Morgunblaðið - 09.03.2000, Blaðsíða 6
6 FIMMTUDAGUR 9. MARS 2000
FRETTIR
MORGUNBLAÐIÐ
Lóð afmörkuð vegna byggingar ráðstefnu- og tónlistarhúss og hótels
Tónlistarhúsi
valinn staður við
Austurbakka
Lóðir fyrir tónlistar- og ráðstefnuhús,
hótel, skiptistöð SVR, bílastæði o. fl.
REYKJAVÍKURHÖFN
Stjómar-
sj ráðið
Á þessum lóðum er ætlunin
að koma fyrir:
Tónlistar- og ráðstefnuhúsi
Hóteli
Bílastæðum (600 + 320)
Skiptistöð SVR
Viðbótarhúsnæði
HAFNARSTJÓRN Reykjavíkur
samþykkti í gær tillögu um af-
mörkun lóðar fyrir byggingu tón-
listar- og ráðstefnuhúss og hótels
við Austurbakka Reykjavíkurhafn-
ar. Var hafnarstjóra falið að ganga
til viðræðna um sölu Faxaskála og
um frekari skilmála við afhendingu
lóða gegn greiðslu.
Ingibjörg Sólrún Gísladóttir
borgarstjóri segir þessa afgreiðslu
mjög þýðingarmikla því mikilvægt
hafi verið að sjá hagsmunum hafn-
arinnar borgið í tengslum við fyrir-
hugaða byggingu tónlistarhúss o.fl.
mannvirkja á umræddu svæði.
Verkefnið boðið út
sem einkaframkvæmd
Stefnt er að því að allar bygging-
arframkvæmdir á lóð-
inni, svo og verulegur
hluti rekstrarins, verði
boðnar út sem einka-
framkvæmd. Að sögn
borgarstjóra þurfa
Reykjavíkurborg og
ríkið nú þegar þessi
niðurstaða liggur fyrir
að semja sín í milli um
kostnaðarskiptingu
vegna þess hluta verk-
efnisins sem ríki og
borg munu standa að.
Sagðist hún ekki eiga
von á öðru en að sam-
komulag næðist um
það, enda væri báðum
aðilum það mikið
kappsmál að þessi
bygging gæti orðið að veruleika.
„Eg hef þá trú að svona tónlist-
ar- og ráðstefnumiðstöð og hótel
verði mikil lyftistöng bæði fyrir
menningarlífið og fyrir atvinnulífið
í landinu öllu,“ sagði Ingibjörg Sól-
rún, og lagði jafnframt áherslu á
að staðsetning mannvirkjanna
myndi styrkja miðborg Reykjavík-
ur verulega í sessi.
Undirbúningur og hönnun
getur tekið 1 'h til 2 ár
Gert er ráð fyrir að væntanlegir
fjárfestar og hönnuðir fái umtals-
vert svigrúm til að útfæra hug-
myndir um skipulag og uppbygg-
ingu þeirra mannvirkja sem reisa á
við höfnina. Reiknað er með að
undirbúningur og hönnun tónlist-
ar- og ráðstefnuhússins taki eitt og
hálft til tvö ár og síðan taki tvö til
þrjú ár að ljúka byggingunum.
Borgarstjóri telur ekki raunhæft
að ætla að framkvæmdir geti hafist
fyrr en árið 2002, enda segir hún
mikilvægt að vanda allan undii’-
búning. „Því betur sem þetta er
undirbúið, þeim mun líklegra er að
vel takist til og að náð verði þeim
markmiðum sem allir stefna að, en
þau eru að fá hér gott tónlistarhús,
góða ráðstefnumiðstöð og fínt hótel
sem tengist miðborg Reykjavíkur,"
sagði Ingibjörg Sólrún í gær.
20 þúsund fermetra lóð norð-
an Geirsgötu og 920 bilastæði
Lóðin sem ákveðið hefur verið
að afmarka vegna tónlistar- og ráð-
stefnuhússins er í tveimur hlutum.
Annars vegar er um að ræða um 20
þúsund fermetra lóð norðan Geirs-
götu, þar sem Faxaskáli stendur,
og hins vegar 7.200 fermetra lóð á
milli Geirsgötu og Tryggvagötu, en
þar eru í dag bíla-
stæði, skiptistöð
SVR, Zimsen-húsið,
Hafnarstræti 21 og
hluti húsa á lóðinni
Hafnarstræti 17.
Reykjavíkurborg ætl-
ar að láta flytja eða
rífa Hafnarstræti 21
og semja við eigendur
Hafnarstrætis 17 um
breytingar á húsum
og breytt lóðamörk.
Gert er ráð fyrir að
á þessum lóðum verði
byggt tónlistar- og
ráðstefnuhús og hót-
el, 600 bílastæði í
tengslum við bygg-
inguna og 320 bíla-
stæði til viðbótar vegna miðborgar-
innar.
Þá er jafnframt gert ráð fyrir
skiptistöð fyrir SVR á umræddu
svæði og auk þess viðbótarhús-
næði, sem getur orðið allt að 15
þúsund fermetrar að stærð, sem
ætlað er að styrkja tengsl tónlist-
arhússins við miðborgina og skapa
betri fjárhagslegan grundvöll verk-
efnisins.
Tónlistar- og ráðstefnuhúsið
verði 14.000 fermetrar
Reiknað er með að tónlistar- og
ráðstefnuhúsið verði 14 þúsund
fermetrar að stærð og reist verði í
tengslum við það a.m.k. 250 her-
bergja hótel sem verði 20 þúsund
fermetrar að stærð.
Skiptistöð SVR mun saman-
standa af stæði fyrir vagna í bið-
stöðu, biðsal fyrir farþega og þjón-
usturými svo og vagnstæði fyrir
vagna sem eru að taka við farþeg-
um. Þá verður mögulegt að bfla-
stæði neðanjarðar geti verið utan
lóðar.
Er að því stefnt að borgarsjóður
kaupi þau mannvirki sem þarf að
rífa eða flytja og land hafnarinnar
eins og þörf verður á, og láti síðan
lóðina af hendi fyrir fast verð.
Auk bygginga á lóðinni sjálfri er
gert ráð fyrir þeim möguleika að
byggt verði yfir Geirsgötu á milli
lóðanna tveggja, og að gatan verði
hugsanlega lækkuð eða sett í göng.
Óvíst hvort Faxaskáli verður
nýttur að hluta eða rifínn
Reykjavíkurhöfn mun halda af-
notum af viðleguköntum í Austur-
höfn þrátt fyrir þessar fram-
kvæmdir. Þannig er gert ráð fyrir
að gerður verði viðlegukantur
norðan við hina afmörkuðu lóð
tónlistarhússins og gert ráð fyrir
mögulegu athafnasvæði þar fyrir
höfnina.
Ekki er gert ráð fyrir að lönd-
un fisks við Austurbakka verði
heimil eftir að mannvirkin verða
reist, nema sérstaklega sé gerð
grein fyrir því að það samrýmist
rekstri hótels og ráðstefnumið-
stöðvar. Er því talið nauðsynlegt
að skapa aðstöðu til löndunar
annars staðar.
Ekki hefur verið tekin afstaða til
þess hvort Faxaskáli eða hluti hans
mun standa áfram og verða nýttur
t.d. vegna fyrirhugaðra bflastæða
eða hvort mannvirkin verða rifin.
Ákveðið var að halda þessum nýt-
ingarmöguleikum opnum fyrir
væntanlegum fjárfestum. Þó er ráð
fyrir því gert að Reykjavíkurhöfn
verði áfram eigandi 3.500 fermetra
á jarðhæð Faxaskála, sem höfnin
nýti sem geymsluhúsnæði.
Borgaryfirvöld leggja áherslu á
að við uppbyggingu mannvirkjanna
verði tryggt að góð göngutengsl
verði á milli uppbyggingarsvæðis-
ins og miðborgarinnar.
Fulltrúar Sjálfstæðis-
flokks sátu hjá
Fulltrúar Sjálfstæðisflokksins í
hafnarstjórn sátu hjá við atkvæða-
greiðslu um þetta mál í gær. I sér-
stakri bókun þeirra segir að fund-
argögn hafi verið send hafnar-
stjórn í fyrrakvöld og ekki komið
fram í dagskrá að lögð yfir fram
tillaga um afgreiðslu málsins.
„Nýjar upplýsingar um löndunar-
aðstöðu voru kynntar á fundinum.
Ósk um að fundi yrði frestað í
nokkra daga til að hægt væri að
leggja fram og meta í hafnarstjórn
greinargerð varðandi bráðabirgða-
aðstöðu eða væntanlega aðstöðu
fyrir löndun sem fyrirhuguð er að
norðanverðu við hina afmörkuðu
lóð TRH var hafnað. Með hliðsjón
af því sitjum við hjá,“ sagði í bókun
fulltrúa Sjálfstæðisflokksins.
Getur orðið „viti“ eða tákn
miðborgar Reykjavíkur
A minnisblaði borgarverkfræð-
ings, sem lagt var fram í hafnar-
stjórn í gær, segir að staðsetning
lóðar tónlistarhússins sé einstök í
miðborg Reykjavíkur.
„Vegna þessa sjónræna mikil-
vægis lóðarinnar og umfangs
væntanlegra bygginga er ekki ólík-
legt að bygging á lóðinni geti orðið
einskonar „viti“ eða tákn miðborg-
ar Reykjavíkur. Þess vegna er
mikilvægt að byggingarlist á lóð-
inni endurspegli byggingarlist í há-
um gæðaflokki," segir þar.
Ingibjörg Sólrún
Gísladóttir
V erð á fíkniefnum er sagt
hafa farið lækkandi
Lögreglan telur SÁÁ búa yfír
upplýsingum um söluaðila
SAMKVÆMT niðurstöðum könn-
unar, sem gerð var í janúar og febr-
úar meðal sjúklinga á sjúkrahúsinu
Vogi, sem keypt hafa fíkniefni að
undanförnu, hefur verð á fíkniefn-
um lækkað.
Samkvæmt þvi sem fram kemur á
vefsetri SÁÁ er verðið orðið svipað
því sem það var á síðasta ári þegar
hið svokallaða stóra fíkniefnamál
kom upp. „Verðlag á hinum ýmsu
efnum hækkaði mjög skyndilega
þegar smyglarar urðu fyrir skakka-
föllum en verðlagið nú bendir til
þess að markaðurinn sé kominn í
fyrra horf,“ segir á vefsetrinu.
Samkvæmt könnuninni hélst
verðið á „venjulegum skammti“ af
hassi óbreytt fyrstu tvo mánuði árs-
ins og kostar skammturinn nú 2.000
kr. Amfetamín lækkaði um 25% þar
sem verðið lækkaði úr 4.000 kr. í
3.000 kr. frá janúar til febrúar. 13%
verðlækkun varð á kókaínskammti
er verðið lækkaði úr 11.500 kr. í
10.000 kr. og e-taflan lækkaði úr
3.000 kr. í 2.500 kr. eða um 17%.
Ályktun SÁÁ er sú að vaxandi
eftirspurn og stöðugt verðlag gefi
til kynna að nægilegu magni sé
smyglað til landsins til að fullnægja
eftirspurninni á fíkniefnamarkaðn-
um.
Engin opinber verðskrá til
Lögreglan segir að engin opinber
verðskrá sé til um fíkniefni hérlend-
is og telur það hvorki vera hlutverk
lögreglu né SÁÁ að gefa út viðmið-
unarverð á fíkniefnum. Lögreglan
segir hins vegar að svo virðist vera
sem SÁA búi yfir upplýsingum um
aðila sem selji fólki fíkniefni hér á
landi á því verði sem gefið er upp.
„Fulltrúar þess munu væntanlega
geta gefið lögreglunni þær upplýs-
ingar svo hægt verði að grípa til
enn áhrifaríkari aðgerða og minnka
þannig líkur á að fleiri verði fíkni-
efnunum að bráð,“ segir Ómar
Smári Ármannsson aðstoðaryfirlög-
regluþjónn aðspurður um viðbrögð
sín við könnun SÁA.
Hann segir staðreyndina vera þá
að verð á fíkniefnum ráðist venju-
lega af öðru en almennum markaðs-
áhrifum. „Það ræðst fremur af því
hverjir eiga í hlut, hver tengsl aðila
eru, aðgengi að efnunum og öðrum
„viðskiptaskilmálum“,“ segir hann.
Kannar
mannrétt-
indamál í
Tsjetsjníu
LÁRA Margrét Ragnarsdótt-
ir alþingismaður tekur þátt í
för sérstakrar sendinefndar
Evrópuráðsþingsins til
Moskvu og Norður-Kákasus-
héraðsins dagana 9.-3. mars.
Tilgangur fararinnar er fyrst
og fremst að afla gagna um
ástand mannréttindamála í
tengslum við átökin í Tsjetsj-
níu en Evrópuráðsþingið sam-
þykkti tilmæli um þau á fundi
sínum í Strassborg í janúar sl.
Þar er m.a. farið fram á að al-
menn mannréttindi verði virt
á svæðinu, að tafarlaust verði
bundinn endi á árásir rúss-
neska hersins gegn almennum
borgurum og að fjölmiðlum og
hjálparstofnunum verði veitt-
ur frjáls aðgangur að svæð-
inu.
I tilmælunum kemur fram
að grannt verði fylgst með
hvernig rússnesk stjórnvöld
bregðast við íframangreind-
um atriðum og að áframhald-
andi aðild Rússlands að
Evrópuráðinu verði óhjá-
kvæmilega rædd á fundi
þingsins dagana 3.-7. apríl nk.
verði rússnesk stjórnvöld ekki
talin hafa brugðist við tilmæl-
unum á viðunandi hátt.
Lára Margrét var tilnefnd í
sendinefndina sem einn
þriggja fulltrúa stjórnmála-
nefndar Evrópuráðsþingsins,
en hún er jafnframt einn
varaforseta þingsins. Gert er
ráð fyrir að sendinefndin snúi
heim frá Moskvu mánudaginn
13. mars.
Eignir lífeyr-
issjóðanna
jukust um
108 milljarða
HREIN eign lífeyrissjóða lands-
manna nam 515,3 milljörðum króna
um síðustu áramót, samkvæmt
upplýsingum frá Seðlabanka Is-
lands. Tölurnar byggjast á mánað-
arlegu úrtaki frá stærstu lífeyris-
sjóðunum. Þetta eru því ekki
endanlegar tölur. Samkvæmt töl-
unum jukust eignirnar um tæplega
21% á síðasta ári.
Eignir lífeyrissjóðanna hafa auk-
ist hratt síðustu ár. Þær námu 262
milljörðum 1995, fóru í 306 millj-
arða árið 1996 og náðu 352 millj-
örðum í árslok 1997. í árslok 1998
námu eignir lífeyrissjóðanna 407
milljörðum og um nýliðin áramót
námu eignirnar 515 milljörðum.
Hækkunin í fyrra er 108 milljarð-
ar.
,
Brotist inn í
geymslur fjöl-
býlishúss við
Grandaveg
BROTIST var inn í um 20 geymslur í
fjölbýlishúsi við Grandaveg í gær
eða fyi-rinótt og ýmsu stolið þar, m.a.
verðmætu frímerkjasafni. I húsinu
eru 23 geymslur og brotist var inn í
nær allar geymslurnar, þær
sprengdar upp og lásar eyðilagðir.
Auk frímerkjasafnsins var stolið
heilum dekkjagangi á felgum ásamt
ýmsu öðru dóti. Ekki er vitað ná-
kvæmlega hvenær innbrotið átti sér
stað en lögreglan vinnur að rann-
sókn málsins.