Morgunblaðið - 19.12.2000, Page 1
STOFNAÐ 1913
292. TBL. 88. ÁRG.
ÞRIÐJUDAGUR 19. DESEMBER 2000 PRENTSMIÐJA MORGUNBLAÐSINS
Bush vonast
eftir samvinnu
við þingið
Itrekar fyrri yfirlýsingar sínar
um verulegar skattalækkanir
Washington. Reuters, AP, AFP.
GEORGE W. Bush, kjörinn forseti
Bandaríkjanna, átti í gær viðræður
við Alan Greenspan seðlabanka-
stjóra og leiðtoga þingsins. ítrek-
aði hann við það tækifæri, að skatt-
ar yrðu lækkaðir um 1,3 billjónir
dollara, 13.000 milljarða íslenskra
króna, en það mál er mjög umdeilt,
einnig innan hans eigin flokks,
Repúblikanaflokksins. Kjörmenn í
ríkjunum 50 komu saman í gær til
að kjósa forseta og fékk Bush það
271 atkvæði, sem til þurfti, en A1
Gore 267.
„Ég átti viðræður við góðan
mann og sagði honum hve mikils
óg mæti hann,“ sagði Bush að
loknum viðræðunum við Greenspan
en honum er ekki síst þökkuð sú
peningastefna sem verið hefur
grundvöllur undir einhverju
lengsta hagvaxtarskeiði í sögu
Bandaríkjanna. Svaraði hvorugur
spumingum um skattalækkunar-
áform Bush en fyrir fund með
þingleiðtogunum ítrekaði hann, að
skattarnir yrðu lækkaðir um 13.000
milljarða ísl. kr. Kvað hann það
nauðsynlegt, einkum nú þegar far-
ið væri að hægja á hagvexti.
Demókratar eru andvígir svona
mikilli skattalækkun og ýmsir
frammámenn í Repúblikanaflokkn-
um hafa mikiar efasemdir um
hana.
Bush hyggst fjármagna skatta-
lækkunina með væntanlegum fjár-
lagaafgangi á næstu árum en Alan
Greenspan er andvígur því og vill,
að hann verði notaður til að greiða
niður skuldir ríkisins.
Tími til að
„græða sárin“
Á fundi með leiðtogum þingsins
lagði Bush áherslu á, að kominn
væri tími til að „græða sárin“ og
kvaðst hann hlakka til að vinna
með þinginu, jafnt demókrötum
sem repúblikönum. í dag ætlar
hann að eiga fund með þeim A1
Gore og Bill Clinton forseta.
AP
George W. Bush ásamt Alan Greenspan seðlabankastjóra að loknum
fundi þeirra um efnahagsmálin f Washington í gær.
Bush ætlaði í gær að ræða við
hugsanlega ráðherra í ríkisstjórn
sinni en hann hefur þegar skýrt frá
því, að Colin Powell, hershöfðingi
og fyrrverandi formaður banda-
ríska herráðsins, verði utanríkis-
ráðherra og Condoleezza Rice ráð-
gjafi hans í öryggismálum. Eru
þau fyrstu blökkumennirnir sem
gegna þessum störfum og hún
jafnframt fyrsta konan í sínu emb-
ætti.
Rice sagði í gær, að utanrík-
isstefna Bush-stjómarinnar myndi
byggjast á „vestrænum gildum" og
„hagsmunum Bandaríkjanna", á
náinni samvinnu við bandalagsríkin
og enduruppbyggingu bandarísks
hernaðarmáttar.
Kjörmenn komu saman til fund-
ar í gær og var niðurstaða fund-
anna í samræmi við kosningaúr-
slitin í hverju ríki. Voru nokkrar
vangaveltur um, að einhverjir kjör-
manna Bush kysu Gore, sem fékk
meira en 300.000 atkvæði umfram
Bush, en enginn varð til að hlaup-
ast undan merkjum. Það hefur að-
eins gerst tvisvar sinnum áður í
bandarískri sögu, að kjörmenn hafi
kosið forseta sem ekki fékk meiri-
hluta atkvæða meðal þjóðarinnar.
ísraelar og Palestínumenn ráðgast við stjdrnvöld í Bandaríkjunum
Orðvarir um möguleika
á nýjum friðarviðræðum
Jerúsalem. AFP, The Daily Telegraph.
ÍSRAELAR og Palestínumenn voru í
gær orðvarir um möguleikana á að
formlegar friðarviðræður þeirra hæf-
ust á ný. í dag munu samninganefnd-
ir beggja ráðgast við bandarísk
stjómvöld, og er Bill Clinton Banda-
ríkjaforseta umhugað um að koma á
friði fyrir botni Miðjarðarhafs áður en
hann lætur af embætti.
Shlomo Ben Ami, utanríkisráð-
herra ísraels, sagði í gær að engin
trygging væri fyrir því að fyrstu al-
varlegu friðarumleitanimar, frá því
mannskæð átök bmtust út fyrir hart-
nær þrem mánuðum, myndu hefjast
áður en ísraelar ganga að kjörborð-
inu.
Vegna óvæntrar afsagnar ^Ehuds
Baraks, forsætisráðherra ísraels,
fyrir rúmri viku, þarf að efna til sér-
stakra forsætisráðherrakosninga, og
munu þær verða í febrúar. I gær
greiddi ísraelska þingið atkvæði um
tillögu um að þingkosningar færa
einnig fram snemma á næsta ári en
Shas-flokkur strangtrúaðra gyðinga
snerist gegn henni og felldi hana.
Gerir það hugsanlega að engu fyrir-
ætlanir Benjamins Netanyahus, fyrr-
verandi forsætisráðherra, um að end-
urheimta embættið. Hann situr ekki á
þingi og getur ekki boðið sig fram í
forsætisráðherrakosningunum nema
fram fari þingkosningar um leið.
Hægrimenn í ísrael eru mjög óánægðir með hugsanlegar viðræður við
Palestínumenn og segja, að Ehud Barak forsætisráðherra siiji á svik-
ráðum við landa sína, einkum hvað varðar Jerúsalem. Efndu þeir til
mótmæla á sunnudag. Hér er einn þeirra með arabískan höfuðbúnað,
plastbyssu og spjald þar sem á stendur „Jerúsalem umfram allt“.
Raunar samþykkti þingið í gær að
breyta lögum þannig, að allir geti boð-
ið sig fram í forsætisráðherrakosn-
ingum en Netanyahu er andvígur því.
Cheney gagnrýnir Clinton
Dick Cheney, næsti varaforseti
Bandaríkjanna, sagði í gær að vænt-
anlegir valdhafar í Bandaríkjunum, í
stjóm Georges W. Bush, hefðu
áhyggjur af því hvernig stjóm Clint-
ons hefði farið að, undanfarið ár eða
svo, í málefnum Mið-Austurlanda.
Segja fréttaskýrendur þessi orð
Cheneys benda til þess að litlar líkur
séu á að árangur náist í komandi við-
ræðum í Bandaríkjunum.
Palestínumenn vora einnig varkár-
ir í orðum um mögulega niðurstöðu
samráðsfundanna í Bandankjunum,
og kröfðust þess að Israelar færa eft-
ir alþjóðlegum ályktunum um að
binda enda á 33 ára hersetu sina á
landsvæðum Palestínumanna, er ver-
ið hefði helsta orsök óeirðanna.
Saeb Erakat, samningamaður Pal-
estínumanna, krafðist ennfremur
„fullra palestínskra forráða“ yfir
Áustur-Jerúsalem og helgum stöðum
í borginni, í kjölfar þess að Ben Ami
gaf til kynna að ísraelar væra ef til
vill reiðubúnir að gefa eftir í deilunni
um al-Aqsa moskuna, sem er helgi-
staður bæði gyðinga og múslíma.
Pútín
leitar lið-
sinnis í
Kanada
Ottawa. ^P, ,\1(’P.
VLADIMIR Pútín, forseti Rúss-
lands, átti í gær viðræður við Jean
Chretien, forsætisráðherra Kanada,
en hann kom þangað í opinbera heim-
sókn í fyrrakvöld. Sækist Pútín eftir
aukinni efnahagslegri og stjómmála-
legri samvinnu við kanadísk yfirvöld
og vonast til að fá þau til að snúast
harðar gegn hugsanlegum fyrirætl-
unum Bandaríkjamanna um eld-
flaugavamakerfi.
Þeir Pútín og Chretien undirrituðu
í gær samninga um gagnkvæma flug-
þjónustu og samvinnu milli rúss-
neskra og kanadískra héraða en auk
þess ætlaði Pútín að fara fram á að-
stoð Kanadamanna við að breyta og
laga rússneska löggjöf að væntan-
legri aðild Rússa að Heimsviðskipta-
stofnuninni.
Eitt aðalumræðuefni leiðtoganna
verða tillögur í Bandaríkjunum um
uppsetningu eldflaugavamakerfis en
það mál bíður næstu stjómar. Hefur
George W. Bush, kjörinn forseti, lýst
yfir stuðningi við þær en Rússar
segja þær bijóta í bága við samning
ríkjanna um langdrægar eldflaugar
og geta ýtt undir nýtt vígbúnaðar-
kapphlaup. Kanadastjóm hefur lýst
yfir áhyggjum af þessum fyrirætlun-
um án þess þó að taka ákveðna af-
stöðu gegn þeim. Chretien sagði þó í
gær, að Kanadamenn vildu ekki að
neitt raskaði þeirri stöðu sem nú ríkti.
Kanadamenn eiga líka erindi við
Pútín, til dæmis um spillinguna í
Rússlandi, sem stendur eðlilegum
viðskiptum við landið fyrir þrifum, og
þeir ætla að leggja áherslu á, að á-
stand mannréttindamála í landinu
verði bætt.
„Stórskemmtileg aflestrar
:... glæsileg fróðíeiksnáma"
- Jón Þ. Þór/Mbl.
I JJJÍI
MORQUNBLAÐK) 19. DESEMBER 2000