Morgunblaðið - 22.12.2000, Page 13

MORGUNBLAÐIÐ
FÖSTUDAGUR 22. DESEMBER 2000 13
FRÉTTIR
Skjaldfönn slær eigið Islandsmet í meðalafurðum
Morgunblaðið/Helgi Bjamason
Indriði Aðalsteinsson sauðfjárbóndi á hlaðinu á Skjaldfönn.
Um 67% gefa
stefnuljós á
hringtorgum
UM 67% ökumanna gefa stefnuljós í
hringtorgum, að því er fram kemur í
könnun á stefnuljósanotkun á höfuð-
borgarsvæðinu, sem ungmennadeild
Bindindisfélags ökumanna stóð fyrir.
Könnunin leiddi hins vegar í ljós að
stefnumerkjagjöf er algengari á hefð-
bundnum gatnamótum þar sem um-
ferð er mikil, t.d. gáfu um 99% öku-
manna stefnuljós til hægri frá
Kringlumýrarbraut inn á Hamrahlíð.
Eftir forkönnun var ákveðið að
kanna stefnuljósanotkun á þremur
stöðum þar sem umferð er mikil, við
hringtorgið Melatorg í Vesturbæn-
um, á Kringlumýrarbraut þar sem
beygt er til hægri inn á Hamrahlíð og
á Kringlumýrarbraut þar sem beygt
er til vinstri inn á Hamrahlíð.
Eins og áður sagði gáfu um 67%
ökumanna stefnuljós á hringtorginu,
en þeir sem eru í ytri hring eiga að
gefa stefnumerki til vinstri ætli þeir
ekki út úr torginu á fyrstu gatnamót-
um en þurfa ekki að gefa stefnumerid
hyggist þeir fara út úr torginu. Þessu
er öfugt farið með þá sem eru í innri
hring. Þeir ökumenn sem tóku vinstri
beygju frá Kringlumýrarbraut inn á
Hamrahlíð voru nokkuð samvisku-
samari samkvæmt könnuninni, en um
73% þeirra gáfu stefnumerki.
Stefnuljósanotkun var áberandi
best hjá þeim ökumönnum sem
beygðu til hægri frá Kringlumýrar-
braut inn á Hamrahlíð, en um 99%
þeirra gáfu stefnuljós. Þessi tala
óvenju há miðað við eldri kannanii-.
Skýringin er talin geta verið sú að
ökumenn séu samviskusamari þegar
umferð er mikil og hröð, en ökumenn
eru taldir vera í meiri hættu á þessari
götu ef þeir hægja á bílnum og gefa
ekki stefnuljós.
Átti ekki
von á
þessu
LJÓST er að meðalafurðir eftir
hverja á voru nærri því tveimur
kílóum meiri í haust en í fyrra. Þá
hefur sauðfjárbúið á Skjaldfönn við
Isafjarðardjúp slegið eigið Islands-
met í afurðum, það skilaði í haust
39,5 kg kjöts eftir hverja vetr-
arfoðraða á.
„Ég átti ekki von á að ná svona
góðri niðurstöðu, þóttist góður ef
ég héngi í því sem ég náði árið
1997, 38,9 kg,“ segir Indriði Að-
alsteinsson, bóndi á Skjaldfönn, en
afurðirnar sem þá náðust þóttu
með ólíkindum miklar og þær
mestu sem fengist höfðu á með-
alstóru búi, þangað til nú.
Að sögn Jóns Viðars Jónmunds-
sonar, sauðfjárræktarráðunauts
hjá Bændasamtökum Islands, er
öruggt að afurðirnar á Skjaldfönn
eru þær mestu sem nokkurt sauð-
fjárbú nær í ár, og þær mestu sem
bóndi með fullt bú hefur náð en
dæmi séu um slíkar afurðir hjá
mönnum sem eru með fáeinar kind-
ur.
Stefnir á 40 kg
Indriði átti í haust ekki von á þvi
að ná svona góðum afurðum, vegna
þess að frjósemi ánna var lakari í
vor en oftast áður. Kenndi hann um
lélegum heyjum. Hann hefur venju-
lega fengið 200 lömb eftir hveijar
100 ær en fékk í vor aðeins um 190.
Einnig dró það úr bjartsýni Indriða
í haust að miklir hitar og þurrkar
voru í sumar og tafði það fyrir
framfórum á því fé sem gekk lágt.
Við slátrun kom hins vegar í ljós að
lömbin voru ótrúlega þung. Þannig
skiluðu tugir tvílembdra áa meira
en 50 kílóurn af kjöti og sú besta
skilaði um 54 kflóum.
„Við hefðum farið í 40 kfló að
meðaltali eða meira ef fijósemin
hefði verið með eðlilegum hætti,“
segir Indriði. Er hann bjartsýnn á
næsta ár, segir að ekki ætti að vera
vandamál að ná 40 kflóa markinu
með þessu fé. Segist hann vera vel
heyjaður og frjósemin ætti að verða
í góðu lagi.
Féð á Skjaldfönn er stórvaxið og
hefur kjötið af því ekki þótt flokk-
ast nógu vel í nýja Euro-matskerf-
inu. Indriði segir að það hafi komið
sér á óvart hvað flokkunin var
makalaust góð. Þannig hafi 36,5%
dilkanna farið í tvo efstu flokkana,
það sé stórt stökk frá síðasta ári.
Indriði liggur nú yfir fjár-
bókhaldinu til að reyna að vclja
réttu hrútana fyrir allar ærnar
enda sé það ákaflega mikilvægur
þáttur í kynbótastarfinu. Hann
hyggst byrja að hleypa hrútunum
til ánna 27. eða 28. desember sem
þýðir að sauðburður hefst ekki fyrr
en undir 20. maí.
Auknar meðalafurðir
Jón Viðar Jónmundsson sauð-
fjárræktarráðunautur segir að búið
sé að skrá afurðir tæplega helm-
ings þeirra kinda sem eru skýrslu-
færðar í sauðQárræktarfélögum
landsins. Segir hann Ijóst að i haust
hafi meðalafurðir eftir hveija á
verið meiri en áður hefur þekkst og
telur hann að aukningin frá því í
fyrra nemi allt að tveimur kflóum.
Á sjötta hundrað umsókna
um félagslegar leigu-
íbúðir bíður afgreiðslu
STARFSFÓLK Félagsþjónust-
unnar í Reykjavík segir húsnæð-
iseklu og háa húsaleigu á höfuð-
borgarsvæðinu vera eina
aðalástæðu þess að fólk sækir um
fjárhagsaðstoð hjá stofnuninni.
„Húsnæðismálin eru það sem
helst brennur á mönnum. Fólk er
að borga svo stóran hluta af laun-
um sínum í húsaleigu að ráðstöfu-
tekjurnar eru ekki nokkrar eftir
að leigan hefur verið greidd,“
sagði Auður Vilhelmsdóttir, starfs-
maður á skrifstofu félagsmála-
stjóra.
Umsóknir um félagslegt leigu-
húsnæði hafa margfaldast á síð-
ustu árum og við síðustu mán-
aðamót beið hátt á sjötta hundrað
umsókna afgreiðslu. Þær umsóknir
sem nú er verið að úthluta eftir
eru allt að tveggja ára enda eru
margir um hverja íbúð sem losnar.
Aðspurð hvar fólk á biðlista dveldi
á meðan það biði eftir afgreiðslu
íbúða sagði Auður fólk ýmist búa
inni á vinum og ættingjum, ef það
ætti þess kost, en sumir þyrftu að
láta sér ófullnægjandi og stundum
skelfilegar aðstæður nægja.
Reglur um fjárhagsaðstoð frá
félagsþjónustunni segja að ef fólk
er fyrir ofan viðmiðunarmörk þá
eigi það ekki rétt á fjárhagsaðstoð
og verður að leita annarra leiða
eftir aðstoð. Mörkin hjá einstak-
lingum eru 60.136 krónur á mánuði
og 108.241 hjá hjónum. Auk þess
var sérstakur jólastyrkur greiddur
nú í desember líkt og tíðkast hjá
launþegum.
Gagnrýni að
nokkru réttmæt
Eins og kom fram í Morgun-
blaðinu í gær hefur Asgerður
Flosadóttir, formaður mæðra-
styrksnefndar, gagnrýnt félags-
þjónustuna fyrir að senda skjól-
stæðinga sína til nefndarinnar.
Auður sagði þessa gagnrýni að
nokkru réttmæta þar sem starfs-
fólk hefði vissulega bent fólki á að
snúa sér til mæðrastyrksnefndar
eða Hjálparstarfs kirkjunnar þó
þetta væri ekki gert eftir einhverj-
um ákveðnum tilmælum. „Urræðin
eru ekki til í raun og veru svo
starfsfólkið bendir fólki sem er yf-
ir viðmiðunarmörkunum aðeins á
staði þar sem gæti verið möguleiki
áað hljóta aðstoð. Þetta eru ein-
göngu vinsamlegar leiðbeiningar."
Mikil aðsókn hefur verið í aðstoð
mæðrastyrksnefndar og Hjálpar-
starfsins fyrir þessi jól og langar
biðraðir við húsnæði nefndarinnar
hafa verið dagleg sjón.
Álverð rúmir 1.600 dalir tonnið
ÁLVERÐ hefur verið rúmir 1.600
Bandaríkjadalir tonnið á málm-
markaðnum í Lundunum síðustu
daga og er það ívið hærra verð en að
meðaltali á árinu, samkvæmt upp-
lýsingum Hrannars Péturssonar,
upplýsingafulltrúa Islenska álfélags-
ins.
Hrannar sagði að álverðið að með-
altali fyrstu níu mánuði ársins hefði
verið 1.559 Bandaríkjadalir á málm-
markaðnum í Lundúnum. Það sé
nokkru lægra verð en búist hafi ver-
ið við, en spár hafi gert ráð fyrir að
verðið yrði 100-150 Bandaríkjadöl-
um hærra fyrir tonnið. Skýringar á
því að álverð hafi ekki orðið jafnhátt
og búist hafi verið við séu nokkrar,
þar á meðal mikið framboð á fyrri-
hluta ársins, auk þess sem nokkur
álfyrirtæki hafi ákveðið að auka
framleiðslugetu sína á næstunni.
Mikil eftirspurn
Hrannar sagði að eftirspum eftir
áli hafi hins vegar verið mikil vegna
góðs efnahagsástands og því hafi
verðið heldur hækkað síðari hluta
ársins.
Hrannar sagði að spár gerðu ráð
fyrir því að verð á áli á næsta ári yrði
á bilinu 1.550 til 1.650 dalir fyrir
tonnið. Áfram væri gert ráð fyrir
litlu svigrúmi milli framboðs og eft-
irspurnar og að viðkvæmt ástand í
efnahagslífí mundi setja álverðinu
skorður
Á síðasta ári var afkoma ÍSAL sú
næstbesta frá upphafi, en þá varð
hagnaðurinn um tveir milljarðar
króna. Hrannar sagði að ekki væri
hægt segja til um afkomuna í ár að
svo komnu, en reksturinn á árinu
hefði gengið ágætlega tæknilega
séð.
Samið við tannsmiði
SAMTÖK atvinnulífsins og Tann-
smiðafélag Islands hafa skrifað und-
ir nýjan kjarasamning sem gildir til
loka árs 2004. Helstu atriði samn-
ingsins eru þau að byrjunarlaun
sveina voru ákveðin 90.000 frá 1. des-
ember 2000. Laun og kjaratengdir
liðir hækka um 3% frá 1. desember
sl., 1.janúar 2002 ogl.janúar 2003.
Þeir starfsmenn sem ekki hafa
fengið hækkun launa sinna á árinu
2000 fá aukalega 3,9% hækkun frá 1.
desember og 12.000 kr. eingreiðslu
eigi síðar en 1. janúar 2001.
Veikindaréttur tannsmiða var
aukinn sem og réttur vegna veikinda
barna. Einnig var sett inn ákvæði
um 1% mótframlag atvinnurekenda
á móti 2% framlagi starfsmanns til
viðbótarlífeyrissparnaðar. Hækkar
mótframlagið í 2% þann 1. janúar
2002.
Tilvalin
jólagjöf
Tilboð
2.595 kr
Skrúfjárna/bitasett
42 stk
HÚSASMiDJAN
Sími 525 3000 • www.husa.is