Morgunblaðið - 29.11.2000, Blaðsíða 57

MORGUNBLAÐIÐ
MIÐVIKUDAGUR 29. NÓVEMBER 2000 57
FRÉTTIR
Ferðaþjonustuaðilar á Vesturlandi funda
Tekið verði af festu á lausagöngu
búfjár og umhverfisspjöllum
Morgunblaðið/Guðrún G. Bergmann
Ferðamálasamtök Vesturlands héldu aðalfund sinn
í Hótel Höfða í Ólafsvík.
Fundur um áhrif
j ar ðhitavir kj ana
á umhverfíð
Hellnum. Morminblaðið.
FERÐAMALASAMTÖK Vestur-
lands héldu aðalfund sinn í Hótel
Höfða í Ólafsvík í síðustu viku.
Samtökin starfa meðal annars að
sameiginlegum kynningarmálum
á landshlutanum og í stjórn þeirra
eru fulltrúar ferðamálasamtaka
frá Akranesi, Mýra- og Borgar-
fjarðarsýslu, Dölum og Snæfells-
nesi auk þess sem fulltrúi frá sam-
tökum sveitarfélaga á Vesturlandi
á sæti í stjórninni.
Auk venjulegra aðalfundastarfa
voru ýmis mál ofarlega á baugi í
umræðunni svo sem umhverfis-
mál, þar sem upp kom hugmynd
um sektir fyrir umhverfisspjöll,
lausaganga búíjar, almenn um-
hirða í sveitum landsins og niður-
rif girðinga, merkingar á ferða-
mannastöðum og útsýnisstaðir
meðfram vegum.
Fræðsla og
skemmtun
Á fundinum voru samþykktar
þrjár ályktanir en í þeim skora
Ferðamálasamtök Vesturlands á
stjórnvöld að taka með festu á
lausagöngu búfjár til að tryggja
öryggi á vegum og einnig að taka
með festu á umhverfisspjöllum.
Einnig skoraði fundurinn á Vega-
gerðina að stuðla að því að komið
verði upp útsýnisstöðum á fjall-
vegum á Vesturlandi.
Sérlegur gestur fundarins var
Ómar Benediktsson frá Markaðs-
ráði og ræddi hann um leiðir til
að markaðssetja svæði, mikilvægi
þess að skapa seljanlega vöru og
að vinna að aukinni markaðssetn-
ingu á þeirri vöru á jaðartímum
ferðaþjónustunnar. Ferðaþjón-
ustuaðilar lögðu ótal spurningar
fyrir Ómar sem hann svaraði
greiðlega og gaf mörg holl og góð
ráð.
Eftir erindi Ómars snæddu
fundarmenn kvöldverð í veitinga-
sal Hótels Höfða. Valinkunnir
sagnamenn og söngvaskáld af
Vesturlandi skemmtu gestum und-
ir borðum en hvatt hefur verið til
þess að nota sagnahefðina til að
styrkja ferðaþjónustu á svæðinu.
DR. HALLDÓR Armannsson, sér-
fræðingur á Orkustofnun, heldur
fyrirlestur á vegum Vísindafélags
Islendinga í Norræna Húsinu
fimmtudaginn 30. nóvember kl.
20:30.
Helstu orkukostir Islendinga eru
vatnsafl og jarðhiti. Undanfarið
hafa orðið töluverðar umræður í
þjóðfélaginu um umhverfisáhrif
vatnsaflsvirkjana. Mun minna hef-
ur verið rætt um áhrif jarðhita-
virkjana á umhverfi sitt. Þó að jarð-
hiti teljist frekar meinlítil orkulind
verður rask af virkjun hans eins og
af öllum mannvirkjum. Vatnsafls-
virkjanir krefjast oftast mikils
landrýmis sem fer undir vatn og
valda þannig staðbundnum um-
hverfisáhrifum. Jarðhitavirkjanir
þurfa minna landrými en einn
ókostur háhitanýtingar er útblástur
gastegunda eins og brennisteins-
vetnis sem er eitruð lofttegund og
koltvíoxíðs sem er gróðurhúsaloft-
tegund. Útblástur á orkueiningu er
þó aðeins brot þess sem fylgir hefð-
bundnum kola- og gasorkuverum.
Bæði jarðhiti og vatnsorka hafa
þann ótvíræða kost að vera inn-
lendir orkugjafar sem menga mun
minna en olía og kol, segir í frétta-
tilkynningu.
í fyrirlestrinum verður sagt írá
helstu umhverfisáhrifum jarðhita-
nýtingar. Þau eru útlits- og eðlis-
breytingar jarðhitasvæða, aukinn
hávaði, aukið afrennsli heits vatns
og efnamengun. Boranir og vinnsla
jarðhita leiða oft til þess að hverir
og laugar hverfa. Mannvirki, vegir
og borholur, geta stungið í augu.
Vinnsla vatns og gufu veldur stund-
um landsigi og myndast geta gufu'-
bólur í jarðlögum sem auka hættu á
gassprengingum. Til þess að halda
vökvanámi, varma- og efnamengun
í lágmarki er affallsvatni oft dælt til
baka niður í jarðhitakerfin. Sé það
gert á virkum sprungusvæðum
gæti það komið af stað jarðskjálft-
um og skapað vissa hættu.
Lýst verður stuttlega verkefni
um átak í umhverfismálum jarð-
hitanýtingar sem Orkustofnun,
Lands-virkjun, Hitaveita Reykja-
víkur og Hitaveita Suðurnesja
stóðu að. Helstu þættir þess voru
rannsóknir á gasi í andrúmslofti og
á tæringu af völdum úða frá virkj-
unum.
I lokin verður stuttlega skýrt frá-
umhverfismati sem farið hefur
fram vegna nýtingar nokkurra
jarðhitasvæða á Islandi og litið sér-
staklega á umhverfismat sem gert
var vegna fyrirhugaðrar jarðhita-
virkjunar í Bjarnaflagi við Mývatn.
Félagsfundur
Ættfræði-
félagsins
ÞRIÐJI félagsfundur Ættfræðifé-
lagsins í vetur verður haldinn
fimmtudaginn 30. október. Fund-
arstaður er salurinn á 3. hæð í húsi
Þjóðskjalasafnsins (gömlu Mjólk-
urstöðinni) við Laugaveg 162.
Farið er inn í portið og inn um
dyrnar í horninu til hægri. Þar er
lyfta upp. Fundurinn hefst klukkan
20.30, en húsið verður opnað
klukkan 19.30.
Erindi flytja: Jörmundur Ingi
Hansen og Tómas Vilhjálmur Al-
bertsson. Þeir tala um ættir Óðins
hins eineygða og tengsl hans við
nútímamenn.
Boðið verður upp á kaffi og með
því. Allir eru velkomnir. Hægt er
að ganga í félagið á fundinum, seg-
ir í fréttatilkynningu.
----------------
SUF með
opið hús
SAMBAND ungra framsóknar-
manna stendui' fyrir opnu húsi í
húsakynnum Framsóknarflokksins
að Hverfisgötu 33 í Reykjavík
fimmtudaginn 30. nóvember nk. kl.
20 og verður gestur kvöldsins dr.
Hannes Hólmsteinn Gissurarson,
prófessor við Háskóla Islands.
Yfirskrift fundarins verður „Ætti
að sameina Sjálfstæðisflokkinn og
Framsóknarflokkinn?“ en Hannes
mun ennfremur ræða um flokka-
kerfið, einstaka stjórnmálamenn og
lesa upp gamansögur úr nýrri bók
sinni.
----------------
Styðja kennara
KENNARAR í Hamarsskóla í Vest-
mannaeyjum hafa sent frá sér eftir-
farandi ályktun:
„Kennarafundur í Hamarsskóla í
Vestmannaeyjum lýsir yfir áhyggj-
um sínum vegna verkfalls fram-
haldsskólakennara sem leitt getur til
þess að nemendur hverfi frá námi og
kennarar úr starfi.
Við lýsum yfir fulium stuðningi við
aðgerðir framhaldsskólakennara og
kröfur og skorum á ríkisvaldið að
semja hið fyrsta um raunverulega
launaleiðréttingu til handa fram-
haldsskólakennurum."
Þátttakendur
valdir í spurn-
ingaþátt
STÖÐ 2 er að hefja upptökur á
spurningaþætti í desember sem
heitir Viltu vinna milljón? Nú er
verið að velja þátttakendur í fyrstu
tvo þættina, sem teknir verða upp í
Reykjavík 14. desember. Það er
gert með þvi að fólk hringir í síma
907 2121 og svarar einni einfaldri
spurningu. Tölva sér síðan um að
velja úr nöfnum þeirra sem svara
rétt og sex einstaklingar komast í
hvern þátt.
I fréttatilkynningu segir: „Stöð 2
leggur mikla áherslu á að fá fólk
hvaðanæva af landinu í þáttinn og
greiðir farareyri þeirra sem búa ut-
an höfuðborgarsvæðisins ef það er
valið í þáttinn. Þátturinn er gerður
að fyrirmynd spumingaþáttarins
„Who wants to be a millionaire“,
sem hóf göngu sína í bresku sjón-
varpi fyrir rúmum tveimur árum.
Þátturinn náði þvílíkum vinsældum
að hann hefur nú verið staðfærður í
38 löndum að íslandi meðtöldu."
Fyrsti þátturinn er á dagskrá
Stöðvar 2 á öðrum degi jóla, kl. 20.
Hann verður svo vikulega á dagskrá
á nýju ári, á sunnudagskvöldum kl.
20. Vakin er athygli á því að hvert
símtal kostar 199 krónur og þátttak-
endur þurfa að hafa náð 16 ára aldri.
----------------
Lögreglan
í Keflavík
leitar
bifreiðar
LÖGREGLAN í Keflavík lýsir eftir
bifreið sem ungur maður kvaðst
ætla að kaupa fyrir um tveimur vik-
um. Bifreiðin er með skráningar-
númerið JS-918 og er dökkgrá
Toyota Corolla fólksbifreið, árgerð
1988.
Mánudaginn 13. nóvember sl.
hugðist ungur maður kaupa bifreið-
ina og fékk að fara á henni í banka
til að ganga frá greiðslunni. Síðan
hefur ekkert spurst til bifreiðarinn-
ar og maðurinn hefur fai-ið huldu
höfði. Eru þeir sem einhverjar upp-
lýsingai- kunna að hafa um bifreið-
ina undanfarnar tvær vikur beðnir
að hafa samband við lögi’egluna í
síma 421-3333 eða 112.
Undirritun frí-
verslunarsamn-
ings við Mexíko
VALGERÐUR Sverrisdóttir við-
skiptaráðherra skrifaði á mánudag
undir fríverslunarsamning EFTA-
ríkja við Mexíkó fyrir hönd íslands
sem nú gegnir formennsku í samtök-
unum. Samningurinn gefur íslensk-
um útflytendum tækifæri til að
sækja á ný mið, því innlend fram-
leiðsla í Mexíkó er vernduð með há-
um tollum, segir í fréttatilkynningu.
í kjölfar samningsins falla niður toll-
ar á sjávarafurðum og iðnaðarvör-
um, ýmist við gildistöku samnings
eða í áföngum á nokkrum árum.
-----♦-♦-♦---
Smáraskóli
Samstarf heim-
ila og skéla
SAMKÓP, samtök foreldrafélaga og
foreldraráða í grunnskólum Kópa-
vogs, boða til opins fundar um sam-
starf heimila og skóla í kvöld kl.
20.30-21.30 í Smáraskóla. Ragnar
Þorsteinsson, skólastjóri Breiðholts-
skóla, heldur fyi’irlestur og svarar
fyrirspurnum um samstarf heimila
og skóla.
-------------
Aðventufundur
FAAS
FAAS, Félag áhugafólks og aðstand-
enda alzheimerssjúklinga og ann-
arra minnissjúkra heldur aðventu-
fund sinn í kvöld kl. 20 í Áskirkju við
Vesturbrún í Reykjavík. Fjölbreytt
dagski’á verður. Allir velkomnir.
-----*-4-4---
Jólasala
Kvenfélags
Heimaeyjar
HIN árlega jólasala Kvenfélagsins
Heimaeyjar verður í Mjóddinni
fimmtudaginn 30. nóvember og 1.
desember frá kl. 10 til 18 báða daga.
Hinar margrómuðu tertur og smá-
kökur ásamt konfekti, kertum og
spilum verða til sölu, segir í fréttatil-
kynningu. Allur ágóði af sölunni
rennur til líknarmála.
Jeppadeild-
arfundur
Utivistar
JEPPADEILD Útivistar heldur fé-
lagsfund í kvöld, miðvikudagskvöldið
29. nóvember, í versluninni Útilífi,
Glæsibæ og hefst hann kl. 20.
Félagar munu kynna aðventuferð
jeppadeildar í Bása um næstu helgi,
2.-3. desember, en þar stefnir í eina
af fjölmennustu ferðum deildarinnar
frá upphafi, segir í fréttatilkynningu,
en fyrir þá sem missa af aðventu-
ferðinni má minna á þrettándaferð í
Bása 6.-7. janúar. Einnig verða
jeppaferðir vetrarins kynntar, bæði
dags- og helgarferðir.
I tilkynningunni segir að Útilíf
muni gleðja alla sem mæta með hlýj-
um ullarsokkum, heitu kakói og með-
læti. Útilíf kynnir ýmsar nýjungar
sem koma sér vel íyrir veturinn og
geta allir nýtt tækifærið og keypt
það sem útivistardeildin býður upp á
á sérstöku Útivistartilboði.
Félagsfundurinn er öllum opinn.
------------------
Gengið með
strönd Sel-
tjarnarness
HAFNARGÖNGUHÓPURINN
stendur fyiir gönguferð í kvöld, mið-
vikudagskvöldið 29. nóvember.
Farið verður frá Hafnarhúsinu kl.
20 og með SVR, Leið 3, vetur að
Bakkavör á Seltjarnarnesi. Þaðan
gengið kl. 20.15 með strönd Bakka-
víkur, Suðumess og Seltjarnar að
Snoppu við Gróttu og áfram með
ströndinni og að Hafnarhúsinu.
Hægt er að stytta gönguleiðina
með því að fara með SVR hluta leið-
arinnar. Allir velkomnir.
Leiðrétting
frá Neytenda-
samtökunum
á Akureyri
MORGUNBLAÐINU hefur borist
eftirfarandi leiðrétting frá Neytenda-
samtökunum á Akureyri:
„I vikunni sendi skrifstofa Neyt-
endasamtakanna á Akureyri fréttatil-
kynningu ásamt 5 exelskjölum til fjöl-
miðla vegna könnunar á gjaldskrám
leikskóla.
Þau leiðu mistök urðu að summa
verðdæmanna hjá einu sveitarfélag-
inu, Reykjanesbæ, var röng og leiddi
til þess að Reykjanesbær var sagður
með hæstu samanlögðu gjöldin.
Allar upphæðimar í dæmunum hjá
Reykjanesbæ em réttar en samlagn-
ing þeirra er röng. Þetta breytir niíLr
urstöðu á hæstu og lægstu gjöldunum
þegar summa dæmanna er tekin
(Tafla 5) þannig að hæstu gjöldin em
hjá Stykkishólmsbæ, Dalabyggð, Ól-
afsfjarðarkaupstað og Bessastaða-
hreppi miðað við þessi tilteknu dæmi,
en Reykjanesbær lendir í fimmtánda
neðsta sæti.“ Félagið biðst velvirðing-
ar á þessum mistökum.
--------------
Fræðslufundur
musíkþerapista
FELAG íslenskra músíkþerapista
heldur fræðslufund fimmtudaginn
30. nóvember kl. 20, í Sjálfsbjargar-^
húsinu Hátúni 12 (inngangur á vest-"
urgafii).
A fundinum verða kynntar heima-
síður sem gagnlegar em áhugasöm-
um um músíkþerapíu, þar á meðal er
ný heimasíða íslenska félagsins. Era
allir velkomnir á þennan fræðslu-
fund og í tónföndur með jólaívafi.
£j?v
Cartíse

Úlpur, frakkar, dragtir o.fl.
Stærðir 36-52
Hamraborg 1
sími 554 6996
Garðarsbraut 15
Húsavík sími 464 2450