Morgunblaðið - 31.03.2000, Síða 70

MORGUNBLAÐIÐ
70 FÖSTUDAGUR 31. MARS 2000
Dýraglens
BREF
TTL BLAÐSINS
Kringlunni 1 103 Reykjavík • Sími 569 1100 • Símbréf 569 1329
Hundalíf
Ljóska
Handknattleikur,
hvað er til ráða?
Frá Sigurði Sigurðarsyni:
SIGMUNDUR Ó. Steinarsson skrif-
aði í Morgunblaðið miðvikudaginn 29.
mars og kvartaði sáran yflr þeirri
hugmynd handknattleiksmanna að
færa 2. deildarliðin í karlaflokki upp
um deild og hafa eina deild með 16 lið-
um. Svo hefst skrípaleikur hans að
tölum. Hann telur upp leiki í hand-
knattleik eftir þessa breytingu, 1.
deild kvenna í handbolta og úrvals-
deild karla og kvenna í körfubolta og
leggur saman alla leiki í þessum
deildum og fær út 522 leiki. Hann ber
þetta saman við 1. deild í knattspyrnu
og bendir á að þetta jafngildi 6 Is-
landsmótum í knattspymu. Hann
miðar þá væntanlega við 90 leiki í 10
liða deild en 90 * 6 eru 540 leikir. Sig-
mundur, hvar eru konurnar núna? Af
hverju leggur þú ekki kvennaboltann
við? Hefði ekki verið betra að miða
þetta við jafnmargar íþróttagreinar
og í báðum kynjum? Er eðlilegt að
bera vetraríþróttir sem stundaðar
eru og keppt er í 9 mánuði ársins við
íþrótt sem er í fullum gangi 4-5 mán-
uði? Hverslags fréttamennska er
þetta?
Ég er aftur á móti sammála Sig-
mundi um að það sé ekki rétt að
steypa öllum meistaraflokksliðum
karla saman í eina deild. Það eru
breyttir tímar núna og fjöldi íþrótta-
húsa með löglegan handknattleiksvöll
er meiri en nokkum tíma áður. H.S.I.
á að sjálfsögðu að blása til sóknar og
nýta þessi hús. Hvemig væri t.d. að
koma upp svæðaskiptri annarri deild
haustið 2001? Austurland og Vestur-
land hafa ekki riðið feitum hesti frá
handknattleik í gegnum tíðina en með
svæðaskiptingu og auknum fjölda liða
hafa nemendur grunnskóla markmið
til að stefna á. Það er ansi hæpið að
Homafjörður myndi taka þátt í 1.
deild karla á sínu fyrsta ári í deild.
Það vex eflaust einhverjum í augum
að takast á við landsliðsmenn í fyrsta
opinbera leik sínum. Að vísu er nú lag
þar sem handknattleikurinn í 1. deild
virðist á afar lágu plani og verður
brátt bannaður með lögum enda
flokkast hann meira og meira undir
box. Handknattleikur kvenna er hins
vegar á góðu róli en það er sama
vandamál þar með útbreiðslu!
Handboltinn sem þær eru að sýna
landsmönnum er á hærra plani en hjá
körlunum og það var gott framtak hjá
Rafiðnaðarsambandinu að styrkja
þær þó svo að það megi alltaf deila
um hversu rétt það er hjá verkalýðs-
félagi að gera slíkt.
Ég tel að handknattleiksforystan
eigi að vakna af væmm blundi,
íþróttahúsin em til staðar en það
vantar neistann og hann verður að
koma frá forystu íþróttarinnar. Það
þýðir ekkert að ætla að leggjast í
dvala og bíða og sjá til. Ef liðin í deild-
unum núna em skoðuð sést að þau
era flest úr Reykjavík eða nágrenni
eða úr bæjarfélögum sem era í beinu
flugsambandi við Reykjavík. Blak-
íþróttin er til vitnis um það sem er að
gerast hjá handknattleiknum, það er
annað hvort að spyma við fótum,
skipta um forystu eða gera samband-
ið uj)p hið snarasta.
Eg útskrifast sem íþróttakennari í
vor og ætla mér að fara út á land að
kenna. Ég hafði hugsað mér að koma
af stað handknattleik, ef hann er ekki
til staðar, þar sem ég kem til með að
kenna en ef öll lið era í einni deild þá
er ekki eins freistandi að hefja íþrótt-
ina upp og vera einhvers konar upp-
eldisstöð fyrir Aftm-eldingu eða önn-
ur kaupglöð lið. Ég vil geta boðið
iðkendum upp á eitthvað til að stefna
á eins og þátttöku í íslandsmóti full-
orðinna með sínu félagi og þá án þess
að til þurfi að koma mikill kostnaður
vegna ferðalaga.
Sigmundur, það þýðir ekki enda-
laust að gagnrýna án þess að koma
með tillögur til úrbóta. Ástandið eins
og það er núna er út í Hróa og það
verður eitthvað að gerast. Ég og þú
vonumst að minnsta kosti eftir því að
komi fram tillaga um eina deild þá
verði hún felld en umræða um úrbæt-
ur lifi.
SIGURÐUR SIGURÐARSON,
Torfufelli 25, Reykjavík.
Ferdinand
Smáfólk
UJHAt'5 tws neui piece
THEY'RE PLAVlNé? l'VE
NEVER HEARP 0FIT...
S0ME C0NPUCTOR5 LIKE TO
PERF0RM NEU) MU5ICTO
CHALLEN6E THEIR LI5TENER5..
Hvaða nýja lag er þetta sem verið
er að spila. Ég hef aldrei heyrt
það áður.
Sumir tánlistarmenn flytja nýja
tónlist til að ögra hlustendum.
J
Leiðinleg tónlist er ögrandi.
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.
f borðskreytingar:
Borðar, tjull, organza og fóðurefiii
V/RKA
Mörkin 3, sími 568 7477.
Opið
Mánud.-föstud. kl. 10-18,
laugard. kl. 10-14.
Vinalínan
er opin á huerju kuöldi frá kl. 20-23
- Ókeypis símaþjónusta
-100% trúnaður
- Sími 800 6464
- Vinalína Rauða krossins
þegar þú þarft á uini að halda