Morgunblaðið - 19.12.2000, Qupperneq 20

20 ÞRIÐJUDAGUR 19. DESEMBER 2000
MORGUNBLAÐIÐ
LANDIÐ
Brekkubæj arskóli
á Akranesi 50 ára
Akranesi - Þess var minnst nýverið
að 50 ár eru liðin frá því Barna-
skóli Akraness, sem í dag heitir
Brekkubæjarskóli, flutti starfsemi
sína í núverandi húsnæði, sem á
þeim tíma þótti mikið framfara-
spor.
Þessara tímamóta var minnst
með fjölbreyttri dagskrá í skól-
anum sem núverandi nemendur
ásamt kennurum sinum og öðru
starfsfólki skólans höfðu unnið að.
Dagskráin hófst með því að safnast
var saman við gamla skóla-
húsnæðið á Skólabraut, sem áður
var barnaskóli Akumesinga, og
þaðan gengið í skrúðgöngu að
skólanum, en það sama var gert
þegar starfsemin var flutt milli
húsa fyrir fimmtíu árum. Fjöl-
breytt skemmtidagskrá í tali, tón-
um og myndum fór síðan fram í
skólanum auk þess sem sett var
upp sögusýning um starfsemina
þessi fimmtíu ár. Þar kom margt
athyglisvert fram sem rifjaði upp
fyrir mörgum gömlu skólaárin og
var það mál manna að þessi sýning
væri skemmtileg heimild um skóla-
starf fyrr og síðar. Mikið fjölmenni
heimsótti skólann þennan dag.
Fyrir fimmtíu árum þótti það
mikil breyting á allri aðstöðu til
skólahalds að fá nýtt húsnæði og
þótti skólinn mikil bygging á þeim
tima, enda bæði hátt til lofts og vítt
til veggja. Á árunum sem liðin eru
hefur skólahúsnæðið verið stækk-
að þrívegis og enn standa yfir
byggingarframkvæmdir og nýtt
skólahúsnæði verður tekið í notk-
un á næsta ári. Þar með verður
skólinn einsetinn. Árið 1950 var
Qöldi nemenda í skólanum um 390
og kennar tólf talsins, en í vetur
stunda 433 nemendur nám og
kennarar eru í dag þijátíu og
fimm. Skólastjóri í Brekkubæj-
arskóla er Ingi Steinar Gunn-
laugsson. Þess má einnig geta að
nú eru tveir grunnskólar starf-
ræktir á Akranesi.
Ánægjulegt
afmælishald
Ingvar Ingvarsson, aðstoð-
arskólastjóri Brekkubæjarskóla,
segir að þessi hátíðisdagur í skól-
anum hafi verið einkar ánægju-
legur og gaman hafi verið að sjá
svo mikið fjölmenni samankomið.
Nemendur sýndu því mikinn áhuga
að gera daginn eftirminnilegan,
sem hann sannarlega var. „Hátíða-
höklin stóðu í raun í viku, frá
mánudeginum 13. til laugardags-
ins 18. nóv. Nemendum var skipt
upp 126 hópa sem unnu alla vikuna
undir stjórn listamanna, kennara
og starfsfólks að fjölbreyttum
sköpunarverkefnum. Af þessu til-
efni réð skólinn 11 listamenn til
viðbótar starfsfólki skólans til að
vinna að verkefninu.
Gekk samstarfið með miklum
ágætum. Kostnaður við hátíða-
höldin var eðlilega nokkuð mikill
eða um ein miljón króna. Við feng-
um góðan stuðning hjá ýmsum að-
ilum, einkum fyrirtækjum sem
lögðu fram fjármagn, og ánægju-
legt er til þess að vita að margir
gamlir nemendur skóians sem í
dag stýra fyrirtækjarekstri sýndu
því áhuga að vera með. Má þar
nefna að öðrum ólöstuðum Bjarna
Ármannsson, bankastjóra fslands-
banka/FBA, sem beitti sér fyrir
myndarlegu fjárframlagi til skól-
ans til að minnast þessara merku
tímamóta. Einnig veitti bæj-
arstjórn okkur aukaíjárveitingu í
tilefni afmælisins. Við í skólanum
erum afar þakklát fyrir allan þann
stuðning sem við fengum."
. -
1 ' 1 Li
Morgunblaðið/Jón Gunnlaugsson
Ingi Steinar Gunnlaugsson, skólastjóri Brekkubæjarskóla, hefur um
margt að spjalla við Karl Helgason sem í mörg ár kenndi við skólann.
Einar J. Ólafsson, kaupmaður á Akranesi, og Ásmundur Ólafsson, fram-
kvæmdasfjóri dvalarheimilisins Höfða á Akranesi, höfðu um margt að
spjalla, enda hittust margir af þeirra kynslóð til að rifja upp gamla tíma.
Nýtajólafríið
til nám-
skeiðahalds
Skagaströnd - Allflestir starfs-
menn Rækjuvinnslunnar á Skaga-
strönd sitja nú á viku löngu nám-
skeiði sem veitir þeim titilinn
sérhæfður fiskvinnslumaður. Nám-
skeiðið er byggt upp af 10 þáttum
og er haldið á vegum Starfs-
fræðslunefndar fiskvinnslunnar.
Það skilar síðan þátttakendum
kauphækkun að því loknu.
Rækuvinnslan fór í jólafrí 11.
desember og því þótti þessi tími
einkar hentugur til námskeiðs-
halds. Létt var yfir mannskapnum
þegar fréttaritari leit inn á nám-
skeiðið og flugu vísur milli manna
þar sem efni námskeiðanna var
sett fram á hnitmiðaðan hátt með
hliðsjón af athugasemdum nem-
endanna.
Um 30 manns starfa hjá Rækju-
vinnslunni um þessar mundir en
rekstur hennar hefur gengið
þokkalega þetta ár þrátt fyrir lágt
verðlag á afurðum og enga veiði á
innfjarðarækju í Húnaflóa síðustu
tvo vetur.
Morgunblaðið/Ágúst Blöndal
Guðmundur Bjarnason afhenti Þorbergi Haukssyni nýju
slökkvibifreiðina.
Ný slökkvi-
bifreið
afhent í Nes-
kaupstað
Neskaupstað - Ný slökkvibifreið
var formlega tekin í notkun nú á
dögunum þegar Guðmundur
Bjamason bæjarstjóri afhenti Þor-
bergi Haukssyni, slökkviliðsstjóra
Fjarðabyggðar, nýja slökkvibif-
reið.
Bifreiðin, sem verður í Nes-
kaupstað, er af Man-gerð og er í
henni fullkominn útbúnaður til
slökkvistarfa, meðal annars 4.000
þúsund lítra vatnstankur og 200
lítra froðutankur ásamt mjög öfl-
ugum dælubúnaði. Nýja bifreiðin
kemur í stað gainals Bedford-
slökkvibíls sem færður var Mjóa-
fjarðarhreppi að gjöf fyrir
skömmu.
Áætlað er að kaupa aðra nýja
slökkvibifreið til Fjarðabyggðar og
mun hún verða staðsett á Eskifirði
en á Reyðarfirði er nú þegar að
finna fullkomin bifreið til slökkvi-
starfa.
Mostri fær
nýtt húsnæði
Stykkishólmi - Golfklúbburinn
Mostri í Stykkishólmi hefur fengið
hús fyrir starfsemi sína. Klúbb-
urinn keypti húsið af Fjölbrauta-
skóla Vesturlands ó Akranesi, sem
undanfarin ár hefur notað það til
kennslu. Stærð hússins er 110 fer-
metrar.
Húsið var flutt á öflugum drátt-
arbíl frá Akranesi. Ferðin tók
fimm tíma og gekk vel að flytja
húsið til Stykkishólms þrátt fyrir
töluverðan vind undir Hafnarfjalli.
Tvo kranabíla úr Reykjavík þurfti
til að lyfta því á grunninn.
Golfskálinn nýi er á holti fyrir
ofan golfvöllinn þar sem er gott út-
sýni yfir völlinn. Áður hafði klúbb-
urinn aðstöðu á hótelinu í mörg ár.
Að sögn Ríkharðs Hrafnkelssonar,
formanns klúbbsins, verður unnið
við endurbætur á skálanum í vetur
og hann tilbúinn í vor sem félags-
aðstaða fyrir klúbbfélaga og gesti.
Ríkharður sagði að lengi hefði
verið stefnt á eigið húsnæði sem
þjónaði vellinum og leikmönnum
og nú væri sá draumur í höfn.
Félagar í Golfkúbbnum Mostra
eru um 70.
Póstafgreiðslan í
Búnaðarbankann
Skagaströnd - Pósthúsinu á Skaga-
strönd verður lokað um mánaðamót-
in janúar-febrúar á næsta ári því 1.
febrúar verður póstafgreiðslan færð í
útibú Búnaðarbankans á staðnum.
Við þessa breytingu missa vinnuna
tvær konur, sem unnið hafa á póst-
húsinu mjög lengi. Er þeim boðið að
velja milli starfslokasamnings og að
koma til starfa hjá íslandspósti í
Reykjavík.
Áð sögn Áskels Jónssonar hjá Is-
landspósti eru þessar breytingar
gerðar í hagræðingarskyni. Sagði
hann að þegar Landssíminn var
gerður að sjálfstæðu fyrirtæki og
skilinn frá póstinum hafi mikið af
verkefnum, sem áður var sinnt af af-
greiðslunni á Skagaströnd, farið með
símanum þannig að í raun hafi af-
greiðslan verið yfirmönnuð um nokk-
urn tíma.
„Við erum fyrst og fremst dreif-
ingarfyrirtæki og viljum einbeita
okkur að því að veita sem besta þjón-
ustu á því sviði,“ sagði Áskell. Hann
viðurkennir að slíkar hagræðingar-
aðgerðir geti verið erfiðar fyrir
starfsfólkið meðan á þeim stendur.
Svanborg Frostadóttir, útibús-
stjóri Búnaðarbankans á Blönduósi,
sagði að frumkvæðið að þessari sam-
vinnu hefði komið frá þeim í bank-
anum enda væri þróunin í þessa átt
víða á landinu. Ekki standi til að
fjölga starfsfólki í útibúinu á Skaga-
strönd, þrátt fyrir þessa auknu starf-
semi þar. Hún segir að það sem fyrir
bankanum vaki sé að nýta betur þann
mannskap sem starfar í útibúinu en
leitast verði við að veita jafn góða
þjónustu og áður var á pósthúsinu.
Afgreiðslutími póstafgreiðslunnar
verður þó sniðinn að afgreiðslutíma
bankans sem er opinn frá klukkan 10
á morgnana til klukkan 16 á daginn.
Verður þetta nokkur skerðing á af-
greiðslutíma frá því sem nú er, því í
dag er pósthúsið opið frá klukkan 9 á
morgnana til klukkan 16:30 á daginn.
Jólaheim-
sókn í Stykk-
ishólms-
kirkju
Stykkishólmi - Fjórir yngstu
bekkir grunnskólans í Stykkis-
hólmi og eins leikskólabörn komu
saman í Stykkishólmskirkju einn
morguninn í vikunni til að undir-
búa komu jólanna.
Sóknarpresturinn, Gunnar Ei-
ríkur Hauksson, tók á móti nem-
endunum og ræddi við þau um jólin
og boðskap þeirra. Nemendur úr
tónlistarskólanum spiluðu á hljóð-
færi. Þá sýndu nemendur 3. bekkj-
ar helgileik sem allir nemendur
bekkjarins tóku þátt í. Áður höfðu
þau ásamt foreldrum saumað bún-
ingana, sem tók mikinn tíma. Jóla-
lögin voru sungin undir stjóm Jó-
hönnu Guðmundsdóttur söng-
kennara.
Presturinn var ánægður með
þessa stund með bömunum og von-
ar að þau eigi góð og gleðileg jól.
jrnason
Nemendur þriðja bekkjar gmnnskólans í Stykkishólmi flytja
helgileik í Stykkishólmskirkju.