Morgunblaðið - 20.12.2000, Blaðsíða 10

10 MIÐVIKUDAGUR 20. DESEMBER 2000
FRETTIR
MORGUNBLAÐIÐ
Þjónustuver
samgangna
á Snæ-
fellsnesi
STURLA Böðvarsson samgöngu-
ráðherra kynnti á fundi ríkisstjórn-
arinnar í gær samstarf stofnana
ráðuneytisins og sveitarfélaga um
þjónustuver á Snæfellsnesi.
Um tilraunaverkefni til eins árs er
að ræða. í því felst að ráðuneytið
semur við Snæfellsbæ um samstarf
þriggja stofnana; Vegagerðarinnar,
Siglingastofnunar og Flugmála-
stofnunar við bæinn um þjónustu á
vegum, flugvöllum og siglingaleiðum
á svæðinu.
„í þessu felst að setja alla þessa
þætti undir einn hatt og reyna þann-
ig að samræma þjónustuna og nýta
betur mannafla, húsnæði og tæki,“
segir Sturla Böðvarsson í samtali við
Morgunblaðið.
Sturla segir að ekki standi til að
fækka fólki, heldur sé ætlunin að
nýta fjármuni betur og bæta þjón-
ustuna.
Hann bendir á að ráðuneytið hafi
fyrr á þessu ári ráðist í tvö viðlíka
verkefni, annars vegar samning við
Slökkvilið höfuðborgarsvæðisins um
rekstur slökkviliðsins á Reykjavík-
urflugvelli og hins vegar samning við
Akureyrarbæ um rekstur slökkviliðs
á Akureyrarflugvelli og þjálfun
slökkviliða á landinu, utan þeirra á
höfuðborgarsvæðinu og á Keflavík-
urflugvelli.
Morgunblaðið/Líney Sigurðardóttir
Kennslustund í laufabrauðsgerð: Birna Sigurðardóttir kennir Rússum,
Pólveijum og Eistlendingum listina að skera út laufabrauð. Börnin létu
ekki sitt eftir liggja við laufabrauðsgerðina.
Upptökubún-
aði eftirlits-
myndavéla er
oft ábótavant
ÓMAR Smári Ármannsson, að-
stoðaryfirlögregluþjónn í Reykja-
vík, segir að upptökubúnaði eft-
irlitsmyndavéla sé oft ábótavand.
Þegar á reyni séu myndgæði það
slæm að ógerningur sé að sjá at-
burðarás á myndbandi, hvað þá að
þekkja þann sem þar er á ferð.
Ómar segir að allnokkur innbrot
og þjófnaðir hafi verið upplýstir að
undanförnu með því að skoða upp-
tökur eftirlitsmyndavéla. í ljós
hafi þó komið að of oft reynast
myndböndin úr vélunum alls ekki
nothæf. Það valdi fólki eða for-
ráðamönnum fyrirtækja yfirleitt
vonbrigðum því þeir hafa fjárfest f
dýrum búnaði, sem reyndist ónot-
hæfur þegar á reyndi.
í sumum tilvikum séu linsur
vanstilltar, myndavélar rangt stað-
settar eða þeim ekki beint á rétta
staði. Myndavélarnar sjálfar eru
misjafnar að gæðum og þær þarf
að stilla m.t.t. birtuskilyrða. Þann-
ig getur þurft aðra stillingu utan
dyra yfir sumartímann en yfir
vetrartímann þegar birtuskilyrði
eru önnur.
„Þá eru því miður dæmi þess að
upptökubúnaður sé svo lélegur að
ómögulegt er að greina hvað þar
er að eiga sér stað, hvað þá mann,
sem þar gæti hafa verið á ferð.
Dæmi eru einnig um að slökkt hafi
verið á upptökubúnaði, sem til
staðar var, þegar á þurfti að
halda,“ segir Ómar Smári.
Hann segir að eigendur eða not-
endur eftirlitsmyndavéla þurfi því
nauðsynlega að fara yfir eða láta
fara yfir tæki sín, skoða upptöku
og athuga hvort hægt sé að bera
kennsl á þann, sem myndaður er.
Ef svo er ekki þarf annaðhvort að
lagfæra búnaðinn eða endurnýja.
Tilvist búnaðarins hafi ákveðið for-
varnagildi, en ef hann eigi að nýt-
ast einnig sem möguleiki til upp-
ljóstrunar afbrota sé nauðsynlegt
að hann sé í lagi og bjóði upp á
slíka möguleika.
---------------
Samningur við
LR afgreiddur
í næstu viku
BORGARRÁÐ mun fjalla um og af-
greiða drög að nýjum samningi
Reykjavíkurborgar við Leikfélag
Reykjavíkur á fundi sínum í næstu
viku, en ekki var fjallað um málið á
fundi ráðsins í gær.
Að sögn Gunnars Eydal, skrif-
stofustjóra borgarstjómar, er um
eðlilega frestun að ræða, enda er
ekki gert ráð fyrir að samningurinn
taki gildi íyrr en á næsta ári. Næsti
fundur borgarráðs verður haldinn
29. desember nk.
Læra laufa-
brauðsgerð
LISTILEGA útskornar laufa-
brauðskökur þöktu borð og bekki
í grunnskólanum á Þórshöfn
skömmu fyrir jól en þar voru
saman komnir Rússar, Pólverjar
og Eistlendingar ásamt íslensku-
kennara sínum, Birnu Sigurð-
ardóttur. Ákveðið var að síðasta
kennslustund fyrir jól yrði á
léttum nótum en þó rammislensk
og hún fór fram í heimilisfræði-
stofunni við laufabrauðsgerð.
Nemendurnir voru fljótir að ná
réttum handtökum og sýndu
listræna hæfileika við útskurð-
inn.
Karl getur
krafist dóms
um faðerni
HÆSTIRÉTTUR hefur úrskurð-
að að karl eigi rétt á að fá því
svarað fyrir dómi hvort hann sé
faðir stúlkubams sem fæddist ár-
ið 1998. í bamalögum er ekki
gert ráð fyrir að karlar geti feng-
ið úrskurð um faðemi, aðeins að
móðir eða bam geti sótt faðern-
ismál. Hæstiréttur vísar hins
vegar til jafnræðisreglu stjórn-
arskrárinnar og ríkra hagsmuna
barnsins sjálfs að vera rétt feðr-
að. Niðurstaðan er því sú að hér-
aðsdómur skuli taka málið til efn-
islegrar meðferðar.
Málavextir vom þeir, að kona,
sem maðurinn hafði átt í sam-
bandi við, eignaðist bam í árs-
byrjun 1998. Á fæðingarvottorði
tilgreindi móðirin manninn sem
föður bamsins, en á skírnarvott-
orði var ákvæði um að föður væri
ekki getið og hjá sýslumanni
sagðist móðirin ekki ætla að
feðra bamið. Maðurinn höfðaði
því mál til að fá faðemið við-
urkennt.
Af hálfu móðurinnar var vísað
til þess að maðurinn gæti ekki átt
aðild að faðemismáli, þar sem að-
eins móðir og bam ættu þann
rétt samkvæmt barnalögum. Við
úrlausn málsins hafði Hæstirétt-
ur hins vegar hliðsjón af breyt-
ingum sem gerðar vora á stjórn-
arskránni eftir gildistöku
barnalaga, þar sem í 65. og 70.
gr. vora stjórnarskrárbundin
ákvæði um jafnræði borgaranna
og rétt þeirra til að fá úrlausn um
réttindi sín og skyldur fyrir dóm-
stóli. Einnig vísaði Hæstiréttur
til ríkra hagsmuna barnsins sjálfs
af því að vera réttilega feðrað.
Hæstiréttur sagði þá stað-
reynd einnig vega þungt að mað-
urinn hafði leitt að því líkur að
hann gæti verið faðir barnsins.
Rétturinn sagði að löggjöf, sem
við þessar aðstæður takmarkaði
rétt manns til að fá úrlausn dóm-
stóla um málefni er vörðuðu
hagsmuni hans, bryti gegn 70. gr.
stjómarskrárinnar, sbr. 6. gr.
mannréttindasáttmála Evrópu.
Þá féllst rétturinn ekki á að næg-
ar málefnalegar forsendur stæðu
til þeirrar mismununar sem birt-
ist í reglum bamalaga um máls-
aðild í faðernismálum.
Morgun-
blaðið
prentað um
víða veröld
SAMSTARF Morgunblaðsins við
fyrirtækið Newspaper Direct gefur
lesendum blaðsins nú kost á því að
fá útprentun af völdum síðum
blaðsins víða um heim. Fyrst um
sinn býðst þessi þjónusta á betri
hótelum og geta hótel í yfir þrjátíu
löndum nú boðið gestum sínum út-
prentuð dagblöð á ýmsum tungu-
málum.
Útprentun á blaðinu kostar um
250 krónur, og fær lesandinn blaðið
tölvuprentað í sama broti í hend-
urnar. Ekki er þó um allt blaðið að
ræða, heldur nær útprentunin til
forsíðu, baksíðu, innlendra og er-
lendra fréttasíðna, auk sjávarút-
vegs- og viðskiptafrétta. Frekari
upplýsingar um hvaða hótel veita
þessa þjónustu má nálgast á heima-
í útprentun Newspaper Direct úr tölvuprenturum líta síður Morgun-
blaðsins eins út og þær koma fyrir sjónir lesenda hér hcima.
síðu Newspaper Direct, www.news- má á „hospitality direct" og síðan á
paperdirect.com, þai' sem smella „current partners."
Andmælaréttur brotinn
á Sigurði Gizurarsyni
HÉRAÐSDÓMUR Reykjavíkur
dæmdi í gær dómsmálaráðherra
fyrir hönd ríkisins og fjármálaráð-
herra fyrir hönd ríkissjóðs til að
greiða Sigurði Gizurarsyni, fyrr-
verandi sýslumanni á Akranesi,
500.000 krónur í miskabætur og
300.000 krónur upp í málskostnað.
Hjörtur O. Aðalsteinsson kvað upp
dóminn.
Þetta var í þriðja sinn sem hér-
aðsdómur tekur fyrir mál sem Sig-
urður höfðar á hendur dómsmála-
ráðherra frá því Þorsteinn
Pálsson, þáverandi dómsmálaráð-
herra, tók þá ákvörðun 5. júní 1998
að færa Sigurð úr embætti sýslu-
manns á Akranesi í embætti sýslu-
manns á Hólmavík. Hæstiréttur
vísaði fyrri úrskurði og dómi hér-
aðsdóms aftur heim í hérað.
Sigurður vildi ekki una ákvörð-
un ráðherra og ákvað að láta frem-
ur af embætti en að taka við starfi
sýslumanns á Hólmavík. Hann
höfðaði því næst mál á hendur ráð-
herra og ríkissjóði. Ákæran
byggðist m.a. á því að dómsmála-
ráðherra hefði ekki haft vald til að
flytja hann úr einu embætti í ann-
að. Þá væri hann vanhæfur til að
taka ákvörðunina vegna opinbers
fjandskapar við sig. Ástæður sem
ráðherra gaf fyrir flutningnum
hafi verið ófullnægjandi og ákvörð-
unin og opinberar yfirlýsingar ráð-
herra verið stórlega ærumeiðandi
og til þess fallnar að eyðileggja
mannorð og starfsheiður sinn.
Mörg fleiri atriði voru tilgreind í
ákæru.
Héraðsdómur hafnaði þessu en
komst að þeirri niðurstöðu að and-
mælaréttur hefði verið brotinn á
Sigurði en um það fjallaði eitt af
ákæruatriðunum. Vísað var til um-
mæla dómsmálaráðherra í kvöld-
fréttum útvarps og sjónvarps 18.
apríl 1998. Þar var haft eftir ráð-
herra að þegar hafi verið búið að
taka þá ákvörðun að Sigurði yrði
gert að flytja sig í embætti sýslu-
manns á Hólmavík. Þá hafi verið
haft eftir ráðheira í dagblaði 20.
apríl að ákvörðunin hefði verið
tekin um sýslumannsskiptin og
henni yrði ekki breytt.
Sigurði var tilkynnt um ákvörð-
un dómsmálaráðherra 6. apríl og
var honum gefinn andmælaréttur
til 20. apríl. 1 niðurstöðum héraðs-
dóms segir að ummæli dómsmála-
ráðherra, sem hann lét falla áður
en frestur Sigurðar til andmæla
rann út, verði ekki skilin öðruvísi
en svo að þá þegar hafi verið búið
að taka ákvörðun um flutninginn
sem ekki yrði haggað. Því verði
ekki annað séð en að Sigurði hafi
verið veittur andmælaréttur til
málamynda sem stríði gegn stjórn-
sýslulögum.