Árbók Hins íslenzka fornleifafélags - 01.01.1961, Blaðsíða 105
ISLENZKUR TRÉSKURÐUR 1 ERLENDUM SÖFNUM
109
brún. Annars er upphleyptur skurður alls staðar á framhliðinni,
að jafnaði um 5 mm á hæð. Samhverf skreytistilhögun á yfirbrík-
inni. Á henni miðri er skrípagríma í laginu nokkurnveginn eins og
hjarta. Upp af henni spretta tveir jurtastönglar, sem vefjast í sí-
vafninga og eru á báðum tvö tungulaga blöð. Jurtir þessar mynda
útlínu yfirbríkarinnar að nokkru leyti. Stöngull gengur einnig nið-
ur á við frá hvorri hlið grímunnar. Enda greinarnar í oddhvössum,
sveigðum blöðum. Báðum megin við grímuna eru ferfætt kynjadýr.
Snúa þau bæði inn að miðju. Hafa stóran klepp. Eru í mannsmynd
ofan mittis og teygja fram handleggi. Sverð í báðum höndum. Munu
vera síðhærð, en höfuðið sést á hvorugu, þar eð stykki vantar hér
í bríkina. Kroppar dýranna, gríman og sum blöðin skreytt með
naglskurði. Hinir upphleyptu skreytishlutar að mestu sléttir að
ofan, og dálítið ávalir. Á báðum hliðarfjölum er teinungur, sem
sprettur upp af blaðsveig neðst. Eru næstum samhverfir hvor gegnt
öðrum. Teinungarnir enda efst á stóru blómi (séðu frá hlið). Að
öðru leyti mestmegnis sömu frumhlutar og í efstu jurtunum á yfir-
bríkinni. Fremur reglulegar bylgjur. Tvær greinar í hverri, önnur
með tveimur blöðum, hin með einu, öll skreytt með naglskurði og
kringd í endann. Meðfram stönglinum er röð smáblaða með sömu
lögun. Er hvelft upp úr þeim með skipaskurði, sem er kringdur í
annan endann, en oddhvass í hinn. Á huröinni eru fimm skreytis-
fletir, allir í sléttum ramma, ávölum að ofan, liðlega 1 sm á br. Reit-
irnir efst, í miðju og neðst eru ferhyrndir, en milli þeirra eru
tveir kringlóttir reitir. í þeim efsta og neðsta er lítið, samhverft
jurtaskreyti, úr svipuðum atriðum og þau, sem getið var áður. í mið-
reitnum er skrautbekkur úr flötum böndum, líkist hann mest me-
ander-röð. Milli hlykkjanna eru litlar, upphleyptar kringlur. I kringl-
óttu reitunum er uppistandandi jurt, sem skýtur greinum samhvei’R
til beggja handa, og ber hún svipuð blöð og umræddar jurtir. í þeim
efri eru litlir hundar (ljón?), sinn hvorum megin við stofninn. Þeir
reisa sig á afturfæturna og liorfa inn að miðju. Hálsbönd og lafandi
eyru. I neðri reitnum er einn hundur (ljón ?), séður frá hlið, og er
á bak við stofninn. Meira stílfærður. Trýnið líkist nefi. Milli hinna
strikhefluðu bekkja á undirbrikinni eru einungis fáeinar þróttmikl-
ar skáskorur, fjórar og fjórar saman í kafla. Hallast tveir kaflanna
á einn veginn, tveir á annan. Tungur á neðri brún. — Sómasamlegur
frágangur.
4. Hvorki dagsetning né ártal.