Árbók Hins íslenzka fornleifafélags - 01.01.1984, Síða 155

AF TVEIMUR ÍSLENSKUM MIÐALDAINNSIGLUM
159
?. Innsigli Sleinmóðs ábóta eins og það er teiknað af Árna Magnússyni í Á.M. 217 8vo. Ljósm.:
Jóhanna Ólafsdóttir. Stofnun Árna Magnússonar.
ekki ráðið fullkomlega við áletranirnar á sama hátt og Peter Andreas
Munch gerði á síðustu öld. Hér skal því reynt að bæta úr þessu.
II. Um innsigli Steinmóðs ábóta í Viðey
Þetta insigle Steinmodar Abota i Videy
er riett rissad epter archetypo, sem er
giördur af kopar, og eg eignast hefi, á
Stadarhole 1703. Steinmodur abote dö 1481.
Svo ritar Árni Magnússon á eitt af minnisblöðum sínum og við þessa-
lýsingu er teiknuð mjög fögur innsiglismynd (sjá 1. mynd). Er þar
einnig komið annað innsiglið sem enn er til í Kaupmannahöfn (sjá 2.
mynd). Innsigli Steinmóðs ábóta í Viðey (D 1217/1981) er gjört úr kop-
arblöndu (bronsi) og er hringlaga. Mesta þvermál þess er 3,6 cm og
þykktin mest 1,1 cm. Á innsiglisflötinn er grafin innsiglismyndin, en á
efri hlið er áfastur lítill kambur, sem hægt var að halda um er innsiglinu
var þrýst í vax. Gat er í gegnum kambinn.
Á innsiglisflötinn er í fyrsta lagi grafin mynd af heilögum Andrési
postula, þar sem hann sést negldur upp á hinn X-laga Andrésarkross,
bæði á fótum og höndum. Andrés er klæddur í hnésíðan og ermalangán
kyrtil, með belti um sig miðjan. Hann ber kollflatan hatt á höfði og yfir
því er geislabaugur. Á hægri hönd Andrésar er brjóstmynd af manni í
biskupsskrúða, með mítur og bagal og blessar hann með hægri hendi að
biskupa sið. Vinstra megin við Andrés á krossinum er lárétt hjarta, sem
í standa tvær örvar. í ikonografíu miðaldakirkjunnar var þetta venjulega
tákn (attributum) hcilags Ágústínusar biskups og kirkjuföður og táknar