Morgunblaðið - 29.11.2000, Blaðsíða 60
MORGUNBLAÐIÐ
c.0 MIÐVIKUDAGUR 29. NÓVEMBER 2000
/-------------------------------
Hundalíf
ÉG VILÖI ÓSKA Aö ÞÚ HÆTTIR At> GEFA HONUM BITA
-,AF BOPBINU. PEIR BATNA EKKI VI& ÞA£>, SIÐIRNIR)
Ferdinand
Smáfólk
EVERY VETERAN5 PAV I
60 OVER T0 BILL MAULPIN'S
H0U5E, ANP WE QUAFF
A FEW ROOT BEERS...
OL BILL ANP I A6REE
ON EVERVTHIN6.. >
—7*Pr--------------
EXCEPT HE NEVER
TAKES ANV OF MV
^CARTOON IPEA5..
—‘3'
Á minningardegi hermanna þá
fcr ég alltaf á kaffihús og teyga
nokkrar könnur af rótarbjór.
Vertinn og ég
erum mestu mátar...
... þangað til ég kem
með hugmynd að
næstun ræmu.
BREF
TIL BLAÐSINS
Kringlunni 1 103 Reykjavik • Sími 569 1100 • Símbréf 569 1329
Lausn byggða-
vandans fundin?
Frá Guðrúnu Hálfdánardóttur:
VEGNA SKRIFA um ágreining út
af byggingu íþróttahúss í Húnaþingi
vestra í Morgunblaðinu undanfarna
viku þá langar mig til að koma eftir-
farandi á framfæri.
Hér í Húnaþingi vestra höfum við
mjög framsýna og bjartsýna sveitar-
stjórn. Hún hefur fundið lausnina
sem mun snúa þróuninni í byggða-
málum við og laða hingað allt það fólk
sem vert er að hafa.
Þeir ætla að byggja íþróttahús.
Stórt og flott. Nú skulu sko skilin eft-
ir minnismerld að hætti gömlu kon-
unganna. Iþróttahús sem á ekki að
kosta nema 65 milljónir. Reyndar eru
hér tvö íþróttahús á svæðinu en þau
eru frekar ómerkileg. Hálfgerðir
leikfimisalir og standa byggðarþró-
uninni hér gróflega fyrir þrifum.
Sennilega ein helsta ástæða fólks-
fækkunar hér á svæðinu.
Þótt héðan hafi farið 40 börn og
unglingar á landsmót í sumar og
komið heim með fangið fullt af verð-
launapeningum, sýnt frábæran ár-
angur og sannað að þau standa jafn-
vel, ef ekki betur að vígi en aðrir sem
státa af fullkomnu íþróttahúsi, þá er
þaðekkinóg.
Þótt núverandi íþrótta/leikfimisal-
ir sinni vel okkar þörfum og rúmlega
það þá er það ekki nóg.
Þó að menningar- og æskulýðsráð,
sem er fagnefnd sveitarstjórnarinnar
í þessum málaflokki, mæli gegn því
að ráðist verði í þessa framkvæmd að
svo stöddu, þá skiptir það engu máli.
Þó að þetta skapi bullandi óánægju
mjög margra íbúa hér á svæðinu, or-
saki sundrung og vangaveltur um að
slíta þessari sameiningu, þá skiptir
það engu máli.
„Við viljum, við ætlum,
við skulum“
Utanaðkomandi fólki sem þekkir
til hér finnast þessir meirihlutamenn
alveg magnaðir húmoristar.Vá! Þrjú
íþróttahús í 1.200 manna samfélagi.
Er ekki alveg í lagi þama hjá ykkur?
Á kannski að nota þessi hús sem
vörður á leið gegnum Húnaþing
vestra? Að vissu leyti sé ég líka húm-
orinn í þessu og eflaust myndi ég
hlæja dátt með ef ég byggi ekki hér.
En mér er ekki hlátur í huga því ég
bý hér og hafði hugsað mér að búa
hér og þetta stórslys þarf ég að
borga. Þótt ég sé bara húsmóðir geri
ég mér fulla grein fyrir því að 65
milljónir fyrir svona stórt og glæsi-
legt mannvirki er ekki í neinum
tengslum við raunveruleikann og það
þarf svo sem engan snilling til að sjá
það. Enda kemur í Ijós, þegar betur
er að gáð, að það vantar sitt h'tið af
hverju í þetta hús. En það eru svo
sem bara smámunir og varla orð á
gerandi þótt það vanti áhorfenda-
svæði (snyrting fyrir áhorfendur
sparast), tækjabúnað og stóra feit-
letraða skiltið sem á mun standa:
Vinsamlegast dragið inn magann og
haldið í ykkur andanum á meðan þið
notið búningsaðstöðuna og munið
þröngt verða sveittir að þvo sér.
Takk fyrir.
GUÐRÚN
HÁLFDÁNARDÓTTIR
Söndum, Húnaþingi vestra.
Verkfall kennara
Frá Eddu Emilsdóttur:
NÚ, þegar þetta er ritað, eru þrjár
vikur liðnar í verkfalli kennara fram-
haldsskóla og síðustu fréttir eru að
samningaviðræðum hafi verið slitið.
Ráðherrar sem málið heyrir undir,
menntamála-, fjármála- og forsætis-,
eiga engin ráð í viðureign kennara
sem þeir teþ'a bæði kröfuharða,
óbilgjarna og hafi óskað eftir verk-
falli!
En um hvað eru kennarar að
biðja? Leiðréttingu til jafns við aðrar
stéttir með hliðstæða menntun.
Hvernig er kennarastarfið metið?
Er eitthvert vit í því að meta skrif-
stofustarf í ráðuneyti til meira
verðs? Það semja ekki allar stéttir
samtímis og það kemur vissulega til
nokkurs ósamræmis í kjarasamning-
um. Allir sem vilja geta skoðað
kjarasamninga og séð að kennarar
eru ekki framarlega í flokki og hafa
ekki verið alllengi. Þetta hefur þegar
valdið því að erfitt er að manna skól-
ana, margir kennarar hafa leitað í
önnur störf og nýliðun í stéttinni er
svo lítil að áhyggjuefni er.
Kennaralaun á öllum skólastigum
verða að vera nægilega góð til að
hægt sé að manna skólana góðu fag-
fólki og kennarastarfið verði eftir-
sóknarvert. Kostnaðurinn skilar sér
margfalt í auknum mannauði og
minnkandi samfélagsvandræðum.
Öflugt uppeldis- og skólastarf er
vænlegasta vopnið í baráttunni við
þann voða sem þjáir okkur illa nú,
eiturlyfjafárið.
Það er skammsýni að leggja ekki
áherslu á undirstöðuna, sem er upp-
eldi og menntun þegnanna. Stjóm-
völd sem telja að við höfum ekki efni
á því hljóta að þurfa að hugsa sig
rækilega um eða fá sér eitthvað ann-
að að gera en stýra þjóðarskútunni.
Það hefur komið fram í fréttum að
ákvæði í almennum kjarasamning-
um hindri launaleiðréttingu kenn-
ara. Jafn aðgangur til menntunar
óháður efnahag fjölskyldu var bar-
áttumál verkalýðshreyfingarinnar,
en nú er flest orðið með öðrum for-
merkjum ef hún leggst á árar með
niðurrifi hins almenna skólakerfis í
landinu með þessum hætti. Það er
hætt við að hún þyrfti að ræða við
viðsemjendur sína ef skólagjald
uppá á nálægt hálfa milljón á hvern
ungling bættist við heimilisútgjöldin.
Þegnar í þessu landi krefjast þess
að kennaraverkfallið verði leyst
strax.
EDDA EMILSDÓTTIR
Háaleitisbraut 35,
108 Reykjavík.
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.