Árbók Hins íslenzka fornleifafélags - 01.01.1961, Blaðsíða 170

174
ÁRBÓK FORNLEIFAFÉLAGSINS
fjárveiting og aðrar ástæður leyfðu. Teknar voru saman þrjár spurn-
ingaskrár og sendar út til heimildarmanna. Fyrsta skrá er um slátr-
un og sláturstörf. Var hún send til 134 manna víðs vegar um land, en
aftur bárust 90 svör. Þessi skrá var send frá safninu seint í febrúar.
Önnur skrá er um nautpening, allt sem lýtur að meðferð kúa, og
er mjög ýtarleg. Hún var send til 81 heimildarmanns, sumra seint
í apríl, annarra um miðjan nóvember. Um áramót höfðu borizt
30 svör. Þriðja skrá er um haugburð og vallarvinnu og var send 43
heimildarmönnum síðast í nóvember. Um áramót höfðu borizt 6
svör.
Af tölum þeim, sem hér eru birtar, mætti í skjótræði draga þá á-
lyktun, að málefni þetta hefði fengið góðar undirtektir í fyrstu,
en áhugi dvínað, þegar á árið leið. En þetta er ekki rétt. 1 fyrstu
lotu var rennt nokkuð blint í sjóinn um heimildarmenn, og margir
þeirra, sem fengu fyrstu skrána senda, hafa af ýmsum ástæðum ekki
getað sinnt þessu. Þeim verða að sjálfsögðu ekki sendar fleiri skrár.
Ýmsir þeir, sem þó svöruðu fyrstu skránni, töldu sig ekki mega vera
að þessu eða báðust undan því af fleiri en einni ástæðu, hjá sumum
voru svörin það rýr að þeir virtust lítið sem ekki hafa til málanna
að leggja. Allt stuðlaði þetta að því að síðari skrárnar voru sendar
færri mönnum en hin fyrsta, en kjarninn er að því skapi betri. Um
áramót á áreiðanlega eftir að berast allmikið af svörum við skrá II
og því sem næst öll svör við skrá III. Yfirleitt hafa menn tekið því
vel að svara þessum spurningaskrám, og stendur safnið nú þegar
í þakkarskuld við marga ágæta menn, sem lagt hafa hönd að þessu
sjálfboðastarfi. Reynsla ársins sýnir, að enn er hægt að safna mikl-
um og merkilegum heimildum um íslenzka þjóðhætti, og er ástæða
til að fagna því að þessari starfsemi var hrundið af stað, þótt seint
væri. Þórður Tómasson frá Vallnatúni hefur tekið spurningaskrárn-
ar saman í nánu samstarfi við þjóðminjavörð. Ber þess að lokum að
geta, að hann hefur þegar gert undirbúning að fleiri skrám, og
rætt hefur hann við marga gamla menn og skrifað upp fróðleik eftir
þeim málefni þessu til framdráttar.
K. E.