Morgunblaðið - 20.12.2000, Blaðsíða 42

42 MIÐVIKUDAGUR 20. DESEMBER 2000
MORGUNBLAÐIÐ
MORGUNB LAÐIÐ
STOFNAÐ 1913
Útgefandi: Árvakur hf., Reykjavík.
Framkvœmdastjóri: Hallgrímur B. Geirsson.
Ritstjórar: Matthías Johannessen,
Styrmir Gunnarsson.
VANDIVESTFJARÐA
Ekki fer á milli mála, að við
alvarlegan vanda er að etja
í atvinnulífi Vestfjarða.
Mörg sveitarfélaganna eru svo illa
stödd fjárhagslega, að þau sjá þá
einu færu leið út úr þeim vanda að
selja hlut sinn í Orkubúi Vestfjarða
en um það mál hafa staðið töluverð-
ar deilur.
Forsvarsmenn Isafjarðarkaup-
staðar upplýstu fyrir skömmu, að
þeir hefðu íhugað umtalsverðar
uppsagnir í starfsliði bæjarins til
þess að ná endum saman.
Nú síðast standa Bolvíkingar
frammi fyrir miklum vanda vegna
gjaldþrots Nascos, sem hefur hald-
ið þar uppi verulegri rækjuvinnslu.
Ekki er ósennilegt að Vestfirð-
ingar standi frammi fyrir annars
konar vandamáli að nokkrum árum
liðnum. Með nýrri kjördæmaskip-
un, sem tekur gildi í næstu kosn-
ingum, verða Vestfirðir hluti af
stærra kjördæmi og sameinast að
því leyti til Vesturlandskjördæmi
og hluta Norðurlandskjördæmis
vestra. Hætt er við, að þá fækki
þeim þingmönnum, sem eiga rætur
að rekja til Vestfjarða og ennfrem-
ur muni draga úr þeirri áherzlu,
sem þingmenn Vestfjarðakjör-
dæmis hafa lagt á málefni heima-
byggðar sinnar. Pegar þessi lands-
hluti verður orðinn hluti af stærri
einingu dreifist athygli þingmanna
og önnur sjónarmið koma til sög-
unnar.
Það er ekkert nýtt í atvinnusögu
Vestfjarða að atvinnufyrirtæki
verði gjaldþrota. Það var á rústum
slíks fyrirtækis, sem Einar heitinn
Guðfinnsson byggði upp hinn mikla
atvinnurekstur sinn á sínum tíma.
Hann hafði ekki mikla fjármuni
handa á milli en hann hafði forystu-
hæfileika.
Það er liðin tíð í íslenzku atvinnu-
lífi, að opinber aðstoð eða afskipti
stofnana eins og Byggðastofnunar
breyti einhverju í atvinnulífi ein-
stakra byggðarlaga. Þvert á móti
má færa sterk rök að því að opinber
íhlutun verki eins og dauð hönd á
atvinnulífið.
Það sem máli skiptir er að hæfir
forystumenn finnist til þess að taka
að sér uppbyggingu. Er þá menn
ekki lengur að finna á Vestfjörðum?
Fundarhöld þingmanna og sveit-
arstjórnarmanna breyta litlu og
jafnvel engu. Hins vegar mundi það
breyta miklu ef dugmiklir athafna-
menn fengju tækifæri til að byggja
upp á grunni þess sem fyrir er. Það
er ástæða til að leita að slíkum
mönnum og gefa þeim tækifæri.
Trillubátaútgerð hefur nú þegar
gjörbreytt atvinnuástandinu í Bol-
ungarvík. Með þátttöku slíkra at-
hafnamanna í atvinnulífi staðarins
er hægt að ná miklum árangri.
HÆGARIHAGVÖXTUR
Bandaríski seðlabankinn hefur
gefið til kynna, að hann muni
fremur horfa til vaxtalækkunar en
vaxtahækkunar á næstunni. Þetta
er vísbending um að forsvarsmenn
bankans telji meiri líkur á að hag-
vöxtur verði hægari en verið hefur
en að verðbólgan vaxi.
Svipuð sjónarmið koma fram hjá
íslenzkum sérfræðingum um fram-
vindu efnahagslífsins hér á landi.
Sérfræðingar FBA telja, að óyggj-
andi teikn séu á lofti um að nú
dragi úr þenslunni og að verðbólg-
an stefni á sama stig og í helztu
viðskiptalöndum okkar. Þeir gera
ráð fyrir því, að Seðlabanki íslands
lækki vexti um og eftir mitt næsta
ár til þess að bregðast við vaxta-
lækkun í nálægum löndum.
Raunar er þessi þróun í sam-
ræmi við það, sem forystumenn
ríkisstjórnarinnar fullyrtu fyrir
nokkrum mánuðum að verða mundi
seint á þessu ári og á næsta ári.
Hreiðar Már Sigurðsson, fram-
kvæmdastjóri Kaupþings í New
York, sagði m.a. í samtali við
Morgunblaðið í gær: „Mat mitt er
að Seðlabankinn ætti á komandi
vikum að lækka skammtímavexti á
Islandi og tel, að hann sé í raun að
taka of mikla áhættu með því að
viðhalda svo háum skammtíma-
vöxtum við aðstæður, þar sem spáð
er 1,6% hagvexti.“
Það er ekkert nýtt að þróun
efnahagsmála hér endurspegli
framvindu mála annars staðar.
Okkur er löngu orðið ljóst, að efna-
hagskerfi okkar verður fyrir mikl-
um áhrifum af því, sem gerist í ná-
lægum löndum beggja vegna
Atlantshafsins.
Þessi þróun er ekki neikvæð. Það
er þvert á móti jákvætt, að nú er að
draga verulega úr þeirri spennu,
sem ríkt hefur í efnahagslífinu og
valdið hálfgerðu æði á mörgum víg-
stöðvum. Við stefnum að þessu
leyti eins og í svo mörgum öðrum
tilvikum á eðlilegt ástand.
Slíkt ástand er eftirsóknarverð-
ara en það sem verið hefur und-
anfarin misseri, þótt engin ástæða
sé til að gera lítið úr mikilvægi
þess að ná slíkum toppum.
En það er einnig ástæða til að
vekja athygli á ábendingum þeirra,
sem telja, að bregðast þurfi við
fyrr en seinna til þess að koma í
veg fyrir, að samdrátturinn í at-
vinnulífinu verði of mikill.
Vísbendingar um að harðni á
dalnum eru margar. Hlutabréfa-
markaðurinn er í mikilli lægð. Af-
koma fyrirtækja er mun verri á
þessu ári en hinu síðasta. Staða
sjávarútvegsins er erfið. Og svo
mætti lengi telja.
Jafnframt er ánægjulegt að sjá,
að olía virðist vera að lækka í verði,
þótt sveiflur í olíuverði séu að vísu
svo miklar að ómögulegt er að spá
um það, hvort um varanlega verð-
lækkun er að ræða. Það er aug-
ljóst, að verðþróun á olíu hefur
mikil áhrif á afkomu fyrirtækja í
sjávarútvegi og í flutningum, bæði
á sjó, landi og í lofti.
+
Níu heilbrigðisstofnanir víða um land hefja undirbúning að skráningu í gagnagrunn á heilbrigðissviði
Samið um
vinnslu heilsu-
farsupplýsinga
Fyrstu heilbrigðisstofnanirnar hafa skrif-
að undir samning við Islenska erfðagrein-
ingu um vinnslu heilsufarsupplýsinga og
flutning í gagnagrunn á heilbrigðissviði.
Fleiri stofnanir munu bætast í þann hóp
á næstunni.
SKRIFAÐ var undir samn-
ing milli íslenskrar erfða-
greiningar og níu heil-
brigðisstofnana um
vinnslu heilsufarsupplýsinga til
flutnings í gagnagrunn á heilbrigð-
issviði á Fjórðungssjúkrahúsinu á
Akureyri í gær. Heilbrigðisstofn-
anirnar eru Fjórðungssjúkrahúsið
á Akureyri, St. Jósefsspítali í
Hafnarfirði og heilbrigðisstofnan-
irnar í Vestmannaeyjum, Hólma-
vík, Siglufirði, Hvammstanga,
Húsavík, Keflavík og Akranesi.
Kári Stefánsson, forstjóri Is-
lenskrar erfðagreiningar, sagði að
fleiri heilbrigðisstofnanir myndu
bætast í hópinn á næstunni, en
m.a. væru viðræður í gangi við
Landsspítala - háskólasjúkrahús.
Nákvæmlega tvö ár og tveir dagar
eru frá því lög um gagnagrunn á
heilbrigðissviði voru sett á Alþingi
og sagði að Kári að þá hefði tekið
við flókið samningaferli.
Verkefni dreifast víðar
en um Norðurmýrina
„Þessir samningar voru um
margt flóknir og fela ekki bara í
sér samstarf um undirbúning á
flutningi gagna í miðlægan gagna-
grunn heldur tengist þeim margs
konar þróunarsamvinna. I þessum
samningi endurspeglast því til-
raunir Islenskrar erfðagreiningar
til að sjá til þess að þau störf sem
hljótast af því að miðlægur gagna-
grunnur á heilbrigðissviði verður
settur saman dreifast víðar en í
kringum Norðurmýrina," sagði
Kári, en með þessum samningi
flytur fyrirtækið verkefni út á
landsbyggðina og kvaðst hann
ánægður með það.
„Þetta eru umfangsmikil þróun-
arverkefni sem flytjast munu út á
landsbyggðina, þarna skapast
spennandi möguleikar til að búa til
eitthvað nýtt í heilbrigðiskerfinu,"
sagði Kári.
Hvað þróunarsamvinnu varðar
sagði hann að um væri að ræða
verkefni sem þegar væri ákveðið
að hefja en önnur væru í undirbún-
ingi. Einkum væri um að ræða þró-
un við gerð rafrænnar sjúkraskrár
en góð samvinna sérfræðinga og
heilbrigðisstarfsfólks þar hefði
tekist sem lofaði góðu um árangur.
Þá verður unnið að verkefni á sviði
staðlaðrar sjúkraskrár, skráning-
arsögu, að skráningu hjúkrunar-
upplýsinga og fleira auk þess sem
Morgunblaðið/Kristján
Davíð Oddsson forsætisráðherra óskar Kára Stefánssyni, forstjóra fslenskrar erfðagreiningar, og Halidóri
Jónssyni, forsljóra Fjórðungssjúkrahússins á Akureyri, til hamingju með samninginn. Einnig voru á meðal
gesta þau Halldór Ásgrímsson utanríkisráðherra og Ingibjörg Pálmadóttir heilbrigðisráðherra.
drög hafa verið lögð að þróun
nýrra aðferða við árangursmæl-
ingar og vefrænt viðmót við sjúk-
linga við upplýsingaöflun sem og
vegna gerðar eigin sjúkraskrár
með staðlaðri upplýsingagjöf. Þá
eru uppi ráðgerðir um gerð og
frekari þróun kerfa til sem og sam-
vinna um gerð kostnaðargreining-
ar sem einnig er í undirbúningi.
Kári sagði fulltrúa Landspítala
- háskólasjúkrahúss hafa tekið
þátt í undirbúningsviðræðum um
frekari þróunarvinnu um heild-
ræna rafræna sjúkraskrá. Auk
þessa sagði Kári ýmis önnur verk-
efni í farvatninu á þessu sviði.
Hann gerði að umtalsefni þá
hörðu og óvægnu gagnrýni sem
fyrirtækið hefði orðið fyrir. Meiri-
hluti íslendinga hefði þá skoðun að
lögin um gagnagrunninn væru í
samræmi við aðferðir sem litið
væri á að væru eðlilegar við lækn-
isfræðirannsóknir og í samræmi
við alþjóðastaðal. Hávær minni-
hluti héldi því hins vegar fram að
grunnurinn bryti í bága við al-
þjóðareglur um söfnun og notkun
heilbrigðisupplýsinga og hefði
hann sótt sér stuðning til útlanda.
Eftir stæði fyrirtækið úthrópað
fyrir að brjóta siðareglur og við
það ætti enginn að skipta. Eina
andsvarið hefði komið frá fyrir-
tækinu sjálfu, aðrir hefðu ekki lagt
því lið í þessari baráttu, til að
mynda stjórnvöld.
Tilhlökkun til nýrrar aldar
Ingibjörg Pálmadóttir heil-
brigðisráðherra sagði við undirrit-
un samningsins að í kjölfar hans
myndu skapast ný störf á lands-
byggðinni og væri það ánægjulegt,
sjúkrastofnanirnar sem um ræðir
yrðu sterkari á eftir. Hún sagði
samninginn mikilvægan fyrir ís-
lenska heilbrigðisþjónustu og Is-
lendingar gætu horft með tilhlökk-
un til nýrrar aldar.
Islensk erfðagreining fjármagnar innréttingar í FSA og stofnar upplýsingatæknibraut við Háskólinn á Akureyri
Samstarf sem skapar
tugi nýrra starfa
Morgunblaðið/Kristján
Þorsteinn Gunnarsson, rektor Háskólans á Akureyri, Kári Stefánsson,
forstjóri íslenskrar erfðagreiningar, og Halldór Jónsson, forsljdri FSA,
við undirritun samninga á FSA í gær en ÍE og háskólinn munu stofna
upplýsingatæknideild við HA þar sem námi mun ljúka með BS-prdfi.
FULLTRÚAR íslenskrar erfða-
greiningar, IE og Fjórðungssjúkra-
hússins á Akureyri, FSA, skrifuðu í
gær undir samning sem felur í sér
viðamikil samstarfs- og þróunar-
verkefni, en þau munu skapa for-
sendur fyrir tugum nýrra hátækni-
og sérfræðistarfa á Akureyri. ÍE
mun stofna hugbúnaðardeild á Ak-
ureyri og fjánnagna fyrst í stað inn-
réttingu húsnæðis í viðbyggingu við
FSA auk þess að ráðast í fram-
kvæmdir við nýbyggingu fyrir að
m.a. hálfan milljarð króna á næstu
þremur árum. Forsenda fyrir
samningum er sú yfirgripsmikla
þekking sem fyrir er innan sjúkra-
hússins.
Þá var við sama tækifæri skrifað
undir samning milli IE og Háskól-
ans á Akureyri um þá fyrirætlan að
stofna upplýsingatæknideild við há-
skólann með stuðningi ÍE, bæði fag-
legum og fjárhagslegum.
Ný störf skipta tugum
Halldór Jónsson, forstjóri FSA,
gerði grein fyrir samningnum, en
meðal verkefna sem verður unnið er
gerð rafrænnar sjúkraskrár, sam-
skiptakerfi og notendaviðmót íyrir
samræmt sjúkraskrárkerfi, þróun
staðlaðra spumingalista og sér-
stakra sjúkraskrárkerfa, vefrænt
viðmót upplýsinga fyrir sjúklinga
og söfnun upplýsinga frá sjúkling-
um, þróun úrlestursforrita fyrir
myndgreiningu, rafrænn flutningur
upplýsinga milli sjúkraski'árkerfa
og gerð hugbúnaðar til kostnaðar-
greiningar í heilbrigðisþjónustu.
Mörg þessara verkefna munu hafa
mikil áhrif á uppbyggingu heil-
brigðiskerfisins á Islandi til fram-
tíðar, þau munu festa það í sessi og
skapa forsendur til þróunar á nýj-
um þjónustuþáttum og lausnum
sem ekki eiga sér hliðstæðu.
Ekki er Ijóst nú hversu mörg
störf munu skapast á Akureyri í
kjölfar samnings IE og FSA, en þau
munu skipta tugum. Um er að ræða
ný störf vegna starfsemi ÍE norðan
heiða, störf sem til koma vegna
samstarfsverkefna og loks störf sem
verða til við það að þjónustuþættir
FSA munu eflast.
Vegna hinnar nýju starfsemi
skapast umtalsverð húsnæðisþörf
og hefur sú stefna verið mörkuð að
ljúka því sem fyrst frágangi á óinn-
réttuðu húsnæði í viðbyggingu við
FSA, samtals í um 2.500 fermetrum.
Islensk erfðagreining mun greiða
fyrir fjármögnun á verkefninu.
Framlög vegna húsnæðisins á fjár-
lögum munu síðan greiðast til IE á
framkvæmdatímanum og að honum
loknum. Hönnun mun því hefjast
strax í byrjun næsta árs og fram-
kvæmdum verður lokið eigi síðar í
lok árs 2003 Heildarkostnaður við
framkvæmdirnar er áætlaður um
250 miHjónir króna.
Höfuðstöðvar ÍE á
Akureyri verða á lóð FSA
Auk þessa munu ÍE og FSA láta
byggja nýtt hús á lóð FSA en það
verður í eigu þriðja aðila og munu
ÍE og FSA leigja það af eiganda. í
húsinu verða höfuðstöðvar Islenskr-
ar erfðagreiningar á Akureyri sem
og stjórnsýsluhluti sjúkrahússins.
Ekki hefur verið ákveðið hver stærð
hússins verður en rætt er um 1.600
fermetra húsnæði. Það getur þó orð-
ið stærra því þegar hafa ýmsir innan
heilbrigðiskerfisins lýst áhuga á að
fá þar inni og verða þátttakendur í
því þróunar- og nýsköpunarum-
hverfi sem ÍE og FSA skapa með
þessum samningi. Gangi allar áætl-
anir eftir af þeim hraða sem vonast
er eftir gæti nýbyggingin orðið
tilbúin árið 2002, en kostnaður við
hana er áætlaður nálægt 250 millj-
ónum króna.
„Þetta er mikil bylting og skapar
mjög marga möguleika fyrir sjúki-a-
húsið sem og svæðið í heild. Hér
verða til tugir nýira starfa og þau er
ekki verið að flytja hingað annars
staðar frá, heldur er verið að búa til
ný störf. Það mun verða eftirsókn-
arvert að koma hingað til Akm-eyrar
til starfa,“ sagði Halldór Jónsson.
Ný braut á sviði upplýsinga-
o g tölvutækni við Háskólann
Við sama tækifæri skrifuðu Þor-
steinn Gunnarsson, rektor Háskól-
!
ans á Akureyri, og Kári Stefánsson
undir samning um stofna upplýs-
ingatæknibraut við háskólann sem
hefur það verkefni að kenna upplýs-
inga- og tölvufræði til BS-prófs.
Mun í E láta háskólanum í té faglega
og fjárhagslega aðstoð vegna þessa.
Þorsteinn sagði að í upphafi væri
ætlunin að ráða þrjá háskólakenn-
ara á þessu sviði til starfa og yrði
einn þeirra deildarforseti. Kennar-
arnir yrðu starfsmenn IE á Akur-
eyri og taka fullan þátt í starfsemi
fyrirtækisins þar. Sagði rektor að
slíkt fyrirkomulag tíðkaðist víða.
Gert er ráð fyrir að nemendur verði
um 20 á hverju ári í fyrstu en verði
vöxtur deildarinnar mikill og kallaði
á fleira starfsfólk er heimilt að ráð
tvo menn til viðbótar að henni.
Nemendur í deildinni munu
ganga fyrir um sumar- og afleys-
ingastörf hjá Islenskri erfðagrein-
ingu.
„Þetta er afar markverður við-
burðm’ í sögu háskólans. Með þessu
erum við að stofna okkar fimmtu
deild við háskólann og þá erum við
einnig að hasla okkur völl á mjög
mikilvægu sviði, upplýsinga- og
tölvufræðinnar. Við vitum að þetta
verður líka erfitt, þetta svið gerir
kröfur um vel launaða starfsmenn
og mikinn tæknibúnað og háskólinn
hefði aldrei ráðið við að gera þetta
einn. Það er fyrst og fremst fjár-
magn frá íslenskri erfðagreiningu
sem gerir okkur kleift að setja þessa
deild upp við háskólann," sagði Þor-
steinn.
Ekki góðgerðarstarfsemi
Kári Stefánsson sagðist handviss
um að fyrirtækið væri að gera rétt
með þessum samningum, þeir yrðu
fyrirtækinu gagnlegir, „þetta er
ekki góðgerðarstarfsemi, ég er
sannfærður um að hvergi verður
betra en hér að vinna að þessum
verkefnum.“
Hann nefndi að um væri að ræða
verðmæt störf, ekki ritvinnslusíld-
arsöltun eins og hann orðaði það og
baðst afsökunar á þrívegis. Störf
sem lytu að því að þróa tækni til að
búa til nýjungar á heilbrigðissvið-
inu. Með þessum aðgerðum væri
einnig verið að hnika dálítið til miðj-
unni í þeirri íbúaþróun sem verið
hefði á Islandi síðustu ár.
Þrír ráðherrar, Davíð Oddsson
forsætisráðherra, Halldór Ásgríms-
son utanríkisráðherra og Ingibjörg
Pálmadóttir heilbrigðisráðherra
voru viðstödd undirritun samning-
anna sem og Kristján Þór Júlíusson,
bæjarstjóri á Akureyri, auk fleiri
gesta.
Byggðarlegþýðing
Forsætisráðherra sagði að um
væri að ræða merkan atburð, sem
hefði stórkostlega þýðingu fyrir ís-
lenska erfðagreiningu, Fjórðungs-
sjúkrahúsið á Akureyri og Háskól-
ann á Akureyri sem og höfuðstað
Norðurlands. Aðgerðimar fælu í sér
mikla byggðarlega þýðingu og ef-
laust þyrfti lengi að bíða eftir álíka
viðburði sem hefði slík áhrif. Það
væri afar ánægjulegt að íslensk
erfðagreining, sem væri einn helsti
vaxtarsprotinn í íslensku atvinnulífi
skyldi með þessum hætti koma til
leiks á Akureyri.
Halldór Ásgrímsson tók undir
með Davíð að um væri að ræða mik-
ilvægan áfanga í sögu Akureyrar og
í raun sögu þjóðarinnar allrar. Sagði
hann ánægjulegt að íslendingar
tækju fullan þátt í þeirri þekking-
arleit sem fram færi í heiminum á
sviði heilbrigðismála, umræddir
samningar fælu í sér að heilbrigð-
iskerfið í landinu stjTktist sem og
byggð í landinu.
Unnið gegn meininu
Kristján Þór sagði um að ræða
stóran dag í sögu Akureyrar. Um
væri að ræða eina bestu aðgerð sem
hægt væri að hugsa sér í því skyni
að fá til bæjarins ungt vel menntað
fólk með ferskar hugmyndir. Líta
mætti á byggðaröskun undangeng-
inna ára sem sjúkdóm, en með að-
gerðum ÍE, FSA og HÁ væri byijað
á að vinna gegn meininu.
„Með þessu býðst ungu fólk sem
er að koma úr námi annar valkostur
en að setjast að á höfuðborgarsvæð-
inu og er það vel,“ sagði Kristján.
MIÐVIKUDAGUR 20. DESEMBER 2000 4J
Ovissa hjá 600 framhaldsskólanemendum
sem ætluðu að ljúka námi fyrir jól
Vonasttil
að háskólar
svni lipurð
við inntöku
EIR framhaldsskólanem-
endur sem ætluðu að
ljúka prófum fyrir jól,
og hafa sótt um inn-
göngu í framhaldsnám í háskóla
eftir áramótin, en ekki getað
vegna verkfalls framhaldsskóla-
kennara, eiga rétt á að fá stað-
festingu skólanna um námsfram-
vindu. Alls ætluðu um 600
nemendur í framhaldskólum
landsins að ljúka námi á þessari
önn, annaðhvort með stúdents-
prófi eða frá starfsmenntabraut-
um, en vegna verkfallsins er ljóst
að þeir eru í mikilli óvissu um að
geta haldið áfram framhaldsnámi
eftir áramót. Talsmaður stjórn-
enda í framhaldsskólum vonast til
að háskólar sýni lipurð þegar
kemur að umsóknum um skóla-
vist.
Þórður Kristinsson, kennslu-
stjóri við Háskóla íslands, segir
við Morgunblaðið að erfitt sé að
meta stöðuna á þessu stigi. Fyrst
þurfi verkfallið að leysast áður en
ákvarðanir verði teknar um fyr-
irkomulag inntöku nýnema í skól-
ann.
„Þetta snýst að sjálfsögðu um
undirbúning nemendanna. Þeir
þurfa að hafa þann undirbúning
að baki sem háskólanámið krefst.
Stúdentsprófið hefur verið talið
mælikvarði á þann undirbúning.
Hins vegar höfum við heimildir til
að veita undanþágur frá því og
skilgreina okkar eigin inntöku-
skilyrði,“ segir Þórður.
Háskóli íslands
hefur áliyggjur
Óháð verkfallinu segir Þórður
að vinna hafi verið í gangi innan
háskólans frá því í vor, vegna
nýrrar alnámskrár framhalds-
skóla, að breyta inntökuskilyrð-
um í skólann. Ljóst sé að mat á
stúdentsprófi hafi breyst og þar
með breytist ýmislegt í inntöku-
skilyrðum. Skoða eigi æskilegan
undirbúning og hvort ástæða sé
til að setja frekari skilyrði í viss-
um deildum Háskólans.
„Við höfum að sjálfsögðu rætt
þessi mál og höfum áhyggjur af
stöðunni, nemendanna vegna. Við
ákváðum að staldra við og sjá
hverju fram yndi í verkfallinu og
taka þá á málum þegar að því
kæmi. Þetta er allt orðið hið
versta mál,“ segir Þórður.
Aðspurður hvort Háskóli Is-
lands hafi þegar orðið var við af-
leiðingar verkfallsins og umsókn-
ir nemenda um skólavist, segir
Þórður að nokkrar munnlegar
fyrirspurnir hafi borist. Námið sé
einkum á ársgrundvelli og hefjist
hjá flestum nemendum að hausti.
Hann segir reynslu síðustu ára
hafa sýnt að 100-150 nemendur
hafi byijað nám í janúar og þar af
flestir komið beint úr stúdents-
prófi í framhaldsskólum fyrir jól.
Hann segir Ijóst að vegna verk-
fallsins fækki þessum nemendum
verulega.
Munu rýmka
umsóknarfrest
Þórður segir að mikil vinna bíði
starfsfólks háskólans við að meta
umsóknir, takist nemendum ekki
að ljúka stúdentsprófi. Hann bæt-
ir því við að háskólanum sé heim-
ilt að miðað við annan undirbún-
ing en stúdentspróf. Oftast sé það
eldra fólk sem hefur starfs-
reynslu að baki sem metin er til
jafns á við stúdentspróf.
,AHt snýst þetta um undirbún-
inginn. Framhaldsskólar undir-
búa fólk undir lífið og meðal ann-
ars fyrir háskólanám. Undir-
búningurinn verður að vera í lagi
til að hægt sé að takast á við
námið. Við biðjum ekki um annað.
Við munum skoða hvert tilvik fyr-
ir sig þegar umsóknir berast.
Nemendur hafa nú tapað tveimur
mánuðum í náminu. Það er fram-
haldsskólanna að taka ábyrgð á
því hvaða nám þeir staðfesta. Við
munum ekki koma inn í það nema •
eftir að verkfallið leysist og þá í
samvinnu við framhaldsskólana.
Ef að námslok tefjast fram á
sumar þá munum við bregðast við
með rýmkun umsóknarfrests.
Annars teljum við að best sé að
ákveða ekkert fyrr en öll spilin
liggja á borðinu," segir Þórður
ennfremur.
Bagaleg staða
Sölvi Sveinsson, skólameistari
Fjölbrautaskólans í Ármúla og,
formaður Félags íslenskra fram-
haldsskóla, segir stöðuna baga-
lega hjá þeim nemendum sem
ætluðu að útskrifast nú og halda
áfram námi eftir áramót. Að hans
sögn ætluðu um 600 nemendur
um land allt að setja upp hvítu
kollana fyrir jólin eða ljúka
starfsmenntanámi.
„Mér er kunnugt um nokkra
nemendur í mínum skóla sem
áttu vísa vist í Tækniskólanum og
Háskóla Islands. Það er síðan á
valdi einstakra deilda þar hvað
gerist. Við getum gefið út vottorð
um námsframvindu þeirra eins og
hún hefur verið í skólanum en við
getum ekki metið árangur þeirra
í einstökum greinum núna. Það
verða kennara okkar að gera þeg-
ar þeir koma inn,“ segir Sölvi.
Hann vonast til að háskólarnir
sýni lipurð við afgreiðslu um-
sókna framhaldsskólanema um
skólavist, að tekið verði tillit til
þess hvernig nemendur hafa stað-
ið sig fram að verkfalli. Ekki
verði ástæða til að ætla annað en
að þeir standi sig jafnvel hér eft-
ir.
Sölvi segir það endanlega Ijóst
að útskrift eftir haustönn hjá
framhaldsskólunum verði ekki
fyrr en í janúar eða febrúar, úr
því sem komið er. Hvort ekki
megi búast við erfiðri stöðu
næsta haust, þegar taka á inn ný- .;
nema í framhaldsskóla, segir
Sölvi það fara eftir því hvernig
takist að flétta saman haust- og
vorönn. Vonir standi til að ljúka
vorönn í lok maí. „Eg miða þá við
að skólastarf geti hafist strax í
byrjun janúar, sem við vonumst
öll eftir.“
Sölvi segir að ef verkfallið leys-
ist um áramótin sé ljóst að gríð-
arleg vinna á skömmum tíma bíði
starfsfólks framhaldsskólanna og
þeirra er setja saman stundatöfl-
ur.
Háskólinn í Reykjavík er ekki
þeirri stöðu núna að taka við um-
sóknum frá nemendum sem ekki
hafa lokið prófum. Engir nýir
nemendur eru teknir inn um ára-
mót, að undanskildum þeim er
hefja framhaldsnám til MBA-
gráðu. Aðeins er hægt að hefja
nám við tölvu- og viðskiptafræðk.
deildir að hausti.