Morgunblaðið - 31.03.2000, Blaðsíða 26
26 FÖSTUDAGUR 31. MARS 2000
VIÐSKIPTI
MORGUNBLAÐIÐ
OZ.com sækir um skráningu hjá kauphöllinni í Stokkhólmi
Bréfín væntanlega
skráð í júnímánuði
TÆKNIFYRIRTÆKIÐ OZ.COM
hefur sótt formlega um skráningu
fyrir bréf sín hjá sænsku kauphöll-
inni í Stokkhólmi. Búast forsvars-
menn fyrirtækisins við að af
skráningu geti orðið í fyrri hluta
júnímánaðar, svo framarlega sem
ytri markaðsaðstæður leyfa.
Að sögn Skúla Mogensen, for-
stjóra OZ.COM, var umsóknin
undirrituð og lögð inn fyrir
skemmstu og er nú formlegt
skráningarferli hafið. Sótt er um
að bréfin í fyrirtækinu verði skráð
á svonefndan O-lista kauphallar-
innar, sem inniheldur félög á svip-
uðum sviðum og þau sem skráð
eru á NASDAQ-markaðinum í
Bandaríkjunum.
Skúli segir mikla eftirvæntingu
ríkja hjá OZ um framgang þessa
máls. „Það eina sem getur tafið
skráningarferlið er ef ytri aðstæð-
ur breytast,“ segir hann.
Hlutafé OZ.COM verður hækk-
að samhliða skráningunni, væntan-
lega um 10%, og boðið út til fjár-
festa, að sögn Skúla. „Stærð
útboðsins hefur þó enn ekki verið
endanlega ákveðin, en mun koma í
ljós rétt áður en bréfin í félaginu
verða skráð í kauphöllinni," segir
hann.
Allur undirbúningur undir útboð-
ið er hafinn og er gert ráð fyrir því
að það fari fram með útboðskynn-
ingum (e. Roadshow) sem umsjóna-
raðilar útboðsins halda fyrir fagfjár-
festa í stærri borgum Evrópu og
Bandaríkjanna, að sögn Skúla.
Munu ekki sækja um
skráningu á íslandi
Tveir erlendir fjárfestingarbank-
ar munu annast útboðs- og skrán-
ingarferlið, Roberston Stevens og
Carnegie. „Robertson Stevens er
bandarískur fjárfestingarbanki sem
er einn af fremstu bönkum sem sér-
hæfa sig í hátækniiðnaði. Bankinn
hefur staðið í mörgum skráningar-
ferlum fyrir félög á okkar sviði, eins
og t.d. fyrir fyrirtækið 724 Solut-
ions, sem fór nýlega á markað. Hinn
fjárfestingarbankinn, Carnegie, er
einn stærsti fjárfestingarbankinn í
Skandinavíu, og hefur höfuðstöðv-
ar í Svíþjóð,“ segir Skúli.
Aðspurður segir hann að ekkert
íslenskt fjármálafyrirtæki muni
koma að skráningar- og útboðs-
ferlinu.
Ákveðið var að sækja um skrán-
ingu á sænska hlutabréfamarkað-
inum þar sem Norðurlönd eru í
dag almennt viðurkennd sem
miðpunktur þess þráðlausa tækni-
iðnaðar sem OZ.COM er í, að því
er fram kemur í máli Skúla. „Auk
þess eigum við í nánu samstarfi
við sænska fjarskiptarisann Erics-
son, sem í dag á 19% í OZ.COM,“
bætir hann við.
Skúli segir að OZ.COM muni
ekki sækja um skráningu á Verð-
bréfaþingi Islands. Hann býst aft-
ur á móti við að fyrirtækið muni
fjölga erlendum skrifstofum sínum
í kjölfar skráningarinnar, auk þess
sem starfsfólki verði fjölgað veru-
lega.
Sérhæfíng í rekstri
MSKÞ o g MSKEA
UNNIÐ er að stofnun nýs mjólkurfé-
lags sem byggist m.a. á samruna
MSKEA ehf., sem áður hét Mjólk-
ursamlag KEA, og MSKÞ, Mjólkur-
samlags Kaupfélags Þingeyinga, sem
Kaupfélag Eyfirðinga keypti á síðast-
liðnu ári. Nú um mánaðamótin verða
tekin fyrstu skrefin í átt til þessa
Sparaðutugbúsundir
Endurvinnum flestar gerðir
tölvuprentborða svo
þeir verða sem nýir
Rj?ffif!T?ffíWivarfa?vortex.is
samruna, en að því er fram kemur í
fréttatilkynningu er markmiðið að ná
fram hagræðingu í rekstri félaganna
auk þess sem lögð verður áhersla á
sérhæfingu mjólkursamlaganna.
Verkefnum skipt
milli starfsstöðva
Aukin sérhæfing felst meðal ann-
ars í því að verkefnum verður skipt á
milli starfsstöðva hins nýja fyrirtæk-
is. Á Húsavík verður lögð sérstök
áhersla á framleiðslu á jógúrt og sér-
ostum og stefnt er að því að flytja
framleiðslu á cheddar-osti frá Akur-
eyri til Húsavíkur. Einnig flyst fram-
leiðsla á hefðbundnu skyri til Húsa-
víkur.
Nú um mánaðamótin verður sú
breyting að öll pökkun og dreifing á
neyslumjólk mun fara íram á Akur-
eyri og sala og dreifing á mjólkurvör-
um fer einnig fram þar. Þá verður
mysuostagerð samlaganna sameinuð
á Akureyri.
Þá er einnig unnið að samhæfingu
gæðakerfa og rannsókna- og vör-
uþróunarstarfs fyrirtækjanna ásamt
því að leiðbeiningaþjónusta við
bændur verður sameinuð.
Rúmlega
70 þúsund
heim-
sóknir á
job.is
SKRÁNINGAR hjá „umboðs-
manninum" á job.is vegna
áhuga einstaklinga á lausum
störfum fóru yfir 10.000 í fyrra-
dag, en heimsóknir á job.is eru
komnar yfir 70.000 á árinu og
520 störf hafa verið auglýst á
síðunni á sama tíma.
Þann 9. mars síðastliðinn
þegar ráðningarfyrirtækin
Gallup, Liðsauki og Ráðgarður
undirrituðu samning um sam-
starf við job.is, voru 7.500 virk-
ar skráningar hjá umboðs-
manninum, að því er fram
kemur í fréttatilkynningu frá
job.is.
Viðræður við fleiri ráðning-
arstofur um samstarf
Atvinnurekendur og ráðn-
ingarstofur hafa þannig 10.000
starfsskráningar sem umboðs-
maðurinn ber saman við og
sendir upplýsingar til þegar
leitað er að starfsfólki.
Verið er að ræða við fleiri
ráðningarstofur um samstarf
við job.is.
AÐALFUNDUR
Aðalfundur VAKA-DNG hf. verður haldinn í húsnæði
félagsins að Ármúla 44 í Reykjavík, þriðjudaginn 11.
apríl 2000oghefst kl. 16.30.
Dagskrá:
1. Venjuleg aðalfundarstörf skv. 14. gr. samþykkta
félagsins.
2. Tillaga um heimild til að auka hlutafé félagsins og
að hluthafar falli frá forkaupsrétti á aukningunni.
3. Tillaga um heimild félagsins til að kaupa eigin
hluti skv. 55. gr. hlutafjárlaga.
4. Önnur mál löglega upp borin.
Reikningar félagsins ásamt dagskrá
fundarins og endanlegum tillögum liggja
frammi á skrifstofu félagsins hluthöfum til
sýnis, viku fýrir aðalfund.
Á fundinum verða bornar fram léttar veitingar
VAKI-DNG HF.
Ármúli 44 - 108 Reykjavík - Island
Slml: 595 3000 - Fax: 595 3001 - vaki@vaki.ls - www.vaki.is
VOI SKIP jr mm 'TIN IDV >g útfluti > 1999 jan.-feb. / /x\-^ ý nings 2000 Breyting á jan.-feb. föstu gengi*
VIÐ UTLOI Verðmæti innflutnings c jan. - feb. 1999 og 200C (fob virði í milljónum króna)
Útflutningur alls (fob) 18.914,8 21.949,2 +20,3%
Sjávarafurðir 13.185,0 13.375,2 +5,2%
Landbúnaðarafurðir 385,8 499,8 +34,3%
Iðnaðarvörur 4.503,2 7.170,2 +65,1%
Ál 3.073,1 4.390,3 +48,1%
Kísiljárn 200,3 525,5 -
Aðrar vörur 840,7 903,9 +11,5%
Skip og flugvélar 656,9 583,9 -7,9%
Innflutningur alls (fob) 22.283,4 23.496,6 +9,3%
Matvörur og drykkjarvörur 1.861,2 1.927,3 +7,3%
Hrávörur og rekstrarvörur, ót.a. 5.696,8 5.573,5 +1,4%
Óunnar 198,3 250,0 +30,7%
Unnar 5.498,4 5.323,5 +0,4%
Eldsneyti og smurolíur 783,3 2.053,1 -
Óunnið eldsneyti 1.7 64,3 -
Bensín, þ.m.t. flugvélabensín 141,7 521,2 -
Annað unnið eldsn. og smurolíur 639,9 1.467,6 -
Fjárfestingarvörur 6.170,9 6.000,4 +0,8%
Flutningatæki 3.566,8 3.302,6 -4,0%
Fólksbílar 1.969,5 1.866,0 -1,8%
Flutn.t. til atv.rek. (ekki skip, flugv.) 373,5 663,7 +84,2%
Skip 680,9 26,8 -
Flugvélar 3,9 42,6 -
Neysluvörur ót.a. 4.179,2 4.594,0 +14,0%
Vörur ót.a. (t.d endursendar vörur) 25,3 45,8 +87,9%
Vöruskiptajöfnuður -3.368,5 -1.547,4 -
' Miðað er við meðalgengi á vöruviðskiptavog; á þann mælikvarða er meðalverð erlends gjaldeyris
í janúar-febrúar 2000 3,5% lægra en árið áður. Heimiid: HAGSTOFAISLANDS
Halli á vöru-
skiptum við
útlönd minnkar
HALLI á vöruskiptajöfnuði við út-
lönd í janúar- og febrúarmánuði
dróst saman um 1,7 milljarða króna
milli ára. Vöruskiptin voru óhagstæð
um 1,5 milljörðum króna, fyrstu tvo
mánuði þessa árs, en á sama tíma í
fyrra nam hallinn 3,2 milljörðum á
föstu gengi. Þetta kemur fram í
frétt frá Hagstofu íslands.
Verðmæti vöruútflutnings 20%
meira fyrstu tvo mánuði ársins
Fram kemur að fyrstu tvo mán-
uði ársins voru fluttar út vörur fyr-
ir röska 21,9 milljarða króna en
inn fyrir 23,5 milljarða króna.
Vöruskiptin voru hagstæð í febr-
úarmánuði, sem nam hálfum millj-
arði króna, en voru á sama tíma í
fyrra óhagstæð um 0,7 milljarða
króna. Nú í febrúar voru fluttar út
vörur fyrir tæpa 13 milljarða
króna og til landsins fyrir 12,5
milljarða króna.
Verðmæti vöruútflutnings fyrstu
tvo mánuði ársins var 20% meira á
föstu gengi en á sama tíma árið áð-
ur. Sjávarafurðir voru 61% alls út-
flutnings og var verðmæti þeirra
5% meira en á sama tíma árið áð-
ur. Aukningu vöruútflutnings má
einna helst rekja til aukins útflutn-
ings á iðnaðarvörum, aðallega áli.
Fjárfestingarvörur stærsti
liðurinn í innfiutningi
Þá var verðmæti vöruinnflutn-
ings fyrstu tvo mánuði ársins 9%
meira á föstu gengi en á sama tíma
árið áður. Stærstu liðir innflutn-
ings voru fjárfestingarvörur með
26% hlutdeild og hrávörur og
rekstarvörur með 24% hlutdeild.
Aukningu innflutnings rekur Hag-
stofan aðallega til aukins verðmæt-
is innflutnings á eldsneyti og
smurolíum.
Landssíminn
kaupir 33%
hlut í Áliti ehf.
GERT hefur verið samkomulag
um að Landssími íslands hf. kaupi
33% hlut í Áliti ehf. og verður það
útfært með aukningu hlutafjár.
Álit hefur um alllangt skeið boðið
upp á sérhæfða rekstrarþjónustu
upplýsingakerfa á Islandi.
Með þátttöku Landssímans í
Áliti mun Álit styrkja stöðu sína
enn frekar í rekstrarþjónustu og
hýsingu vél- og hugbúnaðarfyrir-
tækja. í því skyni verður byggður
upp vélasalur í Múlastöðinni í Ár-
múla, sem búinn verður fullkomn-
ustu aðstöðu sem þekkist hérlend-
is bæði hvað varðar öryggi og
tæknilegan aðbúnað, að því er
fram kemur í fréttatilkynningu.
Áliti breytt í hlutafélag
í kjölfar kaupa Landssímans
verður Áliti breytt úr einkahluta-
félagi í hlutafélag, þ.e. Álit ehf.
verður Álit hf. Öllum starfsmönn-
um Álits verður gefinn kostur á að
kaupa hlut í Áliti og einnig verður
komið upp valréttarkerfi með
hlutabréf fyrir starfsmenn Álits.