
hinna gatnamótanna, þar
sem við þau yrði ekið inn í
Grafarvogs- og Grafar-
holtshverfi.
Stefán sagði að ef þetta
gengi eftir myndu fram-
kvæmdir hefjast í haust og
fyrsti áfangi yrði tekinn í
notkun haustið 2001. Að
hans sögn er áætlaður
heildarkostnaður vegna
framkvæmdarinnar um 280
til 300 milljónir.
Borgin vill kaupa eða
leigja Keldnaland
Eins og staðan er í dag
eru bæði gatnamótin við
Suðurlandsveg og Víkur-
veg ljósastýrð. Stefán sagði
að ef forgangsröðinni yrði
snúið við, þ.e. ef ráðist yrði
í gerð mislægra gatnamóta
við Víkurveg fyrst, yrðu
þau færð dálítið norðar og
núverandi gatnamót lögð
niður. Þá yrði ekki ráðist í
gerð mislægra gatnamóta
við Suðurlandsveg fyrr en
eftir tvö ár.
Eins og áður kom fram
sagði Stefán að borgin
hefði áhuga á að kaupa eða
leigja Keldnaland af rikinu
og sagði hann að fulltrúar
borgarinnar væru að fara
yfir skipulagsþáttinn með
fulltrúum ríkisins. Hann
sagði að málið væri enn á
umræðustigi en að vilji
væri til að byggja þar upp
einhverja íbúðabyggð eða
hátækniiðnaðarhverfi.
Stöðumat Staðardagskrár 21
sett á heimasíðu Garðabæjar
Ibúum gel'st tæki-
færi til að hafa áhrif
á umhverfi sitt
Garðabær
NEFND um Staðardagskrá
21 í Garðabæ hefur sett
drög að stefnu sinni og
stöðumat inn á heimasíðu
Garðabæjar á Netinu og er
íbúum bæjarins þannig gert
kleift að hafa áhrif á verk-
efnið, enda „í samræmi við
hugmyndafræði Staðardag-
skrárinnar að allir sem vilja
geti verið með,“ segir Guð-
mundur Einarsson, starfs-
maður nefndarinnar.
„Hugmyndin er sú að allir
hafi rétt á að tjá sig og
koma sínum sjónarmiðum að
og svona telur Garðabær að
best sé að nálgast íbúa bæj-
arins,“ segir Guðmundur.
Staðardagskrá 21 byggir
á hugmyndafræði um heild-
ræna hugsun í umhverfis-
málum. Hún er heildaráætl-
un um þróun samfélaga á
21. öld og er ætlað að vera
eins konar forskrift að sjálf-
bærri þróun. Auk umhverf-
ismála er áætluninni ætlað
að taka tillit til efnahags-
legra og félagslegra þátta
enda verði umhverfismál
aldrei slitin úr samhengi við
önnur mál.
Mengunarmál,
umhverfisfræðsla og
atvinnustarfsemi
I stöðumatinu sem sett
hefur verið inn á heimasíðu
Garðabæjar eru teknir fyrir
ýmsir þættir og komið með
tillögur í tengslum við þá.
Núverandi ástandi er lýst
og hvað þyki jákvætt við
það, einnig er vandi núver-
andi kerfis tiltekinn og kom-
ið með tillögur til úrbóta.
Guðmundur segir að vonast
sé til að íbúar sýni viðbrögð
við stöðumatinu og komi
einnig með eigin tillögur,
með því að senda annað
hvort tölvupóst eða bréf.
Meðal mála sem tekin eru
fyrir á heimasíðunni og
íbúar hafa tækifæri til að tjá
sig um eru fráveitu- og úr-
gangsmál, mengunarhætta
og röskun á umhverfi og at-
vinnustarfsemi. Einnig er
fjallað um hávaða- og loft-
mengun, náttúruvernd, um-
hverfisfræðslu, skipulags-
og samgöngumál.
Meðal annars er lagt til er
að hætt verði að tjöruþvo
bíla í íbúðarhverfum, að
greitt verði fyrir sorphirðu
samkvæmt vigt, að úrgang-
ur verði flokkaður á stofn-
unum bæjarins og að notkun
endurnýtanlegrar vöru verði
aukin. Einnig eru tillögur
um að strandlengjan verði
kortlögð og viðbrögð við
mengun undirbúin, að lífríki
við Urriðavatn og Lamb-
húsa- og Skógtjarnir verði
verndað og að komið verði í
veg fyrir röskun á verndar-
svæði framtíðarvatnsbóla.
Varðandi atvinnustarf-
semi í bænum er lögð
áhersla á að bifreiðastæði
fyrir vinnutæki og stærri
bifreiðar séu utan ibúðar-
hverfa og að lóðafrágangur,
þar sem geymsla tækja og
búnaðar fer fram utandyra,
sé bættur. Lagt er til að
hafnar verði staðbundnar
aðgerðir til að draga úr um-
ferðarhávaða og að akstur
þungra bifreiða um íbúðar-
hverfi verði takmarkaður.
Einnig er lagt til að búið
verði til fræðsluefni um um-
hverfismál og að umhverfis-
verkefnum verði veittur
stuðningur.
Formaður FH ósáttur við tillögur um færslu Reykjanesbrautar inn á Kaplakrika
„Iþróttasvæðið þegar of lítið“
EF ráðist verður í fram-
kvæmdir við Reykjanesbraut
í Hafnarfirði og hún grafin
niður og sett í stokk að hluta
mun hluti af landsvæði Fim-
leikafélags Hafnarfjarðar
(FH) verða nýttur undir veg.
Gunnlaugur Magnússon, for-
maður FH, sagðist ekki vera
ánægður með að tekið yrði af
svæðinu við Kaplakrika, þar
sem það væri nú þegar orðið
of lítið.
„Þessar tillögur hljóma illa
í okkar eyrum,“ sagði Gunn-
laugur. „Það er mjög slæmt
ef enn á að þrengja að okkur
því íþróttasvæðið við Kapla-
krika er þegar orðið of litið.“
Hagkvæmast að hafa
beygjuna krappa
Gunnlaugur sagði að sá
hluti íþrótttasvæðisins, sem
yrði nýttur undir veg, væri
kastvöllurinn, en á honum
væri bæði æft og keppt og
mjög erfitt að koma honum
fyrir annars staðar. Þá sagði
hann að hluti af grasæfinga-
svæði knattspyrnudeildar-
innar færi jafnvel undir veg-
inn
„Við vitum ekki hversu
stórt svæði verður tekið af
okkur, en það fer eftir þvi
hvaða tillaga verður valin.“
Alls voru fjórar tillögur
kynntar á borgarafundinum
í Hafnarborg á mánudags-
kvöld. Munurinn á þeim er
annars vegar fólginn í því
hversu kröpp beygjan við
Morgunblaðið/Sverrir
Horft í norðaustur yfir íþróttasvæði FH í Kaplakrika, en formanni félagsins finnst margt
óljóst í tillögum um úrbætur á Reylqanesbrautinni.
Hafnarfjörður
Kaplakrika er og hins vegar
hæðarlegu vegarins.
Gunnlaugur sagði, að ef á
annað borð yrði farið út í
þessar framkvæmdir, væri
hagkvæmast fyrir FH-inga
að hafa beygjuna við Kapla-
krika krappa, þannig að sem
minnst af landsvæðinu færi
undir veg. Þá væri einnig
mikilvægt að grafa veginn
niður þannig að yfirbygging-
in (stokkurinn) yrði í sömu
hæð og Kaplakrikasvæðið.
„Það er hugsanlegt að
kastvöllurinn bjargist ef
krappari beygjan verður
valin.“
Samkvæmt skýrslu Verk-
fræðistofu Sigurðar Thor-
oddsen (VST), sem vann til-
lögurnar, má gera ráð fyrir
því að FH geti nýtt yfir-
bygginguna undir landsvæði
í stað þess sem fer undir
veginn.
Margt óljóst í
umræðunni
Gunnlaugur sagði margt
vera mjög óljóst í allri þess-
ari umræðu. í fyrsta lagi
væri ekki vitað hvenær ráð-
ist yrði í framkvæmdir við
yfirbygginguna, þar sem
hún væri tiltölulega aftar:
lega í framkvæmdaröðinni. I
öðru lagi væri erfitt að nýta
það landsvæði, sem fengist,
undir kastvöll, þar sem það
yrði á suðvesturhorni Kapla-
krikasvæðisins, en þar er
m.a. gert ráð fyrir göngu-
stígum.
„Þetta eru allt hlutir, sem
við verðum að fara yfir með
bæjaryfirvöldum og ég á
ekki von á öðru en að við ná-
um sátt um þetta mál. Mikil-
vægast er að menn átti sig á
því að Kaplakrikasvæðið er
þegar orðið of lítið.“
Gunnlaugur sagði að ef
FH hygðist færa út kvíarnar
væri alveg ljóst að félagið
þyrfti meira landsvæði og að
líklega þyrfti þá að byggja
upp annars staðar en í
Kaplakrika. Hann sagði að í
þeim efnum væri einna helst
horft suður fyrir Reykjanes-
brautina á Setbergshverfið.
„Eina landsvæðið sem
kemur til greina á Kapla-
krikasvæðinu er austan við
núverandi íþróttasvæði og
það land er í eigu Garðabæj-
„„ n