Árbók Hins íslenzka fornleifafélags - 01.01.1968, Blaðsíða 92
96
ÁRBÓK FORNLEIFAFÉLAGSINS
gat hæglega komizt yfir myndina, meðan hann var á Norðurlandi, og
hjá honum eða eftir hann hefði svo Oluf Finsen frændi hans getað
fengið hana. Oluf Finsen lifði til 1896, en Jón Finsen átti ekki börn.
En hvað sem er um allt þetta, verður ekki annað séð líklegra en
að myndin í Þjóðminjasafni, áður í Frederiksborgarsafni og seld
því 1917 af Jóni Finsen á Vallo, sé sjálf frummyndin af Finni biskupi,
sú sem máluð hefur verið af honum í Kaupmannahöfn 1754. Myndin
er sýnilega gerð af góðum og vönum andlitsmálara. Ef þetta er rétt,
sem næstum hlýtur að vera, er þetta frummyndin, sem bæði nr. 1 hér
að framan og nr. 3 hér á eftir eiga rætur sínar að rekja til og síðan
allar myndir, sem birtar hafa verið af Finni biskupi. Þessi mynd er
því langmerkust allra mynda af honum og sú, sem öllum öðrum frem-
ur er takandi mark á. (Sjá viðauka hér á eftir, um líklegan höfund
myndarinnar).
3. Þriðja myndin í þessum flokki er í eigu Helge Finsen, arkitekts
í Kaupmannahöfn. Þetta er málverk á striga, sporöskjulagað, í gyllt-
um strikuðum ramma. Hæð blindrammans 70 sm, breidd 53 sm. Saga
þessarar myndar verður rakin svo sem nú skal greina (6. mynd) :
Steindór Finnsson sýslumaður skrifar í bréfi dags. 20. sept. 1802
til mágkonu sinnar Valgerðar Jónsdóttur, ekkju Hannesar biskups:
„Viltu alleina bera kostnaðinn fyrir skilderie sál: föður míns?
Mér sýnist mikið billegt, að hann skiptist í fjóra staði, nefnilega milli
þín og okkar þriggja núlifandi sona hans, en systir Ragnheiður og
sál. systur börn sleppi þar frá. Hvað sýnist þér þar um?“19
Enn fremur skrifar Steindór sýslumaður til frú Valgerðar í bréfi
dags. 18. okt. 1802:
„Minn anpart af Skilderies andvirðinu bið eg þig af mér þiggja;
hann leggst hér inn 5 rd 16 sk. Þegar eg skrifa bræðrum mínum
næst, mun eg lauslega láta þá vita, hvað Skilderiið hefur kostað þig,
og ráða þeir þá sjálfir, hvað þeir hver um sig vilja þar við gjöra“.20
Þessi bréf Steindórs sýslumanns sýna, að erfingjar Finns biskups
hafa tekið sig saman um áð láta gera mynd af honum, eflaust þá til
þess að setja hana upp í Skálholtskirkju. Svo mætti virðast sem frú
Valgerður hafi haft frumkvæði að þessu, en kostnaður hafi átt að
skiptast milli erfingjanna. Myndin virðist hafa verið fullgerð haust-
ið 1802 og hefur líklega kostað rúma 20 ríkisdali, ef kostnaðinum hef-
ur verið skipt í fjóra hluta, eins og Steindór sýslumaður lagði til.
Trúlegt er, að myndin hafi fljótlega verið hengd upp í kirkjunni, en
10 Lbs. 31 fol., 189—190.
20 Lbs. 31 fol., 195.