Dagblaðið Vísir - DV - 27.08.1988, Síða 12

12
LAUGARDAGUR 27. ÁG0ST 1988.
Uppáhaldsmatur á sunnudegi
- Vilhjálmur
Egilsson
með uppskrift
helgarinnar
,„Ég elda alltaf af og til og
hef bara gaman af,“ segir
Vilhjálmur Egilsson hag-
fræðingur sem að þessu
sinni er matreiðslumaður
helgarinnar.
„Við erum talsvert með fisk
á borðum og þá gjarnan bak-
aðan í ofni. Uppskriftin, sem
ég læt fylgja hér með, er
þægileg og mjög góð. Ef gesti
ber að garði er oft gripið til
hennar. Annars er engin ein
tegund matar sem er í meira
uppáhaldi hjá mér en önn-
ur.“
Fiskréttinn, sem Vilhjálm-
ur gefur uppskrift að, segist
hann vera búinn að þróa með
sér í gegnum tíðina og sé
hann matreiddur í ýmsum
útgáfum. Fari svona eftir því'
hvað sé til í ísskápnum
hverju sinni. En í því eru ein-
mitt fólgin þægindin við
þennan rétt.
Ýsa í ofni
Ýsuflök, roðílett og bein-
hreinsuð
Ýsuflökin eru lögð í eldfast
mót og eru notuð ca 150-200
g á mann, fer eftir því hvaða
meðlæti er notað.
Því næst er búin til sósa en
í hana fer eftirfarandi:
Rjómi
sérrílögg
ostbitar
kókosmjöl
Mitt í verðbólguþrasinu er
gott að slappa af yfir pottun-
um og útbúa eitthvað girni-
legt aö borða. Vilhjálmur
Egilsson hagfræðingur kýs
að ofnbaka fisk að þessu
sinni - og nýtur dyggrar
aðstoðar sonarins, Ófeigs
Páls.
DV-mynd S
sveppir
graslaukur
eplabitar
ananasbitar
rækjur
Ekki er nauösynlegt aö nota allt
þetta í sósuna en hún verður girni-
legri ef þaö er gert. Hversdags er
ekkert aö því að nota mjólk í stað
rjóma og sleppa t.d. sérríinu.
Sósunni er hellt yfir fiskinn og
hann bakaöur í 20-30 mínútur, fer
eftir magni.
Borið fram með hrísgrjónum og
salati.
Hagfræðingurinn
bakar ýsu í ofni
Áður en Paui Hogan sló i gegn
vann hann störf sem ekki eru talin
til venjulegs undirbúnings fyrir
upprennandi stjömur. Hann sá um
þrif á sundlaugum, vann við við-
hald á brúm, keppti sem áhuga-
maður í hnefaleikum og ók vörubíl.
Hogan dregur sjálfur enga dul á
að hann er mjög sólginn í fjár-
hættuspU og á það til að sk vetta
ærlegaí sig á laugardagkvöldum.
Hann heldur þvi fram að það hafi
Hafnarbrúln i Sydney { Ástralíu. Paul Hogan vann viö viðhald hennar í 10 ár.
verið húmorinn sem lyfti honum
upp úr stöðu verkamanns og gerði
hann að kvikmyndastjörnu.
, ,Hann var ákaflega fyndinn og
virtist aldrei vera í vondu skapi,“
er haft eftir einum af samstarfs-
mönnum hans frá fyrri tíð.
Hogan fæddist 8. október árið
1939 i námabæ í Ástralíu. Hann
þótti mjög greindur á unglingsár-
um en hætti í skóla 14 ára gamall.
Hann fór aö vinna en stóð ekki
lengi við á hveijum stað. Hann fékk
m.a. vinnu sem baðvöröur í sund-
laug og náði þá mjög góðum ár-
angri í dýfingum sem hann stund-
aðiutanvinnutíma.
Á þessum árum kynntist hann
einnig 16 ára gamalli stúlku, Noe-
lene að nafhi. Hogan var ári eldri.
Þau giftu sig að tveim árum liðnum
þrátt fyrir að framtíðarvonimar
væru ekki bjartar. Hogan hélt
áfram að flækjast milli starfa,
drekkaogspila.
Þegar hann var 24 ára gamall og
búinn að eignast þrjú böm fékk
hann í fyrsta sinn fasta vinnu. Það
Paul Hogan, fyrrum verkamaður
og nú kvikmyndastjarna.
var við viðhald á brúnni yfir höfn-
ina í Sydney. Brúin er máluð ár
hvert og það tekur árið að mála
hana. Við þetta vann Hogan í 10 ár.
Árið 1971 koma hann fyrst fram
í sjónvarpi í Ástralíu. Hann birtist
næstu árin í ýmsum þáttum þar til
hann fékk sinn eigin þátt árið 1977
og hélt honum úti til ársins 1984.
Þá ákvað hann að ráðast í kvik-
myndagerð og árangurinn var fyrri
myndin um Krókódíla-Dundee. Nú
er önnur myndin komin og sýnd
hér sem annars staðar við mikla
aðsókn.