Morgunblaðið - 20.06.2000, Qupperneq 70

70 ÞRIÐJUDAGUR 20. JÚNÍ 2000
MORGUNBLAÐIÐ
Dýraglens
Grettir
Hundalíf
Ferdinand
Hvað er þetta?
"5ECTION ONE..RULE TWREE...
IFIT BE6IMST0RAIN.THEP06
5HALL 6E INVlTEP INTO THE N0U5E'
“Fyrsti hluti... regla þrjú.. Ef það
byrjar að rigna skal hundinum boðið
inn í húsið
“Hundareglur”
fyrir árið 2000
BRÉF
TIL BLAÐSINS
Kringlunni 1 103 Reykjavík S Sími 569 1100 # Símbréf 569 1329
Hjólum heil
með bros á vör
Frá Öldu Jónsdóttur:
JÆJA, NÚ er svo komið að meng-
un í Reykjavík fer oft á tíðum yfir
hættumörk og hvað ætla almenn-
ingur og yfirvöld að taka til bragðs?
Eru ekki flestir sem hugsa að það
sé ekki þeirra vandamál.
Ég alla vega sé okkur Islendinga
ekki fyrir mér með mengunar-
grímu. Undanfarin ár hefur orðið
mikil vakning í umhverfismálum og
einnig er fólk farið að hreyfa sig
miklu meira. Þetta er ekki síst að
þakka bættu aðgengi fyrir fólk en
betur má ef duga skal. Nú ei-u
göngu-og hjólastígarnir orðnir svo
vinsælir að það þarf að fara að
skilja þessa umferð að enda hafa
línuskautarnir bæst í samgöngu-
flóruna.
Mikið vantar upp á að gangandi
og hjólandi sé sýnd sú tillitsemi
sem ætti að vera, þó verð ég að
segja að mikið hefur þetta breyst til
batnaðar síðstu ár. A siðasta þingi
setti ísólfur Gylfi Pálmason alþing-
ismaður fram þingsályktunartillögu
sem hljóðaði svo: „Alþingi ályktar
að fela samgönguráðherra að skipa
nefnd til að marka stefnu um hönn-
un og merkingar hjólabrauta í
dreifbýli og þéttbýli. Tekið verði til-
lit til hönnunar nýrra mannvirkja
og stefnt að því að hjólreiðar verði
raunhæfur kostur í samgöngumál-
um á íslandi". Stungið var upp á að
í nefndinni væru fulltrúar hjóla-
fólks, Vegagerðarinnar og Sam-
bands íslenskra sveitarfélaga. Þessi
þingsályktun komst ekki á um-
ræðuplanið í þinginu vegna anna
síðustu daga Alþingis en það kemur
þing eftir þetta þing. Alveg hefur
vantað að hjólreiðar séu hluti af
samgöngukerfinu og oft hefur sam-
band við mig fólk sem hefur áhuga
á að fara að hjóla í vinnu en treystir
sér ekki til þess vegna aðstöðuleys-
is. Tel ég að ef lagðir yrðu hjóla-
stofnvegir meðfram aðalbrautum
og milli sveitarfélaga myndi fólk
hjóla meira alveg eins og uppbygg-
ing göngu- og hjólastíganna skilaði
miklum fjölda fólks út á stígana.
SVR geta tekið hjól svo að ef fólk
treystir sér ekki að hjóla bæði úr og
í vinnu til að byrja með er bara
hægt að taka hjólið með sér í strætó
og hjóla svo heim en það er alveg
öruggt að sú tilfinning varir ekki
lengi því maður eflist við hvert
fótstig og verður ánægðari með
sjálfan sig og sín afköst.
Ég er hér með nokkra umhugs-
unarpunkta fyrir almenning,
stjórnvöld og verktaka sem ég vona
að komist til skila þó að þeir séu
ekki sendir í skammarbréfsformi til
viðkomandi.
Borgar- og bæjaryfírvöld
Nauðsynlega vantar samtenging-
ar milli sveitarfélaganna. Það er
víða þannig að bara vantar skiltið
„Hér endar stígurinn". Víða er
hægt með litlum tilkostnaði að gera
fínar hjólaleiðir, það vantar kannski
smá bút sem tengingu, t.d. með-
fram hitaveitustokkum eða af göml-
um leiðum sem ekki eru notaðar
lengur.
Vantar merkingar
Allar merkingar vantar, svo sem
merkingar sem vara bístjóra við
hjólandi fólki, merkingar sem eru
leiðbeinandi fyrir hjólreiðafólk og
sýna hvert hægt er að fara á við-
komandi stíg og jafnvel vegalengd.
Einnig vantar merkingar sem vísa
leiðina út úr bæjum eða borg (ég er
ekki að tala um risaskilti í höfuð-
hæð hjólreiðamannsins).
Reglur fyrir verktaka þar sem
skýrt er tekið fram hvernig merk-
ingar eiga að vera við framkvæmd-
ir, röskun á notkun stíga meðan á
framkvæmdum stendur sé í lág-
marki. Stígarnir ekki notaðir sem
bílastæði verktaka eða geymslu
jarðvegs og eða verkfæra. Ef loka
þarf stíg á að vísa á aðra leið eða
gera hjáleið.
Verktakar
Takið tillit til fólksins sem á að
nota stígana. Leggið ekki bílum og
vinnuvélum á stígana meðan farið
er frá nema fólk komist fram hjá.
Notið ekki stígana sem jarðvegs-
geymslur. Til eru sérstakir dúkar
til þeirra nota. Stígarnir eru gerðir
fyrir fólk. Fjarlægið þökusnepla og
grjót af stígunum strax. Sópið stíg-
ana og gangið eins frá og þið vilduð
koma að stígunum á hjóli, línu-
skautum eða gangandi. Merkið vel
skurði og skiljið ekki eftir miklar
brúnir í malbikið. Eitt slys í síðustu
viku er glöggt dæmi um ábyrgðar-
leysi verktaka þar sem hjólreiða-
maður stórslasaðist eftir að hafa
lent í slíkum skurði við Hamp-
iðjuna.
Bfistjórar
Takið tillit til hjólandi og gang-
andi. Sveigið vel frá ef það er hægt
ekki síst stórir bílar og rútur. Kjöl-
sogið af stórum bílum er mikið og
getur skapað stórhættu í íslensku
roki. Farið aldrei fram úr bíl sem er
að fara fram úr hjólreiðamanni eða
farið fram úr hjólreiðamanni um
leið og þið mætið bíl. Ég veit að þið
haldið að ég sé eitthvað verri þegar
ég skrifa þetta en þetta skeður oft á
dag ef maður er að hjóla út á vegum
og t.d. í Hvalfirðinum þar sem um-
ferðin er ekki mikil.
Hjólreiðafólk
Farið að umferðarlögum. Hjólið
ekki á móti rauðu ljósi eða á móti
umferð. Notið hjálm ef þið eru í
umferðinni, ef þið gerið það ekki
sjálfrar ykkar vegna þá fyrir ykkar
nánustu.
Yfirvöld
Takið höndum saman og gerum
hjólreiðar að raunhæfum sam-
göngukosti í þjóðfélagi þar sem
mengun og bílafjöldi er orðið stórt
vandamál. Gera þarf hjólandi og
gangandi umferð hærra undir
höfði. Lögin skýr og aðgengileg
þannig að hægt sé að fara eftir
þeim.
ALDA JÓNSDÓTTIR,
formaður Islenska
fjallahjólaklúbbsins.
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.