Árbók Hins íslenzka fornleifafélags - 01.01.1993, Síða 131

MJALTASTÚLKAN í GÍGNUM
135
Umhverfi og aðstæður í Höfninni við Flatey
Flökin fundust eins og að framan greinir í Hafnarey við Flatey á Breiða-
firði. 1 er einmitt rétta orðið því Hafnareyjan er í raun gígur sem er rofinn í
suður og fullur af sjó. Sjálfur gígurinn er oft kallaður Höfnin. Þar hvíla
flökin fullkomlega örugg fyrir veðrum og vindum en jafn óörugg fyrir
ásókn mannanna.
Hafnareyjan og Höfnin eru í kallfæri norður af þorpinu í Flatey og þar
hafa löngum legið skip við bólfæri og gera enn, enda höfnin einstök af
náttúrunnar hendi. Mest er dýpið ca. 10 m fyrir miðju Hafnarinnar en
flökin eru á 4-8 m dýpi, vestarlega á eynni. Gæti ég trúað að höfn hafi ver-
ið í Hafnarey þegar á miðöldum en eldri höfn verið sunnan megin í Flatey
þar sem nú heitir Dugguvogur. Dreg ég þá ályktun af staðháttum þar sem
þeir minna mjög á staðhætti ýmissa þekktra verslunarstaða frá víkinga-
öld. Þar er aðgrunnt, ströndin sendin og ekki mjög bratt. Ekki skaðar
nafnið Dugguvogur, sem gæti bent til miðalda.
Þegar komið er inn á Höfnina er aldan yfirleitt lítil þó að stórsjór sé úti
fyrir. Við forkönnun á staðnum í byrjun september 1992 var mikill sjór á
Breiðafirði, en sléttur sjór í Höfninni og köfun fyrirhafnarlítil (sama á við
um Dugguvog).
í Hafnareynni verpa þúsundir fugla sem hafa bróðurlega skipt með sér
eynni og þar má m.a. sjá lundabyggð, ritubyggð og mávabyggð. Heilsaði
þetta fuglager okkur köfurum daglega með misskerandi gargi.
Botn Hafnarinnar er þakinn ljósum sandi þar sem flatfiskar og önnur
botndýr halda til. Lítið er um gróður í miðju gígsins, en þegar nær dregur
sjálfri eynni og halla tekur upp á við eykst gróðurinn og þekur stór svæði