Eimreiðin - 01.01.1903, Blaðsíða 18

i8
Framsóknarflokknum, hafa því Heimastjórnarmennirnir stimplað
sjálfa sig sem afturhaldsflokk.
En hvernig verður þessu komið heim við yfirlýsingu Heima-
stjórnarflokksins um, að hann vilji styðja öll þau mál, sem standi
í stefnuskrá Framsóknarflokksins? Jú, það er ofurhægt, ef betur
er að gáð. Loforði hans um stuðninginn fylgir sem sé dálítil við-
bót, sem menn verða vel að taka eftir. Hann heitir þeim aðeins
fylgi sínu »á sínum tíma«. En hvenær sá tími muni koma, um
það segir flokkurinn ekkert. Hann getur komið að io eða 20 eða
kannske ekki fyr en að 50 árum liðnum. Eví að flokkurinn ekki
miðar við eitt kjörtímabil (6 ár), má sjá af því, að hann segist
»verða a^ takmarka sig á næstu 3 þingum«. Pegar svo Framsókn-
arflokkurinn fer að bera fram málin á þingi, getur Heimastjórnar-
flokkurinn jafnan sagt, að hann hafi að vísu lofaö þeim fylgi sínu,
en það fáist nú ekki núna, sinn tími sé enn ekki kominn.
Og hér við bætist annað meira. Heimastjórnarflokkurinn hefir
að vísu lofað að styðja öll þau mál, sem standi í stefnuskrá P'ram-
sóknarflokksins, en hann hefir forðast eins og heitan eld að gefa
minstu bendingu um það, á hvern hátt hann ætli sér að styðja
þau. Eað er því engin minsta trygging fyrir því, að hann ætli
sér að styðja þau á sama hátt og Framsóknarflokkurinn, heldur
bendir andstaða hans miklu fremur á, að hann hugsi sér stuðning-
inn með einhverju öðru móti, en sem ekki sé vert að vera að
segja frá. Kjósendurna varði ekkert um það. Pað má því vei
búast við því, að þegar á þing er komið og Framsóknarflokkur-
inn fer að bera málin fram samkvæmt stefnuskrá sinni, þá rísi
Heimastjórnarflokkurinn upp og segi, að ekki hafi hann nú hugsað
sér það svona, heldur einhvern veginn öðruvísi, og komi svo með
ótal »fleyga«, sem verði málunum að falli. Og þá hefir afturhalds-
stefnan gengið sigri hrósandi af vígvellinum.
í þessum tveimur atriðum hefir Heimastjórnarflokkurinn greini-
lega svarið sig í ætt við alla afturhaldsflokka, ekki hvað sízt við
Hægriflokkinn danska (Estrúpsliðið). Sá flokku. hefir jafnan í
ávörpum sínum til þjóðarinnar heitið flestum framfaramálum fylgi
sínu, án þess að láta nokkuð uppi um, hvernig því ætti að vera
varið. Petta hefir hann orðið að gera vegna kjósendanna. En
svo þegar Vinstrimenn hafa farið að bera mál sín fram á ríkis-
þinginu, þá hafa Hægrimenn ýmist reynt að skjóta þeim á frest
eða eyðileggja þau með fleygum og óaðgengilegum breytingum.