Morgunblaðið - 31.03.2000, Blaðsíða 35
MORGUNBLAÐIÐ
FÖSTUDAGUR 31. MARS 2000 35
LISTIR
Listaverk tengd kristni í
Listasetnnu
SOSSA og Gyða L. Jónsdóttir opna
sýningu í Listasetrinu Kirkjuhvoli,
Akranesi á morgun, laugardag, kl.
16. Sossa sýnir olíumálverk og Gyða
sýnir skúlptúra.
Verkin tengjast kristni og eru
sett upp í tilefni Kristnihátíðar.
Sossa er fædd á Akranesi 1954 en
ólst upp í Keflavík. Hún nam við
MHÍ, Skolen for Brugskunst í
Kaupmannahöfn og School of the
Museum of fine art / Tufts Univers-
ity í Boston í Bandaríkjunum. Það-
Kirkjuhvoli
an lauk hún meistaragráðu í mynd-
list.
Gyða er fædd 1943 og ólst upp á
Akranesi. Hún nam við MHI og
höggmyndalist við Central School
of Art í London, auk þess sem hún
nam við Konunglegu listaakadem-
íuna í Kaupmannahöfn.
Við opnun leika tónlist þeir Hauk-
ur Guðlaugsson og Gunnar Kvaran.
Sýningin stendur til 16. apríl.
Listasetrið er opið alla daga
nema mánudaga frá kl. 15-18.
Vorboðinn í
tónum á Húsavík
Húsavfk. Morgunblaðið.
K V ARTETTINN Út í vorið og
Signý Sæmundsdóttir óperusöng-
kona skemmtu Húsvíkingum á dög-
unum með söng sfnum í sal Tónlist-
arskólans. Tónleikagestir voru á
þriðja hundrað og fögnuðu tón-
leikagestum mjög vei. Þar skiptust
á kvartettsöngur og einsöngur í
fjölbreyttri 19 laga söngskrá, sem
að nokkru var endurtekin og svo
sungin aukalög.
Kvartettinn skipa þeir Einar
Clausen, Halldór Torfason, Þor-
valdur Friðriksson og Ásgeir Böðv-
arsson. Undirleikari var Bjarni Þór
Jónatansson pianóleikari. Hann
hefur útsett mikinn hluta söng-
skrárinnar.
Signý hefur verið raddþjálfari
kvartettsins tít í vorið um árabil og
vel átti því við að hún syngi með
þeim bæði einsöng og sóló.
Söngkvartettin tít í vorið ásamt Signýju Sæmundsdóttur óperusöngkonu.
Morgunblaðið/SiUi.
Samnorræn
hönnun barna og
unglinga
FANTASI Design er samnorræn
sýning á hönnun og uppfinningum
barna og unglinga sem opnuð
verður í Kalmar í Svíþjóð laugar-
daginn 1. apríl. Á sýningunni eru
hlutir frá Finnlandi, Svíþjóð, Dan-
mörku og íslandi. Sýningargripir
eru rúmlega 50 og þar af 18 ís-
lenskir.
Sjá má hluti eins og bakteríu-
símann frá Danmörku, ferðastól-
inn frá Finnlandi, bananaflysjar-
ann frá Svíþjóð og laukglepaugun
frá Islandi.
Sýningin fer frá Kalmar til
Helsinki, þaðan kemur hún til ís-
lands og verður opnuð í Gerðu-
bergi laugardaginn 2. september
nk., og endar í Kaupmannahöfn í
nóvember.
Fjölmörg íslensk fyrirtæki hafa
styrkt sýninguna með gerð frum-
gerða af uppfinningum íslensku
bamanna, en af þeim má nefna
Blikkás, Barnasmiðjuna, Gks hús-
gögn, Gull- og silfursmiðjuna,
Rafhitun o.fl.
Fantasi Design er hluti af dag-
skrá Reykjavíkur - menningar-
borg Evrópu árið 2000.
V orvaka Emblu
í Stykkishólmi
HIN árlega menningarvaka Emblu
í Stykkishólmi hefst með kvöldvöku
í Stykkishólmskirkju í kvöld, föstu-
dagskvöld, kl. 20.
Rithöfundurinn Einar Már Guð-
mundsson segir sögur og flytur ljóð.
Auk þess mun fjöldi bæjarbúa taka
þátt í dagskránni og má þá líta sýn-
ishorn af spariklæðnaði frá ýmsum
tímum 20. aldar. Fram kemur
bamakór, söngfólk úr söngdeild
Tónlistarskólans og Kór Stykkis-
hólmskirkju undir stjórn Sigrúnar
Jónsdóttur. Félagar úr Leikfélag-
inu Grímni munu flytja einþáttung.
Hljóðfæraleikur verður í höndum
Jóseps Blöndal og Hafsteins Sig-
urðssonar.
Sýning á þjóðbúningum og ljós-
myndum verður opnuð á morgun,
laugardag, kl. 14. Þar verður ís-
lenski þjóðbúningurinn frá 19. og
20. öld til sýnis en búningamir koma
frá Heimilisiðnaðarfélaginu, Ingi-
björgu H. Ágústsdóttur og fleirum.
Þá verða einnig sýnd vinnubrögð við
saumaskap, balderingar og knipl.
Á sýningunni verða einnig ljós-
myndir úr myndasafni Jóhanns
Rafnssonar.
Sýningin verður opin á laugardag
og sunnudag kl. 14-17.
Fyrirlestr-
ar og nám-
skeið í LHÍ
TVEIR fyrirlestrar verða í Litahá-
skóla íslands í næstu viku. Mánu-
daginn 3. apríl kl. 12.30 á Laugar-
nesvegi 91, í stofu 24, fjallar
Brynhildur Þorgeirsdóttir um eigin
verk með áherslu á vinnuferlið við
notkun glersins, en hún er einn af fá-
um íslenskum myndlistarmönnum
sem nota gler og glersteypu með
öðrum efnum í verkum sínum, segir í
fréttatilkynningu. Einnig segir
Brynhildur frá námsferðum til
Bandaríkjanna og Japans þar sem
hún kynnti sér aðferðir við gler-
steypu.
Valgerður Hauksdóttir mynd-
listarmaður fjallar um eigin feril og
sýnir litskyggnur miðvikudaginn 5.
apríl kl. 12.30 í stofu 113 í Skipholti 1.
Námskeið
Námskeið sem hefur yfirskriftina
Rýmishönnun, hefst mánudaginn 22.
maí. Kynntir verða helstu frumþætt-
ir hönnunar og hvernig þeir koma
fram í allri hönnun. Aðaláhersla
verður á þrívíða hönnun, einkum
rýmishönnun. Kennari er Elísabet
V. Ingvarsdóttir, innanhússarkitekt
FHI, og verður kennt í stofu 113,
Skipholti 1, inngangur b.
------H-í-------
Strandaglópar
sýna í Galleríi
Geysi
TVEIR þýskir ferðamenn, sem hafa
verið veðurtepptir á Patreksfirði,
opna sýningu á verkum sínum á
morgun, laugardag, kl. 16 í Galleríi
Geysi, Hinu húsinu v/Ingólfstorg.
Listamennirnir eru Thorgis Ham-
merfelt og Eva Friedenschutz.
Thorgis hefur stundað nám við
Gedachtuisverbreiterungsschule der
DDR og Eva við Steuermannsschule
í Leipzig.
Á Patreksfirði hafa þau stundað
fiskvinnslustörf undanfarið en
hyggja nú á heimför og eru að safna
fyrir farmiðunum. Sýningin er opin
alla virka daga frá kl. 9-17 og stend-
ur til 16. apríl.
M-2000
Föstudagur 31.
mars.
Skálafell kl.
10.30.
Skíðalandsmót 2000.
Landsmót í stórsvigi.
Skíðalandsmót 2000 er liður í
Vetraríþróttahátíð ÍBR.
http://www.toto.is/skidi2000
Hægláti hand-
ritshöfundurinn
Birgir
Andrésson í
Slunkaríki
SÝNING á verkum Birgis Andr-
éssonar verður opnuð í Slunkaríki
á Isafirði á morgun, laugardag, kl.
16.
I fréttatilkynningu frá Slunka-
ríki segir: „í útgáfu Listasafns ís-
lands í tilefni af sýningu hans
Minni og minningar, sem opnuð
verður 15. apríl segir m.a.: „Minni
Birgis Andréssonar tengjast rann-
sókn hans á tengslum sjónskyns-
ins, hugsunarinnar og tungumáls-
ins við hlutveruleikann. Þótt
verkin séu ólík í útliti og byggist á
ólíkri nálgun viðfangsefnisins, eiga
þau það öll sameiginlegt að fela í
sér eins konar leit að íslenskum
menningararfi í minninu og for-
tíðinni. Um leið sýna þau okkur
takmarkaða möguleika myndmáls-
ins til að leiða þessi minni í ljós á
beinan og áþreifanlegan hátt.““
Slunkaríki er opið fimmtudaga
til sunnudags frá kl. 16-18 og lýk-
ur sýningunni 30. apríl.
ERLENDAR
BÆKIJR
Spennusaga
„GRAND DELUSION"
Eftir Matt Witten. Signet
Mistery 2000.242 siður.
MATT Witten heitir nýr höfundur
gamankrimma í Bandaríkjunum.
Hann hefur starfað við sjónvarp að
gerð handrita fyrir réttardrama eins
og Law & Order, sem sýnt hefur ver-
ið hér á landi, auk þess sem hann er
höfundur að leikritum. Hann hefur
skrifað tvær bækur um áhuga-
spæjarann Jacob Burns. Sú fyrri hét
„Breakfast at Madeline’s" en sú síð-
ari, sem nýlega kom út í vasabroti
hjá Signet - útgáfunni, heitir „Grand
Delusion" og er spaugileg frásögn af
því þegar Jacob Burns kvartar und-
an nágrönnum sínum, dóplýð nokkr-
um, en fær aðeins bágt fyrir og lend-
ir í ákaflega bragðvondu áður en yfir
lýkur.
Leikritaskáld og
handritshöfundur
Matt Witten er langt í frá eins
kaldhæðinn og fyndinn og gaman-
krimmahöfundar á borð við Carl
Hiaasen eða Elmore Leonard en
hann getur komið manni óvænt til að
hlæja að óförum og athugasemdum
aðalsöguhetju sinnar, Jacob Bums,
og þótt gátusagan um leitina að
morðingja verði aldrei sérlega
spennandi heldur hún manni ágæt-
lega við efnið.
Witten virðist vera einn af þeim
sem skrifa um það sem hann þekkir
best því líkt og hann er Jacob Burns
þessi óuppgötvað leikritaskáld en
ágætlega launaður handritshöfund-
ur. Hann hefur selt eitt handrit eftir
sig til Hollywood og hann á von á því
að brátt sjái myndin dagsins ljós.
Hún heitir Gasið sem át San
Francisco (svo notuð sé bein þýðing)
en það er sama, hann fékk milljón
dollara og telur sig ekki þurfa að
hafa mikið fyrir lífinu síðan.
Hann er tveggja barna faðir (hann
hefur áhyggjur af því að synir hans
eru forfallnir aðdáendur Ninja-
skjaldbaknanna sem voru í tísku fyr-
ir tíu árum) og býr í heldur skugga-
legu hverfi í Saratoga Springs. Hann
er í góðu hjónabandi og var að eigin
sögn í fimmtán ár á framfæri elsku-
legrar eiginkonu sinnar og skrifaði
nauðaómerkileg leikrit áður en hon-
um tókst að selja kvikmyndahandrit-
ið um banvæna gasið. Og nú nýlega
hefur hann tekið að sér að leysa
morðgátur. Sú fyrsta tengdist einum
af nágrönnum hans en þessi nýjasta
tengist honum sjálfum mjög ræki-
lega.
Löggumorðingi
Þannig er að Jacob Burns hefur
lengi kvartað undan hávaða úr næsta
húsi sem hann heldur að sé dópbæli.
Allskonar bílar renna upp að því á
nóttunni og gestirnir stoppa stutt.
Honum líkar þetta illa og reynir að
fá nágrannana í lið með sér, sem
einnig vilja hreinsa hverfið af glæpa-
mönnum. En í þessu tilfelli er eins og
menn forðist að taka afstöðu. Bums
heldur að það sé vegna þess að
spillta löggan Pop Doyle fær
ákveðnar tekjur af dópsölum í stað-
inn fyrir tilslakanir.
Pop hefur víða ítök og þeim Burns
lendir saman á borgarafundi
skömmu áður en Pop finnst myrtur
nálægt heimili Burns og það er eng-
inn annar en hægláti handritshöf-
undurinn sem er grunaður er um
morðið. Og það er ekki vægt tekið á
löggumorðingjum í Saratoga
Springs.
Sagan gengur síðan út á það
hvemig Burns sannar sakleysi sitt
með því að fara sjálfur á stúfana og
leita morðingjans. Matt Witten
reynir að gera það að spaugilegu
ferðalagi og tekst það mestanpart
þannig að manni leiðist ekki. Það er
ekki oft sem spæjarar á borð við
Bums em fjölskyldufeður, yfirleitt
em þeir fráskildir og þunglyndir
einfarar, svo hér er á ferð ákveðin
nýbreytni. „Grand Delusion“ er
svört kómedía sem tekur sig hæfi-
lega alvarlega og það er kostur.
Arnaldur Indriðason