Morgunblaðið - 18.07.2000, Blaðsíða 30

30 ÞRIÐJUDAGUR 18. JÚLÍ 2000
LISTIR
MORGUNBLAÐIÐ
Reuters
„Rúmið mitt“ eftir Tracey Emin í Tate-g-allernnu í Lundúnum.
Óumbúið rúm fyrir
um tuttugu milliónir
London. Morgunblaðið.
EFTIR nokkra umhugsun hefur
Charles Saatchi, eigandi samnefnds
samtímalistasafns og stofnandi víð-
frægrar auglýsingastofu með sama
nafni, keypt listaverkið „My Bed“,
Rúmið mitt, eftir Tracey Emin, einn
af þekktustu ungu listamönnum
Breta. Hvort umhugsun Saatchi
stafaði af verðinu, 150 þúsund
pundum, um 20 milljónum islenskra
króna, eða af efasemdum um list-
ræn gæði verksins skal ósagt látið,
en salan hefur óneitanlega vakið
mikla athygli í breska listaheimin-
um. Það skiptist nokkuð í tvö horn
hvort menn eru hrifnir af verkum
Emin. Sumir ásaka hana fyrir óhóf-
lega auglýsingamennsku á eigin
vegum.
Verkið er einfaldlega óumbúið og
heldur óþrifalegt rúm listakonunn-
ar, þar sem í kring er stráð dóti sem
stundum liggur við rúm, til dæmis
óhrein nærföt og notaður smokkur.
Verkið var tilnefnt til hinna eftir-
sóttu Turner-verðlauna í fyrra,
helstu myndlistarverðlauna Breta,
en hlaut þó ekki náð fyrir augum
dómnefndar. Emin hefur sagt frá
því að hún hafi sjálf legið í rúminu
og reyndar hugleitt sjálfsmorð, sem
hún freistaði þó ekki að fram-
kvæma. Eftir á að hyggja má segja
að það hafi verið nokkur heppni,
því óneitanlega hefur rúmið skilað
meira af sér en almennt genst og
gengur með óumbúin rúm.
Charles Saatchi hefur á undan-
fömum áratugum byggt upp
áhugavert safn nútímalistar, eink-
um breskrar listar, og þar er verk
Emin nýjasta viðbótin.
Menn skiptast mjög í tvo hópa um
gildi verka hennar og hún á sér
vissulega aðdáendur, eins og kaup
Saatchi sýna, en það eru líka ýmsir
gagnrýnendur, sem telja henni það
helst til tekna að hún sé slyng að
koma sjálfri sér og verkum sinum á
framfæri.
Á sýningu fyrir nokkru tóku tvö
ungmenni upp á því að hoppa í óum-
búna rúminu hennar. Fyrir það
vora þau tekin föst, með tilheyrandi
íjölmiðlaathygli, en sögðu síðan frá
því að Emin hefði sjálf fengið þau til
þess. Þau sluppu sektarlaust. Ann-
að dæmi sem gagnrýnendur taka
um það hversu tilbúin hún sé til að
setja sjálfa sig á sýningu er tjald,
sem hún sýndi fyrir nokkrum árum.
Á það hafði hún saumað út nöfn all-
ra þeirra sem hún hafði sængað hjá.
Eftir á að hyggja er hún varla fyrsti
listamaðurinn sem setur líf sitt
fram á listrænan hátt, en henni hef-
ur sumsé tekist að fara rækilega í
taugaraar á mörgum þótt Saatchi
hafi verið tilbúinn til að reiða fram
íbúðarverð fyrir list hennar.
Hin mörgu andlit Cruise
KVIKMYJ\PIR
H á s k íí I a b í ó,
Laugarásbíó, Sam-
bfóin Áll'abakka og
Borgarbíó Akureyri
„Mission: Impossible 2“:
★ ★ ★
Leikstjóri: John Woo. Handrit:
Robert Towne. Framleiðandi:
Tom Cruise. Aðalhlutverk: Tom
Cruise, Thandie Newton, Dougray
Scott og Anthony Hopkins.
Paramount 2000.
MAN einhver eftir Chris Cool,
njósnara merktum X? Eg held að
Tom Cruise sé að leika hann í Miss-
ion-myndunum sínum. Póstmódern-
ískan Cool, reyndar. Báðir eru ofur-
svalir njósnarar óskilgreindrar
stofnunar, það er eitthvað strákslegt
við þá báða í hættulegum sendiförum
gegn enn óskilgreindari ógnaröflum,
sem jafnvel James Bond gæti lent í
erfiðleikum út af. Þeir eru tæknifrík
báðir. Cool smellti skónum einhvern
veginn og allt bjargaðist. Cruise ríf-
ur af sér andlitið og hann er ekki
Cruise (þessi mynd hefði auðvitað
átt að heita Pace Off).
Já, ég held að Cruise sé Cool. Og
undir stjóm Hong Kong-leikstjórans
Johns Woos í „Mission: Impossible 2
er hann ekkert minna en ofsa Cool.
Sennilega var það hárrétt ákvörð-
un hjá Cruise, sem líka er framleið-
andi myndarinnar og hagnast einna
mest á sumargróðanum, að fá Woo
til verksins. Hann er leikstjóri sem
getur haldið sig við efnið þegar efnið
gerir það ekki lengur. Hann getur
sviðsett eltingarleik á mótorhjóli
eins og um grískan harmleik sé að
ræða. Hann getur fundið dramatísk-
an þunga í skotbardaga. Og hann er
sögumaður. I fyiri Mission-mynd-
inni, sem Brian De Palma gerði,
týndist plottið í tæknibrellunum.
Woo lætur það ekki gerast. Hann
passar upp á söguna. Ástarsagan í
handriti Roberts Townes (það eru
engir smákallar fengnir í þessar B-
myndir, hann gerði Chinatown) fær
aldrei að drukkna í hávaðanum af
hasarbrellunum. Það er einhver við-
kvæmni í myndinni byggð á sam-
bandi njósnarans og stelpunnar
hans, sem setur merkingu í eltingar-
leikina. Hún þarf ekki að vera merki-
leg en það er gott að vita af henni.
Og það er ósvikinn Hong Kong-
bragur á myndinni. Skotbardagarnir
eru ákafari, slagsmálin hönnuð eins
og dansatriði: Lokaslagsmálin drag-
ast um of á langinn reyndar, þau
ætla engan enda að taka, en Bruce
Lee hefði sjálfsagt orðið ánægður,
segi það ekki. Cruise er auðvitað
stálsleginn hangandi á fingurgómun-
um fram af klettasnös eins og það sé
fyndið. Algjör ráðgáta frá byrjun til
enda. Það er eins og við þurfum ekki
lengur að vita neitt um þessar hetjur
nema að þær kunna að skjóta úr
byssum og vita hvenær rétt er að
skipta um andlit. Spretta alskapaðar
fram í líki Cruise og vinna hetjudáðir
sem, þótt þær séu ekki mennskar,
eru heilmikið og skemmtilegt bíó.
Það er eins og hann sé einn í heimin-
um. Anthony Hopkins, góðlega
föðurimyndin, kemur fram í mynd-
inni rétt nógu lengi til þess að láta
hann hafa nýjasta verkefnið (þetta
er ekki erfitt, segir hann, þú færir
létt með það, þetta er óframkvæm-
anlegt). Cruise hóar í tvo vini sína,
sem hafa í raun aðeins statistahlut-
verk, en að öðru leyti er hann einn í
heiminum. Þögli einfarinn og kona í
nauðum. Towne kann sitt fag.
Thandie Newton er stelpan sem
hann er tilbúinn að deyja fyrir og
hún lætur okkur skilja hvers vegna
án þess að neinni raunverulegi dýpt
sé fyrir að fara heldur er þetta efni
sem sumarmyndir eru gerðar úr:
ábyrgðarlaus skemmtun. Af þeirri
tegund sem gleymist um leið og ljós-
in kvikna aftur.
Arnaldur Indriðason
Gradualekórinn í Reykjahlíðarkirkju.
Morgunblaðið/BFH
B ar nakór atónleikar
í Mývatnssveit
Mývatnssveit. Morgunblaðið.
GRADUALEKÓR Langhollskirkju
hélt tónleika í Reykjahlíðarkirkju
fyrir skemmstu. Á efnisskránni
voru sígild íslensk lög, kunnugleg
erlend lög frá ýmsum löndum og
kirkjuleg verk, m.a. eitt eftir
Tryggva M. Baldvinsson. Einsöngv-
arar voru þær Dóra S. Ár-
mannsdóttir og Regína V. Ólafs-
dóttir, söngkonur framtíðarinnar.
Undirleikari var Lára B. Egg-
ertsdóttir, ættuð frá Brún f Reykja-
dal, og Iék hún af krafti og öryggi í
stíl stjórnandans, Jóns Stefánsson-
ar. Húsfyllir var í kirkjunni og lista-
fólkinu forkunnarvel tekið.
Elín Osk
syngur á
listahátíð
í Bodo
ELÍN Ósk Ósk-
arsdóttir syngur
aðalhlutverkið í
óperunni Aidu
eftir Verdi sem
sett verður upp í
Bodo í Noregi í
tilefni af listahá-
tíð þar í bæ sem
nefnist Nordland
Óskarsdóttir Musikkfestuke.
Operan verður
flutt á opnunardegi hátíðarinnar 28.
júlí og aftur tveimur dögum síðar. I
henni taka einnig þátt söngvarar frá
Mariinsky leikhúsinu í Sankti Pét-
ursborg sem og norskir söngvarar.
A hátíðinni sem stendur yfir í 10
daga verða yfir hundrað listviðburð-
ir á dagskrá sem ná allt frá óperu og
klassískri tónlist til jazz- og rokk-
tónlistar. Hátíðin er árviss viðburð-
ur í Bodp og hefur Eh'n Ósk áður
tekið þátt í henni, það var árið 1997
er hún söng aðalhlutverkið í upp-
færslu á norsku óperunni Fredkulla.
URKLÆÐNING
Kynntu þér ELGO múrklæðningu
áður en þú ákveður annað
ELGO múrklæðningin er létfc og sterk, sem fegrar, ver og einangrar
Traust íslensk múrefni
síðan 1972
IÁ verði við allra hæfi
tar á nýtt og eldra hús
Varist eftirlýkingar
Leifcið tilboða!
■■
■I steinprýói
Stangarhyl 7 — Pósthólf 10058 — 130 fleykjavík
Sími 567 2777 — Fax 567 2718
V __________
Ráðhús Ölfuss, Þorlákshöfn
ELGO MÚRKLÆÐNINGIN hefur verið undir eftirliti
RB síðastliðin 9 ár og hefur farið í gegnum
ýmsar prófanir, svo sem NORDEST NT Build
6G, og staðist þær allar. ELGO
MURKLÆÐNINGIN var tekin út af
Birni Marteinssyni, verkfræðingi
hjá RB, ÁN ATHUGASEMDA.
Flest ELGO efnin hafa
verið prófuð hjá
M-2000
Þriðjudagur 18. júlí
SIGLUFJARÖARKIRKJA KL. 20:30
Þjóðlagahátíð
Á hátíðinni munu mætast tónlistar-
menn fjögurra þjóða við norðanvert
Atlantshaf. Auk íslendinga koma
þar fram Samar frá Norður-Noregi,
Inúíti frá Norður-Kanada og fær-
eyskir dansarar. Fjöldi tónieika
verður á hátíðinni auk fyrirlestra og
námskeiða. Börnum verður boöið
upp á dagskrá fyrir hádegi, sungin
verða þjóðtög og rímnalög, dansað,
farið í leiki, spilað og lærðar barna-
gælur og þulur. Hátíðin stendur til
23. júlí.
www.siglo.is/festival.
GRAND HÓTEL KL. 8.
„ The Extremes of the Extremes
Alþjóðieg ráðstefna á vegum Vatna-
mæiingar Orkustofnunar þar sem
hamfaraflóö, eitt mesta eyðingarafl
náttúrunnar verður í brennidepli.
Lokadagur ráðstefnunnar er á
Þjóðlagahátíð á Siglufirði verður
sett í dag.
morgun en erindi eru flutt á ensku.
www.os.is/vatnam/extremes2000.
www.reykjavik2000.is, wap.olis.is.