Árbók Hins íslenzka fornleifafélags - 01.01.1993, Page 142

146
ÁRBÓK FORNLEIFAFÉLAGSINS
Hafnareyjar urðu skipasmiðirnir í Flatey að vera án hans á sínum tíma og
hlýtur það að hafa valdið nokkrum vanda við endursmíðina.
Að lokum er vert að taka það fram að rannsókn þessi er afar smá í snið-
um eftir því sem gerist um fornleifarannsóknir neðansjávar. En hún er
alltént einhverskonar byrjun og gaf okkur sem að henni stóðum geysilega
dýrmæta reynslu sem kannski kemur að notum, þó síðar verði. Vissulega
hefði verið gaman að fá að rannsaka aðeins stærri hluta af skipinu, en á
því voru engin tök.
Ég er þess fullviss að við Islandsstrendur, eins og á landinu sjálfu, ligg-
ur fjársjóður af upplýsingum um sögu þessa lands hvort sem við köllum
þá sögu verslunarsögu, almenna sögu eða annars konar sögu. Sennilega er
þessi sjóður stærri og áhugaverðari en við gerum okkur í hugarlund og á
ég þá bæði við áþreifanlega gripi og upplýsingar. Til að veiða þennan fjár-
sjóð úr hafinu þarf mikla þolinmæði og reynslu og mikið fé.
Þó óttast ég að eins fari fyrir sjávarminjum og öðrum minjum hér á
landi að þeirra bíði algert afskipta- og áhugaleysi. Astæðuna fyrir því má
að hluta til rekja til þess aðbúnaðar sem minjavörslunni í landinu er skap-
aður.
En við sem störfum að minjavörslu berum þó nokkra ábyrgð á þeim að-
búnaði. Það hugarfar okkar, sem lýsir sér í aðgerðaleysi sem jafnframt er
áhættulaust ræður miklu um skeytingarleysi fjárveitingavaldsins gagnvart
minjavörslu. Þannig eigum við öll þátt í því að gera minjavörslu þessa
lands að hornreku. En ég vona að þessar aðfinnslur mínar verði sem fyrst
ógildar.
Teikning 6. Brot affallstykki semfannst í Höfninni norðanverðri.