Morgunblaðið - 06.05.2000, Blaðsíða 72

Morgunblaðið - 06.05.2000, Blaðsíða 72
72 LAUGARDAGUR 6. MAÍ 2000 MORGUNBLAÐIÐ Matur og matgerð Brauð Kristínu Gestsdóttur fínnst notalegt að fínna ilm af nýbökuðu brauði, sjá deigið lyfta sér og fylgjast með hvernig það _______breytir lögun í ofninum._______ IHILLUM bakaríanna eru nú orðið margar tegundir ilmandi brauða með ýmsum nöfnum, sem sjaldan segja tii um hvers konar hráefni er í brauðinu, en nöfnin eru skemmtileg svo sem Bláfjalla- brauð, sem ég kaupi oft og þykist finna ilm af snjó og skíðum, þegar ég bít í það. Hér áður fyrr þegar brauð voru bökuð heima áttu hús- mæður oft brauðmót sem voru út- skornir tréhlemmar, sem þrýst var ofan á brauðin fyrir bakstur svo að alls konar munstur og áletranir mynduðust í brauðinu. Ég á í fór- um mínum slfka hlemma. Þessir hlemmar voru mikið notaðir þegar brauð var bakað á hlóðum. Við get- um sem hægast bakað slík brauð á grillinu. Þau þurfa að vera frekar þunn og verður að gæta þess að þau brenni ekki að neðan. Gamla pönnu eða pott má setja undir brauðið á grind grillsins til að draga úr hita. Brauðdeig má móta eins og leir og getur margt skemmtilegt komið út úr því. Með- an ég kenndi börnum matreiðslu lét ég þau oft móta deigið frjálst, t.d. fyrir páska. Þá urðu brauðin oft kanínur, ungar, hérar og snigl- ar svo og stjörnur, sólir og mánar. Körfur úr brauðdeigi hefi ég oft fléttað utan um stálskálar og geta þær orðið hið mesta skraut. Skálin er síðan losuð úr eftir bakstur. Um daginn bjó h'til ömmustelpa til bangsa úr brauðdeigi meðan ég bjó til hafmeyju. I sporð hafmeyj- unnar klippti ég nokkra flipa með skærum og notaði sundurskornar rúsínur í augu á hana og bangsann. Fræ var í nafla og geirvörtum. Notið hugmyndaflugið og hafið börnin með. Best er að nota hveiti í það brauðdeig sem á að móta eitthvað fínt úr, það er mest glúten í því, en það gefur mesta teygju og sveigj- anleika í brauðið. Þegar brauðdeig er búið til þarf að hafa tvennt í huga. Vökvinn má alls ekki vera heitari en 37°C og deigið þarf að vera lint. Ég nota yfirleitt um helmingi minna ger en gefið er upp og læt brauðið lyfta sér í marga klukkutíma í kæliskáp, jafnvel til næsta dags. Mörgum verður illt af nýbökuðu brauði, en ef þetta er gert er minni hætta á því. Hveitibrauðsdeig __________750 g hveiti_________ Vi bréf þurrger 2 tsk. salt V2 msk. sykur 2 pelar fingurvolgt vatn dl matarolía eggjarauða til að pensla með 1. Setjið allt nema eggjarauðuna í hrærivélarskál eða aðra skál og hnoðið. Setjið síðan stykki yfir skálina og látið deigið lyfta sér í kæliskáp í allt að tólf tíma, en á eld- húsborðinu í tvo tíma. 2. Setjið ögn af hveiti á eldhúsborðið, takið deig- ið úr skálinni og hnoðið h'tillega. Mótið það sem ykkur hentar úr deiginu stórt og smátt, brauð eða annað. 3. Penslið með eggjarauðu og skrevtið með alls konar fræi, sól- blómafræi, sesamfræi, birki, rúsín- um, hnetum eða öðru. 4. Leggið stykM yfir skálina og látið lyfta sér í 20-30 mínútur. Bakið neðarlega í ofninum við 210°C, í blástursofni við 200°C í 12- 35 mínútur eftir þykkt og stærð. Fylgist með bakstrinum. Fínthveiti- brauðsdeig 2 egg + 1 eggjahvíta (geymg rauðu) ____ 1 msk. sykur 1 tsk. salt 1 msk. fínt þurrger 1 dl matarolía 30 g smjör (ekki smjörlíki) 6 dl fingurvolgt votn úr krananum __________600ghveiti_________ 1 eggjarauða til að pensla með 1. Þeytið egg, eggjahvítu, salt og sykur þar til það er Jjóst og létt. 2. Bræðið smjörið, kælið örlítið en setjið síðan saman við olíuna og vatnið og helhð út í eggjahræruna. Blandið síðan hveiti og geri út í. Bætið í hveiti ef með þarf, en deig- iðáaðveralint. 3. Farið eins að og í uppskriffr- inni hér að framan. IDAG VELVAKANDI Svarað í síma 569 1100 frá 10-12 og 13-15 frá mánudegi tíl föstudags Afturhvarf til fortíðar HNIGNUN á landsbyggð- inni lýsir sér í afturhvarfí til fortíðar á ýmsum svið- um. Hruni í samgöngumál- um sem felst í því að einok- un er komin aftur í innanlandsfluginu. Lokun deilda á sjúkrastofnunum. Ég nefni hér eitt dæmi, lok- un á fæðingardeild Fjórð- ungssjúkrahússins í Nes- kaupstað þar sem er fullkomin skurðstofa. Sængurkonur skulu fara á Heilsugæslustöð Egils- staða. Sparnaður af þessu tagi er afturhvarf til fortíð- ar. Fiskvinnslan, sem hefur haldið uppi þjóðarbúinu, er orðin þannig að vinna er 2-3 daga í viku, svo er fólk- ið sent heim á dagvinnuka- upi. Þegar samið er um kaup og kjör á bónusinn að bjarga öllu. Fiskvinnslu- fólkið hefur bara bónus þá daga sem er unnið, þetta fólk er orðið lágtekjuhópar og landsbyggðin láglauna- svæði. Allt þetta framan- talda er sjálfsagt einn af mörgum þáttum í fólks- flóttanum af landsbyggð- inni. Bf þetta heldur áfram að þróast á þennan veg verður ekki langt að bíða að allir af landsbyggðinni verði komnir á suðvestur- hornið. Nú hefur málgagn þess flokks sem kenndi sig við að vera landsbyggða- flokkur, „Austri" hætt að koma út. Á Austurlandi er gefið út eitt landsmálablað, „Austurland" Sem er gefið út af flokki sem ekki er til. Hvenær kemur svo að því að þetta blað gefst upp á því að koma út. Þetta allt er mikil hnignun á Austur- landi. Svona kann þetta að vera víða á landsbyggðinni. Gunnar G. Bjartmars- son. Tapad/fundid Mjög stórrar leður- tösku - skólaverkefnis - er saknað MJÖG stór rauðbrún leður- taska dregin saman með snúru, hvarf úr kennslu- stofu í Skipholti 37,1. hæð. Taskan er fóðruð að innan með dökkbrúnu rúskinni og innan í töskunni eru þrír vasar. í töskunni var svart leðurbelti með skeifulag- aðri sylgju, Ijósbrún smá- taska, fóðruð með rauðu leðurfóðri og dökkbrún lyklakippa, skreytt með hlýraroði. Taskan og allt sem í henni var er skóla- verkefni sem meta átti tíl prófs. Þetta er mikið til- finningalegt tjón fyrir eiga- ndann. Hún hefur lagt gíf- urlega mikla vinnu í þetta verkefni. Þetta er allt sér- saumað. Ef einhver veit hvar þessir hlutir eru nið- urkomnir er sá hinn sami vinsamlegast beðinn að hafa samband við Áslaugu í síma 563-3881 eða 566- 7514. Grá úlpa með hettu tapaðist GRÁ úlpa með hettu tapað- ist á Café Victor síðastliðið páskadagskvöld. Eiga- ndinn væri afar þakklátur ef hún fyndist. Upplýsingar í síma 587-1964 eða 699- 7100. Gleraugu gleymdust íStelIu GLERAUGU gleymdust í versluninni Stellu í Banka- stræti föstudaginn 28. apríl sl. Upplýsingar í síma 551- 3635. H'ólabretti tapaðist HJÓLABRETTI, rautt og appelsínugult, tapaðist við Kríuhóla 4 föstudaginn langa. Brettið var sumar- gjöf. Upplýsingar í síma 567-9950 eða 699-7950. Dýrahald Lítill hundur í óskilum Á SUÐURGÖTUNNI í Skerjafirði fannst lítill, ljósbrúnn, hreinræktaður hundur miðvikudaginn 3. maí sl. Hann er síðhærður og svolítið flatur í framan. Hann er með svart nælon- hálsband en ómerktur. Upplýsingar gefur Birna í síma 561-3419. Læða fæst gefins SEX vikna kettlingur, læða, fæst gefins á gott heimili. Kassi og fleira fylg- ir. Upplýsingar í síma 561- 4939. SKAK Umsjón Helgi Áss Grétarsson Hvíturáleik. Meðfylgjandi staða kom upp á milli eistneska stór- meistarans Jaan Ehlvest, hvítt (2621), og alþjóðlega rússneska stórmeistarans Anatoly Bykhovsky (2409) á XIX. Reykjavíkurskákmót- inu. 28.Rxf7! Bxg3 28...Kxf7 29.Dh5+ og hvítur vinnur manninn til baka með dá- góðum vöxtum. 29.Rxd8 Hxd8 30.Ba4! Hf8 31.Bxb5 Bxf2+ 32.Khl og svartur gafst upp. Morgunblaðið/Kristinn Víkverji skrifar... ÞESSA dagana minnast Banda- rfkjamenn þess að 25 ár eru lið- in frá því að Víetnamstríðinu lauk. Stríðið hefur markað djúp sár í þjóð- arsál Bandaríkjanna og haft marg- vísleg áhrif á þá ekki síður en landið sem var vettvangur þessa hroðalega stríðs. í því féllu yfir tvær milljónir Víetnama. Það er áhrifamikið að skoða minn- ismerkið um Víetnamstríðið í mið- borg Washington, en þar er að finna nöfn yfir 58 þúsund Bandaríkja- manna sem féllu í stríðinu. Á hverj- um degi kemur fjöldi manna að minnismerkinu til að skoða það og votta hinum látnu virðingu sína. Margir ferðamenn koma af forvitni til að skoða þennan fræga stað og sjá með eigin augum nöfn hermannanna sem eru skráð á vegginn. Fyrir út- lendinga er þetta kannski eins og að lesa símaskrána; vissulega áhrifa- mikið, en nöfnin hafa enga þýðingu fyrir þá persónulega. Fyrir aðra er þetta hins vegar heilagur staður. Þarna mátti sjá fólk með tárin í aug- unum snerta nöfn ættingja sem skráð eru á vegginn. Margir Ieggja blóm við hann eða skilja eftir blað sem hefur að geyma saknaðarorð til föður, afa eða frænda. Þegar Vík- verji skoðaði minnismerkið tók hann sérstaklega eftir korti frá barni sem sendi kveðju til afa síns sem það hef- ur væntalega aldrei séð. „I dag eru 65 ár liðin frá því þú fæddist og nú eru bráðum 30 ár síðan þú lést. Ég hugsa oft til þín. Guð blessi þig." MIKIL umræða hefur átt sér stað í Bandaríkjunum um Víetnam- stríðið, lok þess og þann lærdóm sem draga má af því. Víkverji fylgdist nýverið með umræðum í sjónvarpi, en meðal þátttakenda voru Gerald Ford, fyrrverandi Bandaríkjaforseti, og nokkrir blaðamenn sem voru í Ví- etnam á stríðstímanum og fjölluðu um það. Það kom í hlut Fords að taka hina óhjákvæmilegu ákvörðun um að draga Bandarfkin út úr stríðinu, en það gerðist í lok apríl 1975. I umræðunum var talsvert rætt um það hvernig fréttamenn fjölluðu um stríðið á sínum tíma, en myndir og frásagnir fjölmiðla af því sem var að gerast í Víetnam áttu mikinn þátt í því að stór hluti almennings í Bandaríkjunum varð mjög and- snúinn þátttöku Bandaríkjamanna í stríðinu. Einn af blaðamönnunum sagði í umræðunum að stjórnmála- menn ættu að draga þann lærdóm af Víetnamstríðinu að segja almenningi alltaf satt. Johnson forseti hefði aldrei sagt þjóð sinni hver staða Bandaríkjamanna væri í stíðinu. Hann hefði reynt að telja henni trú um að Bandaríkin gætu sigrað og komið sér hjá því að skýra þjóðinni frá þeim ósigrum sem bandaríski herinn mátti þola í Víetnam. Blaða- maðurinn sagði að þegar staða Breta í seinni heimsstyrjöldinni var sem verst og sá möguleiki blasti við að Bretar gætu hugsanlega tapað fyrir Þjóðverjum hefði Churchill verið gerður að forsætisráðherra. Fyrsta verk hans hefði verið að skyra þjóð sinni frá því hve staðan væri alvar- leg. Bretum hefði vissulega fundist þetta slæmar fréttir, en þeim hefði þótt gott að vita sannleikann. Roos- evelt, forseti Bandaríkjanna, hefði einnig ákveðið að segja þjóð sinni sannleikann um auðmýkjandi ósigur Bandaríkahers á Pearl Harbor. Hann hefði sagt að framundan væru erfiðir tímar og Iangt stríð en Banda- ríkjamenn myndu sigra á endanum. Það gekk eftir.
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56
Blaðsíða 57
Blaðsíða 58
Blaðsíða 59
Blaðsíða 60
Blaðsíða 61
Blaðsíða 62
Blaðsíða 63
Blaðsíða 64
Blaðsíða 65
Blaðsíða 66
Blaðsíða 67
Blaðsíða 68
Blaðsíða 69
Blaðsíða 70
Blaðsíða 71
Blaðsíða 72
Blaðsíða 73
Blaðsíða 74
Blaðsíða 75
Blaðsíða 76
Blaðsíða 77
Blaðsíða 78
Blaðsíða 79
Blaðsíða 80
Blaðsíða 81
Blaðsíða 82
Blaðsíða 83
Blaðsíða 84

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.